Video
12-min walk from Exit A, Sung Wong Toi Station
continue reading
Opening Hours
Today
09:00 - 22:00
Mon - Fri
11:00 - 22:00
Sat - Sun
09:00 - 22:00
*最後落單時間：21:00
Above information is for reference only. Please check details with the restaurant.
Recommended Dishes
第一次到啟德零售館吃東西，光顧的是在香港現已有三間店舖的「蒸廬」。兩夫妻吃的是晚飯，點了一個「二人套餐」（$258）和一份「蒸廬拼美點」（$68），無論點心、燉湯還是蒸飯，都相當不錯。店子新開不久，環境光鮮明亮，這晚我們坐在卡位，感覺就更舒服了。這裡的「二人套餐」包括一款主食和兩款燉湯，另外點心A可三選一，點心B可六選一，點心C可五選一，再加上兩客是日甜品，才兩百元多些，可算相當抵食。在六款主食中，我點了「蟲草花砂砂雞粒陳村粉」。大部分點心店都沒有得吃的陳村粉，其實我都很久沒有吃過了，這裡的做得不錯，淋上醬油後的陳村粉，與醃得入味的雞粒，加上少許蟲草花和大量薑粒、蔥花，已是一道令人回味的美食。兩款燉湯，兩夫妻分別點了「花膠蟲草花栗子燉土雞湯」和「黨參天麻川芎燉魚頭湯」。兩款湯的共通點是真材實料，湯料極之豐富，不同之處則是我的「花膠蟲草花栗子燉土雞湯」下了大量元肉和栗子，湯味十分清甜，滋補健康，太太的「黨參天麻川芎燉魚頭湯」則藥味濃重，味道帶苦，祛風散寒、補腦暖胃的功效。原來這裡的各款燉湯都有自家出品的湯包可以售賣，如果喝過覺得好飲的話，大可買回家中喝呢！三道點心，我們就揀了「晶瑩蝦餃皇」、「蒜香鮮蝦春卷」和「魚湯蟲草花鮮竹卷」。「晶瑩蝦餃皇」飽滿大隻，餡料甚多，蝦餃皮不算極薄，可也不會太厚，質素都算不錯。「蒜香鮮蝦春卷」新鮮炸起，熱燙香脆，也好吃。軟腍腍的「魚湯蟲草花鮮竹卷」索滿美味湯汁，口感豐富，與香口脆身的春卷截然不同，各有吸引的地方。是日甜品是「香芋椰子西米露」，味道頗甜，對愈來愈少吃甜食的我來說覺得甜了一點，不過太太就覺得味道甚好，很是滿意。除了這「二人套餐」外，另叫的「蒸廬拼美點」共有九件點心，有鹹有甜，當中包括「抹茶流汁叉燒包」、「蔗糖馬拉糕」、「晶瑩蝦餃皇」、「蟹籽燒賣皇」（兩件）、「鮮蝦菜苗餃」、「潮州大粉果」、「桂花蔗糖馬蹄糕」和「養生薑汁糕」。各款點心都水準不差，可見點心師傅的廚藝功夫不俗。第一次幫襯，原來這「蒸廬」的點心、燉湯和蒸飯的質素都非常不錯，怪不得分店愈開愈多啦！
continue reading
5751 views
貪新鮮，走去啟德體育園逛吓，原來有三個商場名為零售館，館內食肆林立，感覺上西餐比較多，正規一點的中餐似乎就是「蒸廬」，唔係一般細細間嘅點心專門店，面積都算大，卡位坐得很舒服，窗邊可以望到體育場。“蒸”品既美味又比較健康，非常適合我們三位女士，今日我哋就食吓點心燉湯，再來的話必嚐陳村粉及蒸飯。精裝佛跳牆 $98 (新張優惠，原價$118）真心推薦佛跳牆，湯頭非常甜，相信是紅棗、蜜棗及很多龍眼肉之功勞。真材實料，每盅皆有鮑魚、海參、花膠、鵪鶉蛋各一件、瑤柱、素翅、蟲草花及瘦肉等，全部材料煮至軟身，十分滋味。晶瑩蝦餃皇 $37 (下午茶)一客四粒．這個價錢抵食，而且蝦餃皮做得很好，煙靭夠薄，而大大粒的蝦、爽得來有蝦味。蟹籽燒賣皇 $34(下午茶)又係一盒四粒，大大粒，味道好。五香滷水鵪鶉蛋燒賣 $37(下午茶)鵪鶉蛋比一般香滑，可能是因為經過五香滷水汁處理，吃起來滷水味並不強但更好。士多啤梨蝦多士 $37(下午茶)蝦多士酥脆不油，脆軟交替，口感鮮美；添上士多啤梨醬原來很合拍，甜甜的，有助平衡膩感。大滿足班蘭咖央蝦盞 $45(下午茶)綠悠悠的醬非常豐富，看似牛油果醬，其實是班蘭咖央的組合，內藏蝦肉，配合雲吞皮炸出來的盞盒，口感多元，不妨一試。脆辣龍蝦汁鮮蝦卷 $44(下午茶)鮮蝦腐皮卷炸至香脆，伴以味道濃郁的脆辣龍蝦汁，開心新口味，都幾好食。雲石芝麻包 $29(下午茶)咬開爆漿，非常豐富的芝麻醬，真是足料！法式咖啡焦糖燉蛋 $33(下午茶)成功做出咖啡香的焦糖燉蛋，香滑美味，甜度適中。養生薑汁糕 $25(下午茶)煙煙韌韌，香香地，微甜。班蘭香茅茶 $15冰糖薏米水 $15兩款支裝飲品都是微甜，大家無需擔心。班蘭香茅汁有驚喜，難得有非常香的班蘭味。全日不收加一，不同時段點心及茶錢有不同收費，中午不收茶芥，早市及下午茶點心就平啲。新開張生意唔錯，2:30pm 要排一陣隊，服務員態度良好，忙中有序，運作暢順，出菜時間理想。
continue reading
今日同兩個寶貝試下啲新地方飲茶，揀咗啟德新開嘅， 呢間餐廳喺啟德零售館3， 距離地鐵站行得都比較遠。 今日係平日，12點到都需要等枱，等咗大概15分鐘左右就有個booth位坐，坐得舒服。今日叫咗6樣嘢食:1) 雲石芝麻包（好好味，芝麻係流心㗎， 大家食嘅時候小心辣口)2) 脆辣龍蝦汁腐皮卷（龍蝦汁重龍蝦味， 我哋差唔多飲曬）真心推介3) 蟹子燒賣皇（ 嗰粒燒賣真係好大粒）4) 晶瑩蝦餃皇（好有蝦味，彈口㗎）5) 佛跳牆（好飲，無味精，足料， 嗰條花膠大到呢）6) 荷葉蟲草花咖哩椰菜花飯（口感特別，咖哩味香濃，大家可以一試，而且健康）對於兩寶嚟講，佢哋真心推介比大家，記得佢哋係老人家，連老人家都覺得新穎嘅點心都值得推介， 證明真係好好食
continue reading
住喺附近，所以經常去啟德體育園搵食，好多間都試過，絕大部份都中規中矩，但呢間食過兩次，都係相同結果。見有食評話佢啲食物手工製好有心，但其實都係好普通貨式，不過今次再差咗，最基本嘅燒賣同肉餅飯，唔知係因為未蒸熟定係用咗劣質豬肉整，中間完全咬唔開，唯有吐返出嚟，咁樣嘅食物完全稱不上合格。服務都係呢間餐廳嘅highlight，其他食評都睇到嘅死唔加水都係等閑事，唔俾人坐想坐嘅位先搞笑，平日8pm屋邨商場食肆仲會有幾多人入座，我哋2個人見到有卡位想坐，佢話繁忙時間卡位最少三人，但我哋話後面兩張全部都係兩個人食緊，佢居然可以話佢哋6pm就入座，未算繁忙時間。卡座嘅人喺呢間點心小店坐咗兩個鐘？費事同佢再拗，嗱嗱聲捱完咬唔開嘅點心就算。埋單嘅時候話下次俾返卡位我哋，我心諗仲有下次？
continue reading
1. 食物質素不過不失，但舖面太小，等位需時。2. 侍應見到茶壺打開蓋，直行直過，之後係要叫咗好耐先拿去加水。3. 侍應未問過就想將未食完的蒸籠拿走，當你叫佢未食完不要拿走時又多多聲氣。4. 整體服務態度不滿意。
continue reading