Restaurante Vinha (Closed)

嬴左錢, 豪一豪, 食餐好! 夜晚冇套餐, 全部都係散嗌, 一個人叫兩個人份量的東東, 半碟飯包起了餐包連秘醬 - 免費的, 秘醬有少少芝士味, 包是暖暖脆的馬介休炒椰菜 - 葡式乳豬係好漏的, 所以食菜清清個口, 馬介休唔不太咸, 淨食都OK... 呢個菜一般啦!炭燒乳豬葡式炒飯 - 正! 先講乳豬, 大大舊, 肉膏皮係痴住, 真係有點膩, 皮係脆, 但唔係平時哂樓鬆化果隻, 紙咁薄, 中間有一層好厚的肥膏, 我自己就起鬼左唔要, 跟住就係大大舊肉... 一個人食兩三舊都到頂了! 好在有大大碟菜食, 乳豬真係未必啱香港人口味... 炒飯真係好好食, 有d牛肉碎同雜豆去炒, 似係牛尾湯既味, 飯很乾身同粒粒分明, 好香口! …Read More

選左午餐B, $58 +10%=$64, 真係食環境同服務, 野食都係好的...餐包 - 暖暖地脆的, 都不錯, 會有兜秘醬, 食到有少少芝士味..磨菇湯 - 好好飲, 好香菇菇味, 稀杰度適中香辣雞扒飯 - 非洲雞隻汁, 係嫌雞扒有點實, 汁第一次食係好味的, 辣辣地, 但我覺得議事亭斜對面的金葡好食好多, ...呢間野幾年前已經幫襯過, 係貴的, 環境服務一流, 完全係高級餐廳格局同服務, 所以寫明食好d, 佢午餐有$48, $58, $78 選擇再加一。…Read More

逛了一會，晚餐去食正宗葡國菜！　這間葡萄園餐廳裝修骨子美輪美奐，而且招呼殷勤、食物味道唔錯！:)　如果唔係叫左咖哩蟹，應該三佰多元港幣便可以了！　餐包：有ｄ似脆脆豬！暖暖的包子，層皮烘脆，麵包包身軟熟！:)　搽埋附上的番茄牛油，很得意的味覺！　燒乳豬飯：估唔到咁好食！　又脆Ｄ肉又鮮嫩，肉汁夠juicy而且好入味！正！！！:)　咖喱蟹：蟹肉鮮甜，咖哩汁好地道又唔太辣，送飯或就咁用麵包點黎食都好一流！只得一隻蟹真係唔夠食！　香蒜薯容馬介休：超好食，好香蒜容味，Ｄ薯容烘香令人忍唔到口！馬介休混和其中，略嫌好多細骨而未能大啖食！　葡式什錦炒米粉：以為平凡的一個炒米粉，其實可以反映出廚師真功夫！:)　米粉炒得入味而且乾身，完全唔似一般炒米，而似越式香草入饌的炒檬粉！配料方面則有蝦仁，火腿，蛋絲等，有Ｄ似楊州炒飯！…Read More

今日同同事過來這邊試下，真系幾失望餐包：唔知點解，好硬，用左好大力先可以撕開它，個牛油加左番茄，勁難吃炸馬介休球：呢個幾OK，唔會太咸，又幾香燒乳豬：看左食評，全部都話燒乳豬好好實，真系超失望，又鹹，看它的皮就知有反叮過，一點都不新鮮，系吃過最難吃的乳豬燒鰻魚：有辣味同蜜糖，偶地系要蜜糖味，太甜，唔好食，唔知辣味既會唔會好食點馬介休炒耶菜：一般，個菜唔夠甜海鮮湯飯：最滿意既系這個，好多海鮮，個蟹又肥，可能系秋天的蟹肥點，連個飯都好入味木康布丁：好甜，同事話難吃的木康布丁好難整，葡萄園做到了，又好貴，細細一杯要58蚊，沒計加一澳門葡國餐廳好多，呢間真系好一般，大家都系試下其他間好點…Read More

由於決定第一日的晚餐要試葡國菜, 做係openrice攞定料, 但見多間都要訂位, 故預備了數間作後備, 酒店check in 後,已下午2時多, 請職員幫我們致電訂位, 訂了7時半, 我們未到7時已到, 坐近樓梯位,見入面多張吉枱, 問可否選擇較入位置, 店員表示全部枱已訂晒, 我們致電時只餘下呢張, 橫掂我們又唔需要浪漫環境, 故都冇咩所謂. 由於太早,之前又食了很多東西, 大家都不餓, 一行4人, 叫了乳豬飯, 燒牛肋骨, 燒饍, 馬介休炒菜四款及兩杯飲品. 送上bread, 但唔熱唔好食, 最先上的是牛肋骨, 好有炭燒味,好juicy 都有8-10小塊, 燒饍最好味, 好肥美, 到乳豬飯,乳豬真係卜卜翠, 但都幾滞, 食了一半已吃不下, 可能我們叫的都是肉及重味, 故當炒菜上時, 大家都覺得終於可以清清口腔, 但馬介休冇特別, 大家只是食菜, 想食甜品但真係太飽, 食唔到. 總括而言, 味道很好, 近窗的位亦很浪漫, 價錢亦好抵食 (4人食了500元), 但店員服務就較一般, 要叫數個才有一個埋黎理你, 但都係一間值得推介的餐廳. …Read More

餐廳入口在２樓，比較細小，望了望先肯定要上樓上，上了樓梯，還好，有一侍應見到我們，立即帶位。侍應反應快，上菜時間不太慢，員工有禮貌。燭光晚餐, 窗邊的情侶台望到月色街景, 讚!海鮮沙律，青新！有青口，尤魚，馬介優魚，菜，橄欖，口感豐富！馬介優球，全碟５粒，味道一般，外皮算ｏｋ脆口！至好味的燒豬焗飯，燒豬皮脆bobob,肉質juicy含至肥至香的豬油味，焗飯入味！like!還點了sangria，味道ok, 但給路環 的另一餐廳比下去了。整體滿意，過了愉快的一晚。…Read More

今次一行十幾人有大有細，上黎睇完食評後決定黎葡萄園試試因為今次人多所以打電話訂定枱，餐廳職員安排左VIP房比我地午飯時間唔係好多人，餐廳環境唔錯，我諗夜晚情調更加好第一次黎食，穩陣啲叫左大家都推介菜式馬介休球唔錯，但係食個時要小心啲，有個朋友咁岩食到條細骨仔燒羊膝朳好香燒風鱔好大舊好肥美，味道一般乳豬飯，強烈推介！乳豬夠鬆化，炒飯底有好多配料，好味忌廉焗薯蓉，夠香夠滑，一定要試海鮮湯飯，湯底好味，仲有好多海鮮料非洲雞，辣辣地又幾好味喎我地仲叫左個炒雜菜都唔錯:)另外，佢地個蕃茄牛油用黎配面包真係好好味:)…Read More

It was a little deserted when we got there although all 4 window tables were taken but the restaurant quickly got its buzz (read noisy) when 2 large groups arrived. Cosy joint set in decor that was easily from the early 80s. Even the captain and his friendly wait staff in their tablecloth pink outfits could have been from the 80s. Sangria by the glassSettling down to a Sangria and shaking off the rain that was beating hard outside, we quickly got down to ordering and chewing on the warm buns that Macau is famous for. Baked to a raw crisp on the outside and chewy on the inside. Good with a dollop of butter.Potato and Vegetable SoupThis soup is quintessentially Portuguese. It's not fancy by any means, but there is something about a potato based soup that's sturdy, protective and just downright homey. The greens provide the much needed fibre.Stir fried cabbage with BacalhauThis is probably more Macanese than Portuguese with the use of Chinese cabbage. The use of the dried salted cod pieces give this all the flavor since there is little else. Crispy Suckling Pig on Fried RiceThis was the only reason we came. I saw a picture of this and said I definitely want to try this. Nothing complicated about this dish. Simply well grilled suckling pig, sealed by a crispy crackling (although some bits were slightly chewy) but the meat was tender, and fell off the bone easily. The bed of fried rice was tasty although it wasn't as good as some of the ones that you get around Macau, my most memorable having been from Litoral during my last visit in 2008. This isn't the best restaurant in Macau. But it was a good fix for a quick dinner the first night we got there. Especially since this was about 5th on my list - the first 4 including Litoral was fully booked. Shouldn't have been a surprise since it was the start of the Easter weekend. Decent, competent and wholesome food that was reasonably priced. Not a combination you find too often these days.For the original post, visit edeats.blogspot.com …Read More

第三次黎到澳門，今次係第一次食葡國餐。本身第一日日頭經已食左唔少野食，6點鐘果陣book左8點鐘檯，到7點半我地兩個人都唔係好覺有餓感，點菜果陣仲有d覺多得滯，驚食唔落...不過都係去馬。哈哈，第一次同另一半係算係高級既地方食燭光晚餐，有點意外order左既有：牛尾湯，蕃茄沙律，乳豬飯，忌廉焗馬介休。個湯都係typical 果種，係個包特別d我見佢黎個包果陣冇拎到牛油就問佢拎啦，佢話果細細杯，紅色既就係佢地自家制既牛油，咁就試下啦咦又唔錯喎，係用蕃茄醬整既，起碼唔會又係食開果隻牛油面包點西湯既感覺啦。諗住叫黎都係清下腸胃，其實冇乜特別話好唔好食，料夠fresh都得喇。叫得呢個都預左會食到漏漏地架喇，不過都有兩個地方令我地keep到食落去。1. 賣相係中式咁款，但實情呢個係葡式既做法，我呢個不諳飲食既人都食到肉既味道好唔同，當然係醃料既分別啦...我估點都有香草掛...2. 個炒飯底好好好正，可能因為本人鐘意有青椒粒炒出黎既味，再加上洋蔥呀，葡式臘腸，令到個飯更香更引人入勝這個推介終於食到馬介休喇，人地話係澳門咸魚，我就話唔好當係香港式果隻就得喇。原來入面仲有d薯蓉，口感都幾豐富，一細羹都好夠味，細碟其實都唔會唔夠食，仲可以放落面包到添。值得一試果日人唔多，環境變得靜，係慢慢享受一餐葡國餐既一晚。…Read More

出發前仲担心水舞間會停演, 之後收到可靠消息己經開番, 一家大細欣賞完唔睇走寶o既水舞間之後, 急急腳搭車去食晚飯, 因為都己經7點半, 仲要離氹仔好遠, 但見呢間餐廳評價幾高同內在環境幾好, 晏少少食都無所謂啦, 但最好預先訂位, 尤其係一大班人喎, 因為唔係好多大枱1) 乳豬炒飯 - 乳豬好香脆, 肥膏唔多, 但成碟只得7-8件左右, 太唔夠喉, 而炒飯炒得唔錯, 濕濕地但唔會"立"口, 必食推介2) 非洲雞 - 雞帶有少少辣, 香港從未食過呢個味道, 好難形容, 總之好味到停唔到口, 連阿媽都讚, 不過少許油, 但仍然係必食推介3) 忌廉馬介休薯蓉 - 即係忌廉焗薯蓉, 好重忌廉味, 讚 ! 而薯蓉唔乾, 少 creamy, 唔係周圍都有得食, 推介4) 咖哩海鮮焗飯 - 海鮮係急凍果d, 所以唔好有任何期望, 但都焗得飯好香5) 葡式焗什菜 - 好一般焗什菜, 因為成日都無乜蔬菜食所以先叫6) 炸馬介休 - 出名葡國菜, 所以幾飽都要試, 同薯蓉係2種口感, 馬介休炸得香脆可口, 食到 lam lam脷, 可惜一碟只得4件8人共消費 : @680後記 : 所有侍應都好似打仗咁, 成晚嘈b巴閉, 完全影響晒成個環境同氣氛, 但以食物嚟講就係 GOOD !…Read More

睇到之前D食評咁好，一落船就黎試下哩間葡國菜，裝修的確唔錯，啱二人世界，午餐SET有好多選擇，不過兩個人食唔到，唯有揀重點乳豬配炒飯$150-----驚喜﹗﹗乳豬脆到不得了，無一般炭燒燶味，肉質嫩(可能我個碟係豬腳既關係)，炒飯係西炒飯，內有葡國腸同豬潤等，份量都幾大，一碟已經夠兩個人食七分飽HOUSE WINE$140---有分一杯﹑1/4L﹑1/2L﹑同1L，我地叫左1/2L，對午餐黎講岩岩好，味道偏甜…Read More

唔熟澳門位置，坐的士黎，落左車都要搵左一陣先黎到。4個人，叫左﹕雜果賓治 (好飲，有新鮮生果，加上又口渴，越飲越想飲多o的~)乳豬炒飯 (乳豬入味，香口，炒飯亦有水準)馬介休薯蓉 (好好味~~~~~~~~~~~~~~齋食呢個都夠~不過薯仔好飽肚，又唔可以食太多~)葡汁時蔬 (普通，無什特別)葡汁雞 (無咩特別，雞唔算滑)環境清靜，服務生友善，不過當時時間尚早，唔見滿座~…Read More

唔知已婚的朋友有沒有這經驗：籌備婚禮時通常都會plan埋去邊度Honey Moon，又通常大部份人都會於婚後立即啟程，結果… 剛於聖誕節前一星期結婚的我們，選擇Easter才正式到日本渡蜜月。而婚後的一星期，雖然有放假出外走走，但我們只選擇前往坐一個鐘船就到步的澳門 --- 去hea。原因是：由籌備婚禮到大婚當日，各樣大小事情弄至我們心力交碎，真係無咁既精神+氣力+心機再去enjoy蜜月旅程。為合乎經濟效益(使咁多錢出去，當然要精精神神咁去earn最高既utility啦…)，我們寧願到近近地的地方，不過食和住會選擇較好的。今次是第二次到葡萄園了。環境是我所喜愛的：燈光很柔和的，桌上有Candle Light…適逢聖誕，本來餐廳老闆(我諗佢係掛) 介紹應節套餐給我們，不過我們卻選擇了以下套餐： (頭盤) 鮮牛油果沙律 --- 個人而言，OK佢沒有沙律醬，口感natural好多… (頭盤) 鮑魚雞絲金必多忌廉湯 --- 有很多一條條爽口而彈牙的東西(不知是什麼)，幾有口感。 (主菜) 葡式燒焗青島皇帝蝦釀芝士 --- 有很香的燒蝦味，皇帝蝦新鮮爽口，正！ (主菜) 香煎龍脷魚柳伴牛油檸檬汁跟薯菜 --- 這個水準一般。 (主菜) 炭燒豬肋骨 --- 這道菜是我的favourite，個燒汁正呀。 (甜品) 木糠布甸 --- 這是我第一次食木糠布甸，估唔到原來咁好食，有好香的奶+旦味… 這個套餐以外，我們還order了一客葡式燒豬焗飯。這個焗飯超正，除元朗的金記燒豬外，這家的燒豬一樣也是皮脆肉稔的。 不過，像我一樣不喜歡食洋葱的，就要畀多少少耐食把焗飯內的洋葱弄走了。這家餐廳，我們會再去的。 :)…Read More

原本2人打算去MSM食buffet，但因為餐廳的員工服務實在太差，所以轉往葡萄園晚餐...，之前都有睇過有關葡萄園d食評，所以決定一試:)一入餐廳，人不太多(可以時間還早)，職員招呼我們坐在窗邊的2人枱。因只得兩人，所以只點了以下食品:-餐包 (free$)蕃茄xx豆湯 唔記得個名紅酒牛尾忌廉焗馬介休(餐廳招牌菜)乳豬炒飯最後，實在太滿足了...個乳豬飯要打包。…Read More

由於一早知道會比較夜到澳門,於是一早上嚟揾定葡國餐廳,見呢間好以好好咁,叫老公問吓收幾點,餐廳話Last 柯打10:30pm於是我地就book定枱試吓,我地一行6人7月18號坐8:30PM船去到澳門成9:30PM,我地分兩批,一批去酒店check in,一批去點定菜,費時阻住人地收工,到我地集合開餐都成10:30pm,佢地啲侍應仲好有禮貌咁叫我地唔駛急,我地點咗以下菜色:燒鱔;好好味,我地叫一份唔夠,成10:45pm問侍應可唔可以再叫,佢地勁有禮貌即刻叫廚房做多份葡國雞:呢個味道就一般,啲雞肉有啲[鞋]燒牛肋骨:好好味,肉質啱啱好仲好多肉汁葡式烤乳豬炒飯:炒飯很香,乳豬皮好脆，不過我覺得乳豬切得大舊咗啲!馬介休抄什菜:味道OK,不過略多少少油燒乳鴿:味道OK,不過乾身咗啲燒魷魚:不過不失仲有2支酒4個湯2個甜品嘩!好豐富,埋單MOP$1400有找,好合理比起其他葡國餐廳算好抵,我地6個人一致同意值得再幫襯!!…Read More