葉記大排檔 (Closed)

突然間好想打冷但係因為腸胃唔好所以揀呢類餐廳既時候主要考慮衛生問題見呢到好似幾乾淨就入左嚟不過原來土瓜灣幾間葉記係冇關係haha一到門口會見到今日有乜優惠今日有呢3個優惠我地1915左右到唔使等位因為店員強烈推介我地叫優惠既餸菜所以我地係滷水鵝同鵝片之間揀左滷水鵝個滷水鵝($68)幾入味 唔算好鹹 唔佐飯齋食 都唔會覺得鹹 同埋豆腐都好入味我覺得份量都唔小有減價嚟計 好抵食！另外叫左椒鹽九肚魚($78)我超中意呢個！外脆内軟而且魚肉好滑 好似會溜入個口到咁食晒成碟都冇話好油 好濟我下次去一定會再叫最後叫左大良炒鮮奶($78)我自己真係麻麻地呢個佢係好滑既 都重牛奶味不過佢本身冇乜鹹味 要加醋先好食啲同埋我覺得好漏 唔太中意我地叫左3個餸 2個飯($10@1)同2罐野飲($10@1)最後都食得晒不過真係好飽！…Read More

去土瓜灣食飯、見到附近有車位、就拍找到一間食潮州野一於試試，坐都未好呀姐，已經走埋來問我食乜，我話轉頭先，我睇下餐牌先、不夠三分中又來，我係岩岩冼完杯咋，又叫轉頭來、睇左一又我來，問我食乜，我話我仲睇緊跟住佢就叫我食依樣食果樣，我心諗咁不如你幫我叫啦，經佢一路催促之下、我叫帶咗個濃湯雞翅真係幾濃湯＄68一位，普通貨色係有啲翅食下囉，炒班頭比較油膩108食兩舊已經好濟了，滷水魷魚薄薄的一片，乾片般、根本食唔出乜味，鹵味都幾貴下，份量少，芽菜好多⋯:(…Read More

補祝父親節，去左葉記大排檔食。 記得依間野之前係紅磡，近依幾個月搬左嚟土瓜灣，平時都見OK多人食,應該唔錯。鹵水拼盤，好似唔太夠味，鹵水唔夠咸唔夠香，但魷魚，豬耳，都幾好食，夠爽蜜桃香檳骨好食，汁甜甜地，骨本身又醃得夠味，同埋骨依個位D肉本身係好食脆皮豆腐熱辣辣時真係好好食，外面夠脆，入面豆腐係滑架。但點果隻醬如果甜多少少會好味d. 仲叫左椒鹽鮮魷同蒜蓉菜心，椒鹽鮮魷基本上度度都係差不多，而蒜蓉菜心d菜心都幾甜，唔錯…Read More

家長推薦到葉記,一去到沒有華麗裝潢,正合食飯求好味求實際的要求。打開餐牌好想試食咸菜豬肚大蛽,又想試椒塩九肚魚，咁就留返下次再試啦！佢既碟頭份量都照一般食肆的大,大4分1左右吧！當然唔係大就一定好味一定有回頭客,但餸菜既味道又好好架喎!(睇隔離既雞旦焗魚腸,焗到有點似梳乎里,證明即做即上檯)我叫滷水併盤/九肚魚/客家豆付/肉碎芥蘭煲。遲下補返張相俾大家睇！總之抵食同好味,現今都唔易有。所以會再同朋友家長再光顧的。   =)…Read More

今次係第四次食，首先講講坐位安排，頭一次因剛開張，所以多人要搭枱，第二次有細枱空出都要去同其他人搭枱 ，第三次開始時都係搭枱，但當我食到中途，因為張五人枱得番我倆，要我倆轉細枱而留空張五人枱 ，今次都係搭枱，好彩我倆唔需要轉枱，但隔離枱就有人同樣要轉細枱。今晚叫了兩隻蒸聖子皇、海味雜菜煲、花雕蛋白蒸蟹，聖子皇一般沒有問題，海味雜菜煲啲菜好油，應該係抄熟才放進煲內 ，最離譜係花雕蛋白蒸蟹，竟然用凍蟹番蒸，蟹肉完全係入口變成粉狀  ，埋單時向老闆講，用凍蟹番蒸不如取消這個菜色，因番蒸啲蟹肉會散，食客係食得出，他只是敷衍回答：「會叫師傅留意一下」，這樣食店唔食都無損失。 …Read More