萬發食館 (Closed)

呢一晚由朋友帶路,去左萬發食館食野~第一次去,感覺同平時食開個d大排檔好似無咩分別咁~~入到去,睇份餐牌真係幾特別下~~鮑汁雞腳煲,真係好好味ar~又夠淋,又入味,連帶朱皮都好味到不得了,鬼馬油炸鬼,原來係加左蝦滑一齊炸,第一次食,真係好好味,夠香口,好脆,避風塘激辣水魷:朋友話好辣,我真係唔係好覺,唔好成日比d字欺騙到~~成日都話地獄激辣,黎到咪又係唔辣!!哈哈€不過呢個又真係幾好食ge~~hehe油麥菜份量好多,睇到都呆左一下,因為平時食開個d都係好細碟,估唔到~~食到最後都係食唔晒,但係真係食到好飽lor~呢一餐真係好滿足lor~~…Read More

夜晚10:30，肚仔餓，落街食宵夜。付近幾間都試過晒，剩番萬發未試，一於入去try try。即時有位，唔駛等。環境就..... 好一般啦，街坊食肆，唔好要求咁多。由於係宵夜，唔想食太飽。見佢promote緊羊腩煲（天氣剛剛轉涼），就點個嚟食。記住係冇標價錢 !!!! 即係海鮮價..... but 朋友好想食，心諗應該唔會太貴啩。朋友再點糯米飯 ，標＄30蚊一碗，好似有D貴。席間同友人對賭，估下個羊腩煲幾錢，友人估$150，我估$180。等咗幾分鐘，羊腩煲到。好香呀，入面好足料，好多支竹，羊肉都好多，可惜有少少黐牙，另送菜一碟，記住唔好太猛火，會煲燶。haha覺得好似食極都食唔完咁...... 結果食到超飽呀...... 開估啦，羊腩煲 $240..........有D貴... 不過都幾好食，冇所謂啦。…Read More

是日相約友人一行6人食團年飯, 選了萬發食館. 主要是看到那個芝士琵琶豆腐, 本人星期三打去訂台, 但已說只有19:00那個時間. 想約遲點便要等位. 早知早幾日打去啦. 新年的檔期真的很爆呢. 所以就訂了19:00. 我們是和其他人share 一張大台. 傾計和夾菜比較麻煩.:(我遲來了, 朋友先到, 先喝一口啤酒, 只是$16/支.點了芝士琵琶豆腐, 酥炸桶蠔, 炒蟶子, 腐皮卷, 豉油王大蝦, 5個白飯.先來芝士琵琶豆腐, 芝士味道較淡. 琵琶豆腐雖然炸了, 但都不太香脆, 外面較硬, 入面都不太軟淋. 汁淡所以撈起飯上來都夠舜息.炒蟶子普通, 都算大隻腐皮卷好味! 即炸, 外層夠鬆!酥炸桶蠔, 這個是叫錯的, 原本想食焗桶蠔. 但酥炸的都不錯, 食落都太油, 而且炸得鬆脆, 不是硬骨骨的那種, 桶蠔大大隻.:)豉油王大蝦都夠大隻, 甜豉油夠味我們食到約8:30, 我支汽水都未飲完已經有位人兄好快手執台, 我都知今日會阻到他們做生意. 但都不用那麼趕吧, 還有點黑口黑面. 我們都不想坐太耐, 而且這裡又不是好坐. 所以都是走了.:(埋單位位$80, 還可以吧.…Read More

而家咩都貴架喇...所以好多時都食d小炒算..便d又好食嘛...黎到等一陣啦,好快有位...好多都係熱氣野,我地後生o既....都鍾意食香口野....芝士牛油琵琶豆腐,我就好鍾意食琵琶豆腐o既...仲要有芝士緊係要食啦...好大碟呀,好大粒,但個芝士汁就好淡口喇...本身舊豆腐都ok,只係個汁唔夠味,如果可以教返濃少少會更加好...避風塘激辣水魷, 見到個名都feel到好辣咁,但黎到食左就唔係想像中辣,接受到丫...不過味道就一般...椒鹽雞軟骨腰果, 兩樣都係我鍾意食o既野好大碟,炸到金黃色好靚,d雞軟骨同腰果都大大粒,味道都ok,夠香口,不過真係太熱氣喇...食完即出事...生汁大蝦球, 唔知點解叫生汁,好似奇妙醬咁啦,蝦好大隻,好爽口彈牙,味道都唔錯,仲有d西蘭花食下..個樣都幾靚...一大班人黎食小炒都唔錯,仲有好多野都想食...不過食唔錯,有機會都會再黎食o既...不過就要勁飲涼茶同啤酒先...清熱呀...…Read More

朋友少女A的介紹嚟到呢度, 她以前來的時間係宵夜時段,今次則是晚上九時多,排咗一陣隊就有枱啦, 因為我們只有4人, 要同人搭枱,跟我們同枱的兩夫婦係打邊爐,我們那張枱在二樓的角落頭, 旁邊有一枱係全男班的粗獷漢子, 而另一枱則是男女混合的SALES, 環境吵耳到不得了, 講話基本上聽唔到, 食咗差不多三分一嘅時侯,那班SALES 開始抽起煙來:(,OH MY GOD,好耐喺香港食飯都無聞到煙味架啦, 估唔到粗獷漢子那枱沒有抽反而那班斯斯文文的男女SALES帶頭抽起來,就是因為他們抽, 旁邊那枱粗獷漢子都開始抽起來,還邊玩啤牌邊抽, 好似去咗大檔咁, 環境惡劣到呢, 我以為去咗東莞囉, 不過後來最後一道菜未上之前,有阿姐來請我們轉枱去隔離間房食埋最後那道菜, 阿姐話有大圍人來了要安排大枱給客人, 她語氣還是很客氣的, 所以我們也沒有介意, 還好因為已經十一點多隔離間房客人少了很多,空氣清新得多,無須再聞住煙味食嘢, 講回食物:沙薑雞腳- 雞腳係新鮮貨, 足足有十二隻, 點汁的沙薑汁唔知點解會混入芝麻醬?真係唔係好夾喎, 所以我地只係唔使點醬咁食, 蜆介鯪魚球- 有十二粒,魚球的鯪魚味弱,可能因為用鮫魚肉的比例多嘅關係,相對地魚球比較彈牙, 不過這蜆介醬就真的很傳統, 酒味重帶出咸鮮味,不過未必人人都可以接受,蜜椒骨- 這個排骨是用新鮮肉排本人都相信, 調味很得宜蜜椒汁剛剛好份量每粒骨頭都沾上了, 甜中有微辣, 上上之選上湯浸娃娃菜- 上湯味道不太濃, 娃娃菜份量亦夠大,:) OK炸大腸- 這個有點難搞, 因為腸內肥膏很多還付着, 女士看見已經怕怕了, 所以在這裡最好還是不要”腸”為妙煎琵琶豆腐- 這個也是十二件, 做工不錯,抵食之選 整體來講食物是OK:), 服務也不差, 食物份量同價錢成正比雖然價位偏高但份量俾番足料, 所以問題不大, 不過最難接受是環境, 自己有得揀的情況下絕不再來,因為唔係自己杯茶,一次已經夠了SORRY囉…Read More

今日同家人去第一次呢度食飯知道有黑布街但唔知道有白布街 去到就梗係打b爐大家都係好隨意咁叫有人食過辣水魷好食,,就叫辣水魷黎到真係辣到喊,haha!!再叫左d 手打丸粉腸拼肉眼筋百花炸大腸:)西洋菜鵝腸鯇魚片牛肉生蠔野飲方面要飲返d下火既,,就飲左竹庶茅根,,咸柑桔,,啤酒又估唔到佢既竹庶茅根,,咸柑桔只係平時係7仔都買到既樽裝飲品但下下火既咩都冇所謂啦…Read More

曾與友人在這其貌不揚的中菜館吃晚飯，試過這裡的一些推介菜式好像 「美極煎大蝦」、 「泰式黑椒牛柳粒」和 「黃金鮮魷」等，覺得水準不錯，於是這夜帶同老婆大人再來這裡吃飯。這間位處旺角鬧市中的橫街------白布街的中菜館，雖然地方甚為街坊，既沒有堂皇門面，也沒有豪華裝修，甚至可說有些簡陋:(，不過地方倒也不小，相連的兩個舖位，外面擺放了一些魚缸，燒臘檔口等，還有上下兩層，都可容納不少客人。頗為簡陋的館子裡，客人不少，部分是吃小菜如我等，更多的是在這寒冬中打邊爐的顧客。無論在牆壁上還是在餐牌中，都可以見到不少這裡招牌菜式的圖片和推介。因為只得兩個人吃飯，沒點太多菜式，只是簡單地點了兩個之前沒有試過，而店裡有推介的小菜。當中一個是 「芝士牛油琵琶豆腐」，另一個則是 「西芹炒鴛鴦蚌」，可算是一頓多菜少肉的健康晚餐:)。店家先送來一碟鹹脆的「炸花生」，稍解飢餓。未幾，兩碟小菜先後來到。 「芝士牛油琵琶豆腐」一碟有十二件之多，琵琶豆腐蘸上不太濃味的芝士汁同吃，味道尚佳，口感也不錯:)，不過豆腐較為削身，外層也稍欠香脆，還未算得上是上佳的水準。 「西芹炒鴛鴦蚌」的西芹一貫的爽脆，貴妃蚌、珊瑚蚌也見爽口，蘸上蝦醬之後，不失為一道健康的送飯好菜式:)。可惜這裡的大廚過於吝嗇:(，整碟小菜的份量都不多，貴妃蚌和珊瑚蚌更是甚少，是這道菜最令人失望的地方:(:(。我是個不折不扣的飯桶，不太喜歡吃粥，叫的當然是「靚仔」------白飯啦！老婆大人卻絕對不是個飯桶，叫來了一碗「米皇」------白粥，原想吃點暖粥下肚，原來這裡供應的卻是傳統的潮州粥，送來的時候只是微溫，令她有點失望呢:(！總括而言，這裡的小菜水準是可以的，部分菜式的水準還挺不錯:)，不過這次所試的兩款小菜，相比起前次所吃，個人覺得稍為遜色，足証即使是這裡的招牌推介，味道水平還是略有參差。而且這裡的小菜以街坊小館來說，價錢其實不算太便宜，地方又不太理想，加上也許因為這店生意不俗，所以當人多等位時，伙計便會很勤快地收拾客人的碟子，又會很殷勤地招呼客人，詢問餸菜是否已經到齊，還需不需要再點菜，令客人聞弦歌而知雅意，讓識趣的客人趕快結帳離開，不阻店家做生意:(:(這些都是自己未能對這中菜館感到十分滿意的地方。這家食肆，一試是無妨的，要成為自己搵食的心水之選，暫時還未能夠呢！…Read More

12月3日（星期五）晚，是日食友爐兄致電給我相約食晚飯，但礙於女友是晚有些事情要辦，未敢即時約實應約，當我們可以提早離開時便立刻致電爐兄，遠在大西北的爐兄也爽快地乘西鐵出來會合我們，為了方便大家，所以相約於旺角地區。旺角的食肆雖多不勝數，但要找尋不俗的也不是容易的事，印象中看過這裡的評價好像不錯便提議來試試。這裡位于旺角周邊地帶，晚上人流疏落，惟獨這裡燈火光亮，而且坐無虛席，就算我們比爐兄先到，但仍要等到爐兄來到後數分鐘才有檯。如果祇得我和女友，通常點兩個小菜就已經很夠，這夜有爐兄在場，當然可以點多兩個小菜啦！鹽水雞（半隻）：味道和鹽焗雞相似，祇是沒有沙薑味而已，雞肉夠嫩滑，恰到好處的鹽味還能襯托出淡淡的雞肉鮮味；黑椒牛柳粒：黑椒粒下得毫不吝嗇，辣得夠惹味之餘，亦能掩蓋被化學品處理過的牛肉粒肉味不足的缺點，可惜部份牛肉粒還是有點韌；XO醬蜜豆藕片炒豬頸肉：落足料的XO醬夠惹味，蜜豆和藕片同樣爽脆無渣，豬頸肉亦不太肥；芝士牛油琵琶豆腐：雖然琵琶豆腐內見不到有冬菇粒和肉粒，可是幼滑的芝士牛油汁已教我們喜出望外，牛油香氣撲鼻而芝土味道甚濃，女友十分喜愛，最後更負責清碟！是晚我們吃得很開心，多謝爐兄。…Read More

師傅早個幾星期前又係同好友食家"乜都放入窿"食飯, 但食咩大家都諗唔到, 於是相約左好友食家"乜都放入窿"於旺角, 會合後先再度下食咩好; 同好友食家"乜都放入窿"四圍行, 最後就帶左師傅黎呢間食店; 其實師傅從來都冇同好友食家"乜都放入窿"講過話想試呢間食店, 但點解佢會知呢? 莫非心有靈犀, 咦! 有少少驚添……閒話休提, 凌晨十二點入到食店, 竟然都仲好鬼多食客, 兩個人就被伙計安掛坐於樓上! 坐底後係計就問火鍋定小菜, 師傅就揀左小菜, 於是同好友食家"乜都放入窿"慢慢商量下食咩; 望住個餐牌真係睇到師傅心花怒放, 攪到樣樣都想試, 無奈得兩個人只好就住落單!好友食家"乜都放入窿"話呢度嘅鵝腸好得, 所以係一定要試, 而師傅亦揀左兩款, 最後拍板一致通過, 於是就叫伙計落單, 分別有師傅揀嘅香煎腐皮卷, 避風塘三寶, 而好友食家"乜都放入窿"就揀左豆豉鯪魚油墨菜同埋豉椒味菜炒鵝腸; 落單時伙計話豉椒味菜炒鵝腸唔係餐牌個價七十八蚊, 加左十蚊, 即係八十八蚊, 師傅同好友食家"乜都放入窿"都覺得可以接受, 於是就照舊係呢四道菜!落完單等左都唔係好耐, 香煎腐皮卷搶閘登場, 淨係個賣相已經引死師傅, 實物嘅賣相同餐牌中的相可以講係毫無分別; 於是即刻吃一件, 發覺腐皮卷嘅腐皮係煎得好脆, 但脆而不油, 口中唔油亦冇油益味, 加上餡料嘅蝦身勁爽口, 最特別係放入左少少粟米粒, 令到腐皮卷帶少粉甜味, 絕對做到外脆內爽, 爽中帶甜, 整碟香煎腐皮卷堪稍一絕, 師傅都好耐冇試過咁出色嘅腐皮卷, 絕對係必食推介!接住落黎係豉椒味菜炒鵝腸, 師傅二話不說即試鵝腸, 入口後發覺真的非常爽口, 爽中係冇帶半分的韌, 加上唔算好肥, 而豉椒嘅味道香濃惹味, 配合埋味菜的酸酸甜甜, 整道菜係非常開胃, 至於味菜入口又沒有咸嘅感覺, 呢種味菜就係師傅最鍾意的, 而呢碟鵝腸嘅份量又唔算特別多, 不過有咁嘅水準真係好掂; 而相反地豆豉鯪魚油墨菜嘅份量就好多好大碟, 油墨菜入口嫩綠爽口, 絕無半點渣, 唯一扣分係落多左少少油, 整體仍然不錯!最後避風塘三寶壓軸登場, 點解用壓軸呢兩個遲, 咪因為佢黎得最遲, 絕對與鋪排無關; 避風塘三寶有茄子, 青椒同埋紅椒, 賣相又係勁吸引, 吸引在於三寶上有勁多炸蒜, 卻又局部遮蓋內裡嘅三寶, 而三寶就是紅紅綠綠紫紫的, 視覺係若隱若現, 而臭覺係香而惹味, 絕對要拿拿聲試一件; 於是師傅第一件先試茄子, 茄子係炸到外脆內軟, 即係炸粉好脆而茄子腍身鬆軟, 絕對唔會有硬嘅感覺, 茄子亦冇嗰種食後會令條脷有 “賴口” 嘅感覺, 所以十分之正, 加上茄子中釀嘅魚肉同樣夠腍冇碎骨, 成隻茄子真係十分討好; 再試多件紅椒, 紅椒亦係好腍身, 絕對唔會爽口, 呢個位真係令師傅驚喜, 皆因紅椒或青椒, 通常都係爽硬, 但咁腍身師傅還是第一次, 呢碟避風塘三寶亦係師傅誠意推介!總括黎講食物質素絕對出色, 環境就唔算好優雅, 不過都光猛舒服, 而服務亦算殷勤, 價錢就相宜, 埋單二百幾, 每人唔使百二, 有咁高水準絕對抵食啦! 不過埋單期間比好友食家"乜都放入窿"發現豉椒味菜炒鵝腸竟然要九十八蚊, 於是細問下係真係要九十八, 只不過落單時個伙計報錯價, 雖然十蚊雞又唔算好多, 但食鵝腸就似乎唔多抵食喇! 師傅最開心就係同好友食家"乜都放入窿"食野, 兩個人四道菜, 竟然食得晒, 都真係唔少料架, 仲唔係喪食宵夜? 至於笑臉絕對走唔甩, 師傅已經成日心思思想再去多次, 所以有機會一定會再黎, 相信唔使等好耐, 不過就一定唔揀鵝腸!…Read More

呢間都好出名, d小抄係幾好味, 今次為免等得耐, 6:45pm叫左果朋友早d去霸位, 因為越夜越旺的.我們5個人點左5樣野, 支裝可樂我最愛:)1. 椒鹽9肚魚 $39-------超好味2. 豉汁帶子蒸豆腐 $49-好味3. 蜜椒抄排骨 $79------好味(嫌佢太少排骨)4. 豉汁蒸鱔 $108-------好味5. 竹生上湯扒時蔬 $49------正常味道不過我完全忘了影相, 排骨我食得一舊咋, 搶得好快>.<…Read More

今晚由於趕時間，大家也趕著回家各自忙碌，所以求其找個近近的地方吃個晚飯就算。想起這間小菜之前想試，可惜因為太多人等放棄了，今晚便來這裡吧。一進去發現頗多客人呢，很多人也在打邊爐，不過我們只有兩個人，所以還是吃小菜算了。我們只有兩個人，他們沒有細檯呢，所以少人是要搭檯的。看一看menu，它的小菜不便宜呢，白飯也要 $8 個，一般來算是稍貴的。我們叫了一個涼瓜炒牛肉，一個豉汁蒸大鱔和兩個白飯。涼瓜炒牛肉很快就來到了，份量不少，有很多涼瓜。有頗多薑蔥，所以挺香的。牛肉炒得很淋，不過沒有太多牛肉味，吃到的只有豆豉味。涼瓜也是炒得很淋，但不會很苦，要來送飯挺好的，不會過鹹。豉汁蒸大鱔等了很久才來，我碗飯也吃了一大半了。條鱔很肥美，有很多肉吃，不過吃的時候要小心，因為也有很多骨，很易吉到的。雖然鱔是大且肥美的，可惜那些豉汁不夠入味，令吃下鱔的時候不夠香。大概煮的時間不長，所以豉汁入不到鱔內。醬汁也偏少，如果能夠再多些就更惹味了。總括來說不是特別出色，但想飲下啤酒吃下小菜這應該是一個不錯的選擇。…Read More

如果唔係朋友推介,都唔會再嚟食.第一次幫襯係今年年頭,兩位,火鍋,啱啱食完放低筷子,準備撩牙,比個肥佬老板攞咗張單埋嚟同我地講,拍爛檔埋咗張單去,出面有好多人等位,冇法子啦坐正係門口,當時個頭"慶"到出煙,彈咗句"我地又唔係食完好耐,賴死唔走嗰D,個死肥佬仲"潤"我地,下次再坐耐D.個朋友約食飯,又要嚟呢到,好..比多次機會唉!!!今次5人坐樓上,食小菜,今次仲慘,比人"昆"之如又比人催埋單,第二次啦,點比機會呀!!炸子雞 (半隻$130)-超乾,唔好食,好柴皮,超級搵笨- (有個伙計推薦話平時要訂先有得食,今日有唔洗訂,好就要半隻試吓先!!睇吓係咪咁勁!)激辣避風塘水魷-原先食頭一兩塊,真係好好味道,但唔知點解隔咗一陣再食,好鬼鹹,入唔到口,D醬"結"得好緊要, 唯有用D茶沖一沖.蒜蓉蒸蝦-差-唔夠蒜蓉(係蒜粒先真),其實呢味餸一D都唔難整,都唔知點解????:(是晚還叫咗-炸大腸,炒菜,椒鹽豆腐,豉椒炒蜆,生炒排骨-正常正當大家食得7788,有位火計好客氣問我地夠唔夠食,要唔要再落單,好快咁有位亞姐嚟收嘢,其中有位朋友話,佢地成日望住我地張枱,點知正當大家想準備撩牙,已經有位人兄攞咗張單埋嚟叫我地埋單大家當時0晒咀連推介嗰位朋友都冇聲出…Read More

28/9(一) 7:30pm預慶中秋的飯局,跟老爸等人,一行7人到了白布街的萬發.一實市井小菜館格局,店內還算企理光鮮.經服務殷勤的女胖侍應簡介菜式後,點了咸水雞$90,沙嗲肥牛粉絲煲$50,滑蛋炒蝦仁$55,芝士牛油琵琶豆腐,豉汁蒸鱔$68及金銀蛋莧菜.咸水雞--雞肉滑溜緊致,雞肉味鮮帶適度的鹹意.沙嗲肥牛粉絲煲--芡汁過盛的粉絲煲頗濃味的,肥牛質滑牛味不遜.要挑剔的是粉絲過於零碎及腍爛,難以夾之.滑蛋炒蝦仁--滑蛋色澤暗黃,滑度尚可;至於蝦仁含微腥,其體型及爽度勉強慰藉了味蕾的不快.芝士牛油琵琶豆腐--帶牛油的芝士汁肆意地淋滿豆腐上,不足的是豆腐質地偏薄弱,用料不足所致.豉汁蒸鱔--豆豉跟鱔,味道有點互不相干.更糟的是鱔肉質地死實乏豐腴油潤.金銀蛋莧菜--金銀蛋跟上菜及莧菜,準不失手亦不亮眼的一味.$420的飯局,菜式份量慷慨,價格低廉.可為其其他小菜及火鍋重遊舊地...…Read More

昨天來到無咩人, 有點失望因為沒有琵琶豆腐, 所以我叫了紅燒豆腐, 本想叫1個小菜便算, 不過有個PUSHY既WAITRESS死都要我地叫野, 甘我地叫多一個豬頸肉飯.1. 紅燒豆腐 ($45) - 好多豆腐, 好多肉片, 有豬潤及小小尤魚. 味道好好,豬潤有小小血水出, 夾在好熱的豆腐一陣間就熟曬. 黎一味豆腐好多分量, 好好食唔太咸, 我覺得唔錯.2. 豬頸肉飯 ($38) - 個汁麻麻, 不過D豬頸肉好好食, 好多分量.我付錢前問個男WAITER係米唔係都有琵琶豆腐 佢說下次打去訂就有, 感覺男waiter好d, 個女waitress問佢咩都說無. 簡直係想唔做甘wor.不過算,下次我會來try hainan chicken + 豬脾飯.…Read More

同事介紹，所以去試下，環境麻麻，周圍都唔算旺，幾偏僻下，我上左2樓，唔使等 GOOD:)打邊爐叫左幾樣野，皮蛋湯底 << 足料手切肥牛 << 韌 + "鞋"花枝片 << 一般，無乜鮮味雞子 << ok 大粒，one of my 火鍋 favorites鱔片 << 正價錢黎講就見人見智喇，佢d湯底都幾貴下，所以我叫左個最平既皮蛋，埋單2個人$220，個人認為唔係話平。失望 >> 碟肥牛…Read More