萬發海鮮菜館

Open Now

Now Closed

出餐快 咁多年水準都冇降低！最鍾意既都係薯仔牛柳粒$88係其它鋪頭都食唔翻呢隻味牛肉嫩 夠獲氣 味道好肉餅$68都好好味 肥瘦肉比例剛剛好即叫即蒸個人覺得咸蛋肉餅好味過土魷肉餅但白飯有啲貴要$12一個2個人要嗌3個先夠飽不過整體黎講都係物有所值

宵夜時段嚟到深水埗萬發食夜宵，店內滿座唯有坐門口位，唔緊要！雖然好熱，但大排檔坐喺街頭食，倍感風味！負責落單嘅員工阿叔相當冇禮貌，大排檔嘛！其實唔需要貼心服務，但員工面口太黑，餐牌同杯都擺放粗魯！杯放檯勁大聲響！餐牌直頭飛落檯⋯嘩！做得咁辛苦？不如唔好做啦！客人啱啱坐低，聲都未出，就先受你地氣，餐前大贈送呀？如果按同區嚟講，呢間店嘅食物價錢唔算平！但貴同平嘅定義都要睇埋食物個質素！二人同行叫左三個餸、兩支汽水加個「靚仔」白飯。啫啫芥蘭嘩！呢個好經典！真係想問下何謂啫啫？最基本係個煲要熱到啫啫聲呱？一啲啫聲都冇⋯個煲？用手都可以掂得，可想而知有幾熱啦？！普遍啫啫煲，嚟到檯都怕啫得太勁怕燶⋯好失敗囉！誠意何在？如果係咁樣，倒不如就咁叫個咸魚或蒜蓉炒芥蘭碟上算啦！仲平$10添！味道上冇特別，冇突出！仲嫌偏咸！炒得好差！偏乾！冇誠意可言。椒鹽田雞炸粉好重手！好厚！火喉唔夠！炸唔出香同酥嘅脆口感！田雞唔太新鮮，應該唔係即劏嘅新鮮田雞！但肉質尚算滑，可惜椒鹽味淡，亦唔夠咸，味道不足！鋪面香蒜亦唔夠味重，唔野味！冇乜誠意。魚香茄子煲魚香茄子冇魚香味，失敗！茄子煲個煲唔熱，點算叫茄子煲？擺明又係整好晒

今年我同首領家人去萬發食團年飯。你可以打電話去book位，但係book位唔代表你一去到就即刻有位。一行五人有老有嫩，叫咗5個餸萬發小炒皇：必點，材料有炸魷魚仔，蝦干，9菜，腰果等。相當夠鑊氣，9菜吳老，腰果仲脆，最正係啲走過油嘅魷魚仔，又咸又香口。黑椒薯仔牛柳粒：每次食都唔同味，今次好唔好彩撞正太甜，d牛柳粒俾肉粉乸得太西利，好難食。但係d薯仔都仲係好好食，脆卜卜。黑椒吳夠，差咁d。希望下次好彩。椒鹽鮮魷：必點。魷魚好嫩，炸漿夠薄。好快青囇。黃金蝦：用咸蛋黃汁炒嘅大蝦，好意頭，但我吳中意咸蛋黃，d蝦又無去蝦屎，倒胃口ˊ_>ˋ朱油渣炒豆苗：豆苗太老，但都好好食。豆腐咸蛋肉片芥菜湯：豆腐好滑好滑，芥菜夠淋，肉片同咸蛋冇食，個湯好清好解渴。正評。全餐飯食得好開心好滿足。快樂團年飯。

這晚約了大學O CAMP的組仔女一起吃「開SEM飯」, 來了這間組女極力推薦的菜館。這間有點點像大排檔的菜館, 各樣小菜都做得很出色, 簡直是臥虎藏龍, 即使住得遠也值得搭車走入去試。這裡最出名的是薯仔牛柳粒, 薯仔是署略炸過的, 有點點甜味, 有點像加了SHAKE SHAKE粉的薯條一樣, 牛柳粒也製作得很出色, 有點像鐵板燒的但格外入味。這晚一行十五人, 點了十幾個小菜。鹵水拼盤大大碟又不會太咸, 適合一大班人一起去食。西檸雞炸得剛好, 炸粉薄薄的, 甜甜酸酸剛好; 豉椒炒蜆、蠔餅、椒鹽鮮魷、炒豆苗、肥牛粉絲煲也值得推介, 至於沙拉骨、蒸肉餅就不過不失。最後我們再ENCORE了薯仔牛柳粒, 還加多了一炸大腸, 每位都是捧住肚子離開。原諒我沒有把每一碟小菜都拍下來, 因為每一碟一上菜, 就像人去樓空一樣只剩下一個碟, 所以這幾張相可說是得來不易。

自問都幾喜歡食大排檔，貪其火喉夠鑊氣足，價錢親民～火炭大排檔可謂由細食到大，習慣大排檔的味道，預左油膩不求態度，從來沒怎考慮味道可以如何提昇....直到剛過去的聖誕節友人約食聖誕飯並推介深水埗萬發海鮮飯店，出發前看其食評不錯都抱好大期望。地點不難找，在深水埗D2出口大約過2條馬路，過2、3條街很容易搵到九江街。為了避開人潮所以特別選這裡，雖說是平安夜但驚喜晚飯時段七時多都可以位即入～（及後留意到八點後反而要等位啦！）Asahi 大支才$20一支而已，超級抵飲！一共追加了半打。這次食物由友人發牌，碟碟有水準，全部都意外好好味呀！試過這間之後不想再食火炭的了XD 先來乳豬拼盤。大肚婆與「冷盤燒味」無緣，可惜可惜...還有去大排檔友人必點的沙拉骨！而萬發的沙拉骨更是最最最最好味的！！排骨香口，沙拉汁不是平日HEA吱的白色沙律醬，而是酸酸甜甜超級惹味，總之一口接一口就食不停.....要份例牌燒鵝！同樣，大肚婆與「最毒燒鵝」無緣，可惜可惜...但眼見清碟速度，相信一定好好味！炸炸炸蠔餅！再說還是那句，大肚婆吃什麼蠔...偷偷吃了其「炸邊」，滿足過口癮就算了。還有炸到熱辣辣一上枱即全清的椒鹽鮮魷！

黎到石硤尾唔知有咩食，所以openrice下搵到萬發飯店，去到門口都有10個8個人等緊位。等左差唔多半個鐘再入去問下就即有位，不過要過對面食，原來對面都有鋪位得大約5張枱到。黑椒牛柳薯粒，真係勁大碟好多薯仔粒，不過我覺得一般，多油而且有d“lone”。石頭胡椒蝦$138，中蝦起碼有10幾隻，而且大大隻又啖啖肉又彈牙，胡椒好野味。石頭飯$55，又係好大個石頭飯，2個人每人可食到3碗飯，不過我覺得飯冇咩味有d淡。雖然真係好抵食又唔使加一免茶芥，不過我覺得味道一般啦，如果一大班人黎食會好d,可以試多幾味小菜。

和朋友飯聚，他極力推介萬發，來之前已很期待。六點幾到達，發現同一條街有三間萬發，已知此店不簡單。喜歡人多吃飯，如果有大食男更佳，因可多點幾款菜。是次點了此店名菜：黑椒牛柳薯粒。果然名不虛傳。牛柳粒很腍，但薯粒更好吃。薯粒表面焦脆，有醬油香味，好吃得停不了口。現在還有些懷念啊！椒鹽鮮魷和啫啫通菜很有大排檔風味，前者炸得香脆，後者香噴噴，熱辣辣。我認為椒鹽鮮魷跟炸雞一樣，是要喝啤酒的。風沙雞亦香口，但沒有牛柳粒那麼令人難忘。勝瓜魚崧一般水準。所有餸都是送飯佳品。下次一定要找多些朋友再來大刷一頓。萬發是街坊小店，店面當然街坊，可以輕鬆吃，大聲講，無拘無束。

係深水埗上完拯溺班, 今日仲要係考試添,終於捱完成個月既拯溺班啦, 於是就去搵間野賀一賀佢。當中有個fd介紹黎食萬發，由於我地考完個地獄試所以超肚餓，好快落左單、野飲。d餸一上枱大家就唔洗講啦，不斷食。碟碟餸都好大碟，碟西檸雞排舊舊都好大塊，好入味，黑椒牛柳粒又大粒，好岩送飯，古老肉，菜果d都正常發揮。另外碟鹵水拼盤岩哂送啤酒。

是咁的，萬樂食為首，集集一堂，久別的同事們飯局，來到萬發吃喝歡聚一番。強力推薦主打，牛柳粒薯仔！唯一最好食！薯仔香甜，牛肉粒野味。乳豬，量少、貴，唔抵。雞肉嫩，味不錯。正，我喜歡，不過太油。柚子皮幾好，鴨腳不錯。

相約兩好友飯聚，友人極力推介萬發這間老店，於是早於六時半已抵達，趁早入座避開人潮。三人入座，點了六個小菜。椒鹽鮮魷是我中國菜至愛之一，外層炸得香脆，內裏軟得像入口即溶，十分可口美味！鹵水拼盤這個還好，不是太入味，如果有豬腸便好了。魚雲煲魚雲先炸再炆，本以為會很惹味，怎知覺得有點乾了，如果汁多點會比較好。風沙雞本人很喜歡吃雞，這個不錯，雞肉很嫰滑。黑椒牛柳薯仔招牌菜之一，整餐高潮所在，牛柳粒超軟，薯仔外脆內軟，吃過不停呢！啫啫芥蘭煲芥蘭切薄片，很有wok氣，好味！！三個女人將六個小菜掃得一乾二淨，亦灌下了三瓶啤酒！價錢也大眾化， 點了這麼多， 每人只需要二佰元！下次必定要一試薑蔥魚皮！等我！爽！爽！爽！

坦白說，盡管深水埗有各式各樣的美食，在下對這區的認知真不多，以前留學期間每次離開香港，都會來總店吃碗譚仔或山東餃子，因每次來去沖沖，未有機會嚐嚐別的食物，實在遺憾。然而，在不少同學口中聽說了萬發的大名，一次偶然的聚會，終於有機會來嚐個究竟。小店怖局似旺角新志記，我們四人須走過一條小巷子才到達被安排坐進的B房。一坐下，同行的友人已即時能背出各款名菜，真厲害，我們共點了黑椒薯仔牛柳粒、薑蔥撈魚皮、酥脆小棠菜、半隻風沙雞和薑蔥焗魚雲一同分吃。黑椒薯仔牛柳粒牛肉大大塊，惹味之餘不至蓋過牛味，肉質不會過淋過韌，但原來薯仔粒才是亮點，外層微脆而中央是粉粉的薯肉，盡吸了牛肉和黑椒的香辛，伴酒一流。這輕輕「拖水」的鱞魚皮非常爽脆，薑蔥油撈起來像涼伴一樣，第一次吃薑蔥撈魚皮，這個體驗實在太有趣了！酥脆小棠菜有點像金山海鮮酒家的鍋貼鮮蝦小棠菜，萬發的炸粉較金山厚，但外層依然鬆化且炸得爽身不油膩，內裡是綿綿魚肉夾著小棠菜粒，口感有層次，雖然個人還是更愛金山的彈牙蝦肉，不過這個魚蓉版本水準不遜，就算當天小妹喉嚨多痛也敵不住誘惑，太過份了，害我失聲幾天真活該！風沙雞上檯熱辣辣，片脆肉嫩，吊得很乾身，味道也不錯，

Sham Shui Po is renowned for their late night street eats and if you are wandering around here looking for supper, why not try 萬發?On the same street they have three restaurants, bold red letters printed on a stark white background heralds their name. Don't go expecting too much from the decor or service as this is dai pai dong style moved indoors and besides you're here for the food.They have quite a variety of selections either look at the menu they give you or glance around the walls to choose

星期六晚係乎近打完波想唔返屋企、不如就係深水埗食個便飯啦！去咗萬發、雖然等候時間在點耐、但係聽講好似好好味所以冇所為啦。等咗差不多20分鐘就有位 0k啦！唔算超耐！五個人一共叫咗五個餸、通菜、啫啫雞、魚腩煲、蓮藕豬腩煲、椒鹽鮮魷。大部份都真係好好味、特別係啫啫雞同通菜煲、真係一流、好耐冇食過啲咁夠鑊氣嘅小菜！不過個蓮藕豬腩煲就＂馬馬哋＂啦！個肥豬肉超大舊、好心切成一片片來炒都好呀。好似食肥糕咁評分我會俾8/10啦、一定會再去、不過唔知會唔會叫蓮藕豬腩煲

一家四口行完黃金又行鴨記都成六點鐘,肚仔餓近近地就走去萬發食晚飯。行到去見倒廚房D人行行企企,可能仲早所以成個場無客我同老婆都有D唔想入去,但係早幾年前都曾經食過所以都係入去坐低左。嘩市面D野貴左連D小菜價錢都貴左D。老婆話要食蠔于是就點個姜蔥美國桶蠔,亞女話要食牛于是點個密椒牛柳粒,亞仔無主意我就點個酥炸小塘菜同臘味糯米飯。嘩剛剛點完送D客開始一個個走入黎,坐下坐下又一檯。先上檯係姜蔥美國桶蠔,嘩真係美國桶蠔黎好香姜蔥味,煲仔上熱辣辣好好味D姜走過油又唔辣連我平時唔食姜呢次都食。再黎密椒牛柳粒,都幾夠份量喎D牛柳粒幾夠味又唔老仲有西蘭花餞底連炒菜都唔駛叫。酥炸小塘菜根住上份量小D但係炸得外脆內軟幾有口感。最後係成餐飯最失望既臘味糯米飯,D臘味飯雖然夠食味但係煮得較軟身而無糯米飯味,唔同傳統臘味糯米飯,萬發D廚師應改善一下呢個糯米飯。

大排檔係香港的一大特色, 但現在香港的大排檔數目已經大不如前, 真懷念以前坐街邊的風味其中一間大排檔, 而家已經搬入舖經營, 地方光猛, 衛生環境當然好好多, 但就係無當年的"風味", 所說, 就係今次的主角: "萬發"見到牆上紅色底, 白色粉筆字的水牌, 有好開心的感覺, 畢竟會想起以前跟老豆打躉街邊, 一齊食"啫啫雞煲"的歲月, 兩個人撐枱腳, 就來兩三碟小炒吃 薯仔牛柳粒, 平民化的牛柳粒, 不要奢望有絕靚牛柳食, 但用黑椒炒起來, 送白飯係最佳拍擋, 薯仔粒打了個獻, 唔知係唔係浸糖水, 好甜, 當然大受我兩歡迎, 呢次都係我第一次食哂薯仔的菜色西蘭花炒帶子, 味道是可以, 上碟時仲冒煙, 證明鑊氣十足, 正宗大排檔風味蒸水蛋, 哇, 上枱時嚇左嚇, 使唔使咁大碟呀, 一個字, 抵!無以前大排檔食得咁過癮, 但都係一餐經濟實惠的街坊小菜