萍萍上海館

Open Now

Now Closed

價錢合理，朋友住附近每次打牌都會揀呢間，見佢生意好流量快，買過好多次外賣水準都穩定，紅油抄手同小籠包好食，炒米粉都好食大大盒，鍾意佢用透明盒同兜而唔係發泡膠，店員服務好親切，會繼續幫襯！

早前和太太工作完經過長沙灣，發現這間上海小店，雖然不肚餓，也決定入內品嘗一下😋店舖地方不大但也很整潔明亮，店員禮貌招待，我們點了~排骨炒粗麵~香酥豆沙鍋餅~豆漿食物是要需時製作，排骨炒粗麵唔會油淋淋，熱辣辣味道適中，加一些豆辦醬更可提昇味道，但份量略為少了一些，😋香酥豆沙鍋餅分了八件，豆沙料充足，表面脆口好好食😋我們一面享受食物一面休息一番，食店尚有很多其他上海菜及小食，下次可以再試試其他食物😋

店鋪的空間比較小，所以有不少人會決定買外賣可是即使買外賣也不用擔心食物變冷，買炸物返家味道依然很不錯平時比較少食上海野，不過食過呢間之後決得真心不錯基本上你隨便叫一樣野食都肯定沒問題👍👍👍炸饅頭、豆沙鍋餅、擔擔麵都非常好食😋價格方面還不錯，食物質素與價格成正比值得去幾次

長沙灣街坊小店，有一種舊風味，滿載童年回憶。平日下午茶時間去，都有唔少空位，同朋友都唔係太餓，叫左少少野食。四川擔擔麵麵幾爽滑彈牙，配上好多配料，有榨菜絲、花生、蔥，正宗四川風味，識食嘅朋友都應該知係邊種味道，夠辣夠濃，正。上海炒年糕上海炒年糕中規中矩，唔太濃味，軟硬適中，中等水準。

星期日返工日嘅外賣，好失望！叫了糖醋排骨客飯，喺外賣平台上落單寫明要多汁，你唔畀多都算啦，都畀番個正常分量嘅汁啦！！！ 點知嚟到每件大大嚿骨少少肉嘅排骨上面只係有一層薄薄嘅汁， 而且排骨炸到又乾又硬，直情係要“齒”開啲肉， 每“齒”開完 （硬到乾到已經唔能夠正常咁用咬）一啖排骨，啲又乾又硬嘅肉就黐曬喺牙縫度， 簡直係要“齒” 一啖排骨就撩一次牙😭 啲骨又大舊，每件排骨佔2/3係骨，只有1/3係肉， 慳住啲排骨咁食 ，但個飯未食完已經冇曬啲肉，骨就一大堆， 而且真係少汁到搵一滴多餘嘅汁去撈下飯都冇。唯一可取嘅就係飯量夠多。

一班朋友晚間相聚，又唔想出街食，好自然就會拎起熊貓app叫外賣。今次，就叫咗上海菜。從OpenRice上睇，餐廳門面其貌不揚，但看似很多好評，所以就叫左萍萍了。外賣送到了。當然冇堂食咁熱，但都有微溫。先試阿翁上湯小籠包。暖暖地，無左蒸出嚟果陣熱力，但仍然食到佢嘅湯汁，餡肉唔太肥膩湯唔喊，即使係外賣，上湯小籠包仍然是好食😋雞絲粉皮混合咗芝麻醬，撈得好好食。青瓜海蜇嘅海蜇好爽，混合左芝麻更加香口。京蔥爆牛肉嘅蔥爆得好香，只係牛肉有少少韌，一般水準。鹹肉津白嘅鹹肉，比較多左啲肥膏，而津白菜因為太多水浸住，好淋，津白要爽先好味，但即使變淋，仍然幾好食。上海粗炒就有少少油膩，不太好。而鍋貼很大隻，但因為外賣，凍左無咁香脆。反而對佢嘅豆沙鍋餅評價最高，雖然開始凍，但係外皮仍然很脆，豆沙餡有少少沙，似即磨紅豆少咁，唔太甜，令整個就鍋餅香口微甜亦有粒粒口感，亦係整個外賣評價最高嘅地方。如果要我評分，豆沙鍋餅係第一，小籠包第二，雞絲粉皮第三。雖然係街坊小店，但係絕對高質，好有上海滬菜嘅味道。

中午大約十二點半行過, 見到餐廳唔係太多人, 就入去食個上海午餐, 餐廳係一般小店的格局, 午餐時份要搭枱, 還好中間仲有塊膠板,  以四人餐枱為主, 超過四個人會坐得好逼好逼.點了小籠包+萍萍湯麵+豆漿小籠包好厚皮, 還好新鮮蒸出來, 入面仲有肉汁.萍萍湯麵, 完全無料,  一碗味精湯+幾片甜酸菜+小小肉碎,  完全唔係上海風味, 超中伏的一碗麵豆漿還可以, 有豆味, 但唔夠滑, 隔渣一般.午餐55蚊, 性格比普通, 唔知點解有甘多好評招呼唔錯, 哥仔會重複一次你點的食物, 埋單亦有講多謝, 

很久巳提不起興趣去選擇食上海菜，因為實在太易中伏，直至食完呢餐之後，改變了， 終於搵到一間可以再度光顧，因為我巳打算再去試他們其他的菜式。 這裡店鋪雖少和舊，也沒有華麗的裝潢，但確食得到師傅的心機，真是物超所值！今次叫了酸辣湯麵+小籠包套餐，茶餐廳價錢，酒店級味道。讚👍🏻 向來不太愛吃小籠包的我，以前從未食多過兩隻小籠包，今次居然食咗4隻都仲想再叫😋😋😋，還有醬炒包心菜，醬汁不會太濃，味道剛好。

佢開張之後一直都未有機會去買外賣, 今日下午茶時間, 無咩人係街上, 叫左酸辣湯, 豆漿, 鮮肉餃子;酸辣湯 - 得個辣字, 無咩酸味, 料也不多;餃子可以, 皮太厚;豆漿比較甜;無咩其它想再試。以上只是個人意見, 食物味道根據個人喜好落墨; 同時也受當日值班廚師及材料所影響。🐽

呢間小店想試好耐，每次經過都好多人，冇乜位！今晚差唔多八點先去到，幸運地即刻可以安排入座！一坐底 waitress 已經同我講，小籠包已經售罄🥲心想她怎知我想食小籠包😭😭那就隨便點了一碗四川擔擔麵配煙鴨絲春卷，估唔到都有驚喜春卷是即炸的，好香脆，煙熏味香濃，煙鴨肉質嫰滑，入邊仲有蘿蔔絲同椰菜絲，非常好味！四川擔擔麵，麵條爽滑彈牙，配料甚多，有傳統花生碎丶肉碎、榨菜絲、蔥花，香味四溢，略嫌花生味唔夠濃，但還是值得推薦見佢個餐牌，仲有好多款小食，下次會再來，希望能夠食到我最愛嘅小籠包另外想讚吓幾位服務員姐姐，全部都好有禮貌，態度好親切，語氣令人聽落好舒服，亦係會令我回頭幫襯嘅原因👍🏻👍🏻👍🏻

好過食茶餐廳下午茶系長沙灣真系無乜特別野食，食來食去下午茶都系茶餐廳，新華蛋撻都吾想食，行來行去，居然見到一間上海鋪，真系好耐無食啦！三點左右去到，得一兩個客，但外賣都好似幾多人叫。吾想食雲吞或者粗炒，就叫左兩個特色小吃，等左大概5分鐘就有豆沙窩餅（$38）4分- 打開仲熱辣辣，表面炸得金黃無過火，皮雖然有厚有薄，豆沙涵無渣同都好多，幾有豆香但甜度剛剛好，皮都吾算油。雷沙湯丸（$30）4分- 可能放系個膠盒，感覺好似好細粒，豆蓉粉比好多，湯丸皮薄無黐牙，芝麻好香

此店在openRice好評如潮，平，靚正，彷似就是為此店度身訂做的形容詞，身為上海菜控嘅揾食肥華，在6月4日滿心歡喜，滿懷希望今日會食到一餐有水準的上海美食，一入此店已感到不妙，因此店連一般上海館奉客的香片茶也没有，雖然望望菜牌此店嘅午餐及下午茶餐，真係做到街坊抵食價，但可惜除咗個小籠包和鮮肉鍋貼有一般上海食店水準外，其他今日我所點的菜色都唔合格，個四川担担麵個麵底口感似食梗韓國即食麵，酸辣湯麵個麵底雖然係正常嘅上海麵條，但個酸辣湯竟然有濃烈嘅蕃茄酸味，而非正常傳統酸辣湯味道，揾食肥華從未食過咁怪鷄味的上海酸辣麵，至於個客回鍋肉客飯亦没有濃油赤醬的回鍋肉，祇是一碟色香味都欠奉的椰菜辣椒炒豬肉片，而小雲吞和香酥豬扒是外賣給大仔仔的晚餐，肥華冇食過故不敢妄下評語，呢一頓上海食品餐最好味就係個杯隨回鍋肉客飯跟餐嘅豆䊢，起碼好味過威記粥品個杯豆䊢，經此一餐以後肥華再想食上海菜都唔會考慮此店😖👎😖👎😖👎

留意到長沙灣開咗呢間萍萍上海館，作為滬菜lover, 小妹即刻要黎試試，食咗下午茶。抵食程度非常高，不過味道尚可改善一下。首先 睇下招牌上湯小籠包4隻35蚊，個樣真係唔係好得，蒸過龍，個皮都變晒樣。發脹晒不太吸引，但食落個味係啱既，同正宗上海小籠包一樣味，而且都幾多汁，佢個餡都算新鮮既，係個皮的質感較厚。唔難食，但唔會特別推下午茶時段，分別叫咗上海排骨菜飯同酥炸雞扒飯，上海排骨菜飯中的菜比例較少，得面頭兩三條，撥開底下白飯為主但係份量算多，而且下午餐時段只係42蚊包老火湯同飲品，呢個價錢真係好抵！上海排骨即係炸豬扒，同酥炸雞扒比，後者係比較好味，肉質較鬆化，而佢既上海排骨同另一間深水埗福榮街上海萬家村比，我覺得呢度稍為好食少少，冇咁油，調味適中。兩款飯食落都比較乾，建議個湯唔好咁快飲晒，配住個飯一齊食比較好。另外叫咗招牌口水雞湯麵($40)呢個就冇老火湯 送嘞，見到面頭有芝麻醬都心知不妙，so far都好少見有口水雞有咁大量既芝麻醬食落唔辣，但雞肉肥膏多，肉質較韌較實，有陣時啲冰鮮雞整得好都可以同新鮮雞幾可亂真，佢呢個冇，感覺冇咁新鮮，如果呢個口水雞係有招牌兩個字，咁我有 啲擔憂⋯⋯湯

長沙灣小區真係愈黎愈多美食出現～呢期興黎呢區影花，影完過黎醫肚～萍萍上海館開藥唔耐，不過已經好多街坊幫襯假日等候時間約20分鐘左右～就算假期14:00依然係下午茶時間，非常抵食！香露醉雞湯麵 $40+ $9轉酸辣湯麵非常friendly 嘅配搭，$50有找醉雞係酒味濃帶咸果種，剛好我較喜歡呢派酸辣湯略嫌唔夠辣，但上海幼麵富彈性無糊掉，不錯！套餐包豆漿，凍檸茶就加$3蔥油拌海蜇$50 份量都幾多，睇唔出佢無咩色水又幾濃味wo招牌上湯小籠包 $35/4隻 呢個價錢同某某上海菜館無得比，勝在價錢平、肉餡唔散有湯汁～豆沙鍋餅 $38 口感較似班戟，唔係唔好食，但完全唔同傳統豆沙鍋餅口感紅油抄手$32 共5隻，係好食嘅蠔油調味菜肉雲吞，但少了紅油感～

今日放工係長沙灣搵食，經過見到呢間上海小館好吸引就決定入去試下餐牌有齊所有上海菜式價錢亦經濟實惠令我有選擇困難症回鍋肉菜飯回鍋肉好有鍋氣酸酸甜甜好惹味再加上清甜既菜飯健康得黎味道豐富上海菜肉雲吞 拼 四川擔擔麵擔擔麵湯底香濃，花生味好重係我喜歡既正宗味道麵條爽口彈牙，掛湯食得好爽快加上皮薄餡靚既雲吞好滿足招牌上湯小籠包小籠包即叫即蒸，好新鮮熱辣辣一咬開就爆出大量肉汁肉味好鮮甜非常高質炸銀絲卷銀絲卷炸得外脆內軟再點上煉奶味道好夾好好味