萍姐美食 (Closed)

萍姐美食，好味又有人情味！十幾年經驗，由長沙灣過來大角咀，街坊有口福。食物order to make, 選料質素有挑選過的，真係唔錯。好食又有功架，燒烤其實都講功夫，要有經驗同心機先會燒得恰到好處，用心之作。每個order係即叫即製，海鮮預定。下次可以試試。今次食扇貝都鮮味又厚肉。用心經營。牛舌，好爽又有口感，厚得來唔un… 好juicy魚皮，爽，好食，不過對我來說有點辣。總括而言，真係算抵食，味道好，材料質素好，有得坐室內，整齊乾淨。…Read More

今日我來介紹一家本身位於長沙灣，現已搬到現址的串燒店，萍姐我地都大大話話都食左差唔多十四年喇，食過附近其他串燒，唔係燒定有人叫就翻燒，就係醃得唔入味，或者係入貨整定果隻垃圾串燒，而家黎到新舖，我就梗係繼續撐啦。萍姐呢度入左舖，光猛晒，有冷氣又坐得唔迫，間房應該都可以坐十個人左右。萍姐呢度d野食醃得入味，冇雪味，全部自己人手串，而調味經過咁耐時間既意見洗禮已經冇起初咁鹹，明爐燒串燒燒得剛剛好，一般唔會太燶唔會生。呢度有各式串燒、韮菜、娃娃菜呢D係做串燒既基本啦，燒起唔會乾仲好多汁。海鮮如果新鮮，實在係冇理由出事，燒生蠔係啱啱好熟，唔會乾晒水，隻蠔多汁又飽滿又Creamy，但老闆好有心機燒，冇一次黎食係唔掂嘅。串燒安格斯牛柳粒係呢度皇牌雙雄之一、咁厚肉已經喺串燒界黎講係甚少有，厚肉多汁牛味濃更加係難能可貴，黎得絕對要食。雞皮除非太燶，如果唔係唔會唔得。我個人黎講鍾意細中翼多d，冇咁大隻可以食多d其他野，雞翼皮脆香口，正!還有值得一提既係，另一皇牌雙雄呀，今次唔記得影燒，出黎皮脆肉嫩多汁香口，自己一個宵夜可以叫老闆免剪，肉汁鎖得仲好，又係另一種享受，而剪開亦方便一口口慢慢食，都係點都要叫。combo set 係雞髀皇扒加串燒安格斯牛柳，搭串燒娃娃菜消消滯，再用條藍妹作結下下火。今次記得點，原條原汁原味，葱蒜比例唔會太搶味，有燒香亦有汁甜。燒秋刀唔腥，有調味，不過我本身唔太好，所以麻麻，但對比起多卵魚，我會比較推薦，不過我自己會比較鍾意燒鮮魚多d燒豆卜，燒吊片，食完主力多水多汁，就係時候吹吓水，食吓呢d佐酒小食，豆卜真係會食落卜卜聲，仲有好強烈烤豆味。燒吊片就吹水飲酒絕對唔可以冇既野今次就食左呢d，因為餐牌都多左野食，冇叫晒新加既，今次食住咁多先啦!新搬黎可能未有咁多人識，同埋廚房唔同左，冇咁大煙，反而搞到萍姐佢地冇左最有效既宣傳方法，希望行過既人唔知係咩都上一上OPENRICE呢度，望一望食評睇睇， 咁就知冇幾正喇。…Read More

位於大角咀嘅萍姐美食平時經過都唔係好覺眼🧐因為其實佢係一間深宵食堂 營業時間為19:30至清晨04:00🦉喺附近玩夜咗 可以過嚟食個宵夜😋而且價錢仲幾平幾抵食🤑 ✨️原條蒜香茄子 $31身為茄子愛好者 燒茄子係串燒舖必點嘅野食🍆餐廳嘅茄子嘅蒜末算好多 主要靠孜然粉帶出濃濃嘅香味😍茄子燒得啱啱好 輕鬆拉到一條條茄子肉 又唔會燒得過老乾晒👍 ✨️錫紙牛油金菇 $30牛油金菇用錫紙盒裝住 好大份🤩同樣有蔥蒜同孜然粉調味 不過牛油味都好重 好香好滿足😆 ✨️燒菠蘿 $18雖然菠蘿唔算大大舊 果肉屬於皮邊位置 但係食落好鮮甜🍍食件燒菠蘿 成件事refreshing同解膩好多😄 ✨️粉絲大扇貝 $35我同朋友嗌咗一人一隻扇貝 扇貝好大隻 連埋殼有一隻拳頭咁大👊扇貝肉嘅厚度目測都有2cm 食落啖啖肉 好滿足🤪而且蒜末比得超多 配埋粉絲一流 ✨️燒雞肶扒皇 $31雞肶扒皇係餐廳嘅暢銷商品🌟大大件啖啖肉 但係就略嫌雞肶扒有點乾 調味都係普通孜然粉 令我有少少期望落差🤏 ✨️雞軟骨 $15雞軟骨係餐廳出品嘅唯一敗筆🥲一上碟嘅時候令我同朋友都呆咗 因為得好細一串6粒嘅雞軟骨🤣而且食落都十分普通 總結：餐廳大部份出品其實都唔錯 而且價錢都幾抵同埋老闆娘好熱情😄有一間開到咁晏嘅深夜食堂 住喺附近嘅居民應該好幸福吧🥹…Read More