萌記牛什麵家

1-6-2025（Sun）晏晝，同老公喺葵涌廣場掃咗街後，佢都重要搵嘢食，於是又係咁行，行落地下睇，見到呢間食牛嘅，於是我哋入去坐，佢叫一碗$40.00嘅牛雜麵一齊食，我覺得唔好意思，佢就叫多個$15.00嘅細油菜，我哋揀芥蘭。牛雜麵好快到嚟，見到有肚，肝，肺同腸四樣嘢，食落，味道夠濃，口感亦正常，不過我真係食唔到肝臟，係我個人覺得難食；麵都冇乜問題嘅；啖湯就爭少少。4.5分細芥蘭都上埋，正常嘅甘味冇問題，不過我食到有舊有渣，同食到底，發現一條黃色嘢，我以為係老公嘅麵夾到落去，但原來係橡筋。5分衛生係2.5分…Read More

食過一次 味道正常 但環境真係唔得食左幾啖 突然有隻小強🪳係你身邊經過 食都食得唔安樂 啊姐應該都見慣晒 捉都冇諗住捉 直接埋單走人🤮自從果次 我以後都唔會再去呢間野度食🤮…Read More

首先👅我係第一次食依間店，叫咗個雲吞牛腩粗麵嘅外賣，個賣相靚靚仔仔表面上睇落好似都唔錯嘅，但睇真啲啲牛腩係碎唔係一件件有啲一粒有啲一片，睇到我都有啲疑惑，究竟佢啲牛腩林到散咗定係切到咁樣，我真係唔識分，仲有就係肥得好犀利，基本上有一半都係肥膏，牛腩真心味道OK嘅，撇開果一半肥膏來講，雲吞就⋯⋯⋯⋯啦，真心我唔識欣賞啫，跟住講個麵⋯⋯唔知點解啲鹼水味可以咁重？？未散走鹼水就淥？定係煲水淥麵淥到勁多鹼水？總之係一開個外賣盒就一大陣鹼水味湧上嚟⋯最後其實可能係我唔識欣賞…Read More