華輝小食 (Moved) New Location

好耐無食，晏就去買，吾洗排隊入到去個大媽已經黑晒面，吾想招呼甘，我係咪阻住佢休息？😂買完係佢面前等拎食物，佢勁大聲呼喝：咪企係度啊，行去台果邊等！係呼喝！疫情關係叫我吾好企甘埋，可以接受（其實都已經隔好遠）甘大聲罵人咩事？手撕雞係吾錯，不過吾會再幫襯

記得好幾年前睇新聞，知道有間喺大圍賣手撕雞腸粉嘅店舖結業，一眾大圍街坊都感到不捨⋯今次多得沙田友介紹，先知原來喺新位置重開，咁啱踩完單車有啲肚餓，還完車，就過隔離華輝小食醫肚。我哋三個女仔，叫咗兩盒手撕雞腸粉。其實份量都唔少，一個女仔應該食唔到一盒。腸粉上鋪滿晒雞絲，雞肉肥瘦適中，唔會鞋，配上熱辣辣嘅腸粉⋯呢度嘅腸粉口感嫩滑，配上麻醬、芝麻同辣汁，估唔到原來手撕雞同腸粉都可以咁夾！真係不愧為大圍名物！

聽左好耐大圍有間手撕雞腸粉好好食，以前都知道位置喺邊，搬左舖後都未食過，今晚早食飯，決心係大圍週圍行下，睇吓好吾好彩揾到🤗其實都位置都好偏，火車站A出口，再行入去D單車舖頭附近條行仔！小店光猛左好多，而家仲有幾張檯仔可以堂食添，真好👍我買左1/4隻手撕雞同埋手撕雞腸粉，一於食盡佢點左食物店員會比個牌你，當個牌啫啫甘響，你就可以去櫃檯職員食物了，好放便，又快捷。手撕雞腸粉果然名不虛傳，好好味，我叫左少辣但D辣椒味已經好濃。麻醬好香，同D手撕雞好配合，不過要食快啲，如果吾係食到最後都幾油膩。1/4只手撕雞份量都幾多，裝到成盒滿晒，抵食加左D芝麻，好滋味

昨天9月13日下午5:00咁上下，行過大圍華輝小食，想入去食d野，一入門口見到最入面有張枱，一入門口就比吧枱裏面，好兇惡嘅大媽大大聲鬧，你哋唔好好入去⋯⋯，門口無唔比人入去食嘢，其他枱都有人座響度食緊野，惡大媽就執緊外賣比其他人，我哋只好去其他地方食嘢。以後都唔會再來華輝。評論：引用天王「劉德華」果句名言：「今時今日，咁嘅服務態度⋯」。

🐓提起大圍 大家都會諗起手撕雞腸粉😆雖然我都唔係好明點解兩樣野要一齊食不過間唔中攞嚟做宵夜過下口癮都唔錯嘅🤔-手撕雞都算幾大舊 唔會碎濕濕 食落都幾嫩而且值得一讚係佢冇奇怪嘅雪味 口感幾好腸粉好滑 索哂底部啲麻醬、辣汁同埋豉油-我哋叫咗BB辣 一開始食落都OK嘅 不過食到底嗰陣 啲腸粉浸耐左 就會變到好辣好鹹所以買完最好都係盡快食晒佢都算好食嘅 不過又唔係啲人講到咁誇張如果住喺附近買黎食又冇乜所謂 但就唔使特登入大圍食😗好味評分😋：4.5 /5🌟🌟抵食指數🤑：4/5 🌟🌟餐廳環境 🤪： 3/5🌟🌟價錢💰：$35地址📍：華輝小食 大圍積福街積壽里4D號地舖#littlefoodtour大圍#littlefoodtour平民推介

之前去大圍踩單車，踩到夜晚肚餓但又遇著晚市禁堂食🙄好彩大圍仲有好多選擇，所以二話不說就揀左大圍名物——手撕雞腸粉嚟食啦🥳🥡小辣手撕雞腸粉 ($32)首先32蚊份量已經好足好抵食，而手撕雞份量亦一啲都唔吝嗇，鋪滿哂喺腸粉上面☺️手撕雞調味啱啱好，帶有微微沙姜麻油味，口感嫩滑👍🏻腸粉質感薄身幼滑，配上豉油、甜醬同麻醬同少少麻辣，味道好豐富👌🏻但略嫌小辣無乜料到🤣下次會叫中辣試下〰️掃街小食嚟講真係算好高質，值得一試👍🏻下次嚟會想試埋粢飯同手撕雞撈麵，上次去到粢飯已經賣哂，所以應該不錯吧🤔

華輝的手撕雞腸粉是另一道大圍名物, 之前因租約問題暫時結業, 但很快就找到新店重開, 繼續以手撕雞腸粉作主打, 老實莞之前沒有試過, 這次品嚐沒有舊店的所謂包袱, 對我而言, 腸粉本身口感夠滑, 不會一夾就散, 質素和大圍另一家著名腸粉店坤記沒太大差別. 手撕雞偏涼, 令腸粉熱度打了折扣, 雞肉口感也夠滑, 就算胸肉位纖維感不會太重. 醬料是麻醬混合麻辣醬, 配搭有點似擔擔麵的湯汁, 兩者味道都夠, 衝突點就是前者的甜香和後者的麻辣甚有衝突, 不能好好結合一起之餘, 重重的咸味割裂了它的味道, 味道的關係令其不會成為我最愛的腸粉. 我最深刻的腸粉, 也許是灣仔強記的煎腸粉, 那種單純的米香和焦脆; 以及盈置會館的XO醬脆煎腸粉, 那種內外兩層脆軟相間的巧手吧!

《大圍名物手撕雞🐣》———————————————-#華輝小食 🤩難得入到大圍，梗係要試吓大圍名物手撕雞。佢嘅雞肉嫩滑，食雞連皮超好味，而且份量超大，食完超級飽肚。無論係配飯定麵都唔錯，撈面仲帶點蒜油香同芝麻味，正正子🤟🏻-辣度有成七個level咁多，我揀嘅bb 辣對我嚟講啱啱好，相當惹味🌶-另外我哋仲加咗個麻辣雞腎同埋瑞士雞翼，水準都唔錯，值得一試！-⭐ 參考價錢︰手撕雞飯：$45手撕雞撈麵加底：$45麻辣雞腎：$40瑞士雞翼：$10-🍌抵deal指數：8/10💰人均消費：$60

🇭🇰華輝小食·呢間我大學嘅時候已經食過㗎喇 但係畢咗業之後就比較少嚟呢一邊 難得嗰日去大圍就專登再嚟咗食😍😍佢依家搬咗鋪頭有得坐低食 唔使好似以前咁企喺條街度食咁狼狽😉·手撕雞腸粉$35我哋今次就揀咗BB辣 我覺得個辣度對我黎講就啱啱好😂😂有少少辣味惹味啲得黎唔會太辣😏而且佢啲腸粉真係超級滑 而且熱辣辣配埋啲麻醬好正 我自己覺得一定要撈埋佢底下嗰啲豉油 咁樣先更加好食keke之後佢啲雞都幾亂嫩 而且份量好多 食得超滿足🐤·燒賣$10佢個燒賣就冇手撕雞腸粉咁出色啦 都係平時食開個種 但係佢個調味係有啲特別嘅 雖然唔係好確實形容得出佢係咩味🤣🤣🤣不過佢係有啲粉嗰種燒賣 但係都係幾好食既😌·#rbyeat#rby港式#rby大圍·📍大圍積福街積壽里4D號地舖

傳說中手撕雞腸粉始祖🤤除咗淨手撕雞，仲有手撕雞撈麵同手撕雞飯。嫌原味dry梗係仲有辣味揀啦，足足有7個辣度揀😈快啲挑戰地獄辣！依間街坊人氣小店一直大排長龍，不過人流去得好快，設有堂食座位。.👓手撕雞腸粉 $35即叫即做，腸粉淋有芝麻醬和芝麻，腸粉薄身夠滑，麻醬同雞同腸粉真係好夾味，有少少雞絲粉皮嘅感覺🤣雞絲份量多都唔算韌，不過雞皮稍為多咗少少痴住啲肥膏位。佢個石磨芝麻醬好香好食，驚原味太寡但又唔食得辣於是叫咗最低級別嘅bb辣，味道唔辣但辣油香成功吊起咗啲味變得更加惹味好食。真係好微辣程度而唔食得辣嘅朋友唔使擔心。評分：8/10👓手撕雞撈麵 $35用上印尼撈麵+沈上芝麻。撈麵有得揀辣同唔辣，但因為手撕雞有油香味同撈麵本身有蒜香，所以揀唔辣其實都有味。不過鍾意重口味嘅人可能會厭清淡咁就建議叫辣啦。手撕雞份量同樣多，同撈麵好夾☺️評分：7.5/10

位於大圍嘅華輝小食曾經出名係佢嘅手撕雞腸，不過入到就見到大部食客都叫咗手撕雞撈麵，所以今次就同大家試下佢地嘅手撕雞撈麵。佢有分大同細兩個份量，亦有分7種辣道。可能因為細份份量真係太細，我今次去嘅時候就算全店滿座都未有見到有食客叫咗細份。今次我叫咗中辣，依個辣度適合食到譚仔小辣嘅朋友試試。雞唔算好滑，不過味道都算濃，佢嘅辣味都好惹味。同埋建議大家可以叫埋野飲，一黎佢真係幾辣，二黎食完之後你一定會點都有啲頸渴。依間店鋪衛生就麻麻，因為依間鋪係靠食客自行清理飯盒，又好少見店員會抺枱，所以枱面點都係油油地咁。不過佢嘅味道的確係唔差，喺到推薦一下比大家。

向來鍾意光顧小店對手撕雞亦有點偏好第一次黎要左份手撕雞腸粉，就算堂食，都係外賣盒上的手撕雞的質素及口感還不錯但真是咸左少少腸粉質地算嫩滑，但醬汁也是比較咸如整體多加一些麻醬，味道應會平衡d

《香港大圍 華輝小食》最近常去踏單車 發現大圍有很多好吃的😍上網找大圍美食 一定會出現華輝小食華輝主打就是 麻辣手撕雞腸粉😋🥰🤤店面不大 座位大概只有十個 但卻一直有長長的人龍麻辣手撕雞腸粉認真出色 麻辣醬夠辣夠香，雞肉不會綿綿的 配上麻辣醬和麻醬超級好吃！腸粉也不會硬硬的！所有配起來就很無敵😍腸粉也可以改成營多撈麵，但撈麵一般，腸粉絕對第一☝️店內還可以點其他的，例如黐飯、燒賣、珍奶，但除了麻辣手撕雞腸粉，其他都很一般。尤其是珍奶，千萬別點，不好喝🙃🙂#香港#hongkong#hk#香港美食#hongkongfood#hkfood#大圍站#大圍#大圍美食#taiwai#taiwaifood#taiwairestaurant#華輝#華輝小食#hkfoodie#foodporn #foodstagram #foodblogger#hkfoodblogger#hkfoodblog#foodblog#travel#travelblog#aneatinghouse#traveljoyjoy_新界區

華輝小食手撕雞腸粉好出名 今日嚟到大圍 梗係要歎翻盒啦食落感覺ok 份量算多但係有d手撕雞唔係好熟 仲有d粉紅色😥腸粉不過不失 但食到最尾腸粉浸哂豉油 變咗黑色 唔係好想食囉overall:佢俾人叫大圍名物 我覺得overrate左 其實係好普通嘅手撕雞腸粉😂

今年新年去大圍拜車公廟，一黎轉個靚運應下節，二黎都想去大圍食嘢，因為去親街食親飯，都係旺角、銅鑼灣，真係少去大圍，難得黎到就當然試吓岀名嘅手撕雞腸粉啦。一岀大圍火車站，大概行2至3分鐘左右，就揾到呢間小食店，叫華輝小食，佢本身有賣好多唔同嘅小食，有魚蛋燒賣、粢飯、撈麵等等，而佢最岀名嘅係手撕雞腸粉，傳聞話佢最好食係個醬汁，所以我十分期待！店舖座位不多，大約幾張枱椅提供，小食店嘛，當然預你食完就走。講到重點，當然係手撕雞腸粉，醬汁有七種辣味比你揀，地獄辣、大麻辣、中或小辣、大辣、中辣、小辣、bb辣，以及原味。由於朋友唔好辣，今次就揀左bb辣。佢餐牌上面寫住即叫即整，所以我地都等咗好幾個字先黎到，腸粉係底手撕雞係上面，加左豉油，麻醬，同少量辣椒，雞肉肉質正常，唔算滑亦唔算un，加左少少辣椒撈埋一齊，算惹味，食得辣嘅朋友，可以叫中辣，而佢傳說中嘅麻醬，真係好一般，沒有很特別重嘅芝麻味，仲有少少苦，辣雞撕點埋一齊食，真係唔多掂，而腸粉都唔算好滑中規中矩咁啦。小結: 如果你好肚餓，想食啲小食填包就算，可以食呢間，$32元有一盒雞撕腸粉，以小食黎講，價錢不算平也不算貴，不過，味道真係平平無期，雞肉