華輝小食 (Moved) New Location

每次經過都會買手撕雞，分唔同級數辣度因為我個人唔識得咁辣所以揀咗小辣！今日唔算多人，拎住個牌等左15分鐘就有得拎《全隻小辣手撕雞》， 我鍾意呢間店的雞肉新鮮沒有雪藏味！同埋佢哋真係人手將雞肉撕開，然後根據客人嘅喜好調配囗味正！無得頂！加餸一流！其實手撕雞腸粉都好好味，平時lunch或者早餐都可以食

持平地講句 食野最緊要係d食物！但如果買野食買到要受氣 就真係無謂我由華輝一開舖就幫襯到宜加～食物質素keep到！但係d staff ge態度真係好麻麻！見到下面有留言話係d姐姐既態度～我又5覺wo!! 姐姐通常都好友善：）反而係有個年輕既女仔，塊面又黑、態度又差，好似對住d客發脾氣甘😂真心覺得 華輝老闆可以請更好員工！甘樣就5會有人因為態度而5想買

大圍出名小食多，今次路過見到有堆人排隊，八卦望下有咩好食。佢有套餐，但因雨天被遮陣擋住影唔到。大大隻字手撕雞腸粉，一定试呢個先。呢間舖應該出名手撕雞，有人配飯亦有人配餈飯。我叫左唔辣手撕雞腸粉，佢仲有分辣同唔辣，辣也有分不同程度十足癱仔咁。阿姐問完我食乜，就好pro係盒底寫上暗號，之後就比左個機我等……街邊檔專業化！又響又振後，腸粉到……好多麻醬，腸粉好滑，手撕雞好嫩，估唔到呢個mix and match Ok,下次再試辣味。

成日都心郁郁想試下大圍既手撕雞腸粉咁岩約左人去踩單車，就順便去試下啦‼️因為係周末，人比較多，所以預左要等耐少少，所以接受到雞同腸粉份量都多，比料唔手軟喎，醬都足夠，唔會乾爭爭。手撕雞童叟無欺，舖到滿一滿，差唔多睇唔見係底既腸粉咁濟 雞肉口感係我鍾意既，有彈性，唔嚡，睇黎隻雞有間中做下適量運動啵叫左小辣，自問食得辣都覺得係有啲料到，大家衡量下先好叫呀‼️醬係好味，滲埋落腸粉到一流腸粉夠滑，抵讚總括黎講，係好味既，但唔係話好特別或者係世界級，所以試過就夠了

成日經過呢度, 見好多人等~諗住買盒手撕雞(例)返去試下, 第一眼望好油, 個樣好似好多, 其實得啲骨放晒係底~食得嘅得好少老公仲話啲味怪怪地, 所以都唔諗住再幫襯但就唔明點解咁多人排隊, 完全唔明有咩因素會咁多人排隊, 唯一諗到係員工整一盒手撕雞腸粉要好耐, 係度制造人龍實質真係冇咁多人買, 有被騙的感覺

我這大圍人一向咀雕，很多人都説大圍有好多美食，但得到我青睞的真的不多。不過要推介俾人的話，華輝的手撕雞腸粉一定無得輸。因為友人愛吃辣，我有一晩晚上9點幾經過火車站附近，就順道在華輝買了最出名的手撕雞腸粉大辣給他試試。雖然時間不早，去到小食店前仍然有一小段人龍在等候排隊落order,幸好不需5分鐘，諗定order的我就買好，華輝後勤準備野食的，手腳快快脆，等多另外5分鐘，我就拿到野食走人！此手撕雞腸粉果然名不虛傳，腸粉軟滑，大辣的手撕雞香辣惹味，對友人來說，大辣只是剛剛好，但對我呢個愛辣但耐辣指系一般的，大辣足以令我即刻乾咗成杯水，不過佢又會令你想繼續食⋯⋯而友人第一次吃這手撕雞就立馬愛上！他更在此之後一星期，特意從旺角到大圍買了3次，相信鬼鬼地的他已經成了大圍手撕雞腸粉的粉絲！！(因為友人太肚餓，太急不及待，所以未影野相份手撕雞已經落咗佢個肚一大半⋯⋯所以欠了它的最後大頭照😂）👇🏻排隊時記住合作D諗定要order D咩！

一直都是喜欢阿姨家的..之前有阿姨跟小伙子还有叔叔在..肠粉怎么都是好好吃的..现在来了个新人..性别女！一点都没有点专业的素质..甜酱没给，说了不要辣的其它多酱..还白眼我🌚🌚完全不想再去吃了..没有甜酱算什么肠粉？

聽過很多朋友推介大圍華輝小食的手撕雞腸粉。今天終於有機會嘗試。所有小食只限外賣，手撕雞腸粉一般要等候5至15分鐘。齋買一個手撕雞腸粉我不夠吃，於是加多兩隻瑞士雞翼，一共＄42。瑞士雞翼冇咩驚喜，燜得不夠淋。手撕雞腸粉就好食，份量都可以當一個午餐，醬汁有誠意。如果嫌腸粉唔夠飽肚，可以轉飯。另外，店鋪仲有齋手撕雞出售，如要買來送飯亦可。

第一次寫食評，真係忍唔住要負評佢地，星期六下午四點幾去到唔算多人，有幾個人order左等緊，有一個人係我前面，比完錢有兩三個人排我後面，全部都叫手撕雞腸粉，咁我就拎著個pager企埋一邊等，等左一陣排喺我前面同後面嗰啲人個pager都已經響左有得拎，咁大家叫同一樣野，正路我後面都有咁冇理由我未有丫，所以就算我個pager未響我都行埋去睇吓得未，點知個女仔好冇禮貌咁大鬧：「都未響！」，因為當時都有幾個人喺度排隊等落order，咁我只好行埋一邊再等，又等左一陣，見到之後order嘅人都已經有得攞，我就忍唔住行過去，個女仔望左我一眼終於都發現我仲等，佢先行入廚房拎我個order比我。其實漏單錯單好少事，你講聲等等，我唔會咁嬲，又唔係五星級酒店，街坊小食店大家都明白，但係我一路企喺度等，一路都見到嗰個女仔啲態度好差唔止對我對其他人一樣，反白眼冇禮貌鬧客，你生意好唔優做，我亦都唔一定要幫襯你，其他人唔介意，但對我來講唔值得為一盒手撕雞腸粉受氣。

華輝既手撕雞腸粉已經成為我每次收工宵夜必食之一。吸引之處：1. 手撕雞有彈性，有自己獨特既味道。2. 手撕雞可以按個人喜好揀辣味，我每次會慢慢升級辣度，好刺激。3. 腸粉爽口有咬感。4. 花生醬，海鮮醬同芝麻比例調得好好味，口感好滑。唯一覺得價錢可以再平啲，唔好一直起價。越起性價比就會越低。因為份量唔算多，好快食完，但就要32蚊。32蚊其實可以買到好飽既小食。希望呢間小食繼續加油！會繼續支持你。唔好再起價啦！

大圍有好多茶餐廳，亦有多國菜，例如日本菜、泰國菜都有。有個住大圍嘅朋友就介紹我哋喺大圍站對出嗰度掃街～ 我見到有津津美食，又有share tea，不過佢最想介紹嘅就係呢間食手撕雞腸粉嘅鋪頭💁🏻自從食咗第一次之後，每次同男朋友去踩單車之前都會食呢個做午餐🍴 分量足夠兩個人食，而且撈埋啲醬會濟啲飽啲，辣度都有得揀嘅，平時都係叫小辣腸粉幾薄，望落通透，咬落去得質地唔會太實，捲埋咁食都唔會太濟。雞肉撕成一條條，食落好嫩口，似係啖啖都係雞脾肉咁。我通常會腸粉同手撕雞一齊食落口，有晒兩種口感係入面，正🤤

手撕雞腸粉是什麼?其實手撕雞腸粉是將手撕雞放在腸粉上。真實的情況是一個暖身的雞絲粉皮，你說好不好吃，其實也可以的，但不是你想像中特別。如果你係喜歡吃雞絲粉皮便會喜歡吃。但是是否將傳媒一般寫得這麼好吃和需要等這麼久也需要吃呢?我又覺得不是那麼嚴重，價錢是32蚊一盒手撕雞腸粉，五條腸粉上舖了一些手撕雞絲，對比雞絲粉皮它是便宜的價錢，可以但如果要等上半個鐘頭吃這個宣傳效應過高的手撕雞腸粉我便不會再吃了。

大圍非常出名的手撕雞，今日終於有機會試一試。於晚上八時半左右到，已經有7至8人等候，幸好，不算多人。雖然其最出名為手撕雞腸粉，但因為剛吃畢晚餐，故點了例牌手撕雞($42)。手撕雞可以選擇不同的辣度，由地獄辣至不辣。我不太能吃辣，故選了BB辣。下完單後，店員會給一個圓形震動取餐器。小食店後面，眼看都有4至5名員工準備食物。等了約5分鐘，便可以取餐，速度快。我們急不及待於街上試食。一打開盒子，一陣麻油香立馬湧出，表面還撒上芝麻粒。例牌手撕雞入面除了有雞肉、雞皮外，還有雞骨。醬料配上雞肉，食落幾香，不錯的。

長期人龍小食店。呢幾年大圍名物。人氣手撕雞腸粉。去買盒做宵夜先。晚上10点几到。約人十几廿人在排隊或等候食品。好想試好耐。叫了手撕雞腸粉(大辣)$32。落完單有個小圓牌俾你。牌響拎得。即刻好小心咁拎回家開餐。同Open rice某留言一样。估都系個拎貨個外賣盒設計衰。一半醬汁倒瀉左。醬汁混合味道吾錯😋大辣也不算好辣。要叫地獄辣才對。雞絲好嚡口又靭。no good👎腸粉太厚身但滑。整体而言。普通可以。份量正常。

真系好足料……系米覺得我身子差，俾d雞骨雞頸我，等我補充鈣質？仲要cheap到將d雞骨收埋系d靚肉下面，完美示範咩叫魚目混珠。呃秤到咁，真系令人大開眼界。其實我系米可以告佢違反商品說明條例。其他既食物都好普通，尤其手撕雞腸粉，32蚊個量少到你會懷疑人生，而且口感非常奇怪。手撕雞撈麪d麵仲系keep住原本麪餅既形狀，好似無撈過咁。😡😡😡😡😡😡😡其他野難食唔緊要，手撕雞本身都還可以，日日都幫襯佢。如果你唔接受自備環保盒，你可以直接講，你唔支持環保，我無所謂，我唔系環保塔利班，最多唔食姐。但送雞骨真系接受唔到羅，猶如騙子