Video
7-min walk from Exit A4, Sheung Shui MTR Station
continue reading
Payment Methods
Above information is for reference only. Please check details with the restaurant.
我作為香港芫荽黨黨員 的一份子叫個蠔仔同粉腸豬膶走麵加$3芫荽蠔仔粥個湯底好鮮好香蠔仔係細粒，不過都飽滿潮州粥，梗係食粒粒米，最怕黏淋淋，佢得呀，魚香底,(方魚肉碎d friend)蠔仔爽脆個蠔仔蛋餅一般般，叫佢係蛋餅係正常不過，唔係佢講的“蚵仔煎“粉腸豬膶很ok,如果厚切豬膶就不得了
continue reading
第一次食潮州粥 啲米可以係唔熟嘅因為我係叫外賣所以打電話返去同佢講佢個態度就係好似我呃佢咁樣俾錢受氣千祈咪幫襯仲要唔係黃店毫無幫襯價值呢啲咁嘅餐廳係絕對唔應該助長
continue reading
今日路過上水，誤打誤撞去左華記！結果愛上左呢間餐廳！我同男朋友2人分別叫左2 碗粥。因為我係蠔既愛好者，所以即刻點左蠔仔肉碎粥，而男朋友就點左胡椒豬肚粥。我地另加左瑞士雞翼做小食！個人比較鍾意胡椒豬肚，比較入味！呢間餐廳一定會再去多次！
continue reading
係翻屋企又未食飯既路上，不斷留意附近開咗啲咩餐廳，由於又唔想食嗰啲好普遍嘅泰菜，日本菜，米線，呢d幾乎都食到厭，倒不如整碗清清地嘅粥可能黎得更開胃。呢度嘅招牌大就大，但就唔係話好搶眼，招牌寫到明食蠔仔粥泡飯，其實都幾少見。佢係係地舖加用透明窗同門，所以係外面都會見到入面嘅裝修，睇落環境細細但五臟俱全，多人幫襯既話其實都有d逼！落單叫左碗方魚肉碎粥，加碟瑞士雞翼，雞翼幾入味，但浸得太耐，d皮已經淋哂，雞翼已經唔再漲卜卜，其實都好難取捨，漲卜卜個陣又唔入味，滾得耐又令雞翼甩皮甩骨咁。但味道都係中上！方魚肉碎粥好足料，不論係魚同肉碎都比左好多，同粥既比例幾乎係1:1😱👍🏻👍🏻粥咬落好有口感，一粒粒咁，唔係綿綿個種。似係即叫即滖👍🏻。仲有好多生菜，令粥既口感更多元化，食落仲飽肚仲健康！
continue reading
操完泰拳太疲累唔想煮是但街食，一向不太喜歡連鎖快餐店，燉奶佬門口望望餐牌都係不感興趣，想食潮州粉麵但潮興旺休息。我明明行緊返屋企架喎，點解坐低食即食麵既？好靈異啊﹗終於神推鬼擁走到華記，百無聊賴食食食﹗放假唔知可以重幾多，下星期先還，食左先講！食定唔食，還得到先好食！埋牆臉壁位多塵黐笠笠，好可怕！有位即轉回中間，舒服多了！已幫襯過好幾次，發現年青廚師明顯烹調技藝比叔叔廚師低幾班，而且出品偏清淡，賣相馬虎不討好。教我如何是好？情何以堪？神州村童開大喇叭打機，神州老母一於少理，仲要擘大喉嚨講州語搭譚仔話！白背脊男有樣學樣累鬥累，開大喇叭睇片與其抗衡。我帶住耳機聽音樂都未能掩蓋聲浪，比餐安樂茶飯我食好麻？騷擾到我呀！蠔仔肉碎粥全走，靚姐姐不厭其煩問多幾次確認，菜要嗎？蒜要嗎？薑要嗎？幫我走晒綠色就可以咯，謝謝。在用餐期間，不斷有食家親臨買蠔仔粥外賣，似乎深受大眾歡迎喎！年青師傅毫不手軟，倒入大量蠔仔齊齊滾，大大粒不是幼稚園，起碼都小學喇！肥美結實，夠嫩夠滑，陣陣可口蠔鮮味，不腥不嗅。搭上燙滾蒜香肉湯更美妙，飯粒煲得透徹濕度高，質地軟綿，食得舒服拍手掌！加入豉油胡椒粉點綴一下，更加食不停口，清得一滴不漏！紫菜湯，驚見大量芫茜蔥花加芹菜，我全部食唔到架！完全意料之外，唯有等待沉澱再隔渣，輕呷啖湯試試。硬係覺得有濃濃蠔仔味道，加上香香炸蒜吊味，好味道的。瑞士汁雞中翼，極重豉油味，醃得略咸帶濁，完全無甜味無糖味，只是普通豉油雞翼，那來瑞士風？皮爛肉鞋，試一次便夠。自製切雞飯，冰凍薑蔥油剛係雪櫃取出，味道免強合格，撈埋略濕暖飯免強入得口。浪費我寶貴的 quota！花 $45 蚊我可以食到更高質的燒味飯。明顯翻烚再砌整齊，難怪要等段頗長時間，新鮮度極低，斬開再烚乾硬鞋，無雞味無鮮味，格硬匆匆馬虎食晒去埋單。豬膶粉腸即食麵 10 號全走，只有大光麵供應的，不是全蛋麵，不是鹼水麵。如果有出前一丁、福字伊麵或手打烏冬就更好更開心啦！豬膶一般的處理，甘甜濃濃，微微乾硬蠻滿意的。粉腸極軟綿嫩滑，肥美還有一絲濕潤絨毛，豬甜無苦澀味，高質食得過。麵條索盡美味湯汁，每注都充滿上湯，黏黏腍腍合格。方魚肉碎蠔仔粥全走，以 $10 蚊換取方魚碎，熱騰騰冒煙端上。首次遇上炸方魚，薄脆一樣更添姿彩，香口味濃跟炸蒜亙相輝映，味道更上一層樓。多種質感舞動，綿濕脆韌滑彈，百般滋味在舌頭。三絲肉碎粥全走，幸運女神眷顧，由叔叔煮理，明顯特別用心烹調。魚片絲彈彈，咸菜絲爽爽，札肉絲嚥韌，添上炸蒜味道濃郁，來幾口滿滿的甜美咸香餘韻。肥牛魚片米線全走，年青廚師似乎馬虎少少，求其亂糟糟左一塊右一塊雜亂無章就隊出黎，賣相可怕！要我親手重新執返企理靚仔先影張遺照。呷啖湯汁，淡茂茂沒什麼味道。早前叔叔廚師煮理湯底甜美可口味濃喎？鞋烚烚淡淡肥牛碎，鯇魚片不腥有魚味平傭過關。米線短實實一截截食得不暢快舒服，腍腍濕潤的質地，我要嚥韌彈滑的。湯淡加上米線淡，牛淡加上魚片淡，落大量辣椒油幫幫手。驚喜夠香夠辣夠刺激，好野黎喎！份量實在太少，彷似頭盤一般，完全唔夠飽啊！去買隻滷水雞髀補補飛之得呢。咸菜胡椒豬肚豬腸湯飯 4 號全走，幾條淡口咸菜絲未能突圍而出，湯汁充滿濃濃胡椒味十分可口暖胃，咸菜味跟胡椒味要不相伯仲才頂級好味。豬肚大腸同樣軟軟腍腍，還留有一絲的豬甜味。暗算我！食幾啖湯飯熱辣辣，溫度剛好燙嘴好鬼正。但隊您條大腸入口即灼到起水泡甩皮啊，陰功痛痛，太大意喇！海蝦魚腩湯飯 1 號全走，整個賣相麻麻地，未能增進食慾。海蝦剪剪長鬚會更好，剛熟沒煮過火，保有爽甜，還有蝦膏，質素不錯。魚腩竟可煮得幼滑無比，她鬆軟的肉質非常吸引，還有陣陣魚甜味啊。湯飯靈魂當然係啖湯。淡得出奇水汪汪，海蝦味道更甜，就連清淡的魚腩都比不上，非常失望唔開心。先加胡椒粉幫助不大，再加辣椒油，不過味道非常單調。最後殺手鐧落豉油，三大調味料碰頭，終於有點味道，全部湯飲晒無留低。蠔仔肉碎即食麵全走，其實我淨係粥及炒飯討厭加菜，其他可以接受的。我最討厭白烚麵，完全無味道！可否用高湯煮麵呢？幸好沒有釋出難受的白滾水味道，算有點安慰。湯淡麵淡，唯有嘗試每口都捲著蠔仔食，似乎幫助不大。先落胡椒粉無效，再來辣椒油有點效果，不過有點徹底單調，最後豉油都出動埋，味道回來了！連湯連麵全部清掉無得剩。番茄海蝦肥牛米線 9 號全走，全部海蝦都有甘香蝦膏啜得愉快，蝦肉甜美滲汁，最慘霉肉腍劈劈。剪掉蝦鬚蝦腳食得更舒服，影響外觀而且食得唔方便。肥牛瘦瘦鞋鞋碎濕濕，沒怎麼牛甜味牛脂香！鮮茄純天然酸甜清新爆汁，使得清湯底多份香甜茄味。米線完整滑彈，不會短實實一節節，使我能一氣呵成大啖啜，直接衝刺，有進步非常好！真心覺得叔叔廚師功力比年青廚師出眾！設置擺位靚一點，米線質地彈一點，湯底味道濃一點。不過湯底都係微微偏淡，添上豉油辣椒油更美味，全部湯倒晒落肚。蚵仔煎走芹菜，嬸嬸話蚵仔煎做不了全走淨蠔淨蛋，無生菜絲就煎唔起，感覺會好削的呢！失望無得食。不可以像蠔仔炒蛋製作嗎？不是台式不是潮式，是自家研發吧。蠔仔肉碎生菜絲奄列，使我聯想到芙蓉蛋。用壓煎方法煎得雞蛋及生蠔仔焦香無比！天然蛋味醇香出眾，乾爽中仍滲著蠔汁豬肉汁，各食材打得火熱，擦出熾熱美味火花。這份蚵仔煎送飯一流，比起餐牌上的切雞飯、肥牛飯、雞翼飯好百倍，有過之而無不及。紫菜韮菜餃即食麵全走，不知道會否給我驚喜自家製韮菜餃呢？最終出現在我面前的只是外購即食韮菜餃。韮菜餃未見包得豐滿脹卜卜，有點空洞散落感。韮菜餡味濃充滿菜汁菜甜，爽嫩翠綠，還有蝦肉粒點綴一番提提鮮，達標過關。師傅叔叔似乎失準了。湯底水汪汪偏淡不甜美，就算加入紫菜似乎效果未如理想，唯有加入豉油辣椒油。麵條烚到腍劈劈濕淋淋淡茂茂，一次比一次差，第一次最優質好味。瑞士雞翼撈即食麵，雞中翼沒有瑞士味沒有甜味，豉油味霸道野蠻，濃濁有點偏咸。雞皮滑，雞肉霉，乾乾的，一啜骨肉分離。微爽微腍的即食麵，麵質已經比湯麵乾爽彈牙得多。依舊白烚，滾水味突出不喜歡，好采撈埋大量厚實豉油汁能夠完全掩蓋。單調味濃略咸豉油汁混入辣椒油後即時覺醒，色香味返晒黎！香辣咸甜俱備，味道豐富得多，驅使我失控狂啜，秒間消滅！鯪魚球牛肉湯飯 15 號，廚師叔叔不知道全走，完全食唔到要重新煮過一碗咯，辛苦晒。靚靚鮮牛肉純天然無添加，極濃鮮牛肉甜味，嚥韌多汁無得頂。靚靚鯪魚球，鮮魚味突出不腥，質感彈牙微黏。湯汁濃郁甜美，陣陣炸蒜味道更香口，湯底飯粒齊掃入口，滿足飽飽暖笠笠。
continue reading