華記潮州滷水車仔麵

本人已經歷過兩次遺漏食物的不愉快經歷！一次係經過叫外賣！一次係去自取！之後打返電話去都係話下次補返比我就算！問題係點解唔真真正正去處理好內部出現的問題同怎樣避免同樣情況不繼發生在客人身上？唔通要待堂食才會去即時處理？錢已比！雖然食物味道好好，但這服務態度真的差了希望你們真心去改善吧！這樣下去怎叫人再回來支持？今時今日除了食物味道，質素，服務態度也很重要的！！！期望未來你們有所改善吧！謝謝！！！！！…Read More

**滷水車仔麫：重口味狂想曲！** 這碗麫，絕對是**超重口味愛好者的天堂級選項**！一上桌，濃烈霸道的**滷水香氣**就直衝鼻腔——那深不見底的醬色湯底，絕非泛泛之輩。入口瞬間，**鹹、香、醇、厚**的滋味如浪潮般席捲味蕾，滷汁濃郁到近乎「**黐脷**」！湯底經過長時間熬煮，香料與醬油的精華高度濃縮，每一口都帶著沈甸甸的「**鑊氣靈魂**」。自選配料更是**罪惡感倍增器**：肥美滷透的**大腸**油脂甘香、軟糯入魂的**豬皮**吸飽滷汁、**牛腩**酥爛濃郁…每樣都經得起這濃烈滷水的洗禮。粗麫條掛汁力超強，裹滿深色滷湯，嚼勁十足。**警告：味淡者慎入！** 這是碗追求極致濃郁、鹹香穿心的作品。吃完滿嘴滷香縈繞，是重口味信徒的暢快洗禮，汗水與滿足感齊飆——**鹹香暴擊，嗜濃者必嚐！** **總結：** 滷水深沈濃烈如醬，配料邪惡惹味，粗麫掛汁一流。非一般重鹹，卻是重口味愛好者的終極暢快！…Read More

今日要過西營盤買嘢，咁就順便喺附近買啲小食食啲嘢咁。🤗第二站就試呢間全港共有三間分店嘅車仔麵，佢特別在用潮式滷水做湯底同埋炆牛雜牛腩，所以係好夠味道嘅。👍🏻今次我就試咗四餸車仔麵，而個麵底就加$5轉為蘿蔔底。☺️四款餸菜就揀咗：牛膀、新鮮魷魚鬚、咖喱大魚蛋、同埋好少有嘅豬橫脷。（因為平時只有飲過豬橫脷湯，都冇食過其他方式嘅。）🤭佢每樣餸都唔錯👍🏻，只係個炆蘿蔔加得太多糖，最突出係牛膀同埋豬橫脷，炆到入晒味，而質感亦啱啱好，亦處理得好好，冇異味。😋雖然湯底已經揀咗大辣全部汁，但之後我都另加枱面嘅辣椒油，佢有好多芝麻浮喺面，中等辣度，香香地咁。☺️下午茶時間佢仲有九折，所以加埋一罐飲品加多寶，總共$70。😉食咗牛膀同埋豬橫脷，我覺得對我嘅胰臟好好。😆第時再去開嗰邊都會再食吖。😃…Read More

呢間潮州鹵水車仔面，性價比算幾高。鹵水嘅味道都幾正宗，牛腩同牛肚炆得好腍，塊頭又大，咬落去好有口感，唔會「鞋口」。最正係佢可以加多啲香菜，對於我呢啲「香菜控」來講，簡直係福音，灑滿一層綠油油，睇住都開心。不過個辣度真係要好好提下。只叫咗小辣，點知個辣勁勁到有啲頂唔順，食唔出鹵水嘅層次，淨係覺得辣。如果唔係咁怕辣嘅朋友，可能會覺得無所謂，但對於唔太受得辣嘅人，呢個辣度真係有啲「過份」，有啲影響整體口感。…Read More

今日經過西環，諗住入去試下華記，點知間鋪冇冷氣冇鮮風，熱到飛街，食到出晒汗，間鋪入面仲熱過條街，真心唔會再有下次，除非你有帶小風扇、穿小背心同熱褲，就可以一試無妨…Read More

車仔麵來講呢，華記係出色既佢有得揀菜底，仲可以揀蘿蔔我叫左三個餸，佢大碗到咁大魚蛋真係要點，足料到呢個蘿蔔係浸到腍晒，入哂味牛蒡都係好好味，仲好大塊反而，我朋友仔叫2 餸，就冇咁澎湃 😂我識叫啦，下次都會叫返3 餸會回頭的包括：蘿蔔，牛蒡，大魚蛋 👍👍👍…Read More

今次同朋友嚟咗呢間餐廳，真係有驚喜！1. **豆腐串**：豆腐好入味，我怕辣只係加少少辣嘅咖喱，都已經真係好開胃。每一啖都係享受，好啱鍾意食豆腐同埋咖喱味嘅朋友。另外仲有腩汁推介，朋友就叫左重口味推薦（全部汁），辣得過癮2. **巨型魚蛋**：個魚丸質地厚實，唔係普通個d 霉鬆泡泡的口感，配埋個咖喱一流，但係又唔會太嗆。我自己中意食烏冬，烏冬加埋菜吸晒湯，每一啖都好滿足。餐廳環境都唔錯，夜晚時段人唔係太多，也都冇特別有壓力話要趕人走。我哋係透過電子菜單點餐，好方便快捷。成餐飯食得好開心，一定會再嚟幫襯！…Read More

上星期先食完又想再返兜今次叫咗啲無咁大路嘅野，試下餐廳係咪樣樣麵整得好食。咖喱汁滷水豆腐韭菜烏冬 $59份量依然十分大碗，熱辣辣！睇其他食評，見好似無嘜人叫烏冬。心思思諗佢會唔會係日本烏冬…結果諗多咗😂係類似噹噹烏冬十分local嘅麵。唔太掛湯，但勝在無分湯外賣都無吸曬啲湯底。韭菜亦非常多，平均咁每樣餸食下，最後麵都食咗大部分，韭菜依然有大一箸！唯一比較失望係啲滷水豆腐，豆腐唔太入味，而且比較硬身。牛筋十分爽口，所有內臟亦無騷味，腩汁醃到入曬味！一定唔少得嘅秘製潮州辣椒油。係唔使額外加錢，少少都好夠辣。…Read More

見到咁多好評推介，都想試吓呢間。嗌咗三餸，的確好～多肉，但得個鹹字，無香味，面底都無味平平淡淡，蘿蔔淋，但甜味來自添加糖而非蘿蔔本身的甘甜。最期待推薦top 1嘅太陽餅，原來係兩塊餃子皮夾住啲魚滑蝦滑煎炸出來，冇乜調味要跟泰國甜辣醬食。食完之後勁口渴，唔知係咪味精放得太多，飲咗三杯水店員之間傾偈好大聲，若無旁人，影響食客體驗。好失望，唔會再有下次。…Read More

已經食過好幾次，每次湯底一樣咁濃郁。蘿蔔一樣煮到入曬味，大大舊，又甜又無個種蘿蔔嘅苦味，係必點架！之前食過河粉同油麵，今次試下米線，我自己鍾意食淋啲，可惜佢係偏硬。份量都好夠飽。豆腐串索曬湯汁，好推薦叫嚟試下。如果食得辣嘅，一定要試埋佢個個秘製辣椒油，落少少已經好夠辣。每碗都有唔少芫荽同埋蔥，唔食嘅人記得走咗佢。叫開佢外賣，最好要分湯。之前叫河粉同油麵唔分湯真係會索汁索到無曬湯汁咁濟。今次個米線無分湯麵還好。絕對會再食佢！…Read More

梗系揀佢嘅招牌牛腩啦，另外仲叫咗牛腸！呢個牛腩真系令我好驚喜！煮得超級淋！入口即化！而且一份 四十幾 蚊，有咁多肉，算唔錯啦！🤩🌶️辣度：可以選擇微辣、中辣呢啲，仲可以額外加佢哋特有嘅潮州辣椒油添！🥬配菜：可以揀好多配菜，而且價格都唔貴！好抵食！…Read More

禮拜五食晏，和同事一齊叫外賣自取車仔麵😄 我叫咗兩餸車仔麵，由於呢排想食清啲，食少啲肉，所以冇叫到牛腩或者牛肚嗰啲做餸😆 我揀咗豬紅同埋巨型魚蛋，好味之餘其實都夠飽，魚蛋都好有魚味😄同埋真係好大粒😆由於近排我唔想食太多粉麵之類嘅嘢，所以我揀咗生菜底代替粉麵😄 啲生菜都好爽口，同埋都俾咗好多塊😄湯底我揀咗清湯，都幾好😄我覺得豬紅魚蛋生菜底加清湯，呢個配搭其實都唔錯😄 我之前試過佢嘅咖喱湯底，都好有咖喱味，不過近期我想食清少少，所以就揀咗清湯底😄外賣其實都好快，落咗單大概10至15分鐘到就有得攞😄 …Read More

天氣凍，就想食車仔麵～諗起公司附近有車仔麵～原本超級期待的，點知食第一啖落口，超級咸！明明以前好好食，食到湯底有藥材味，而家得死咸，完全食唔到落去同埋以前就算點兩個餸都好多餸，食唔晒而家啲餸就變到好少了，仲有以前豬大腸滷得好正，令人成日好掛住想去食，每一舊都有肥膏又淋又入味，但而家就整正超級普通，完全無滷水味又唔好食簡直係嘥我啲quota食完之後仲keep住要飲水。到底係分店問題定係整體水準都降低左？以後都唔會再黎食了…Read More

網上見comment幾好，慕名來食，不過就有點失望。我們選了一碗兩餸「魷魚鬚配牛腩」（油麵）及一碗三餸「牛大腸、豬紅配豬膶」（粗麵及多芫荽）。 還有小食「豬皮蘿蔔大魚蛋」。魷魚鬚及豬膶完全中晒伏。首先魷魚鬚完全冇味不特止，還有腥味。豬膶就好老好鞋口。牛大腸腍滑而且油香味幾好，不過清洗就不太乾淨，偶然吃到苦味。至於另一樣出名的蘿蔔，它們的甜味不是天然的，像浸過糖水再煮落去滷水汁度。其他食材不過不失，但真係大大碗，係抵吃的。最後吃完很口渴，兩三個鐘內飲咗幾大杯水仍然覺得好口渴。總括來說，叫牛腩牛雜這方面的配料比較穩陣，其他食材並沒有網上寫的好⋯⋯…Read More

知道呢間舖頭好出名，今日經過西環，過來試吓！知道佢啲牛雜和豬什，同埋啲滷水好出名！今次一定要試吓！入到去要掃code，自助叫order！感覺上好似食車仔麵一樣，而且選擇好多！面底我揀油面，今次揀三餸，揀咗牛腩、牛肚和牛筋！當然係揀佢嘅秘製滷水辣汁啦，最後竟然仲有得揀芫荽！我呢個芫荽控真係好幸福，而且只要一蚊實在太實惠了！唔使5分鐘就到，啲芫荽真係鋪天蓋地，完全蓋過碗麵！真係好多！啲牛腩真係唔錯，又唔黐牙，又滷水得好好味！牛肚又係正！啲牛筋又淋又入味！如果湯底都唔錯！最難得係加埋芫荽一齊食，真係雙重享受！碗嘢只係50幾蚊，真係物超所值！…Read More