華樂餐廳

Open Now

Now Closed

$43雞扒沙律,雞扒非常細塊,沙律極少份量兼且難食， 例湯非常清淡極度似清水加鹽。$43不值這個價錢。差評十分差評，不值推薦。請大家不要去，以免中伏。你哋食完之後會後悔浪費錢。又唔飽肚

今日第一次黎呢度食早餐，叫了炒蛋（要全熟的x2我重複了兩次），男待應回應：炒蛋要加$2，我就話冇問題，但蛋要全熟的。食物來了，放上台已經睇到炒蛋是生的，馬上同男待應講：我要的是全熟的，男待應一手拿起放到水吧台同廚房師傅講：有甘熟得甘熟呀！我就聽到廚房用微波爐的聲音，應該係成份連碟放入微波爐叮，叮一聲之後我份炒蛋又再出返黎，結果都是生的，錢就識得收，再一次機會都做唔到甘簡單的事，全熟的炒蛋原來對一間茶餐廳黎講係甘復習，今日見識到。

工作中午餐，仲要下午1點鐘，好多地方都滿座，呢度有位，不過座位好迫，我們3個人坐到卡位，但旁邊放多張二人枱，出入都好唔方便！茶餐廳格局，比較殘舊，快快落單！食物好快到！例湯：可能夏天關係，所以係瓜菜湯，有紅蘿蔔及節瓜，瓜菜爽口！消暑一流！湯唔太味精，可接受！中式牛柳飯（$42）牛肉較韌，唔係牛柳，只係牛扒切細件啲，材料好多，菠蘿酸甜爽口，洋蔥爽脆，可惜個汁太酸，連計菠蘿嘅酸，好酸，（本來唸住酸酸地開胃嘅）汁又多，滲晒入啲飯度，我只係盡量避免食咁多汁！一般！鹹檸七（跟餐加$8）冰底原罐上，有一個加半個嘅鹹檸，好足料，冰碎打滿一個高膠杯，夠冰凍，消暑佳品！店員爽手，平時茶餐廳會好嘈雜（電視聲、人聲）呢間比我嘅感覺唔會，仲可以傾到偈！不過枱櫈太迫！快快食完走！

呢間野本身我都對佢無咩好意見 因之前都食過,,,,,,,,,,,,,,,,,都係麻麻, 見今晚又落緊雨唔想行咁遠就食多次(本身想去屈臣氏哦條街搵野食)!!!! 坐低點左個(星洲炒米+凍檸茶),,,,, 先黎碗例水,,,之後凍檸茶,,,杯野跟本就係一坐低就每人一杯既洗餐具茶只係+左檸檬同冰,,起初以為淡仲叫人幫我+d糖水,但原來係原全無味,,,,,,唔飲睇埋去真係好清下lu 當時我第一反應望去水吧位,,見個人係度沖緊茶,,,之後佢再出俾其他人飲哦d凍檸茶,,唔駛講咩 睇埋去色都濃d,,,但俾我feel係佢可能我哦杯茶唔夠沖lu,,(當時個場只有8人,有5人係我飲完杯極品先到),,,,講真,,,,,,,,唔會見落雨無咩生意見一杯檸茶就咁咩吓,一見有得幾個人入又叫同一樣野就走去沖茶下,,,,,,(杯野跟餐仲要+5個大元),,錢都係其次,,出得街1個人都係約30--40左右,,問題係咁既野都俾得人既,,,,,,,,,,只可以俾4個大字,,不知所謂,, 至於碟炒米都無咩意思講呀,,永都唔會再入既一間垃圾站

　　今天無意間路過上水呢一間華樂餐廳，試咗下午茶其中兩項。　　常餐，連熱飲 HK$23.00，價錢唔算貴，我鍾意佢條腸仔係煎，唔係用水煲熟。但係個火腿奄列嘅火腿就少咗啲。蛋嘅份量多好多。　　干炒牛河，連熱飲都係 HK$23.00，好嘅係即炒，好有鑊氣。如果可以少啲油，咁就會更好。　　總括兩項目而言，可以一試。