Capital Café (Fau Tsoi Street) (Closed)

一入到去坐低睇有咩食見得多士、麵果啲就問有冇其他餐牌男侍應就態度勁差咁話:係曬到架啦，其實你想食咩姐？未講夠兩句就走咗去跟住咪再睇囉見到有意粉就叫落單佢就黎就話:呢個冇架啦，係forever都冇仲要望住我，之後攞枝筆圈住強調係 for~ev~er咁想問擺岀黎做乜？😅見到對其他客人都係咁到後來叫女侍應過黎落單又係黑面嘅話:呢個係冇架啦，睇其他啦之後又走咗去心諗係咪得罪你😅做到咁厭世😅不如唔好做😅…Read More

放假專程來元朗華星冰室食早餐，第一次來🤣👏🏻來餐很快👏🏻值得一贊叫了雞湯底粟米通粉配滑蛋厚多士+熱飲$38通粉沒什麼特別，滑蛋份量都很多☺️多士超級厚麵包10分鬆軟，焗得相當唔錯很有牛油味😊男友叫了歐陸早餐+熱飲$46裏面有太陽蛋、厚多士、煙肉、雞扒男友覺得煙肉可以比較燶多一啲會比較香，而雞扒就比較燶咗啲，同埋雞扒嘅醬汁可以少一點總括來說比較普通沒什麼特別🙂如想吃一個有速度嘅早餐可以幫襯🙂…Read More

今朝同阿女路過元朗唔知食咩早餐就是但入一間，點知入咗呢間服務極差嘅餐廳。阿女無留意叫咗個常餐（常餐十一點後先有）我叫早餐，跟住個黑面男樓面態度極差咁回覆話無常餐，叫我們要兩個早餐。阿女繼續諗食乜，再落單嘅時候佢問我飲乜，我叫咗飲品佢又話你唔叫嘢食，我話我叫咗早餐，佢話無落單，因我哋未決定（佢嘅態度一路keep住係黑面差態度）。食物好一般，阿女叫咗個米粉，竟然係即食米粉，我嘅通又無味，做生意係咁真係無誠意，以後唔會再嚟，不知所謂，最後留意到個男樓面係經理，真係唔知係咪咁嘅態度先可以做到經理！…Read More

我們於1/5（六）約14:00到達餐廳，叫了3個餐：常餐：叉燒意粉、火腿煎蛋及牛油多士；咖央西多 及Pizza多士。❶常餐：叉燒意粉、火腿煎蛋及牛油多士（$42）起初來的時候，只看到意粉，沒有叉燒，味道一般，火腿煎蛋及牛油多士也不是熱的，不值一顧。❷咖央西多（$30）：比外面餐廳的西多面積較細，咖央醬也不是很多。❸Pizza多士（$28）：有粟米，火腿，芝士，比較創新，也是唯一較好吃的食物。另外，待應在我們差不多吃完東西，喝飲品的時候，已經收拾好所有的餐具及碗碟，然後放比下一枱客人的餐具在枱面，感覺好似催人走，令食客感受不太好。…Read More

元朗大把選擇真可以吾使揀佢早餐只可以通粉，常餐只可以跟公仔麵。正常都可以轉其他，吾轉得吾緊要既，但我吾知吾轉得，問下男樓面佢就黑口黑面勁吾耐煩，雖然帶住口罩，但眼神同態度都極吾友善。另外衛生都吾見得好好，佢放低兩杯水，但其中一個杯邊仲痴住食物既殘渣冇洗乾淨，因為我吾飲只用黎洗餐具，加上個男樓面好似得罪佢咁，都費事叫佢換。食物質素就中規中矩啦，都係火腿通同沙爹牛麵，冇特別好食，又吾難食。之後埋單，個女收銀又係好似得罪佢咁，黑口黑面又冇講幾錢同找幾錢，再加找錢用掉的，雖然我有眼睇張單既，但基本禮貌都冇。…Read More

又喺行山日，老友知我喜歡挑戰吓，。又最好行啲未行過嘅，所以，今次由友人帶路，由粉嶺出發，經「蝴蝶山徑」起步，先嚟個前菜上到480M高嘅北大刀屻，接着走到是日主菜566M高嘅大刀屻，終點就喺嘉道理農場。晌呢個位，有巴士駁去大埔或元朗，元朗就大家都方便散水，所以，落到元朗就食個下午茶補補體力，最就腳就喺落咗巴士附近間「華星冰室」，一於揀呢度攤抖吓。呢間「華星」屬細鋪，內裡地方本身就唔好大，加上依家疫情，間起啲硬紙板，感覺就更逼狹，但都無辦法。餐牌就一大疊，不過，下午茶時段嚟到，主要就喺下午茶餐及全日套餐中作選擇。小弟原先都諗住食菠蘿油，不過，見佢有一款炒蛋菠蘿包，都喺一樣價錢，所以，就改改要呢個餐，提升菠蘿包嘅滋味。啲硬紙板唔止喺做間隔，仲喺用嚟宣傳吓餐廳嘅食品，如佢哋嘅包點唔落防腐，不含豬油，其實呢啲晌時下嘅飲食界都喺基本。炒蛋菠蘿包 $25首先個菠蘿包都有番咁上下大個，「菠蘿皮」亦好工整，而且，極之脆口，一口就碎到一枱都喺皮碎，然而，包身亦好軟熟，雖然喺來貨嘅，都喺有質素。炒蛋就睇得見塞滿好多，兼且都炒得滑，充滿蛋香，第一次食咁嘅組合，真喺唔錯喎。熱奶茶佢哋嘅紙板有介紹，用唔同粗幼嘅錫蘭紅茶嚟做，小弟就無深究咁樣做喺咪有根據，但總之出嚟杯奶茶色澤對辦，入口真喺醇厚細滑，茶底芳香。友人話大刀屻依家兩邊着滿草，十幾廿年前喺光禿禿，山頂位既尖又窄，遠睇確有大刀之態，依家仲保留以前嘅鐵鏈「扶手」，都想像到以前喺幾險要。如果唔點影相、打卡，行開山嘅朋友3個半鐘內可以行得晒，否則，都幾辛苦，因為上落梯級勁多，不過，我哋啲賤命，鍾意攞苦嚟辛，哈哈。行完山，出身汗，又嘆到份性價比咁高嘅下午茶，喺滿滿足足嘅一天。…Read More

以前成日去旺角間華星冰室，元朗開左分店近屋企，咁岩經過突然想食就去買🍝鮮茄豬扒燴意粉 $45一向都好鐘意呢間的燴意粉，點鮮咁鐘意因為多洋蔥、蔥，同勁多汁！超濃港式茶餐廳鮮茄汁味道，正😋蕃茄又大件同都算多，可惜豬扒可以再煮淋d同好味d，同食完都口渴都多味精，不過呢個價錢，呢個質素完全可以接受😉另外服務態度算不錯，買外賣主動拉櫈俾我坐，仲好快就有，值得一讚👍🏻…Read More

之前已留言話呢到伙記態度差，改善了一排後，最近有一男樓面態度超趕客，由於佢說話冇禮貌，我冇落order就走了，我發誓我唔會再幫襯，因為我比錢唔係要受氣，希望各明星老闆真係要好好留意下…Read More

早上唔知食咩，見華星入左元朗都未試過，就入去食早餐。入到去坐低，我問個男侍應有咩早餐食，佢好悔氣話:咪呢度囉，搵手指篤兩篤。之後再叫佢黎落單，佢又好悔氣話:咪黎緊囉。問佢可否轉米粉，佢又好大聲話:唔得。d態度真係好差，又黑面，我俾錢食野仲要受氣，什麼垃圾餐廳。d通粉，公仔麵餐普通到極但又貴。d炒蛋放埋落湯，林晒，蛋醬又淡，所以無咩蛋味，煎蛋餐又勁多油，通粉又林好難食，用上一d好cheap的材料但$39一個餐。真係唔知有咩理由會再幫襯。…Read More

睇左老闆民迪電視節目講解餐廳現況，見老闆經常做慈善，於是星期六早上一心走去幫襯元朗店，老公去泊車，我先去攞位，但未入去一肚氣，入去禮貌講出幾多位，但遭到安排座位嘅員工不禮貌對待，大聲一句：「唔好入嚟，出面排隊！」其實當時門口都無人排，好，你叫我出面等咪出去，之後個員工出來亦非常不禮貌話：「2位你人齊未？！呢度假期要人齊！」一臉極度唔憂做嘅表情同態度，其實公司有規矩可禮貌同客人講，但咁樣令一心來支持嘅我只好拋下一句：「咁不用了，唔該。」非常失望離開，亦永遠不會再來！呢個時勢嘅香港同成個華星冰室都多得你呢d人唔少！…Read More

今早食早餐，由上通粉開始食，未食完個餐一半，都係十分鐘左右，已有伙計叫你食快D因為多客，以後唔會再多，因為已少我一家人去食。伙記態度差，就算食物幾好都冇用，枉我幫襯左筲箕灣店咁多年，依家元朗店唔掂…Read More

位於元朗的華星冰室，是一間售賣香港平民美食的茶餐廳。「用心做好炒蛋丶奶茶」是餐廳的精神標語，想吃份正宗港式風味的炒蛋? 想吃杯正宗口味的港式奶茶? 去華星冰室就沒錯啦。華星冰室在香港的港九新界都有分店，全部走黑白型格裝飾風格，比傳統的懷舊冰室多一份新潮感覺哦。設有茶餐廳必備的卡位，是遊客們打卡拍照的好地方哦。餐廳深受歡迎，曾被票選為 - 我最喜愛食肆和必食茶餐廳。明星，遊客和街坊勻是常客 ，在中午和下午茶時段光顧，必定大排長龍呀。服務員叔叔非常熱情，稱呼客人為 : 朋友朋友，又介紹店家的招牌菜，讓人感受到香港人的好客之道哦。公司三文治 $50只在二時至六時供應的公司三文治，賣相好吸引呢! 超大件的公司治，一人獨享，甚感滿足哦。麵包很厚，去邊烤香，散發香氣。公司治有兩層餡料，一層是芝士丶火腿丶青反丶蕃茄丶生菜，一層是炒滑蛋丶鹹牛肉，炒蛋果然是的餐牌貨，滑嫩可口，蛋香豐盈，很不錯哦。沙爹牛肉叉燒公仔麵$39:)這碗公仔麵是採用港人最愛的出前一丁，呈上時更會附上湯包粉，客人可自行加入增味。沙爹牛肉和叉燒的份量充足，味道稱不上絶頂，但以份量多取勝。熱奶茶招牌熱奶茶，是光顧茶記的必喝飲料哦。…Read More

訓到下午2:00才起身食下午茶，華星冰室分店港九新界都有，但都是第一次光顧，餐室內座位不多，但地方也寬闊，地方尚算乾淨，冷氣充足，感覺舒服。45元下午茶餐也算超值，半熟太陽蛋，煎得好靚，配上火腿及厚多士，平凡也好食，另外還有叉燒意粉，叉燒肉身夠淋及半肥瘦👍👍茶餐叫左凍檸茶，茶味一般餐廳老闆好有心思，在廁所貼了兩幅文字，令去廁所的人靜靜地反思😂😂…Read More

一直有幫襯開其它分店， 這間是唯一次次都不用等位的。 早餐沒什麽選擇，都是炒蛋多士火通粉，多士外脆內軟，炒蛋很香消，份量亦十足，火腿通粉，通粉很彈牙，和其他分店的一樣，火腿絲很多亦唔鞋口，雞湯湯底偏咸，味精落重手左。 凍奶茶茶底可能很熱，一上枱冰巳溶了三分一，一浸很厚的冰水浮面，所以巳經變得唔好飲，但熱奶茶是很有水準的， 用餐地方好很迫，對面肥婆講野噴口水幫我加料，冷氣凍過停屍間，所以只能速戰速決。响元朗區價錢偏貴，廚房做野不夠用心。 …Read More

相信好多人都聽過「華星冰室」呢個名，咁多年嚟有無數嘅明星嚟幫襯，今日就入去試下，睇下仍係唔係咁有料到先😏！由於全場接近爆滿，所以只被安排坐單邊卡位，未睇餐牌前已經被幅牆吸引住🤓點解？因為牆上面有好多明星嚟幫襯時影嘅相📸有一眾華星歌手🤩，梁漢文、陳奕迅、楊千嬅，感覺好似返返十幾年前咁🥰叫左一份早餐，有「火腿通粉」、「煎蛋多士」、「熱奶茶」！火腿通食落不過不失，係通粉頗為韌左d，還可以啦！煎蛋多士就幾正，塊多士係焊過，但未至於太過乾！下次嚟可以試埋個下午茶😏…Read More