華宴食府

Open Now

Now Closed

「點心水準以上，環境舒服」呢間位於元朗yoho mix嘅中式酒家，都係最近先留意到，假日人流不斷，難得有位，梗係要試吓。分別試咗佢啲蒸點、小炒同埋炸物，覺得最好味係炸物😋無花果鹹水角 （中點）HKD36.8外皮香脆軟糯，甜鹹夾雜，內裏餡料豐富，有無花果、芋頭，配搭新穎芝麻芋絲脆軟夾 （大點） HKD40.8外皮炸得香脆，外面沾滿芝麻更添口感。所選用芋頭都鬆軟綿密，唔錯黑松露流汁叉燒包 （大點） HKD40.8顏控必點，好少見叉燒包係雲石面。又真係好大陣黑松露味，叉燒汁勁多黑金流沙包 （大點） HKD40.8熱辣辣奶黃流心餡，必點呀鮮蝦炸雲吞 （大點） HKD40.8好難搵到炸得好味嘅炸雲吞，呢間又真係幾唔錯蔥花炸兩腸粉 （大點） HKD40.8炸兩腸粉精髓在於炸兩仲係脆口；腸粉皮軟熟，加埋蔥花豉油一流醬汁金錢肚 （大點） HKD40.8金錢肚入味，蒸得啱啱好總結/ 大西北又多一個有質素嘅飲茶地點啦，親友聚會可到🥰

復活節長假香港人少，到左平時一位難求的華宴試下，佢位於YOHO MIX，可能因為連住西鐵站，成日都勁多人等位，今日下午茶經過見唔使等咪試下囉。店員態度生硬，又互相指駡，作為食客聽住都覺得不自在，坐落左就照落單飲下啦，叫做試一次先。⭐蔥花炸兩腸油炸鬼勁硬好似咬餅乾咁😂太脆啦唔啱口味。⭐黑金流沙包呢個幾好食，個包軟綿綿又多餡，好流心🤤⭐蟲草花濃湯鮮竹卷個湯係幾鮮味，鮮竹卷飽滿，腐皮包著鮮肉同蔬菜絲等。⭐芝麻芋絲脆軟夾因為好奇所以叫嘅，有啲似芋絲糕但上下包左芝麻，煎得脆口，芝麻好香，好食嘅但好膩，一人一件已經滯左😂水唔夠滾所以啲茶唔熱，店舖細樓底矮好嘈，勝在地點好商場內易搵，但短時間內應該不去飲茶了。

食物係有質素嘅，但既然1至4人都是坐四人枱，為何取飛是1至3人//4至6人😒，結果我3人，竟被取4人飛即到的客人快過我😡又好明顯，個叫飛嬸嬸無理會客人取飛時間😡😡😡建議應該set1至4人飛為同一group

講重點 叫咗六樣嘢1:脆蝦球2:烤羊排3:清蒸蘇鼠斑（都幾貴）4:羊肚菇豆苗5:咕嚕肉6:紅珊瑚海蜇食評1:炸麵皮超簿，即使上面有醬汁一樣脆，蝦肉大粒新鮮，份量多（有8粒），水果無搶味。2:超！級！騷！油脂偏多，肉質還可以3:同其他斑其實無太大分別，肉質滑同彈牙。4:夠熱！廣東人就係要食熱辣辣嘅野。菜新鮮，木耳羊肚菇都爽開，份量多。5:同脆蝦球一樣，做得非常好。要考廚師實力，除左魚同雞，另一樣野就係咕嚕肉。係少左少少汁，但整碟都高質，有汁都仲皮脆內嫩，肉仲Juicy。6:前菜，中規中矩，幾開胃。結論呢間嘢可以再食。亦都值得比五星佢。希望可以繼續保持水準。

這間酒樓嘅環境相當舒適，不但有圓桌還有卡座。我哋今日試咗幾個點心仲有炒飯。黃金鮮味蝦餃王蝦餃大大粒肥美飽滿，蝦肉相當新鮮，加上少少金色，非常之有貴氣。蟲草湯鮮竹卷呢個星鮮竹卷放湯，用料比較清淡，蔬菜為主，味道淡淡，健康風味。黑松露叉燒包呢個叉燒包嘅包子皮相當鬆軟，而且肉餡濕潤，但有蠔皇風味，又有黑松露嘅味道，呢個配搭幾新鮮。鮑魚叉燒酥試過龍景軒嘅鮑魚撻，覺得真係驚為天人，呢個鮑魚撻亦都相當唔錯，撻皮相當鬆脆，鮑魚唔會好韌，有汁柔軟，整體味道唔錯。窩燒鮑魚雞粒炒飯炒飯充滿鑊氣，熱乎乎，唔會太鹹或者太油。杏仁茶杏仁茶份量真係好少，係一杯嘅份量，口感又滑，但杏仁味唔算好濃，淡淡的味道，輕甜。Crème brûlée 焦糖皮香脆，燉蛋整得幾香滑creamy,味道唔會太甜。

部份食物幾好食。上菜時都好熱，但係小籠包真係好難食，唔講以為啲雪藏點心喺微波爐叮完拎出嚟，一滴湯都冇非常乾。鳳爪同埋鹹水角幾好食。啲茶都幾好飲，推薦秀眉。美好的一天。

首先一入門口，個人認為個通道加上其他人坐喺到等，感覺比較雜亂，第二，一坐低本身覺得啲碗碟都有自己特色，但我發現大部分碗碟都有崩咗嘅情況，而且如果叫人換過套杯碟，工序好似有啲大，所以最後只係換左隻匙羹，因為驚割損個嘴唇，呢點我係會比極度差評。至於啲點心，第一樣想講係佢個杏仁茶，基本上個大細係同飲茶個杯一模一樣，只係杯身唔同顏色，不過一式一樣嘅係個杯都係崩嘅，大家要小心飲用，我就轉去飲唔崩果個位，但味道黎講係幾有質感同唔錯，可能因為佢落左啲豆米落去有野咬下，之後就係佢個無花果鹹水角，算幾特別嘅菜式，個皮係紫芋色，有少少甜甜地，另外佢個紅米腸都外軟內脆，keep到香港茶樓一般水準，其他都冇乜特別，最後係佢個無骨鳳爪，本身第一啖咬落唔辣，甜味較重，有啲似糖果味，之後呑落肚辣到要不停飲水，大家可以參考下。員工溝通混亂，甜品講成蝦餃，依家上定後上都亂哂籠，呢啲就見仁見智係咪大問題囉。

炸雲吞真係一口咬落去，外脆內嫩，裡面包住香滑的餡料，簡直係一口幸福！流沙包就更不得了，咬開時那股流心的鹹蛋黃醬，濃郁得令人想再來一個！至於鮑魚燒賣，鮑魚的鮮味配上Q彈的皮，口感層次豐富，真係好享受！金箔蝦餃就像藝術品，金箔閃閃發光，蝦肉鮮甜，好好味

員工管理差無端端飲茶時段，廚房員工雙腳放在卡位上面閉目休息，明白員工都需要休息，但係喺飲茶時段，當着其他客人面前，又定位係高級嘅裝修嘅地方，確實有啲古怪同降低檔次

華宴食府 (元朗)元朗朗樂路1號元點1樓B137號舖有日朋友話 我地去飲茶 🙈我話咁有興致🙈佢話呢間真係要去一去🙈🙈咩都可以唔食但黑松露流汁叉燒包（$38.8）唔可以唔叫下次試下淨係叫呢個外賣🙈睇下得唔得先🙈真心出色食過2次都係咁高質 佢嘅 叉燒多 又多汁 黑松露味又濃👍🏻👍🏻以下係我係佢地酒樓叫過嘅點心🙈🙈👇🏻👇🏻華宴鮑魚燒賣皇 $48.8黑松露流汁叉燒包 $38.8香煎臘味蘿蔔糕 $38.8鮮鯪魚肉煎釀尖椒 $38.8韭黃鮮蝦腸粉 $43.8四寶花膠滑雞扎 $43.8水晶帶子菜苗棵 $38.8黃金鮮味蝦餃皇 $43.8出爐叉燒滑腸粉 $啦除左黑松露流汁叉燒包 大推之外 其實佢個蝦餃都唔差 1粒 3隻大蝦👍🏻 其他野食黎講就中規中矩 唔算話好突出🙈

近日元朗加點新開，中午同家人去飲茶。環境精緻，具落地大玻璃。當日坐近窗位，太陽太猛，冷氣唔夠，整個環境好熱。午市點心款式很足夠，上菜時間亦合理。食物精緻，味道未有驚喜。

希望改善冷氣吹風位，定係佢唔想人坐咁耐，風口對正你張枱呢？以咁嘅價錢，店應該讓人坐得舒服D。希望管理層改善，同佢哋講，就話中央冷氣，冇得調較，凍到震。食物方便，滿意的。

混亂的系統，惡劣的客戶服務態度，會勸喻身邊的人不要再去，自己永不再去！！！1：40pm 取票， 2pm剛叫到， 說不是1：45pm取票， 所以要飲正價， 不能飲下午茶， what!!!如果有呢個policy, 請清楚係取票system 指出。仲有成個運作非常混亂， 員工態度非常惡劣， 好似擋我唔係人！！

手機攞飛好正常 我13:15攞飛 將飛到嗰陣剛好14:05 門口個啊姐勁冇禮貌同我講 要13:45後攞飛先有效 要重新攞飛 啲客點知要幾點鐘攞飛 我冇諗住食下午茶時段 只不過兩點前未有位 啲客點會知要幾點鐘攞飛 未食都咁趕客 一定唔會再去

如果大家去飲個早茶想全日心情俾佢搞差唒，就去啦！門口帶位個阿姐根本係同佢老細倒米，人地老人家黎飲茶唔識㩒飛攞位，就串人地部機咁簡單都唔識用。人多要客搭枱唔係求人，反而逼人好地地坐緊要轉去另一個唔鍾意嘅位仲要鬧人唔配合，啲嘴臉衰到，我喺側邊都睇唔過眼，問多兩句就鬧返人，啲態度好到…… 奉勸老細唔想一開張就執笠就快啲俾啲特別培訓佢。嘢食唔差，但冇特別，唔係早茶呢個價錢，根本完全唔會有意慾去幫襯，食過兩次，兩次都見到門口阿姐啲「好服務」，唔會再有第三次。反而送點心職級低啲的員工仲好服務，好有禮貌。奉勸唔想受氣者，切勿幫襯！！！