華仔冰室

Open Now

Now Closed

平時去旺角都係食啲連鎖店嘅嘢，今日偶然間喺OpenRice搵到呢一間茶餐廳見佢都係全部好評就去試吓。叫咗一個常餐一個午餐。- 常餐就係沙嗲牛肉麵加煎蛋同奶油豬，沙嗲湯底食得出同一般茶餐廳唔同，自己調配，好有花生醬味同埋唔係死鹹。奶油豬熱辣辣，平時食奶油豬要加錢呢間唔使。- 午餐就係食咗一個沙薑雞飯，$78竟然有半隻雞，我哋兩個人都食唔晒。- 最後仲要講吓呢度啲職員，全部都態度友善同埋好注重清潔。香港其實仲有好多餐廳好食㗎。所以我哋一定要支持小店，如果唔係以後想食餐好嘅都唔冇。

前排放假喺屋企，起身想食返份港式早餐，就試吓呢一間開廿四小時嘅茶餐廳。**沙嗲牛肉公仔麵套餐**本身冇乜期待嘅菜式，點知居然俾到驚喜我。一嚟到已經聞到佢個沙嗲汁勁香，同出面茶餐廳唔同，佢有好濃郁嘅花生香味。公仔麵就正正常常，不過個湯汁真係加咗好多分。跟餐仲配咗個炒蛋，佢唔係全熟，仲保留咗少少蛋汁喺度非常之香濃。腸仔就正常發揮，餐包我就覺得可能係凍咗嘅關係，冇咁好食。整體嚟講呢個價錢唔貴，性價比算幾高。

最近旺角開咗好多新餐廳。呢間華仔冰室都開咗一段時間，招牌好搶眼😎今日經過旺角就黎試下。餐廳餐修有風味，環境座位好闊落。比起好多行都行唔到出黎既茶餐廳，呢間真係無敵寬敞🤣入座時雖然係午市，但都沒有逼我哋搭枱坐👍🏻招牌鮮茄焗豬扒飯 （$68）呢個係餐廳招牌菜，一於叫黎試一試！焗飯即刻焗，上菜時熱辣辣。好多茄汁再加埋芝士做到拉絲效果。豬扒已經幫我哋切咗件，方便啲食。豬扒咬落腍口多汁唔會乾柴柴。半隻鹽焗雞飯 （$78）呢個午餐有驚喜，份量好多。係半隻大雞😂唔係細雞仔！而且唔會好肥，焗得都好入味👍🏻個人覺得兩個人都夠食。跟餐叫咗熱奶茶&熱咖啡，餐廳用黑白奶，奶茶口感幼滑茶香，咖啡係即磨咖啡。兩杯都唔錯！

佢地嘅瑞士雞翼撈公仔麵及瑞士雞髀配沙律好好食，唔喊味道適中，但如點餐時可選加汁另上會更好。可能聖誕假期人手不足，上餐時間比較耐，但侍應態度非常好，唔會因為人手問題不理會顧客，態度滿分！值得下次再嚟！

估唔到小菜，可以咁好味，快閃旺角食咗啲特色嘢，居然有水煮牛肉，椒鹽軟殼蟹。非常之入味，有鑊氣，仲有嗌咗個西蘭花炒帶子。店員服務又禮，，估唔到簡單食個茶餐廳又咁高質素

又到了晚飯時間 之前食過呢間沙嗲牛肉麵真心正今次試吓第二啲 晚餐推介有鹽焗雞半隻$78(包飯包嘢飲 凍飲+3)另外天氣凍 叫咗個啫啫牛仔骨煲$118鹽焗雞半隻真係抵食 咸道適中 味道OK唯一美中不足的地方就是好多細骨（食雞好棹忌多碎碎嘅雞骨 要小心）啫啫牛仔骨煲大碟 都有好多牛仔骨 味道調得好野味唔知係咪啲牛仔比較靭 牛肉多筋位 好難咬開如箍牙或牙力唔咁好就不建議 或者要帶鉸剪 如改善埋就更加好但整體味道OK 感覺良好員工醒目有效率 一眼關七 招呼周到 地道香港人 呢間餐廳能夠傳承到香港地道美食 環境有香港特色霓虹燈可以打卡 可帶外地朋友來而且開放時間二十四小時 值得推薦

呢班成日OT放工想食吓comfort food 呢間喺旺角新開嘅新派冰室就啱哂忙碌嘅都市人😝 因為佢主打24小時開通宵 想夜晚食個邪惡宵夜都冇難度🤭-🐮招牌特濃沙爹牛肉公仔麵 配牛乳炒蛋奶油豬 $55港式冰室comfort food點少得沙爹牛麵😋 牛肉份量多而且食落好嫩滑 沙嗲醬香濃帶花生香 味道偏甜😙 麵底仲有得㨂淋啲同爽口啲 幾貼心架😍-🧀流心芝士菠蘿包 $35另一個邪惡之作就係呢個超級澎湃嘅流心芝士菠蘿包😛 菠蘿包外皮脆脆都幾完整大塊 唔會甩皮甩骨 加上流心芝士份量好誇張 拉絲拉到好似瀑布咁 絕對係大滿足🤩-🐄焗茄汁牛根牛肋條飯 $72焗飯係即叫即焗 牛根牛肋條煮得都好腍 好入味😘 茄汁濃郁 加上溶化咗嘅芝士 撈飯一流😛-📍華仔冰室 (旺角)旺角彌敦道625-639號雅蘭中心地庫102號舖

今日過嚟旺角染完髮，行過雅蘭中心見到呢間華仔冰室，入黎食個飯先，餐廳裝修充滿港式風味，午市時間都幾多人，職員服務有禮親切。午餐C：🐓客家鹽焗雞 半隻 $78呢個係職員推介，佢話呢度嘅鹽焗雞🐔好好食，上枱個賣相真係好震撼🫣，半隻雞🐓嘅份量都幾多，仲配一大碗🍚飯，同一大兜好足料嘅🥣羅宋湯，佢啲雞🐓都幾新鮮，入口嫩滑吾乾身，而且調味適中唔會太鹹，食完真係飽到上心口。🐖焗茄汁豬扒飯$68 招牌焗豬扒飯🐖梗係要叫啦，新鮮即叫即焗🍽️，個飯上面勁多拉絲芝士🧀，豬扒食落鹹鹹地幾軟口，最重要嘅係超多醬汁🤩🤩，成個飯好Juicy。茶餐：公司三文治🥪$52一份有四大嚿三文治，每舊都好足料😋，有煎到好香又厚切嘅午餐肉、🍅蕃茄、🥬生菜、芝士🧀、火腿🥓同埋蛋🍳，每一口都食到淡淡嘅材料😚，抵食之選。

好耐冇食茶餐廳，叫返個港式經典常餐嘆吓😌一共12個選擇，全部配有牛乳炒蛋、半份奶油豬/牛油厚多士可以升級丹麥多士或薯餅 (+$2)▶️ 常餐E- 雞湯仿鮑魚火腿絲通粉 ($55)好足料😍三大片彈牙鮑片同一推切絲火腿另外加咗雞扒 (+$8)，手板咁大✋🏻味道新鮮，肉質嫩滑🐔啖啖肉雞湯底味道濃郁，唔太鹹通粉唔係cheap cheap快熟通粉，有質感又掛湯👍🏻橢圓形嘅奶油豬咬落香脆似baguette，搽上香口牛油同甜甜嘅煉奶🤤成個甜品吐司咁 (記得趁熱食，如果唔係變硬)牛乳炒蛋更出色🍳保持到超濕潤，食到一層層但唔散修修Eggy有蛋香，冇一般茶記炒蛋咁重牛油成個套餐超豐富大份飽肚▶️ 焗茄汁牛筋牛肋條飯 ($72)賣相相當唔錯🍅有適量芝士🧀惹味但唔油滯面頭嘅牛筋牛肋肉用料靚，牛筋紮實有韌度🐂係我鍾意嘅質地蕃茄醬汁酸甜調味適中，仲有真蕃茄！感覺冇咩MSG另外仲加咗juicy甜菠蘿粒同洋蔥，味道層次豐富飯底好似唔係炒飯🍚相對健康啲▶️ 熱杏霜杏仁味較淡，質感似豆漿整體唔會太甜▶️ 熱檸茶-可能你會諗：茶記常餐咪都係咁上下但我可以話呢個算係我食過幾高質嘅一個，完全唔馬虎份量超足，用料調味做足🙂‍↕️環境同服務

很長時間沒有去旺角了！因為有朋友來旅遊想去旺角， 所以很早接了朋友一同去吃早餐。朋友說想吃地道些所以隨便進去一間餐廳， 見內部裝修好懷舊但很光亮。看看餐牌有個常餐有香港人致愛“沙嗲牛肉公仔麵”。於是與朋友每人叫了一份， 朋友看見其他食客枱面都有奶油豬仔包並說應該是好味道才有多人叫吧！ 所以都叫了。很快沙嗲公仔麵送到， 是熱辣辣的還有很多片牛肉及一股濃郁的花生沙嗲味， 超吸引立刻試味，夾了公仔麵入口彈牙又吸收了濃湯中的肉味及沙嗲醬汁味，入口有幾種不同感覺， 太好味了。但朋友說快試奶油豬仔包超好味， 一咬外皮是脆脆的， 中間白肉包塗了一層牛油及煉奶， 一咬是牛油香及甜甜的煉奶味， 好好味！飽肚後買單都超值，朋友很滿意不停謝謝我。

屋企附近開咗呢個華仔冰室，初初喺openrice都未搵到佢個名，而家搵到可以寫食評喇，不過又唔記得咗影相😂早餐有幾個款，佢個招牌沙爹牛肉冇得頂💯，我食咗兩次7，第一次係配米粉第二次配通粉都係咁好食，仲可以配雞蛋火腿腸仔煙肉，是但揀兩樣，仲有塊多士，食得好飽~係要上落樓梯有少少麻煩