Shabu Sai (T.O.P This is Our Place) (Closed)

依家太古城菜菜鍋我已經嚟咗好多次，點解叫你咁多次？就係因為佢keep得到佢嘅質素，我今日揀咗食上等牛放題，佢食嘅時間總共70分鐘，我不停叫叫叫叫叫，我自己一個人食咗六碟呀，仲出去攞埋啲菜金菇同埋出邊嘅魚食，食到要抱住個肚走，最後仲飲埋佢杯朱古力咖啡同雪糕…Read More

第三次去犇.石燒き。套餐形式係揀一份肉類(牛、豬、雞、海鮮)，再配自助吧放題。之前試過兩款牛肉，無論平D定貴D款，都有一定質素，今次想試佢既厚切豚肉。🥩丹麥厚切豚肉 $128石燒豚肉夠哂熱，上枱時炸炸聲，肉汁會彈起，要小心D。店舖有提供一次性圍裙，怕整污糟衫既可以拎嚟着。豚肉份量都幾大份，我鐘意燒耐D，燒到肉既油脂出哂嚟，更香口。⭐️自助吧放題有沙律🥗、白飯🍚、薯角🍟、麵豉湯🥣、飲品☕️和雪糕🍦。另外有四款醬汁配肉食，沙律亦有幾款沙律醬選擇，飲品有汽水和不同咖啡、茶等，雪糕係雲呢拿味軟雪糕。整體味道都不錯，以主食價錢再有個半自助餐形式，性價比算幾高了。…Read More

T.O.P. 商場呢間餐廳本身係打邊爐, 唔知幾時開始轉左食石燒牛, 見到個樣幾吸引, 同埋又有午市, 所以入去試下美國三角肩拼牛柳石燒牛送到上來熱辣辣, 聽到炸炸聲, 食石燒牛好處就係可以自己控制牛肉生熟度, 食生d又得, 熟d又得! 牛柳肉質軟嫩, 好有牛味, 都幾juicy! 牛柳上面仲鋪左幾塊蒜片, 食落再香口d!出面自助吧放題有白飯、麵豉湯、沙律菜、飲品 & 雪糕, 唔怕食唔飽! 沙律醬汁都有幾款提供: 柚子汁、蒜蓉汁、芝麻汁，唔錯! 飲品就有汽水同咖啡, 如果想飲啤酒就要另外加錢整體餐廳環境乾淨衛生, 坐得都幾舒服, 食物都唔錯呀! …Read More

TOP這個商場位於旺角近太子那邊，由領滙管理，如果在太子吃飯，與其揀大商場MOKO，不如幫襯這個較多年輕人消費的商場，更有生氣活力。這種活力亦反映在商場提供的餐廳上。以這間賣鐡板的Shabusai做例子。食物方面，如果去一些九流的鋸扒餐廳，肉類都會比較韌，但這店的肉，無論是貴一點的牛柳，或便宜一些的豬雞，肉質都不錯。服務方面，飯、湯、沙律菜、飲品以致雪糕都是自助，即是無限制地任食，而價錢也絕不比其他茶餐廳的鋸扒餐貴很多，這點令整個消費的性價比提高很多！而且又提供了彈性，例如我和太太及兒子去，兒子不飲麵豉湯，我便只拿兩碗；太太怕不衞生不要沙律菜，我則取了一整碗。雪糕雖然很簡單一種雲哩拿味，但我也覺得很好食。飲品方面則有點普通，雖然有自助咖啡機，但提供的奶茶咖啡等都不是用鮮奶那種，汽水也沒有無糖可樂，失色少少。當然將貨就價，熱飲涷飲有數款選擇，而且又有冰粒提供，也算可以啦。衞生我也覺得感覺乾淨，例如有酒精在自助吧提供，不過如果可溫馨提示客人先用酒精消毒雙手再拿器皿會把事情做得更到位。…Read More

▪️ 牛柳 💲148明明記得呢個位係做打邊爐，呢日行過見到轉左做石燒牛，就決定入去一試🔥係香港都第四定五次食石燒牛，鍾意可以自己調教生熟度，呢間比預期中有質素😮牛柳肉質軟嫩，無筋之餘亦唔會韌或者嚡，保留到肉汁，肉味都頗香濃，仲有蒜片同埋椒鹽調味，唔會過鹹😚至於半自助吧，疫情下當然要帶口罩出去攞，店員們都不時提醒顧客🤭見到全部野都refill得好快，有白飯、麵豉湯、沙律有生菜、紫洋蔥、三色椒等夠爽脆🥗薯角炸得外脆內軟，厚肉啖啖薯🍟飲品係有成八款既果汁或汽水機或者咖啡機，雪糕係雲呢拿味軟雪糕🍦呢個價包咁多野，質素唔差又夠飽肚，係經濟實惠之選🔎 整體評分（7.5/10）…Read More

今日係我哋為四女團嘅新年團拜，點都要搵間有聲有色餐廳賀賀佢。我講緊係石頭放係石頭上面燒到吱吱聲，認真過癮！🤣犇·石燒啱晒我哋三位都係牛控一族。🍴先去自助吧攞齊沙律菜，麵豉湯，再去自由斟，咖啡、汽水、檸茶檸水飲完再斟。🤣🍴美國三角肩拼牛柳 $108二塊牛都比較薄左小小，但牛味香濃嫩滑，五成定七成熟自己控制。🍴特選嫩滑牛柳 $98我就比較喜歡牛柳，脂肪較少又不失軟嫩口感，入口係鬆化又富肉汁。🧁食完仲有自由斟雪糕，雪尼拿味正呀！🤣石燒通常都比較多油煙，不過勝在坐得舒服。…Read More

見到話半自助，好似幾正，就入去試試佢。我哋嗌左個三角牛同埋厚豚。唔使5分鐘，d 肉就好快到。塊牛都正常水平都幾好食，塊豬肉都好爽口都幾好食（但要小心，一開始攞出嚟嘅時候，塊豬係有啲生，要等佢喺塊石上面再自己燒多陣先可以食）。佢出面啲半自助得，嘢飲 (有可樂汽水、檸檬茶、雪梨汁、巨風提子汁，啤酒要另外計錢)、雲呢拿雪糕（有少少膠味🙂）、沙律菜、白飯、麵豉湯。比我想像中少⋯⋯呢間野😀 個人認為食一次，試過就夠~…Read More

今天與好姊妹到旺角吃飯，說想我順道陪同他到 T.O.P 商場閒逛一下，購物過後，我們便同時在此用膳，留意到這間日式石燒頗為吸引，又有放題提供，就選定了此餐廳。餐廳的套餐是只要點選了一塊主食肉扒，便可享放題。食物的種類有沙律、魚介麵鼓湯、珍珠白飯，亦有提供四款醬汁供顧客調味，分別有海鮮醬、柚子汁、蒜蓉汁、芝麻汁，放題區還有一個飲品枱，主要提供即溶黑咖啡、雪糕、熱茶等。黑毛好姊妹選擇了鹿兒島黑毛和牛，上桌時香氣撲鼻，而且貼心地把肉塊分切開，和牛頂部亦放有少量蒜片作伴碟，我小嚐了一塊，和牛肉質軟腍嫩滑，牛味香濃，而且入口幾乎即化，不需花太多時間咀嚼。牛柳我點選了特選軟骨牛柳，上桌時是一整塊未經切開的，牛柳入口肉味濃郁，但較為韌身，需要花少許時間才可咀嚼吞嚥，而且肉汁不多，或許是因爲錯過了最佳的食用時間，因此肉質過熟。魚介湯魚介湯是放題的其中一款食物，它的色澤呈現黃色，入口口感濃厚豐腴，味道芳醇鹹鮮，魚味甚濃，吃完主食後用作緩和解膩也挺適合的。整體而言，餐廳環境乾淨衛生，寬敞整齊，而且食物同時可享用放題和扒類，頗為吸引，食材優質，但店員可多提示食用時間會更好。…Read More

舊肉勁快 all done舊肉吾抵食，肉質麻麻兩個細食女仔去都吾飽得飯湯，飲品，沙律，雪糕 任食最後要湯加飯 加雪糕先勉強食左啲野um... 吾會再去以免中伏多謝合作整體一般不明點解咁多人排正常既係雲尼拿雪糕脆米已林…Read More

呢個半自助石燒，非常簡單。一款自選肉（定食），再加任食的魚介味噌湯，珍珠飯，沙律，冷熱飲品同軟雪糕。重頭戲石燒主打牛肉，由$98的薄燒牛內腹肉，$118的牛柳，$148的三角肩，$178澳洲M6和牛及$208的日本黑毛都有。非牛選擇也有$98的雞扒，$118的豚肉扒及$198海鮮盛。牛魔王可以平平地食牛腹肉，也可以豪少少食M5和牛。唔食牛都有3樣其他選擇。沒有花巧，上的就是一塊熱石和你所點的肉。點牛肉的話有會有炸蒜片。早期用的石板儲熱度比較好，但近期轉用了較堅固但儲熱度稍遜的石板，呢一點對於喜歡食熟啲的客人就覺得不夠過癮！自助吧有4款用LC盅仔裝的醬汁（這就是細節！），我覺得柚子味最正，可加少少落沙律度食。我試過牛腹肉、牛柳、海鮮同M5澳洲和牛。我覺得牛腹肉稍肥，牛柳夠腍多汁性價比高，M5澳洲和牛超好食！呢種質素的和牛，自己買返屋企煎都要成$200一塊。海鮮都很豐富，有龍蝦大蝦帶子蟹柳和蠔，最欣賞隻蠔，好多汁好鮮！無可否認，佢嘅半自助選擇不多，但質素都不俗。沙律有雜菜，紫洋蔥，紅黃甜椒，茄仔同粟米，七彩繽紛幾吸睛，菜保持冰凍爽脆，本身已經輕輕撈了醬汁，單食已經美味，另備有一支凱撒沙律汁更畫龍點睛。呢間石燒其中一個吸引我的地方，就是呢個沙律！佢啲菜嘅爽脆冰凍，我敢說很多酒店都做唔到！非不能也實不為也。呢度認真到用透明保溫箱裝住，仲有個蓋，乾淨衞生又保溫。有很多沙律吧，90幾款醬汁，但無款好食，真係好多餘。沙律，汁醬真的其次，最重要的是個菜本身是否爽脆多汁，是否夠乾爽冰凍。呢個沙律，我是一坐低就要先食兩碗的！珍珠白飯以任食而言，質素算不過不失。魚介味噌湯有很多昆布，熱騰騰的也不錯。呢度我一星期都會去一次，連個侍應哥哥已認得我。我成日嚟的原因，是呢度的食物好合適我兩公婆的需要。老公不食生肉，出街食牛，講左好多次要全熟，切開永遠見血水🤦🏻‍♀️，食石燒可以自己控制燒到熟晒。佢是個飯桶， 有湯有肉有飯基本上已經滿足曬佢嘅需要。 我自己呢，同好多女士一樣，夜晚就唔鍾意食太多澱粉質，所以佢呢度有沙律又有燒肉可以唔駛食飯真係好啱我口胃， 食完和牛加沙律都無犯禁，好開心😂。有人可能會覺得得一件牛肉好像很少，睇你點睇啦。食餐晚餐，一件8安士左右的牛扒算是正常出街鋸扒的份量，唔好將佢想成「得一塊肉」的燒肉放題而想成「任食side dish白飯同湯任裝」的牛扒餐個感覺會良好好多。我都試過牛角lunch燒肉定食，價錢差不多，整體而言牛角勝在side diah吸引（佢有必殺技牛角飯😂），但講到牛肉反而呢度更勝一籌。呢間餐廳之前呢係做一人一鍋嘅，唔知係咪因為疫情關係，轉咗做石燒。疫情過去唔知道佢哋仲會唔會繼續提供石燒呢？我未試過佢地嘅火鍋，見評價都唔錯，希望佢哋之後可以兩樣都有， 咁就最完美喇。…Read More

去旺角到T.O.P行順便搵食，這店是孖舖，一邊食日本定食，另一邊係石燒牛。主食石燒牛，其他沙律菜、湯、飲品同雪糕係任食。牛有3款，最平係牛柳$110。牛上枱，內裡係全生，唔食生嘅要先切開煎熟。牛柳無肥，食得慢，建議將煎好的放開，否則會太乾沙律菜好新鮮，沙律醬係芝士味，十分吸引一食再食牛肩胛$149，有肥，放石燒一直都有油脂唔會乾，而且較牛柳軟。如果怕唔夠飽，有珍珠米任載最後，食埋軟雪糕就滿足啦。除牛，仲有海鮮同豬。 加一埋單後，仲送coupon下次用，若叫2份，可有約9折優惠。因石燒關係，較大煙…Read More

行完旺角中心諗住過去TOP睇下有咩食過完天橋有間之前做火鍋放題轉左做石燒肉價錢都係$100-$200 有8款選擇就入去試下我同朋友就揀左牛柳同厚豚吧枱有沙津 白飯 麵豉湯 飲品 雪糕難得有圍裙供應 因為佢落枱彈油都幾勁牛柳切開入面都唔會熟晒可以隨住自己喜好食熟成度厚豚唔會有好多肥膏 肉質亦都唔會太實連埋沙津同白飯就岩岩好夠飽食完飯仲可以食埋雪糕坐下但由於本身商場人流唔算多同埋呢間之前做火鍋放題轉左形式唔多人知 所以個場都偏少人但$120-$130係旺角食到呢個質素石燒肉Cp值都算ok 行過可以試下…Read More

今晚去了旺角買金魚 , 順便去食飯. 因為疫情的關系 , 找一間商場的餐廳好似有保証DD.記得早前去過 TOP 入面打邊爐 , CP 唔錯 , 估不到今次再去 , 改變為近排大熱的石燒. 和其他石燒一樣 , 有幾個價錢的選擇 , 不同等級的牛肉不同價錢 , 看餐牌相片的質數就幾好 , 但實際出品最重要. 這個價錢包括飲品 , 雪糕 , 沙律 , 飯 和 湯 任飲任食.去到門口 , 有人會問你食什麼 , 之後入座 .今日我點了三角 , $ 148 .   姐姐說這個部份牛味幾重 ,  牛和雞我也無興趣 , 這就信你一次.入座後 , 和市面上的石燒一樣 , 但呢到的湯好好飲 , 咭紙上寫是魚介味噌湯 . 可能加了魚介的關系 , 和出面的大有不同 , 鮮味好多 , 我前後飲了3碗 。牛肉上檯時有張牛油紙包住  , 防止D油彈去身上 , 但可惜塊石板太熱 , D 油彈得好利害下 , 我要坐一坐隔壁先接受到.  好彩呢到坐得好鬆下, 坐得好舒服 .牛肉燒了一陣後 , 切開細細件再燒一陣 , 味係道又幾好下 , 牛肉的外層有少少＂蕉香＂, 表面上有一層鬆脆的口感 , 牛肉味好重下 , 肥瘦適中 ,  如果去 一田買呢d牛肉也至 $70-90 , 呢個價錢算對得住件牛肉 . 開頭見件牛肉好似好細件 , 食大半碗飯 , 食下食下已經夠飽肚 ,  見到對面的一pair人叫海鮮 , 原來有龍蝦 , 這是市面上其他店鋪少有的 . 有機會要再試下.…Read More

好耐無出街食飯，心血來潮想打邊爐，就諗住去T.O.P商場間菜菜鍋。點知轉左做石燒，見店員落力推介，又唔想再諗食咩，決定試下新野。一坐低就俾左個餐牌我揀要邊款肉，其他野就自助，咁我同朋友就分別揀左個和牛同三角，之後就出去揀醬料。飯，湯，沙律，雪糕，飲品所有都係自助。店員就幫我地set定枱，最貼心既係有條即棄既圍裙，唔洗彈到成身都係。我嗌既和牛比起朋友既三角物有所值，肉質好食好多，又夠淋。最後再食埋雪糕，好滿足，食足兩個鐘。…Read More

無論任何天氣，都阻擋不了我對火鍋的熱愛🥳最近在旺角發現了一間來自日本🇯🇵大型火鍋題的連鎖火鍋店😍所有湯底均為日本直送，誠意十足😌我們選了特選牛肉廣島蠔🥩🍤還有多種蔬菜配料選擇🥬🥒🌽🍆🥦🥕海鮮肉類及蔬菜也享用，不可以偏食😆有時同朋友飯聚沒有選擇，一人一鍋絕對是我最喜歡的選擇呢💕大家最喜歡吃哪種火鍋配料？ 😍📍菜菜鍋 Shabu Sai：旺角彌敦道700號T.O.P This Is Our Place 3樓311號舖…Read More