莆鮮味滷麵

Open Now

Now Closed

因為朋友介紹而過嚟試呢間，外賣叫咗花雕蒸蟶子、興化炒米粉同埋豬肚蓮子湯。花雕蒸蟶子有驚喜，份量多，而且隻隻都肥嘟嘟，吸收晒啲汁～ 每一啖都好滿足至於炒米粉嘅材料就好豐富，有蝦仁、蛋、娃娃菜、紅蘿蔔、豬肉、娃娃菜、香菇…可惜米粉略嫌偏乾，即使米粉非常纖幼，似乎都唔太吸收到材料嘅味道，好似分開咗嚟食咁？而豬肚湯外賣攞上手熱辣辣，應該係啱啱燉好，但味道就偏清淡，感覺不過不失啦。期待下次再過嚟試紅菇海鮮滷麵～

行到邊食到邊去到長沙灣區食下午茶見到個40蚊內容冇睇就即刻衝入去 炸醬麵 真係非常有驚喜 大份到一個人係食唔曬 係飽到晚餐都食唔落嘅狀態 佢啲炸醬嘅肉粒係大過鵪鶉蛋 仲要鋪到碟咁多肉粒 個汁撈嘅味幾香口唔會太濃味 再加埋有青瓜中和味道 好啱我口味 之後揀小食 有海蜇青瓜皮蛋 選擇唔想食到個口咁重味 亂咁揀咗 蒲鮮 扁炸食 就咁睇個名唔知係咩嚟亂 咁嗌原來係炸小雲吞 入面嘅餡就唔係太多不過炸醬麵太大份食到太飽所以已經冇咩所謂炸得香口完全唔會油膩仲要大份到有8粒 包埋飲品 40元 準備寫食評先至見到係福建菜餐廳唔好意思未去過福建未食過正宗福建菜不過味道好啱我食

招牌麻醬麵,醬汁濃郁又唔油膩,麵條更有隻獨特的香氣。佢哋用的配料,like麻油、蒜頭、香菜等,融合得超好,每一口都回味無窮。再講下另一個招牌菜,鹽焗聖子!調味剛好,唔會太鹹,反而有股回甘味。餃子份量都幾足,每一個都餡多而飽滿,餡料都新鮮多汁,完全無乾澀感。你胃口細,最後都要打包呢!除咗以上招牌菜,炸紫菜蠔都好值得一試,外層酥脆,裡面有飽滿多汁嘅蠔肉。紫菜嘅清香同埋蠔肉嘅鮮甜完美融合,每一口都好驚喜。蠔肉嘅鮮味同埋酥脆外皮形成好好嘅對比,層次感十足。總之呢個餐廳嘅菜式無論係麻醬麵、鹽焗聖子、餃子定係炸紫菜蠔,都令人愉悅,份量十足,口味更係一流,真係一間值得多次光臨嘅好店

啱啱食左個扁食面同海鮮紫菜燜飯，老婆福建人既comment係好唔福建, 枉佢滿心歡喜咁入左黎食。真係福建的話，扁食皮會再薄d滑d, 會落好多蝦米，唔會跟面。呢間既扁食係正常既豬肉芹菜，無落到蝦米，面亦都無乜特別就係上海拉面。再失望d既係個燜飯。福建因為近海，一般蠔仔都會係新鮮既，佢就落左蠔豉(what?). 燜飯一樣都係會落好多蝦米，咁同樣地佢既燜飯都係無蝦米啦。平係幾平，一百蚊兩個人，就香港正常食碗面既價錢，所以亦都係食碗面既質素。

行過長沙灣見到呢間餐廳標明係福建閩菜，裝修古色古香，我去到既時候已經8點鋪頭都坐左一半人，睇落都有保證，所以就入去試下！莆鮮味滷麵既餐單有好多選擇，雖然鋪面好懷舊同係小店style，但一坐底店員已經比左QR CODE可以自己用電話落單，真係估佢唔到。我就叫左佢既全日餐莆鮮興化炒米粉配餃子湯，再加多一份莆鮮手工豆茸粿(=糖不甩)😝⭐莆鮮興化炒米粉我一向都好中意食炒米粉，莆鮮味滷麵既炒米粉我食落口感就好似潮州菜既炒粉絲，同樣地都係有好多唔同菜、冬菇甘筍絲、炒蛋絲、蝦米仔同豬肉(/牛肉碎)炒成。我就好中意食呢款炒米粉，因為唔係太油炒得夠乾身👍👍但朋友就覺得會偏硬同乾身左啲，所以要睇返個人口味喔😆⭐餃子湯餃子湯都好大碗，雖然係套餐但份量一啲都唔少。同埋佢可以比你任揀餃子種類，我就加左兩蚊揀左韮菜豬肉餃子，佢口感好好應該係鋪頭自己包唔係買現成貨，皮薄餡多夠晒足料，啖餃子湯有啲蔥花襯下，飲落唔似有落味精，好清甜飲完一啖又一啖😝⭐莆鮮手工豆茸粿其實就係糖不甩，不過呢個有驚喜😍因為完全估唔到一間福建閩菜既食店有咁好食既糖不甩❗❗❗好食過糖品鋪既糖不甩，上面芝麻好香，個粉糰好軟糯同好有咬口，個皮夠實唔係

午餐時段分別叫左莆鮮傳統紅菇海鮮滷麵同埋興化炒米粉。米粉份量都算幾大份，唯獨係配料比較少得幾粒蝦仁同一大堆菜，同佢餐牌中有蝦仁、蜆、魷魚既相對比之下都幾大出入，但都屬於可接受範圍之內點知海鮮滷麵先係真正打大佬，一上枱個賣相已經唔係幾開胃，好似一碗比人用棍攪咗好耐既糊仔咁，成碗野杰撻撻、d配料又碎濕濕咁，咁可能本身滷麵煮法係咁所以都冇特別理會。但愈食愈覺得唔對路，說好的海鮮呢？碗麵一上到黎已經好似比人攪亂咗咁所以諗住海鮮會分散左唔同位置，但一路食除左佢用黎塞爆個碗既菜絲、幾條豬肉絲同蜆殼之外，係咩海鮮都食唔到，最後幾經辛苦終於係兩碗所謂「海鮮」滷麵入面搵到總共四粒蜆肉😂😂😂 真係多謝哂唯一可以講就係味道正常，但相當於收左我$58食一碗淨麵，食完都一肚火，依間咁既野真係唔需要有下次，希望唔好再有人中伏

星期六中午經過小店，門面乾淨企理，便入去試吓，牆上面好多選擇菜式，無論枱面醬油瓶及食具都很整潔，菜式很多，有些極像甫x, 叫了幾款主打菜式，包括鮮肉扁食湯、海鮮滷麵同埋海苔紫菜酥，第一次見到食店能夠做到，送來嘅食品與枱上面嘅圖片沒有兩樣，扁食湯底好味，下這一次是了鮮肉，下一次會是韭菜和大白菜，撈麵裏面有聖子，又有蠔仔很豐富，好味！紫菜酥放久了蠔仔也還最好喎好味，菜品也不會太鹹，屬平民價的甫x，味道可能更好，這個價錢確實有驚喜！哦是深水埗區的好選擇！必會回頭！

又系下午茶時間，去哩間之前都知道吾會揀下午茶餐，因為選擇吾多。優點- 服務態度好- 性價比高- 環境吾錯- 吾知道系眯因為外賣有九折哩？改善點-下午茶選擇吾多，但起碼最好加埋米粉啊。莆鮮海蠣紫菜酥（$48）4分- 幾特別，個表面以為炸到脆佢有吾系，食落以為琳bat bat, 又吾會喔！- 紫菜味吾系好夠，蠔仔雖然細，但又真系幾夠味莆鮮米粉+扁食（$66）4分- 哩兩樣野，食福卷菜吾食吾得- 莆鮮米粉真系好幼，吾硬，味道好好，因為我屋企有人吾食豬所以鄒豬，食吾到真味，但已經好好- 扁食真系吾同廣東雲吞，個皮好滑但煮到”淋”曬散曬，但哩個系福建特色所以no comment。但個肉涵真系好鬼好味咖！莆鮮手工豆茸粿（$22）4分- 佢自己都寫系糖不甩，但同上海野有D 吾同，無咁多黃豆粉，但D 芝麻又幾香，個皮比較堅實，無咁黐牙。

睇另一YouTuber介紹話好食，我又喜歡食貝殼類，見呢度有用蠔仔同蟶子做既菜，價錢又唔貴，今日的起個心試下。叫左個類似花雕藥膳蒸蟶子既野，一個小云吞湯，一個炸紫菜蠔丸；唔夠飽，叫多左個下午茶餐：選了海鮮燜飯配醬油皮旦之類既野，送汽水。個名只係大約，唔exactly記得個名，大體上都做得唔錯，好食，只是炸蠔丸無咩味。最後最後要叮囑一下，千祈千祈唔好飲蒸蟶子果個湯/汁，純用來調味，唔係比你來飲的，超咸，飲左洗腎都似。

睇到有介紹喱間福建食店覺得唔錯，去開深水埗買嘢就搭幾個站巴士嚟喱度食。 五點幾到仲趕得切下午茶，價錢超級抵👍🏻$39有主食小食同飲品其他單點都唔貴叫咗下午茶餐 炸醬麵 炸扁食 可樂個麵影相前已撈開咗😛味道近似台灣肉燥 好香炸扁食 夠鬆脆 喱種皮好易炸過火 佢就炸得啱啱好 另外叫咗海蠣煎$56 海鮮滷麵$58 海鮮滷麵配料好多 先炒過再放湯 夠哂熱辣辣 份量足海蠣煎煎得好香 蛋味出哂嚟 啲海蠣本身咸咸地所以都唔洗點佢比嘅醬 以上喱啲菜式係咪熟口熟面呢？😀喺喱度價錢相宜得多 份量足 雖然地點唔太方便 但係都值得一嚟👍🏻

行經附近揾食，遇到呢間福建菜館，睇睇餐牌，價錢唔貴，好多3x，4x，5x價位嘅菜式，啱價入座！莆鮮秘製酸辣海帶絲 $ 18好爽脆，味道一流，鹹、酸、辣三樣齊，另外切法特別，邊位帶波浪形紫菜海蠣酥 $ 48有 8 粒，包住紫菜再拎去炸，外脆內裏Juicy韭菜鮮肉扁食湯(小餛飩) $ 39 / 20粒上湯清，小雲吞細粒，皮薄滑餡料足，一口一粒，加埋醋同辣椒油食，更加惹味莆鮮炒麵 $ 58炒麵同配料差唔多1：1，麵條煙韌軟糯，有別於拉麵嘅彈，但係口感我好鍾意而且配料多，有蝦仁、蛋、冬菇、椰菜、韭菜，真係好味豐富，超滿足太平太抵食，無意中聽到老闆同客人交談，都係做街坊生意，所以我都決定會再回頭，食多幾次試埋其他菜式，支持小店

佢款大白菜餃子唔係平時食開嗰款白菜，係指類似黃芽白嗰種，不過都幾好食，餡有頗多豬肉，湯應該冇咪精，飲完唔渴好舒服，隔離間好味餃子d餡既肉好少🙈係就係好味，但最近就黎已經見菜唔見肉…

早已聽聞過蒲仙味滷麵的名堂，難得在長沙灣開設分店，這日朝早返完教會，就可以同朋友來食餐好！餐廳上的菜色看已覺很吸引糖不甩10粒只是$22，而且鄰桌有實物可參考，賣相確是不錯，當然要叫蒲鮮海蠣煎蛋，又是招牌菜，不得不叫實物都很令我們滿意，糖不甩 $22，粉糰吃落軟糯，咀嚼有彈性可口蒲鮮海蠣煎蛋$56，海蠣營養價值高，加上香噴滑嫩，難怪大家顧著吃忘了拍照蒲鮮炒麵 $58大碟又惹味，配料十足，爽口開胃，果然是必吃的主菜香菇蝦皮鮮肉扁食湯$33，味道好好食口感鮮香，湯底配上蔥花，食完都唔會口乾，扁食皮薄餡靚韭菜鮮肉餃子$39飽滿多汁，味道濃郁，其實不需沾醬就好吃咁豐富，最後埋單都只是$208，夠我們四個人吃得好滿足了，相當抵食！

今日黎到長沙灣新開主打賣福建菜嘅餐廳 我自己未食過福建菜 所以想去試下 晚飯時間6點30左右 店內未算好多人 仲有好多位置 店員好好禮貌同招呼🫶🏻餐廳可以QR CODE或者店員幫你落單我睇完餐牌 見到都有幾多唔同選擇 不過我一個人 所以就揀左個套餐落左order,10分鐘就到齊興化炒米粉+扁食15隻米粉賣相吸晴 超級足料🥳好豐富有韭菜、冬菇、甘筍絲、炒蛋、娃娃菜、蝦、豬肉等等 佢餐牌可以揀唔要邊樣都得👍🏻個炒米粉唔係好乾身個種 有小小似炆米 雖然同我想像嘅炒米粉有啲出入 但佢咁整都好味道如果可以冇咁油就更加好扁食我冇聽過扁食 原來係小雲吞黎湯底味道較清淡 應該有啲紅蔥油加左落去 幾香口扁食嘅皮 薄同滑身👍🏻不過我個人就麻麻地個肉餡總括 味道唔錯 下次會想試其他食物