PUTIEN (Gateway Arcade)

上個週末同朋友去咗莆田，試左佢地既鰻魚節，真心性價比唔錯。首先講黑金蒜燒鰻魚，鰻魚燒得啱啱好，肉嫩仲帶住陣陣蒜香，配上黑金蒜嘅濃郁味道，食落好惹味。花蛤蒸水蛋都唔錯，水蛋蒸得夠滑，入口好順，花蛤嘅鮮味同蛋味都好夾。椒麻小鮑魚就真是一個驚喜！小鮑魚爽口彈牙，椒麻醬汁辣得來唔會太嗆，仲有少少麻香，食落好開胃。一品醉蚶好特別，蚶肉本身新鮮，醉汁嘅味道有啲濃，酒香夠突出，幾有特色。酥炒檳榔芋芯好驚喜，芋芯金黃酥脆，咬落有陣陣芋頭香，調味又唔會太重，係一道好送飯嘅菜。…Read More

正值鰻魚季，今次試咗個蒜蓉豆豉蒸鰻魚同其他菜式。首先係花蛤蒸水蛋，水蛋蒸得滑溜溜，入口即溶，加上花蛤，真係好鮮味！主角登場，蒜蓉豆豉蒸鰻魚真係冇得輸！鰻魚肉質肥美，充滿油脂香，蒜蓉豆豉嘅香味完全滲入鰻魚肉裡面，鹹香惹味！黃金荷葉包炸得金黃外脆內軟，熱辣辣，再夾埋甜甜肉絲食，好味😋最後係金湯佛跳牆，湯底濃郁金黃，材料豐富，包括鮑魚、海參、花膠等等，真係好足料！呢個湯充滿膠質，飲完暖笠笠，非常滋補。…Read More

今晚嘗了普寧豆醬鰻魚和黃魚豆付湯，兩者都很鮮味，特别是那份魚湯，熱騰騰的真好，除了豆腐還有少量芋頭。鰻魚也不錯，連料頭也吃出味道，份量多一點就更好了。甜品是枇杷果凉，清凉又有點薄荷香味，十分適合飯後清清味蕾。…Read More

莆田今次做鰻魚節，見到唔少新菜式，平時在屋企都唔識處理，所以難得跟家人去食飯，就食下福建風味的中菜。普寧豆醬焗鰻魚第一次食普寧豆醬，豆味發酵很香醇，鰻魚肥美甘香，魚肉香軟。底層有唔少香蒜，洋蔥，鰻魚吸收醬汁的味道，很下飯。脆皮蒜香雞我們叫了半隻，雞皮脆卜卜，色澤如琥珀，雞肉嫩滑，鋪上大量的炸蒜，甚有風味大白菜燉嫩豆腐自家製的軟豆腐，豆味香濃，而且很吸湯。高湯熬製，仲有海鮮配料，見到飽滿的蟶子，蝦乾等，大白菜鮮甜，湯品提鮮。興化炒米粉喜歡手工精細的米粉，加上有不少海鮮配料，有蟶子，蝦仁，肉絲，炒得夠乾身。榴槤沙冰因為我有叫鰻魚，加錢飲返杯榴槤沙冰，沙冰幼細，榴槤味香濃。…Read More

今日陪FD行海港城，睇到莆田做緊鰻魚節活動，推出咗好多鰻魚菜品，咁試試啦。餐廳裝修得好靚，鰻魚立牌好QQ。宜家莆田推出咗好多新品，好難揀TIM。茶介，一坐低即送上茶介，呢碟鹹酸菜食落脆卜卜，酸爽開胃，作為前菜黎講唔錯。椰奶雪耳冰，睇落係飲品不過似甜品多d，落咗大量雪耳入椰奶，雪耳燉到軟糯，椰奶香濃順滑，再加上菠蘿粒，成杯飲品好足料超好飲。辣汁花蛤，蒸得啱啱好，花蛤剛開口已經送到餐台。雖然花蛤個頭唔係好大，不過食落新鮮鮮甜。辣汁調得啱啱好，唔會蓋過海鮮嘅鮮甜，反而帶出蛤肉嘅回甘:)。鹹香黃花魚，黃花魚炸得外皮金黃酥脆，內裡肉質依然保持嫩滑。鹹香風味恰到好處，唔會過鹹，連魚骨都焗到脆脆哋可以食埋，送酒送飯一流。蒜蓉豆豉蒸鰻魚，宜家嘅鰻魚正當季，鰻魚表皮軟糯內裡肉質肥美。用豆豉同蒜蓉來蒸，豆豉嘅咸香完全滲透到魚片裡面，蒜蓉又辟咗腥味，令成道菜層次感十足。小炒黃牛肉，黃牛肉炒得鑊氣十足。牛肉片嫩滑唔韌，仲帶住微微哋焦香。配埋紅辣椒同芹菜快炒，醬汁惹味得嚟唔會過咸，連配料都好惹味。…Read More

好耐冇食過主打福建菜嘅莆田喇見到最近做緊鰻魚主題 放工叫埋媽咪撐枱腳先普寧豆醬焗鰻魚餐牌有好多款鰻魚菜式 呢個焗鰻魚最吸引我哋用左大量蒜頭、乾蔥頭同埋普寧豆醬焗超級香鰻魚肉質彈牙肥美 果然係出口級嘅活鰻魚椒麻小鮑魚一啖一隻嘅小鮑魚夠嫩滑 椒麻涼拌汁少辣好開胃百秒黃花魚媽咪嘅最愛 每次去莆田都要食 魚肉鮮甜好嫩滑黃金荷葉包炸到金黃色嘅荷葉包灑消芝麻好香口夾埋洋蔥肉絲勁好味 好想食多個莆田荔枝肉荔枝版嘅咕嚕肉 香甜開胃 但唔夠脆口 金湯時蔬以為會係上湯浸時蔬嗰種 但原來金湯會濃啲好似醬汁咁 有皮蛋炸蒜 味道唔錯打卡仲送甜品 枇杷凍食完喉嚨涼涼地好舒服…Read More

在上海的时候经常会去世博源吃的一家餐厅，今天在HK偶遇了。黑色暴雨的日子在HK出门觅食， 打车直接到了海港城， 没想到大部分商店都没开（这🉐损失多少GDP啊）。来到Gateway， 看到这家，菜式是我喜欢的潮式。果然入座点餐后，没有失望。鳗鱼季，点了清汤鳗鱼， 果然食材新鲜是王道，鲜香Q汤， 配上调制的蘸料，入口爆汁，回味无穷。冷菜四小爹，紫菜这么普通的配菜食材，居然是我觉得除了鳗鱼最惊艳的一道，甚至想问服务员有没有卖平装版可以带走😋赠送的甜品也毫不含糊，枇杷膏+甘草配上奇亚籽，难怪女儿一口气吃了两碗。好味道，好难忘！…Read More

蟶子料理口感鮮美且新鮮，鹽焗蟶子鮮味十足，肉質飽滿而且沒有沙感，非常討喜。興化炒米粉用豬骨湯泡製，炒得剛剛好，香氣濃郁，還有蝦和蛤蜊的鮮味，讓人回味無窮。涼拌鮑魚搭配特製醬汁，口感Q彈爽口，是福建菜中難得一試的美味。這三道菜色彩豐富，滋味層次分明，真實展現了莆田菜的地域特色和高超的烹調手藝。蟶子的鮮甜和炒米粉的濃香完美融合，口感更豐富，而涼拌鮑魚的清爽則為整餐帶來一抹清新。廚師對食材的選擇和火候控制都很講究，每道菜的味道都很平衡，呈現福建料理的細膩與精緻。整體用餐感覺很滿意，是品味地道莆田風味的好選擇。服務員態度也很好，親切又細心，讓人吃得更舒服，整體體驗很愉快。…Read More

星期五同朋友聚餐，很久沒有食莆田，想食蟶子所以book位食，點蟶子兩食，分別是鐵板鹽焗哆頭蟶及豉椒炒哆頭蟶，及黃魚煲仔飯，兩款蟶子各有特色，鹽焗入味及有鮮味，豉椒炒也很惹味，menu 有8款蟶子不同食法，在這裏蟶子很出名，2食價錢也不太貴，可以揀選自己喜歡的吃法；至於黃魚煲仔飯算普普通通，正正常常的味道！那天天氣比較熱，被安排的座位近門口，所以有點熱，但座位舒適，適合跟朋友們聚餐，服務態度也ok!!…Read More

我都幾鍾意食中菜架，今日就同朋友去咗食福建菜！😋 福建有個地方叫莆田哆頭，盛產蟶子，啲蟶子出名肥美鮮嫩，所以一定要試下呢度嘅哆頭蟶！🦪✨鐵板鹽焗哆頭蟶
哆頭蟶新鮮到不得了，鹽焗後香氣撲鼻，肉質爽口彈牙，每啖都充滿海鮮嘅鮮甜！🦪🔥避風塘炒哆頭蟶
用香港嘅避風塘炒法，蒜蓉同辣椒炒得香噴噴，哆頭蟶吸收晒精華，香辣惹味！🌶️🍤莆田荔枝肉
豬肉同荔枝嘅配搭好特別，酸酸甜甜嘅味道好開胃，肉質嫩滑，入口滿滿嘅果香！🍍🍖馬來風光
充滿南洋風味嘅炒通菜真，醬香濃郁，帶點微辣，通菜爽脆，火候啱啱好！🥬🌶️燕皮扁肉湯
湯底清甜濃郁，燕皮扁肉皮薄餡香，每啖都好有滿足感，食完好暖胃！🥟🍜興化炒米粉
米粉炒得乾身又入味，配料多到不得了，食落每啖都有唔同嘅口感，簡單又好食，係經典之選！🍚✨…Read More

Summer time 開始了，終於跟一個海外歸來的朋友仔聚會，吃慣了西餐的都想食返有特色的福建菜。豉椒炒哆頭蟶朋友喜歡食海鮮，蟶子就岩曬大家。哆頭蟶肥美，鮮味，用了青椒,紅椒，豆豉爆香，再加菇菌，提升鮮味。農家蟶溜湯米粉見到肥美的蟶子，以澱粉，地瓜粉及調味料包裹，口感鮮味嫩滑，興化米粉好幼細，湯底以香蔥，芫茜，短身芽菜為主，味道清香。莆田荔枝肉酥脆的外層包著肥美的豬肉粒，加上果香十足的新鮮荔枝，而且荔枝當造，酸甜開胃。大白菜燉軟豆腐黃芯大白菜香甜，仲有莆田自製農家軟豆腐，大骨高湯熬製8小時，天氣熱飲下菜湯也不錯。南瓜露榴槤凍上次點菜就賣曬，今次有機會跟朋友仔品嚐。南瓜跟榴槤配搭新奇，切開外層薄脆，榴槤漿湧出，味道香濃。薄荷枇杷凍枇杷凍果凍滲出淡淡的薄荷香味，仲有枇杷果，食完覺得喉嚨很舒服。桂花陳皮燉雪梨燉雪梨已經去核，加入桂花，很香甜，雪梨夠香軟，仲有銀耳，增加口感。…Read More

每年呢個時候都一定會黎食飯全因又到蟶子季節 肥嘟嘟嘅蟶子今年仲多左好多新口味 ✨九轉小腸以手工腸套腸方式製作 小腸層次豐富 口感彈牙 滷得入味 帶淡淡香料香✨鹹香黃花魚黃花魚炸得酥脆 連骨都可以食埋味道鹹鮮 夠晒香口✨避風塘炒哆頭蟶今次揀左避風塘炒 夠晒港式風味炸蒜濃郁 哆頭蟶鮮甜 好惹味✨百秒黃花魚黃花魚肉質嫩滑 味道鮮味 ✨香煎走地雞新菜式 雞皮煎得香脆 肉質軟腍調味適中 份量都唔少總結：食物可以 菜式選擇多轉左新menu多咗好多新菜式環境舒適 服務唔錯 價錢可以…Read More

餐廳格局非常高貴，中間位置的燈飾更是焦點，職員有禮，上菜速度也快～鐵板鹽焗哆頭蟶～鹽焗的鮮味特別出眾，鹹香的味道很提鮮～椒鹽哆頭蟶～脆卜卜，外脆內嫩，還帶點蟶子的鮮甜味道，外面再灑上惹味的椒鹽～興化炒米粉～米粉炒至乾身帶點水份感，材料也十分豐富，有豆卜、豬肉、炸紫菜、花生、大蝦、蜆及菜等，味道層次感豐富～馬來風光～森巴醬醬香微辣，爆炒的空心菜十分惹味～黃金荷葉包～荷葉包非常香脆，外層有著大量的芝麻，令荷葉包超香，另再夾上鹹香的肉絲，味道相當吸引～鮮榨玉米汁～粟米味道香甜細膩，香濃濃郁，質感帶點有厚度，暖暖的，必點飲品～…Read More

係莆田嗌咗幾款餸，整體感覺都唔錯，有啲驚喜。香煎走地雞雞皮煎得好香脆，入面仲保持到啖啖肉汁，唔會太乾。薑味唔算好濃，係有股淡淡香氣，如果鍾意重口味嘅人可能覺得唔夠勁，但我覺得咁樣反而保留到雞嘅原味，幾啱我啲口味。鹹香煎黃花魚魚皮煎到微焦，有啲酥香。調味做得幾好，鹹香啱啱好，唔會過火，食落都算舒服。芥蘭豆皮芥蘭炒得爽脆，仲保持到青綠色，應該火候啱啱好。豆皮吸晒啲芡汁，滑嘟嘟又入味，雖然唔算好驚喜，但穩陣好食。避風塘炒蟶子呢道菜好搶味，蒜蓉、辣椒香味爆燈，炒得好惹味。如果熟度控制好少少，應該會更出色。鐵板鹽焗蟶子鹽焗手法令到蟶子保持原汁原味，調味簡單但夠味，唔會掩蓋食材本身。啖啖肉，夠過癮。…Read More

尖沙咀分店樓低比較高，唔會枱貼枱～有空間感坐得比較舒適，而且店員都戴住「蟶子帽」，好有喜感～海蟶節菜品 $228/2款 ，定期出新品，今次就試試其中兩款：《 避風塘炒蟶子｜豉椒炒哆頭蟶 》豉椒炒哆頭蟶 ： 有小火滾熱住保暖幾細心。青椒切薄，加上白菇及豉椒炒香， 蟶子入味彈牙，開胃惹味～ 不過可以少油一點更好。避風塘炒蟶子 ： 呢個需時等候，但係值得等候！蟶子炒得好香，蟶子同樣肥美彈牙，少少微辣好惹味！《砂鍋黃花魚湯 $138 》原個砂鍋送上，豆腐燒過，有少許焦香味，濃底更香濃～食魚前先飲湯，黃花魚都煎過，魚皮帶點香口，魚肉滑嫩～《蝦苗頭水紫菜 $58》 每次必點紫菜十分嫩，微酸開胃～《閩南五香卷 $68》豆皮包住豬肉同馬蹄，先蒸後炸，入口外酥內嫰 ～《農家擦粉 $98小份 》 同樣有小火保暖～職員事先聲明粉內有內臟，幾貼心。用料有豬紅、蛋、菇粒、蝦肉粒、小腸肉、芹菜等，粉會比較腍，似湯羹可以用匙羹食，味道幾鮮味～…Read More