HOLLYWOOD CAFE (Castle Peak Road) (Closed)

餐廳偏舊，大部份都係熟客，廳面算大，一般茶記食物，早餐米粉算係出色，有滿姨米粉嘅感覺，點咗個五香肉丁菜譜米粉，如果菜譜多啲就好啦～煎蛋加餐包，餐包有焗過，脆脆地，奶茶正常！ …Read More

食沙爹牛肉米粉 送曱甴杯凍檸茶唔記得落糖漿淡淡淡已經唔講新年流流年初二，真係氣憤 除咗門口個收銀有啲禮貌之外，其他搵唔到佢有乜嘢值得你去幫襯！今日上嚟openrice先至見原來之前都有兩個負評！反正附近咁多嘢食選擇，一定唔會再去幫襯佢！…Read More

係長沙灣呢一帶搵野食真係唔難都算有野揀，今次午餐行下行下見到呢間冰室有位就食呢間試下，其實，質素同味道真係非常一般，唔駛有咩期望，當然唔算好，50蚊，不過飯真係比較乾又唔夠汁，當速食一個午餐算。點了燒汁雞扒飯，熱檸檬茶。雞扒飯 雞扒都算正常，口感正常不過味道沒有吸引之處，只係飯就會變得比較乾一點，汁唔夠多，但沒有其他配菜了。有湯不過真係好淡。。熱檸檬茶就係正常茶記味道。總結黎講，味道質素好一般，今次速食一餐，如果對食物質素有ddd要求就自己考慮下其他餐廳吧。…Read More

我屋企個麻甩佬 好鐘意食咖哩牛腩飯， 呢間都係該唔到食咩，就黎幫襯下， 已多次回頭！🤓咖喱牛腩 夠味，起碼唔係螢光黃色先，薯仔有炸過再炆，ok 啦😋奶茶係合格😋炸雞髀 塊皮好夠脆，唔會乾柴柴，都幾大隻，抵食😋炸豬扒沙律 🥗鐘意佢有椰果 同埋唔係吉烈豬扒👍🌟😋菊花特飲 屋企個小朋友成日去親都會叫，因為好多花花浮浮吓，佢話好抵飲😆🤣😆😆🤣🤣😋西多士下午茶塊飽都幾夠厚，唔會過燶，內裡都仲有軟軟嘅麵包，唔多油，都做得唔錯#西多士 #茶餐廳 #午餐 #下午茶 #街坊價 #foodies #hkfoods #eatplayfunclub #hkig #foodslover…Read More

【深水埗區】【荷里活冰室】呢餐飯絕對係一個意外嚟，嗰晚仲要打風打到吹彎咗我把遮，去長沙灣搵亞媽交收，交收完就各散東西架啦。點知佢無啦啦話佢可以食飯喎，本身都想喺深水埗區求其搵啲嘢食嘅我就當然係欣然同意一齊食飯呢個建議啦。咁大家討論食乜嘅時候，佢一開始就講話「愛群唔食吖嘛」、「雪山唔食吖嘛」，我都未回應，佢就再講「你要食啲未寫過嘅餐廳吖嘛」，我就係咁笑喇。似乎我喺呢方面真係出晒名，大家都好遷就我，陪我去食啲新餐廳。咁我哋最後去呢間都係茶記嚟，其實我已經寫過，不過係旺角店就冇所謂啦。加上上次太經典，遇到佢冇麵食供應，因此點都要寫過架喇。佢唔太肚餓，叫咗個 $30 嘅「墨丸紫菜湯米粉」，我有偷食少少，真心唔太吸引嘅。佢為咗坐得舒服啲，仲正價 $23 叫咗杯「柚子蜜」，侍應都好心提醒咁樣叫係正價會貴啲，幾細心，不過冇所謂志在坐得舒服吹得輕鬆。我就叫個 $58 嘅特餐，「避風塘雞翼配印尼撈麵」，寫到明小辣，都真係有啲辣嘅。不過個麵都幾難食，雞翼又麻麻，食完啲雞翼都好難食個麵。而個「火腿炒滑蛋」同「丹麥奶油多士」都 okay 嘅，加 $6 要嘅「紅豆冰」都合理味道。總括而言，呢餐都幾難食吓，幾乎有一半嘢係冇食到嘅，對唔住呀地球。。。呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：油尖旺區分店：1am0563（地址：深水埗青山道128號地舖）…Read More

整間餐廳的氣氛非常差，員工態度也很差客人坐的桌子旁邊很近的位置就放了一部垃圾車，專放之前客人不吃的食物和碗筷，實在感到非常嘔心，不是希望坐窗邊位置看自己車，也不會坐這位置，實在不明白餐廳負責人的心態如何的。還有很搞笑的事情，就是叫了魚柳餐，需用刀叉的時候，居然個碟會不停轉彎移動，這叫人如何切魚柳吃呢? …Read More

未食過這間餐廳的午市套餐，平日來講都算多人，一直都有客人入座，今日點了兩個午餐，咖哩牛腩飯份量和味道都OK，炒麵就比較遜色咗，麵條幼又比較軟身，肉絲較乾，味道一般。例湯和餐飲正常。注意這間餐廳祗收現金。…Read More

是日返工死下死下，落深水埗食，又係茶餐廳。入到去環境不錯有大量卡位選擇。我們叫了一個二人餐，只能選三餸。我地叫咗一個菜，一個花膠雞煲和一個脆皮豬手。其實我地本來仲想叫埋蜜糖薯仔牛柳粒，但最後都要忍痛割愛冇叫到。突然樓面侍應通知，脆手剩餘半份，叫我地多叫一個餸。我們暗自竊喜！菜與濃湯甚為配合。花膠雞煲有點普通，我們起初為誤以為花膠係豬肥膏，雞味道ok。半份豬手 加半份薯仔牛柳係今晚嘅重點。豬手皮脆，再加上胡麻醬，十分搭配。牛柳粒茶餐廳質素，肉味略嫌太少。…Read More

今日和同事兩個人，入咗荷里活冰室，試一試佢哋嘅午餐。我叫咗一個紅茄會吉列黑豚豬柳飯，同事就叫咗干炒豬頸肉烏冬。紅茄會吉列黑豚豬柳飯，茄汁一大碗，酸酸甜甜幾開胃。另外豬柳都煎得好鬆脆，有肉汁唔錯，如果加少少蔬菜會比較好。干炒豬頸肉烏冬，炒得好香噴噴，豬頸肉都好淋，不個豬頸肉份量比較少。個午餐仲包埋嘢飲，價錢唔貴，食物質素合格。…Read More

在附近工作人士 食開個間餐廳因為完約 要四周圍搵落腳點一睇到餐牌 已經有點想走😅午餐價錢 同 我食個晚餐 差唔遠睇埋下午茶價錢 更加嚇一嚇第一次見 公司三文治 去到 $53食物比較味濃 重味道不過 👍勝在冷氣夠 外面三十度 入到完全 過到冷河😍爽😉最後叫左2個午餐 1。日式鰻魚炒飯…………賣面還好，不過食落 鰻魚得2件 有骨 有魚腥 飯比較濕2。燒汁肥牛炒烏冬…………賣面麻麻， 食落味更濃，肥牛勁老 烏冬太淋**順帶一提 2個餐 由落order 至到餐 全程5分鐘唔使點解甘快 大家諗諗😅🤐🤔…Read More

今天Honey約人在天悅廣場做點工作，工作完畢，我們就看看附近有什麼地方可以吃個下午茶。剛巧對面看到一個很大很亮的招牌「荷里活冰室」，就去吃吧。下午茶餐不算便宜，$30's-$40's不等；但當食物上桌……好大碟喎！大件夾抵食！Honey 點雜果沙律$36 配紅豆冰+$6雜果沙律好大碟，除了罐頭水果，還有新鮮的，例如青蘋果，還加了紅腰豆。而且，沒有出水，幾好。紅豆冰不算大杯，但是紅豆好多，也煮得夠稔，好味。我就點艇妹櫻花蝦炒銀針粉 $44好大碟！好有鑊氣！有肉碎、蝦米、櫻花蝦……炒得好有鑊氣！但是又不油膩，好好食！奶茶正常，不過，茶膽有點濃。…Read More

經過被門面光鮮吸引，是新開的冰室，略看晚餐餐牌，價錢合理，食物也吸引，所以決定一試友人點了比較特別的煲仔菜—瀨尿蝦乾啫啫煲（＄７２），另加＄６特飲，送例湯味道偏咸，除了通菜和瀨尿蝦乾，還有肉碎，足料瀨尿蝦乾不會太硬，沒有腥臭味，和吃普通蝦乾分別不大通菜也爽脆，吃得出材料上也新鮮另加＄６甘菊茶，不會太甜，菊味也出我點了艇妹鮮蝦炒銀針粉($54，配熱飲及老火湯）相比那個煲仔菜，這碟炒粉味道較淡有櫻花蝦在面作裝飾，也真的用上鮮蝦炒，而非冰鮮蝦但蝦沒蝦味，也不彈牙，有點失色，加上整碟也偏油，銀針粉口感也不爽彈，沒有過人之處只可當作懷緬童年味道…Read More