Holland Cafe (Kwai Shing East Shopping Centre)

地點方便，喺葵盛商場地下正門隔離叫咗星洲豬頸肉炒河$50 ，送熱飲，加$3轉大杯。河粉即炒，味道幾好，唔算太油，份量唔算多，下午茶嚟講OK啦，不過冇食lunch就覺得仲係好肚餓豬頸肉見到有燶邊，睇得出唔係炸嘅，估計係用電爐燒烤。整體味道都唔錯，唔算鹹。熱奶茶就好普通，茶色太濃，加完淡奶都係唔夠滑。飲到最後條脷係澀嘅，質素比以前差咗好多。坐喺窗邊卡位，見到有隻迷你小強喺地下爬過， 20幾年公屋屋村，不意外🤡…Read More

今天天氣很好，諗住帶媽子出去曬曬太陽，順便食過下午茶餐， 途經荷蘭冰室， 見有位， 所以就入去坐坐，同媽子嘆一嘆下午茶!這裏的下午茶menu有很多選擇，鹹點、甜點、以至炒粉麵飯都有! 而且價錢亦很相宜， 一個字來形容 「抵」! 而且這裡的環境也很舒服，因為這間冰室是採用落地玻璃兼開放式設計，所以沒有很侷促的感覺!入座後，我們order了一客「黑白一口西多士」, 和一客「吉列豬扒拼沙律」兩個Tea sets!「一口西多士」很鬆化， 脹卜卜，再加埋個朱古力和煉奶醬， 非常惹味!而「吉列豬扒」就炸得很香脆，外脆內軟，熱辣辣拼埋沙律一齊食，so juicy ! 杯奶茶也很不錯，茶底没有苦澀味，媽子和我也很滿意今天的下午茶，媽子仲問我幾時會再帶她來食㖭:):)! 我們兩個人埋單都是七十幾蚊， 簡簡單單 ，這裡也是一個屋邨下午茶的好去處!…Read More

真係第一次聽到丹麥多士係唔俾搽牛油。一擺低碟嘢，我就問個侍應，件丹麥多士係咪唔記得搽牛油。侍應第一次拎返入廚房，出返嚟話廚房師傅唔係唔記得搽，而係本身丹麥多士唔會搽牛油，聲稱丹麥多士本身有味，再搽牛油就會太咸。食過咁多間有丹麥多士嘅茶餐廳，真係第一次聽。咁第二次我就同侍應講，咁不如叫廚房俾牛油我，我自己搽啦。侍應問完之後竟然回覆話廚房師傅連牛油都唔肯俾。𠵱家香港飲食業咁嘅巿道，真係祝貴公司生意興隆。…Read More

黑衫經理態度奇差， 午市女同事食嘢慢D, 著黑色衫經理收碟時黑口黑面， 以後都唔會幫襯。淨係搵個waiter 寫單， 都等成2個字， 嘢食上的慢， 計埋order, 上菜時間， 都有4個字， 咁果個經理應該提升餐廳的管理和食物質素， 唔係俾面色客睇。以後都唔會幫襯此餐廳。…Read More

都不知道這是西芹炒雞球 還是xo醬爆雞球 太難吃 落左單 等左25分鐘才送來 問過服務員 這是西芹炒雞球 還是xo醬爆雞球 回答都是xo醬爆雞球 我是第一次見到xo醬爆雞球是這樣 佩服…Read More

堂食叫個芝士焗意粉配熱朱古力，熱朱古力幾分鐘就到咗，冇諗過咁簡單一杯朱古力都可以整到過甜，飲咗2啖已經唔想飲。至於個意粉就過咗20分鐘都未出餐，應該係漏咗單，等我催單後再過2至3分鐘先出返個意粉。唔知係咪呢個區多老人，個意粉都特別整比老人家食，啲意粉好似焗咗20分鐘咁淋曬，一夾就好易斷。最後食咗四分之一都冇就埋單走人。如果想體驗漏單可以食呢間，因為我次次去都100%漏單。講真個意粉$50幾但衰過大快活，食大快活更稱心。…Read More

今日(9-9-2023 Sat)朝,同老公返嚟葵盛攞檢查報告,我又想去YWCA (https://www.openrice.com/zh/hongkong/r-%E9%9D%92%E5%B9%B4%E6%9C%83%E6%96%B0%E7%95%8C%E6%9C%83%E6%89%80%E9%A4%90E5%BB%B3-%E8%91%B5%E6%B6%8C-%E6%B8%AF%E5%BC%8F-%E6%8B%89%E9%BA%B5-r47653)食嘢,不過都打個電話去問有冇開先,答案係星期六唔開.上次12-8-2023(Sat)去到時,個女仔唔係咁講,只話暑假嘅星期六唔開,真係好彩今次精咗,打去問.咁我問我老公,上次話荷蘭冰室可以encore(上次食評係2023年8月17日刊登嘅呢篇:https://www.openrice.com/zh/hongkong/review/%E9%83%BD%E5%8F%AF%E4%BB%A5-e4943795),今次去唔去?佢答去,咁我哋又嚟啦.我哋嚟到時,啱啱開始供應lunch,睇完menu,老公要是日精選$54.00嘅紅燒豆腐飯,要例湯.我要$60.00嘅銀芽肉絲炒麵,飲熱檸茶.老公嘅例湯先到,好細碗,飲落,唔知係咩湯,老公話係鱆魚蓮藕,我又唔多覺係,只係ok唔太鹹嘅湯.味道:3分然後係熱檸茶,未篤檸檬飲時都ok,但篤完後就澀,又有啲似中藥味,我同老公都攪唔掂.味道:1分紅燒豆腐飯到嚟喇,係一個普通不過.好正常嘅飯.味道:3分之後我嘅銀芽肉絲炒麵到嚟,所有嘢口感同味道都正常冇問題.味道:3分環境係4.7分…Read More

12-8-2023 (Sat)朝嚟呢頭做檢查,我就同老公去YMCA(https://www.openrice.com/zh/hongkong/r-%E9%9D%92%E5%B9%B4%E6%9C%83%E6%96%B0%E7%95%8C%E6%9C%83%E6%89%80%E9%A4%90E5%BB%B3-%E8%91%B5%E6%B6%8C-%E6%B8%AF%E5%BC%8F-%E6%8B%89%E9%BA%B5-r47653)食早餐,點知嚟到冇開,於是走入商場搵嘢食,見到呢間被裝修吸引嘅港式茶餐廳,咁試呢間.入到去,見到有好多卡位,但全部枱都有人,行咗一圈,搵到一張枱想坐低時,就有一組客人食飽起身走人,咁我哋就坐呢張卡位喇.亞姐自動走嚟執嘢同俾兩杯水我哋,我哋睇完menu,老公要$37.00嘅傳統早餐A2,招牌沙嗲牛肉麵,配牛乳炒滑蛋同日式奶油多士,加$3.00要凍檸水走甜;我要$40.00嘅全餐同飲熱奶茶.首先嚟到嘅係老公嘅牛乳炒滑蛋同日式奶油多士,由於duplicate,所以我冇食,等我自己嗰份嚟.然後我嘅熱奶茶到嚟,都幾深色,呢個留到最後飲時,佢嘅茶味係濃,但未至於澀,不過都落啲糖飲,飲咗啲後,自己加人哋俾嘅熱水,味道就啱啱好. 味道:2.7分而我嘅全餐有牛乳炒滑蛋,茄汁豆,煙肉,腸仔,火腿,雜果沙律同日式奶油多士.嚟到睇見茄汁豆只有一湯匙嘅份量,日式奶油多士就係件多士細件啲同正常厚度,呢個都有烘脆,鍊奶同牛油份量都啱啱好,唔錯.味道:5分牛乳炒滑蛋就係喺全熟炒蛋上淋上蛋汁,幸好全熟炒蛋未至於好乾好嚡,仍可接受.味道:2.7分   茄汁豆,煙肉,腸仔同火腿都係來貨,正常嘅鹹.味道:3分雜果沙律份量同樣唔多,不過沙律醬調較得啱啱好嘅.味道:3.5分而老公嘅走甜凍檸水同招牌沙嗲牛肉麵我就冇試到.環境:大致上冇乜問題,只係冷氣有少少唔夠.4.7分抵食係2.7分…Read More

-吉列豬扒滑蛋大碗飯 $64冇乜蛋香，吉列豬扒炸粉唔會好厚，同埋都好大塊，的確係幾大碗！-蔥油雙蛋香煎雞扒飯+熱檸檬水 $57雞扒醃得幾好，煎得幾香，亦算嫩。-招牌咖喱吉列豬扒+凍檸檬茶走甜 $70同吉列豬扒滑蛋大碗飯一樣，塊豬扒都好大塊，唔韌，唔同嘅係呢個係原塊上，唔係幾鍾意佢浸住喺啲咖喱度，令到某部分嘅炸粉淋咗。咖喱雞飯+熱滑奶茶多奶 $52咖喱有好微嘅辣，夠香，薯仔焗得好香薯味，雞件大細不一。熱奶茶一入口係鹹的🤢。…Read More

餐廳座位闊落，唔係著綠色衫嘅職員態度差！招牌沙嗲牛肉麵 配牛乳炒滑蛋+日式奶油方包$35沙嗲牛肉係正常味道，但啲麵真心唔得，腍到一個點，我諗一般人喺屋企煮都好食過佢。炒滑蛋唔錯，幾香幾滑。方包就不予置評！沙薑雞飯 $50雞肉都算嫩滑，但天氣咁凍，如果想食返啲熱野暖下嘅話，建議唔好叫沙薑雞，因為啲雞係凍嘅。都明嘅，雞一定係整定先，上菜前再整返熱又驚佢鞋。味道方面，沙薑味還可以。個湯一般般！熱奶茶叫左多奶都仲係好澀！食完就會知道點解差評比率咁高(其他分店都係)!…Read More

本人到這個餐廳食早餐，唔係第一次黎，上次經驗都係比較差，好似呢度服務員是大嗮，叫了3個人落單都無人落，到第四個先來落單，講左又聽唔到，我大聲d, 我無說任何話，落單個馬尾阿姐，大大聲話唔該，我無回應，他還要用責罵語氣話我講得細聲，話我帶住個耳機。我說話唔細聲，但我明白呢度四圍裝修好難聽，所以我講多次。無想到還要受氣比個阿姐話我，我以後無飯食都唔會到呢間垃圾餐廳食物唔係出色，又唔係免費，還要客人受氣，離譜。 我需要說起8清楚，服務我係一星都唔想比，只是唔比過唔到。…Read More

今晚夜收工，返屋企前就走咗去試下呢間冰室！見到佢有個抗疫外賣餐 $38 連野飲.响呢個時間都算平，就叫咗個應該冇乜機會瀨野嘅涼瓜排骨飯啦！跟著响門口等，諗住做得外賣家餐，應該唔駛等好耐掛。等咗差唔多4個字先有得拎，諗住莫非係即叫即煮咁有誠意？所以以為等係值嘅！就滿心歡喜咁拎咗返屋企。返到屋企，一打開個盒，即時想講“X”唔“L”係排，點解啲涼瓜顏色咁青綠架，完全冇同啲排骨有任何交流過嘅，純粹白灼！算，咁開始食啦，WTF！凍嘅，凍嘅？仲有啲汁係似豉汁味嘅寒天！點食呀！結果人生第一次食唔晒盒飯！…Read More

今晚同屋企人諗住去樓下叫個外賣自取，叫咗沙拉蝦球、椒鹽鮮魷、蜜椒翠玉瓜牛仔柳。牛仔柳係入面最好食嘅一個，但份量少到不得了。椒鹽鮮魷一啲都唔脆，似係整咗好耐再熱返佢，配菜嘅花生又梅晒。最過分嘅係沙拉蝦球，無啦啦加啲朱古力豆落去做乜嘢啊，啲朱古力溶咗之後有浸嘔吐物味，成家人食呢碟嘢食到想嘔，份量都係果句，好少。…Read More

第一次同家姐嚟呢間餐廳食嘢，叫咗個五香肉丁麵配豬仔包，炸雞髀配薯條，雪菜肉絲炆米，本來食物評價都唔錯，唯獨雪菜肉絲炆米真係咸到阿媽都唔認得，本來諗住勉強食埋佢，但係真係頂唔順佢咁咸，同侍應講好咸，點知佢和應一下就行開，以為佢處理完手頭上嘅嘢就會過嚟，點知就一去不返，算數，唔食啦！我驚會有腎病😏…Read More

-叉燒煎蛋飯，太陽蛋唔該阿姐「我照幫你寫，煎唔煎太陽蛋，我就唔知啦」我「好野！食左誠實豆沙包？」-姐，有無紙巾？比3蚊買包我都ok!姐（不加思索）「無，我地無依啲野！」荒謬既態度，不服來試💪🏻…Read More