BEANS The Backyard (PopCorn 2)

「BEANS」的分店有不少，其中一間就在將軍澳的 PopCorn 2。常常經過的時候都看到門口有人排隊，忍不住想試試。晚餐時段需要等候，大約等10分鐘，都可以接受。用餐環境亦頗舒適，不過從梳化座位看得出歲月痕跡🤔主食加錢可以點湯品，選了 🍄牛肝菌湯 (+HKD 40)入口質地濃稠，喝起來幾濃郁且有一種焦香的味道，頗重口味。🐙羅勒香草醬原條八爪魚鬚闊條麵 (HKD 238)八爪魚鬚的外層帶點微焦的香氣，咬落很有彈牙感，並不會韌。掛滿羅勒香草醬的闊條麵，味道清新而不膩，還有堅果香。吃的時候也可以擠點青檸汁，增添一抹清酸能提升味道的層次。🇮🇹香濃腐乳忌廉海鮮意大利飯 (HKD 128)這一道料理融合了中西元素，吸滿醬汁的米飯帶有軟糯的口感，濃厚的奶香與腐乳獨有的發酵味道亦恰到好處。另外再加上鮮蝦和彩椒，為這份濃郁增添了平衡感。🐑摩洛哥燉羊膝 (HKD 238)羊膝燉得幾入味，配上醬汁來吃都幾惹味。肉質算是軟嫩但不是一切便能骨肉分離的程度，仍然保有咬口。另外配上烤馬鈴薯、薯蓉等一起吃，超有滿足感。飲品方面，除了咖啡/茶，還可用優惠價點另一間茶飲店的飲品。若是對茶飲沒興趣，也可以用 HKD 28 的價錢將餐飲升級成橙汁暢飲。🥤法蘭西芝士奶蓋鴨屎香青茶 (HKD 22)轉了果仁香氣突出的開心果奶蓋，加上無糖的青茶，喝起來很不錯。🧋是諗但泰式珍珠奶茶 (HKD 22) 可以選微糖不會太甜膩，這杯還有法蘭西芝士奶蓋多添一層奶香。最後，還加購了 Cheeseful Moment (+HKD 30)是濕潤濃郁的朱古力蛋糕和細滑奶香的焦糖布蕾甜品組合。整體甜度偏高，與朋友分享會更剛好。…Read More

BEANS有好多分店，呢間就第一次嚟。早餐喺0800-1100供應，夾到時間就抵食好多。點咗素食早晨全餐，可加錢加選其他食物同升級飲品，彈性大。素食早晨全餐：$62；有香烤粟米、焗芝士南瓜蓉大啡菇、牛油果、羽衣甘藍、蛋（1隻；可揀煮法）、焗香草蕃茄、酸種吐司；食材豐富，擺盤吸引，各款食物的調味恰到好處，基本上都見到食物原貌，感覺健康；味道方面，牛油果颜色靚，熟度剛好；焗香草蕃茄食落多汁；焗芝士南瓜蓉大啡菇軟腍帶汁，南瓜蓉口味清淡，有芝士但唔膩；羽衣甘藍新鮮，冇草青味；酸種吐司係搽牛油再烘烤，而電子落單系統冇明確標示，想走牛油最好直接同店員溝通雜菌：+$10；強烈唔建議加選，佢隱沒喺烤栗米下，份量極少，煮法係清蒸/白烚，冇調味；「雜菌」好似只得2款菇同少量菠菜鮮奶拿鐵：+$15；咖啡味淡，以全脂奶沖調，入口濃厚，但主要係鮮奶味美式焦糖芝士蛋糕：透過App登記成為會員，喺生日月惠顧，向店員説明同出示身分證，可獲贈1件貨款蛋糕，份量大，優惠非常吸引！店員了解蛋糕存貨後表示有2款可以揀：（1）美式焦糖芝士蛋糕；（2）開心果芝士蛋糕，各$45/件。芝士蛋糕濃厚、結實，質感近似紐約芝士蛋糕，味道可以，焦糖面甜甜地，令增加味道的層次；蛋糕較「漏」，建議配忌廉食，入口濕潤、好食啲。餐廳位於商場，方便、易搵。呢間分店的環境同其他Beans分店差唔多，佈置簡約、乾淨、清爽；服務麻麻，侍應較忙，冇主動俾水（雖然已斟定並放咗喺出餐位置的檯面）。價格尚算合理，早餐人均消費$70-100（視乎會否加選食物同升級飲品；朋友以$10加咗香腸，有2條豬肉腸，而我加選的雜菌就好唔抵）。生日月不妨嚟多幾次~…Read More

試咗佢哋嘅牛肉漢堡，整體感覺都幾有趣。首先，牛肉點七成熟，但其實食落去仲有啲生，估計大概有3-5成，唔係我期待嘅口感，真係太生咗，影響咗整個漢堡嘅味道。我仲點咗個太陽蛋，原本以為會係半熟嘅蛋黃流出嚟，結果送上來時卻係全熟，完全失咗嗰種期待。不過，漢堡裡面嘅其他配料就幾好，特別係忌廉薯蓉，味道清清地，口感非常滑順。薑母茶嘅甜味剛好中和咗薑味，飲落去好暖身，感覺好舒服，對於養胃都幾有幫助。雖然牛肉漢堡有啲小遺憾，但其他配搭都唔錯，不過，希望佢哋可以改善牛肉嘅熟度……Read More

今日同同事去Beans食lunch，試咗幾款招牌菜，整體水準唔錯！軟殼蟹意粉係驚喜之作，原隻軟殼蟹炸得酥脆，意粉掛滿醬汁，口感豐富。黑松露薯條即叫即炸，松露醬落得夠重手，香氣撲鼻。三杯雞燴沾麵台式風味濃郁，雞肉嫩滑，沾麵吸盡醬汁精華。Margherita薄餅餅底脆薄，芝士拉絲，蕃茄清新平衡膩感。最後嘅特濃朱古力蛋糕濃郁濕潤，為呢餐畫上完美句號。環境舒適，服務到位，人均約$100左右，適合同事聚餐。值得再encore！…Read More

🍝 Popcorn 外賣疫情期間，外賣成為日常，嗌得多自然識得揀啱嘅餐廳。嗰日我喺 Popcorn 嗌咗兩款意粉套餐，價錢合理、味道出色，仲有 Mastercard 嘅週四驚喜優惠，真係抵到笑！🧄 白酒惹菌會計意大利粉配普通菜 + 美式咖啡（$38）白酒惹菌意粉香氣撲鼻，菌味濃郁但唔會過膩，白酒嘅清香令整體味道更有層次。意粉煮得啱啱好，唔會過腍。配菜雖然係普通菜，但新鮮爽口，起碼冇敷衍。美式咖啡係基本款，唔算突出但夠醒神，啱晒午餐配搭。🍅 蕃茄肉醬溫泉蛋意粉配羽衣甘藍沙律 + 美式咖啡（$38 + $15）呢款意粉真係有驚喜！蕃茄肉醬濃郁惹味，唔會太鹹，溫泉蛋一撈落去，滑溜溜嘅口感令人回味。羽衣甘藍沙律加咗 $15，但絕對值得——新鮮爽脆，醬汁調得好，唔會搶味。再加杯美式咖啡，完美收尾。💳 Mastercard 週四驚喜：再減 $20！最開心係用咗 Mastercard 嘅週四優惠，即減 $20，兩個套餐加埋唔使 $70，喺香港呢個價位真係罕見。疫情期間仲有咁貼心嘅優惠，感覺好溫暖。⭐ 總評：10分滿意，抵食之選！…Read More