荔苑茶餐廳 (Closed)

返舊屋搬嘢，搞晏咗，所以就落去最近晌盈暉臺嘅荔苑食嘢，茶餐廳穩穩陣，同埋以前都有食過，，唔好又唔差嗰隻，又有下午茶時間，下午茶餐2:00am-5:00pm，但午市特價套餐都仲有做11:00am-5:00pm。下午茶餐，分精美小食（$18-$24）、薯條茶餐（$22-$24）、即炒粉麵（$30）、沙律茶餐（$24），包茶啡，睇落都唔叫平，至少比起連鎖快餐店一個茶餐可以廿蚊唔使，相比之下佢就貴咗幾多啦！至於午市特價套餐，全部都係炒粉麵飯，賣$32，包例湯及茶啡。諗落，我就揀午市特價套餐，因為炒粉麵選擇多，成30款，又有湯飲，比起下午茶個即炒粉麵都係貴兩蚊；老婆唔太餓，要咗個什果沙律茶餐。下午茶餐 - 什果沙律茶餐 $24我稱佢為冰雕沙律，一啲都無誇張，啲什果結晒冰，究竟係唔係有人叫咗什果冰唔要，將啲什果冰倒落我兜沙律度呀？未食，碟底已經成灘水。仲有，所謂沙律，只係一pat撈沙律醬撈到過晒火嘅粟米粒，加幾片生菜，搭塊腍到霉、紅到發光嘅蕃茄晌面，兼且細碟到無譜。依碟「什果冰沙律」賣相驚嚇度可列入地獄之作，味道唔使我多講喇，睇相都幻想到有幾難食啦！結果，老婆咪差唔多凈飲杯杏霜，加埋食我嗰少少飯囉

以前從不知道盈輝商場這個地方，既然今次來到，繼續發揮我好奇既精神，找間茶記吃完飯才回去。在餐牌隨便指一個鮮茄豬扒飯，飲品就要熱奶茶。醬汁不會過酸，幾好送飯，而且還配上很多清甜的蕃茄，感覺不錯；豬扒嘛，做得外面脆口，肉質亦不會硬轟轟，總算可以收貨；不要忽視配角的洋蔥，偏生，很爽口，帶些微辣，夾著豬扒吃更好。熱奶茶確是很滑，但奶的份量太多了，又完全欠缺茶味，兩者有點失衡，並不能滿足到我。盈輝商場，總算是個新發現，下次試埋商場內的其他食肆。

荔園遊樂場又係另一個香港人嘅集體回憶，以前未有海洋公園時，尤其九龍人，去荔園真係好開心，好多嘢玩，尤其拋銀仔中香口膠。荔園無咗好多年喇，我諗好多後生都未聽過有個咁嘅遊樂場，凈係識海洋公園同廸士尼，依家塊地就變咗美孚盈暉臺、華荔邨、荔欣苑！係朋友屋企開完小組，又係晚飯時間，就落咗盈暉臺下面商場間搵食，主因都係貪方便，費事過番美孚新村，結果揀咗荔苑茶餐廳幫襯，老友話哩間未係最好食，不過又唔太差，只係另外一間好食D嘅又無位，費事等就揀咗佢。晚市茶餐廳嘅殺著都係D小菜套餐，依度唔例外，小菜套餐$43，煲仔菜套餐$46，例牌配例湯加白飯。雖然價錢方面唔算話好抵，但碟頭份量搭夠，而且選擇夠多，小菜有成50款，煲仔菜都有14款，款式都係一般傳統嘢，但又啱我哋哩班老鬼口味：西檸鴨、鮑片扒生菜、中式牛柳、菜甫肉碎煎蛋，係咪好傳統，好老餅吓呢！幾個餸都幾啱食，亦都好耐無食哩幾款菜，又有多少懷念。講質素，依幾個小菜不過不失，街坊水準，不過勝在份量都真係幾多，近乎去食大排檔份量，真係可以三個套餐四個人食，所以，計落又可以話幾抵！可惜，位置隔涉，一眼睇晒大部份都係街坊客，笠衫波褲人字拖，無乜招牌嘢，好難引到D區

同阿哥阿嫂探完阿姨回去盈暉臺食個便飯才各自回家. 小菜3個, 四季豆排骨, 百花豆腐, 西蘭花炒斑塊.三個小菜很好, 四季豆排骨, 用了欖菜炒. 斑塊好清淡, 阿嫂病病地最適合.服務比較亂, 見到有人倒瀉野. 叫了兩三次先來人......不過, 街坊茶餐廳, 算是不俗.