Li Wan (Closed)

今日外賣叫咗雞蛋腸粉，收成30蚊，貴到唔合理都算啦，以為質素有返咁上下，點知打開盒得嗰8條，手指咁粗，雞蛋肯定半隻都冇，甜醬麻醬又冇！snack express 10蚊腸粉仲好食過佢！明明叫咗咸蛋瘦肉粥，電話confirm過店話有的，但轉頭打番黎話冇，話咸蛋要另加8蚊，一碗咸蛋瘦肉粥要成45蚊！外賣盒逐個盒計2蚊，外賣每個餐再另收1蚊！最後turn out 80蚊一個lunch，咩料，做咗30年人，一向好和平，但未試過因為一餐飯嬲到咁，一肚氣！…Read More

下午茶時間路過佐敦，唔知食咩好。朋友推介，可以試下呢間荔灣，佢地食開，都唔錯咁話，環境都唔錯，幾幹淨。d位唔會好逼，坐得算舒服。下午茶時段，都幾多選擇。common野，多士，豬仔飽，公仔麵都有。仲有d中式野，粥呀，雲吞麵呀，水餃麵呀之類，都多款式。仲有潮式既酸辣米線，好似車仔麵咁，自己簡餸簡麵。試左個生茶瘦肉粥，ok。朋友試左個豬扒撈公，還可以。野飲都可以，正常。價錢都合理既，30幾蚊個餐，算正常。下次可以再食過既。…Read More

每次行過佐敦想食下午茶既時候，都不自覺咁走左黎食呢間荔灣，初次食係岩岩新開個時，我諗都差不多一年了，其實吸引我會去食既原因係因為覺得抵食又好味，之前食過粥餐係用鍋仔上，份量好足。今次想食粉麵，揀左豬軟骨米粉，熱奶茶，想講呢間熱奶茶好岩我口味，茶味比較濃，再配多碟油菜（$24），出餐速度都好快，豬軟骨米粉份量都好過足，好大碗，下午茶餐來講，性價比高茶餐廳來講，其實座位都好舒服，夠闊落，而且好乾淨，食物選擇都多，有煲仔飯餐，湯飯，蒸魚餐等等。。。。。。下次再經過佐敦，一定會繼續幫襯，再試下其他款式…Read More

簡單的一個楊洲炒飯，味道不很簡，蝦亦不太細隻，一般餐廳的材料都看不出什麼來，這間都算認真：蝦🦐清楚可見，而且頗新鮮；火腿和义燒都不錯。😋Cheap 都係咁話，最緊要好食✌️啱食🤞✊不好吃👎幾貴都沒樂趣！🤨加埋真材實料的湯和港式奶茶就真完美！🤝…Read More

一碗水餃河+一碟菜，只收$35，份量仲要好足夠，夫復何求呢？不過，好奇怪，簡直有點難以想像。碗河粉非常大碗到，全碗滿都是河粉，完全無湯。水餃全無鮮味、蝦的質地屬於死實實個類。另外，菜芯要腩汁，伙計落單時的確有寫的，但上枱時腩汁菜芯變了蠔油菜芯，叫來伙計處理一下，收走後好快便再送回來，原來竟然只在蠔油菜芯上再淋上腩汁，變成混醬菜芯咁嘅價錢，係咪真係毫無水準呢？價錢平而亳無水準都是合理？真的值得主理人深思…Read More