茶餐廳 (Closed)

係鰂魚涌唔食番40-50蚊都唔係似樣午餐一係食30幾蚊連所快餐店無餸飯 又或者去買飯盒繼續困在如監倉四面牆0既公司食 放咗工去散步向著北角出發轉入七姊妹道發現呢間超廉價茶餐廳下午茶餐供應到 7pm 點另外仲有30蚊晚餐豬扒.雞扒.雞翼.雞脾 ... 任你選再配個洋葱汁.茹汁.黑椒汁.咖喱汁 ...食意粉或飯送你湯或茶只係 $30蚊 賣相討好至少有條菜炸脾都炸得OK沒有過多調味整體而言味道合格價錢超值不算太迫真係糧尾飯堂 !

今年Openrice送月餅，雖然要老遠跑到北角，但一年一度，大家開心，沒所謂吧！取完餅都差不多到中午，但又沒有「飯癮」，就在附近逛逛，見店名幾有趣，而且隣近地鐡站，實在非常方便。還好，距離換餐牌還有一段時間，趕得及來個茶餐。同樣是火腿，不過改了要麵底，加上淥得夠透，最怕浸一浸水就算的麵底。但雙蛋煎得甩皮甩骨，慘不忍睹，兩條廚師腸炸得有點過火，唉！喉嚨有點痛，來杯菜蜜潤潤真好。

這間餐廳給自己最深的印象就是紅。門外的餐牌以紅牌顯示，連招牌也要加一個紅星。內部的枱、櫈、牆，以致員工製服，都有很強烈的紅色完素，感覺很耀目。食物方面，叫了普通的麥片及腸仔、蛋，作為早餐。麥片的味通不錯，喜歡它不太甜，而且溫度也很適中，不會太熱，以致難以入口。腸仔、蛋的材料當然也是一般的，但看見了一點心思花了在腸仔的外型上。雖然碟邊有一點蛋黃漬，但因為這小小心思也就算了。而且，雖說是一般的材料，但腸仔的外表是脆的，內裏則是軟軟的，外脆內軟感覺不錯。

7.12.2011有同事升職, 於是他就請全公司吃下午茶. 這間在我們公司附近的茶餐廳, 下午茶餐有很多選擇, 於是在我左揀右揀之下, 就揀了M餐: 芝心牛肉卷+雜果沙律+熱桂圓紅棗茶 ($25)芝心牛肉卷: 有數塊, 牛肉卷的牛肉都是薄切, 不太韌, 也容易咬. 可是夾住在中間的芝士不太多, 只得丁點而已, 不敢令我對"芝心"一詞有新的"理解". 雜果沙律: 所謂的雜果只是蘋果, 薯仔及一些罐頭雜果, 味道不是太甜, 沙律醬份量足. 熱桂圓紅棗茶: 好夠熱, 不太甜, 證明沒有落糖, 正合我意. 不過, 這杯茶的紅棗味突出, 桂圓味較淡. 可能沖調時間不足, 令到兩種味道未能溶合在一起. 以這個價錢, 已經吃到個飽肚的下午茶, 算是OK吧.

今日早餐又試下呢間餐廳,餐廳環境麻麻,比較迫~~今次都係叫咗我至愛沙爹牛肉麵加凍奶茶,沙爹牛肉麵賣相ok, 沙爹味都算重, 牛肉就有d梗, 麵就普通,不過唔夠香,凍奶茶跟一般茶餐廳相若! 茶味不算香~ 奶味較重~沙爹牛肉麵凍奶茶

同同事响下午茶時間到附近食飯，我好肚餓關係，午餐可以減五元，叫咗肉片炒河，加熱薑蜜，食物上枱，味道真係一般，驚喜係有新鮮草菇，薑蜜係即沖貨式，好普通一餐，環境都好坐，算闊落，侍應講話就粗魯啲！

路過，去試吓。早餐:-沙嗲牛肉午餐肉麵：牛肉上面有少少啡色的醬，但個醬是無味，更加沒有沙嗲味；牛肉本身無味；午餐肉外表正常，但食落個味怪怪地，與普通食肆不同；麵好硬，好似一放入熱水便即時拿起咁凍奶茶少冰少甜：普通，不是好好飲，又不是唔好飲服務：-除了以下兩點外，其他無特別。食物：我落單時最少講了三次，莫非聽唔到？飲品：落單後，另一侍應又過來問我要什麼飲品，奇怪。環境：-有一些畫做裝飾，與一般茶餐廳不同，比較特別

這天午餐叫外賣, 同事推薦這間茶餐廳的蕃茄湯底, 咁就試一試吧!!!叫了一個蕃茄湯底豬潤烏冬, 加個熱檸水。 蕃茄湯底好濃郁, 仲有一大個蕃茄送上, 加分。 配菜還有一些蔬菜, 感覺上好健康。不知道是不是加了很多茄膏, 愈食愈口渴呢。豬潤都有好多件, 不過唔爽口又唔鮮, 有點兒梅, 下次不要再吃豬潤!!烏冬是來貨, 不過煮到好淋, 沒有了彈牙, 不好吃。

In all honesty it's not as bad as what the other critiques say, on the proviso that you know what to order in a particular restaurant / cafe. I was lucky to have ordered the kitchen's signature food on the first go. I ended up sitting among strangers in a solitary lunch. Not knowing what to choose, I thought the concept of tomato and fatty beef instant noodles with a Borsch soup base interesting, so I ordered one along with an iced lemon water. The wait was a bit long, I also had to move seats o

19/2(四) 7:30pm週四的馬拉松式例會,直教人受不了.最彆扭的是工作被迫推遲,七時多方能離場.不知怎的,不太正面的情緒仍在心頭縈繞;就連晚餐落腳地也只草草地於公司隔壁的"茶餐廳"了事.一家名叫"茶餐廳"的茶餐廳,名字亦懶得費神.點了晚餐:香蒜蜆肉炒意粉$30跟餐湯.蘋果煲羅漢果湯--味道乃原始的清甜.香蒜蜆肉炒意粉--乏味蜆肉及意粉,可謂臭味相投;搭上帶草腥的青椒,令人遺憾的味道...茶餐廳,受夠了...

另一常去食肆。相較附近的茶餐廳，此店環境比較光猛及整潔。午餐有五款選擇，價錢三十餘元，連餐湯或熱飲(兩款加$3)。整體食物質素算中規中矩，服務庥庥。最欣賞的是羅宋湯，用料足、味道好，值得加$3品嚐。

一直筧得這兒的飯餐好抵食，但星期三與同事來吃午餐後，便完全改觀。是日，我們一行四人，各要了兩客午餐的干炒牛河、蕃茄豬扒意粉和餐蛋飯。原本這兒有個$20特價飯餐，包一杯熱飲，餐蛋飯是其中一款。但寫單時，竟發現那碟餐蛋飯要 $26。而且各碟的份量大縮水，跟外賣差多共地。味道更是「麻麻地」，如我點的蕃茄豬扒意粉，那個所謂的蕃茄汁一點茄味都冇，完全係小時候的西汁，汁又少，撈不勻啲意粉，搞到啲意粉無乜味；豬扒就一朕雪藏味，肉質霉，似烚熟，好唔掂。離開再看看張貼店外的餐牌，原來$20特價飯餐每日中午12時至下午2時只限外賣，唔怪得之堂食咁貴啦。

日期：2008年11月12日今晚是是但但咁行經睇下北角有咩食，入左哩間食肆，後悔．叫左兩份所謂既晚餐，完全係無心去煮，比我煮既更難食．哩度既晚餐似係午餐多ｄ，客人要湯話無晒，分明係下晝淨落既飯餸，ｄ野又凍冰冰喎．１．雪梨密棗腐竹湯：水汪汪，似糖水多ｄ．２．翠玉瓜雞肉飯：好生既翠玉瓜，ｄ雞肉又無黎味道．３．咕嚕斑腩：青椒都煮得咁難食，真係唔知佢點煮喇．４．蠔油小棠菜：唔識講．

昨日男友不用上班，他特登出來陪我食 tea，本來佢提議去大家樂，但我倒想想想這間叫茶餐廳的茶餐廳。此茶餐一日只做早、午及茶市。茶餐由 a 數到 k，款式都算多。叫了餐腸公仔麵轉羅宋湯底 + 凍華田及司華力腸拼雜果沙律 + 熱檸茶。羅宋湯底的餐腸公仔麵先到，份量都好大，對女仔來說，作為晚餐都仲得。羅宋湯底不是全用蕃茄來熬，茄膏太多，欠了鮮味，反而人工甜味過重，但配料十足，包凍飲只是 $22，非常抵吃；不過，司華力腸拼雜果沙律就極不掂，沙律由於是要另加錢，所以我期望份量應該會多一點，但來到時卻教我吃了一驚，因為實在少得可憐，我三啖已吃完，加上不是純雜果，除椰果、菠蘿、百香果、還有薯仔和甘筍，感覺有點被騙。說回沙律，味道普普通通，個 dressing 係卡夫奇妙醬，醬多料少，司華力腸前後「開花」略炸，來路貨色，沒甚麼特別。