茶樂 (Closed)

係太子地鐵站附近已經有6-7 間賣台式飲品的店舖，有3 間之前已經飲過了，今日就來到第4間- 茶樂。這裡跟一般台式飲品店一樣有多款系列選擇，有奶茶，純茶，果味，鮮奶，沙冰，多多及手作珍珠系列。這間飲品店會間中做一些應援活動，今日就做緊韓星的應援，店舖貼了好多韓星poster.最後我選了手作珍珠系列的櫻花樹下($36)，是宇治抹茶拿鐵配手作珍珠，手作珍珠會經常轉換，是日珍珠為水蜜桃，是透明橙橙地色，咬落有點水蜜桃香， 未搖勻的時候好明顯分了三個層次，賣相很美，店舖用上明治4.6 牛奶來沖飲品的，牛奶味濃。另外一杯是果味系列的荔枝椰果烏龍茶($24)，烏龍茶當中帶點荔枝香，配上一條條的椰果，不錯啊。這裡飲品的冰量及糖份一樣可以因自己口味來加減。…Read More

咁啱去到太子 發現 唔係得油麻地友 原來都有茶樂 於是又買咗一杯嚟飲 值得一飲再飲 今次個手作珍珠係櫻花味 櫻花味淡 但係會好清新 而且好煙韌 呢一種感覺好特別 另外我揀咗熱情果綠茶 冇奶茶咁heavy 呢個配搭好fresh 酸酸地 又有櫻花嘅香 今次我又係叫咗無糖走冰 但係都唔會話好酸 又唔會話冇味 其實無糖已經好夠甜 熱情果味大過綠茶味 茶味配合番先夠清新配合埋仙草( 要加四蚊) 令到成個感覺昇華咗佢個logo嗰四粒點。。。。 好得意 而且都好有創意…Read More

前排on diet忍口唔飲台式飲品，奈何行街行到口淡淡，街角又見到呢間有咁多唔同味既珍珠，真係好難忍！佢地嘅手作珍珠系列，配上自家出品特別口味珍珠，例如有『櫻花珍珠』、『芒果珍珠』、『白玉珍珠』、『火龍果』、『焦糖珍珠』，睇落已經相當吸引！喺主menu外，原來仲有『紫薯珍珠』配芋頭飲品，紫薯配芋頭，應該都非常濃郁香甜。主要吸引到我的，係『桂花手作珍珠』，好鍾意桂花香味，今次融合了珍珠，創意爆燈！忍口咁耐，始終都係要飲番杯經典珍奶！『皇牌琥珀珍珠奶茶』，有得揀茶底，但喜愛烏龍既我竟然唔記得左揀，算啦！飲番紅茶都好香。第一啖飲落口，有驚喜喎！飲落去奶茶係凍既，而珍珠係新鮮熱辣辣煮好，冷熱交融，好正！新鮮煮好既珍珠真係好軟好煙韌，暖笠笠，又充滿焦糖味，好正呀！朋友飲荔枝椰果烏龍加桂花珍珠！桂花珍珠又係熱辣辣做俾我哋，煙韌到好似食桂花糯米糍！桂花香味剛好，仲見到杯入面有桂花添呀！配埋椰味，令到成杯茶口感都好豐富，其實飲台式飲品，都係為咗有嘢𡁻下，過下口癮咁啦！琥珀系列仲有。。。提供埋飲法，hastag 埋仲有機會飲多杯添呀！想試多d特式珍珠，推介「茶樂」！…Read More

奶蓋阿薩姆紅茶個奶蓋原來唔係芝士，所以都存在有失望，個茶果然有多少澀，唔順喉，好彩唔苦，同上面嗰pat有多少甜度既奶蓋正正中和番，顯到個茶無咁齋。手作珍珠奶茶去到無曬櫻花珠口味了，問員工，剩桃味同白玉，就要左原味，食左就知幾煙銀，似係新鮮整，唔是話好叉甜，奶茶正常味，無乜好講。要讚既係服務，兩個後生女幾好笑容，見落雨又主動問洗唔洗袋呀，因落雨所以無立即飲，佢又夠好人，幫手用膠紙貼好曬個蓋，保證唔會漏，而家請小妹妹都唔差，有工作熱誠，唔會做到口黑面黑。…Read More

主打手作珍珠嘅台式飲品店在香港根本上不多, 自從呢間茶樂係香港開張之後, 主打唔同口味嘅手作珍珠, 櫻花/焦糖/白玉/火龍果/芒果/桂花, 係佢哋嘅招牌珍珠 (但本人去過幾次都見唔到火龍果), 一般我夜晚去到嗰陣時候已經得返一兩種味道. 我最喜愛櫻花珍珠, 亦都係最熱賣的. 珍珠有口感咬落去有花香味(珍珠内會見到一粒粒好似花瓣嘅物體好細粒). 今次我嗌咗櫻花手作珍珠鮮奶綠茶, 鮮奶係用明治3.6. 奶味過重蓋個綠茶味道. 比較似飲鮮奶珍珠.…Read More

終於星期五，身體對我說，要喝杯奶茶為weekend 作準備🥰今日試試太子「茶樂」，以手工珍珠主打。。。🤔🤔🤔🤔的確與別不同！茶樂的皇牌飲品是「皇牌琥珀珍珠撞奶」，手工珍珠比其他的細小，因店舖的黑糖珍珠溫度較暖，樣珍珠口感非常軟。店舖建議不搖，直接飲用，暖暖的珍珠經過上面的冰奶，有重過冷河的感覺，珍珠變得彈牙，都幾新奇😀味度方面，已經點了小甜，但黑糖總是比較甜。可以再試微糖。喝完再減肥吧！…Read More

-食飽飽、行完街，冇野好得過買杯🥤好嘢飲下。 台式飲品喺香港非常普遍，呢間出名珍珠係親手製作，誠意十足！！唔試杯點得呀😚。Menu 多選擇，十幾蚊都有杯。櫻花🌸樹下🌲（$36）［宇治抹茶拿鐵去手作櫻花珍珠］ +$4 荔枝椰果呢杯飲品個名，同張敬軒嘅歌🎶一樣，就好似歌詞🎶🎼入面嘅內容浮現咗腦海一樣咁。喺透明杯望入去一層層layer， 好似圖🖼️一樣咁靚，又好飲。黑糖薑母茶（$20）黑糖同薑嘅比例啱啱好。古早味冬瓜茶（$18）冬瓜茶至啱而家熱熱地♨️嘅天氣，清熱又解毒。==========茶樂地址：太子太子道西171號別樹一居地下1A號舖…Read More

這家的位置十分方便，太子地鐵站B那邊一出就是。原本想叫芋圓（其實是芋泥，不是一顆顆圓的那種）奶茶而已，不過店員問到加不加手作紫薯的時候抵不住紫薯誘惑還是加了我叫的是少冰半糖，不過喝起來還是挺甜的，可以考慮微糖（因為加的料比較多，本身紫薯芋圓都帶甜）紫薯加芋圓，份量其實挺多的，不太適合吃飯後再喝哈哈。芋圓方面有一些過大，吸管吸不上去，要戳一戳。 手作紫薯口感挺好的。我喝的是鮮奶，不是奶茶，鮮奶方面有點淡。店的位置在下午時候會西斜...排隊等的時候其實挺熱的總的來說還OK, 34塊價格來說其實可以再進步…Read More

珍珠奶茶店多不勝數， 想飲一杯好的「珍珠奶茶」，簡直令人有選擇困難症。朋友介紹我不如飲「茶樂」是一家手作珍珠專門店，他們有獨特口味的珍珠選擇， 例如有期間限定的香芋珍珠及桂花珍珠，其他的台式飲品店也未必可以飲到。今次來到就點了皇牌黑糖系列的「 皇牌琥珀珍珠撞奶」，牛奶是用濃度高的明治4.3鮮奶組成，熱辣辣的珍珠，加上杯身邊鋪滿琥珀紋的黑糖，賣相很不錯，打卡一流。味道方面，有香濃的鮮奶味，珍珠煙韌彈牙，黑糖味很濃，正常味道也不會太甜，一次過享受三種混合的幸福口味。另一杯是「 阿薩姆紅茶拿鐵桂花珍珠」，有淡淡的香芋，鮮奶也沒有蓋過阿薩姆的味道，桂花珍珠很香，口感很彈牙，飲到滿口清新香味。…Read More

去聯合廣場shopping，想買杯飲品，才發現附近一帶越來越多飲品店了。有間很有名的飲品店坐落廣場門口，不過人太多，看見轉彎一間有特別的珍珠類飲品，反而吸引了我。飲品大致上也大同小異，不過這家店的特別之處是有不同款式的珍珠。而我看到門口招牌有杯粒粒芋頭鮮奶配手作紫薯珍珠，作為紫色控的我當然立刻心心眼。而且這天時間較晚，所以還是選擇喝鮮奶好了。第一口喝下去便試出它的真材實料，超級濃郁的芋頭味道，而且用芋泥之餘又有點芋頭粒，很有口感。紫薯珍珠煙韌度適中，最初以為只是取其顏色，竟然也有淡淡的紫薯香味，意想不到（原本以為顏色只為打卡用😂），感覺亦沒黑糖珍珠那般甜。而且珍珠數量真的超級多，和老公share飲也不用爭😍看見店內還有很多其他顏色的珍珠，像芒果、櫻花等，最適合一些已厭倦黑色珍珠的人！…Read More

Lunch同朋友們係附近食左碗辣辣嘅米線，好想飲返杯嘢解下辣，就見到茶樂，一於去買返杯先！哩個時間暫時得芒果同紫薯味手作珍珠，我地一人買返一杯先☺️☺️🍀粒粒芋頭鮮奶配手作紫薯珍珠-M （$34）半杯都係滿滿嘅芋頭粒粒同手作紫薯珍珠！😍手作珍珠煙煙韌韌，唔會太甜，好有紫薯味🤤飲落好香鮮奶味，而且又唔多冰，半糖嘅甜度岩岩好！係我想要嘅甜度☺️☺️☺️🍀奶蓋紅茶配手作紫薯珍珠-M （$26）奶蓋唔會太濃，有淡淡嘅芝士味，配上紅茶個味道好出！😍本身推介係配焦糖珍珠，由於店長話煮緊，我地又心急，所以轉左紫薯珍珠，下次有時間可以再試返焦糖珍珠😆🍀琥珀可可牛乳-M（$32）係佢地嘅皇牌黑糖系列，琥珀珍珠即係黑糖珍珠！珍珠好香黑糖味，香滑嘅朱古力奶同黑糖珍珠嘅配搭都唔錯👍🏻，朋友仔鐘意奶味，如果牛奶味再出啲就更好☺️☺️☺️…Read More

今日行過茶樂想飲返杯，坦白講，對比其他手作珍珠，尼間算幾平架，$20 都已經有杯中杯，算係咁樣整體價錢都係好合理，仲要係有特別味道嘅珍珠喎我今次買左杯茉莉綠茶，再加$6加左個桂花珍珠，total都係$20炸但係超級甜呀！！！已經半糖，都係非常甜，係啲珍珠非常甜，茶味就無咩架喇，或者係因為個甜味已經蓋過哂成杯茶嘅味而啲珍珠呢係好多好多嘅，有桂花，足料嘅，有啲就好似未煮熟咁，有啲白色心係到，好難咬同埋我去個陣突然好多學生，手腳有啲慢…Read More

又係飯後同老公、呀妹嘅甜品時間，次次都係佢地揀，今晚到我提議去太子有五間台式飲品店嘅呢條街。心大心細之下揀左飲呢間//茶樂//，主要係俾佢嘅手作珍珠吸引。佢cashier隔離有個小黑板，寫住有紫薯、桂花、焦糖同櫻花味嘅珍珠。老公同呀妹都係新鮮派，分別揀左//皇牌琥珀珍珠撞奶//同埋//粒粒芋頭鮮奶配手作紫薯珍珠//，我就飲//Double焦糖//。今晚我萬歲，條件係我要每杯試一啖，嘻嘻。粒粒芋頭鮮奶配手作紫薯珍珠紫薯珍珠嘅淺紫色幾靚，食落彈牙唔會太硬，係我鐘意嘅質感，紫薯味天然得黎好夠味，甜甜嘅鮮奶包裹住細細粒嘅芋頭，好綿密。皇牌琥珀珍珠撞奶杯身嘅花紋做得仔細，珍珠份量好多，佔差唔多半杯，拎上手係上半部分凍、下半部分暖架。飲前搖勻，白色嘅鮮奶變成米米地色，一飲落去黑糖味香濃，珍珠口感軟糯，味道同台灣某名店好相似，我同老公都覺得佢算係香港做得比較出色嘅撞奶。Double焦糖即係焦糖奶茶配手作焦糖珍珠，珍珠係原味白肉珍珠混入焦糖，味道濃郁，加埋本身帶有焦糖味嘅奶茶，焦糖fans必叫，我叫左半糖覺得岩岩好，唔減糖可能會太甜。店員態度有禮，仲滿面笑容，當時舖頭冇乜人，我心大心細揀左好耐佢都冇黑面，仲介紹唔同嘅飲品俾我地，見我種種珍珠都想試，佢仲俾左幾粒我最終冇叫嘅桂花味珍珠俾我試。桂花味天然，好似飲緊桂花茶咁，我下次應該會叫杯剩茶加桂花珍珠，慢慢嗒真佢個味。大部分飲品可以揀中杯／大杯，但鮮奶系列就只有中杯。…Read More

無糖不甜 因為沒有櫻花珍珠，所以店員換了芒果加紫薯給我，用master card優惠外賣自取減了20，值得一試。本身以為一去到即有，因為沒有櫻花珍珠，店員跟我再確認才沖飲品非常有禮貌！…Read More

上次我在「油尖旺區」裡面，第一次光般店名叫做「茶樂」的台灣手調飲品店，還購買了一杯名稱跟歌星「張敬軒」歌曲相同，以抹茶作為基本飲料，再加上手製櫻花珍珠製作而成的飲品「櫻花樹下」。可惜當時的「茶樂」的手製櫻花味道珍珠不幸售賣，所以我最後只能退而求其次，選擇味道跟抹茶不算十分相稱的「焦糖」珍珠，我試飲完「櫻花樹下」之後，一直對櫻花味道珍珠有強烈的執著。直到我後來到位於太子區，在「太子道西」旁邊的「茶樂」分店舖位內，我終於找到了傳說中的手工製作「櫻花」珍珠，我馬上付款購買一杯以正宗粉紅色的「櫻花」珍珠，做珍珠底的手調飲品「櫻花樹下」。我最初滿心歡喜，以及粉紅豆版本櫻花珍珠，會為「茶樂」「櫻花樹下」手調珍珠飲品，帶來有一種類似椰糖甜味的感覺，但是粉紅色「櫻花」珍珠的實際製成品味道，就有點令我失望。因為原來傳說中的粉紅色「櫻花」珍珠只有櫻花的香味，而完全沒有任何甜味在珍珠裡面的。結果粉紅色的「櫻花」珍珠實際製成品，變成了只有漂亮粉紅色外表，然而「櫻花」珍珠內部卻完全沒有味道。再加上「茶樂」「櫻花樹下」飲品，本來就是抹茶類手調飲品，飲品裡面再加入櫻花粉紅色珍珠。抹茶味道本來就已經是偏苦，若然手調珍珠也沒有甜味支援飲品的話，這杯「櫻花樹下」味道就會被苦味抹茶所摧毀了。所以我發現我上次在佐敦分店的「茶樂」，因為「櫻花」味道手工珍珠已經售罄，所以才被人改選有濃郁甜味的焦糖珍珠，代替「櫻花」珍珠，到最後竟然是「因禍得福」。反而我今次在太子分店「茶樂」，以為自己終於守得雲開見月明，終於遇到了「櫻花」味道手工珍珠，「櫻花」味道手工珍珠的真實一面卻叫我有點失望。就算外表十分漂亮的「櫻花」手工珍珠，終於被太子分店「茶樂」廚房的店員放進外賣膠杯裡面，然而外表極度美觀漂亮的「櫻花」手工珍珠，只剩下虛有其表的粉紅色亮麗造型，味道卻是只有櫻花的花香，什麼甜味都沒有。即使我見勢色不對，很快就已經把「櫻花」珍珠「櫻花樹下」飲品內部都完全攪拌完畢，奈何攪拌完畢的「櫻花樹下」味道，依然是傳統日本抹茶飲品裡面的甘苦味道而已。而且粉紅色「櫻花」手工珍珠浸淫在「茶樂」「櫻花樹下」綠色跟白色的飲料裡面，粉紅色「櫻花」味道手工珍珠實際上的視覺效果，不是我期望那麼綺麗，那麼夢幻。粉紅色珍珠浸在白色飲料裡面，色澤都漸漸被糢糊淡化了。所以俗語有云，幻想是美麗，現實卻是很殘酷，有些夢寐以求已久的人和事，在我們還在期盼和還未得到手的時候，印象總是十分美好，然而當我們終於把目標取得到手，預期的興奮就可能會大不如前，感覺會變質。「茶樂」的粉紅色「櫻花」手工珍珠情況也都是一模一樣，「櫻花」珍珠最讓我始料不及的，竟然是「櫻花」珍珠原來只得漂亮的外表，裡面實際的味道原來都不怎麼樣，我期望的椰糖甜味到最後還是沒有出現。我想我將來，應該未必再有機會光顧其他分店的「茶樂」，因為我終於看清楚，「櫻花樹下」飲品一直以來未曾被我看穿的真面目。「如有天置地門外，乘電車跨過大海，匆匆跟你相望一眼，沒理睬。明日花，昨日已開」我對「茶樂」的期望，就好像張敬軒歌曲裡面最後末段歌詞一樣，幻想破滅就是這麽失落。…Read More