TeaWood Taiwanese Cafe & Restaurant (Paradise Mall) (Closed)

假期晚飯時間排隊食飯真係排到呆，等左成個鐘先有位😭可能因為等得耐，我哋叫左好多野食，就連幫我哋落單既員工都問洗唔洗食位先再叫，其實都真係幾誇張😅雖然最後我哋都係食唔哂，但係我哋都拎走，唔會晒😁推介台式烤香腸，雖然好似好簡單既一道菜，烤，係屋企自己做唔到，所以烤香腸係我必點既菜👍🏻愛文芒沙冰愛文芒珍珠鮮奶套餐沙律溏心蛋紅油抄手黑麻油雞翅台式烤香腸👍🏻😋Tea Wood紅燒牛肉麵微辣手工拌麵，半筋半牛肉柑桔醬鱸魚柳玉龍果古早味三杯鮮雞套餐甜品，豆花…Read More

猜不到能在這間臺式餐廳吃到三杯雞和蠔仔粥。三杯雞用好多蒜頭加上少少辣椒來炒，香味頗濃外，也能帶出少少辛辣，令整碟菜十分香口，和份量不錯的芫茜蠔仔粥配合，十分適合濕熱沒有胃口的天氣一起來吃。最後來杯藍莓芝士奶蓋把蒜味、芫茜味清除，感覺好搭。…Read More

公司搬咗去柴灣，除咗去一啲工業大廈食頹飯，有時都會同同事搭車去到杏花邨個商場食下啲唔同嘅嘢。有時都會嚟呢一間茶木食下台灣野，佢會有一啲午市餐單，大概60幾蚊一個餐，連埋飲品，唔算太平，亦都唔算太貴，可以接受。我一直都好鍾意滷肉飯，茶木嘅滷肉飯做得唔錯。如果午餐選擇有西冷牛肉，我唔使諗，一定會叫西冷牛肉配滷肉飯，再加一杯熱飲。有時同事會叫滷水拼盤，大家share。如果冇西冷牛肉，我幾次選會係檸檬雞，但係雞肉比較鞋，差少少。…Read More

2020年1月19日晚上，我和老公去在茶木杏花邨分店食飯，老公叫左個蠔仔湯飯，我叫左沙茶蓮藕牛小排另加個白飯 ，冇叫飲品， 老公比左少少湯同3隻蠔我食，回家後老公開始覺得腹脹唔舒服，之後先後肚痾2次同嘔左1次。 而我瞓到半夜亦開始胃痛發作。第2天早上，老公分別再嘔同痾1次，我痾1次，胃痛到好劇烈同作嘔。醫生話我地2個都有急性腸胃炎同發燒， 醫生相信係蠔唔乾淨或煮唔熟，睇左醫生後到1月24號都未完全食返正常。…Read More

悠閑的星期六，瞓晏少少就去食個午餐，去到杏花新城，好多食店都未開，最後揀左茶木食午餐。中午12點半左右商場內已好多人。估唔到星期六都有套餐可以選擇陽光從落地玻璃照入，感覺舒服溫暖。1. 懶人系列，微辣手工拌麵，配麻辣半筋半牛肉，麻辣鴨血。拌麵微辣，已經拌好調味配上流心蛋，味道一流牛筋煮得好淋且入味，而薄切肥牛亦同樣入味而鴨血正正係台灣口味。套餐可加$30 配飲品（$33以下，$33以上補差額）連蛋糕(6選1）。2. 草莓櫻姫， 即士多啤梨沙冰，而飲管係由士多啤梨味糖做成，飲完仲可以食晒支飲管3. 黑巧克力蛋糕，甜度適中，外皮有香濃黑朱古力味4. 香芒百香果大蝦起司手作麵，芒果醬汁較酸，係食落十分開胃，反而大蝦就一般，無乜蝦味。5. 蒜香炸魚豆腐（$66），外皮炸得香脆內軟，魚肉混上豆腐夠滑，值得一試的小食。…Read More

是日收早同女朋友去杏花新城行街食飯，七點未到餐廳人流唔多唔使排隊，仲任揀位坐。夜晚餐牌選擇都多，小菜為主，加三十元有白飯、沙津同飲品。我地叫左一個小菜同一客肉澡飯。香煎腓力豬肉澡飯，上台都新鮮熱辣，肉澡夠味，豬柳比較有咬口，應該要用刀切當西餐食。鳳梨雜果咕嚕肉，有誠意，全部生果都係新鮮生果並非罐頭，有菠蘿，草莓同火龍果，咕嚕肉都係新鮮炸起脆口，甜酸都恰到好處，唯獨是全部生果比較大份，相對地咕嚕肉即份量就比較略遜。…Read More

今次與朋友再來這間台式餐廳，晚餐已不同上次，更好可試不同的菜。點了鹵肉晚餐和沙律蝦晚餐。餐飲點了香芋奶蓋和紅豆薏米。鹵肉有牛展，蛋，鴨腎，牛肚，雞中翼，大大碟。每樣都十分入味，很好配飯。沙律蝦也是滿滿的，沙律醬平均地在每隻蝦表面，因有濃味的鹵肉它就比較失色，但其實它也是美味的。香芋芝士奶蓋雖然要加錢，但非常美味，因可飲到小小肉的香芋加上芝士奶蓋十分夾。高質素。…Read More

今天旁晚不知為何很早便餓了，想了一會便進了一間好一段時間沒有吃的台式餐廳茶木。其實一至五的晚餐都唔算貴，主食加飲品加沙律或甜品。结果同朋友點了梅子豆乳肉排和絲瓜鱸魚湯套餐。梅子肉排酸酸甜甜的十分開胃，而且好餸飯。絲瓜鱸魚湯較清，但有湯飲都唔鍺。加了小小錢點了檸檬愛玉，好凍好酸，喜歡酸的應該會喜歡，是消暑飲料。這間餐廳是不錯的選擇。…Read More

今日去咗杏花新城，到咗下午茶時間，去咗茶木試吓佢哋好出名嘅雪糕麵包，打開餐牌見到都有唔同款式嘅雪糕麵包，今次就點左一個比較經典嘅曲奇恰巧力蜜糖磚塊，再點左一杯熱飲黑糖薑母拿鐵，佢哋嘅雪糕麵包不嬲都做得好出色，脆脆嘅麵包加埋冰凍嘅雪糕仲有士多啤梨伴碟， 十分滿足…Read More

大家不要以為茶木有下午茶餐供應，所以我們去吃下午茶呀！其實茶木1年365日都是同1個餐牌的，貪下午茶時間人不多，可以吃吃聊聊，服務員多是青年人，有些好似做暑期工的樣子，傻傻的。他們安排我們坐在一阁，靜靜聊聊，很貼心。環境算是舒服，畢竟人不多，只得2枱客人在外面。地方也易找，在商場地下，像一條美食街。價錢合理，不算很貴，而且食物有選擇，咸甜任君選擇，味道也不錯，飲品也很有特色，分分鐘可以花幾個小時在聊天。多謝你們啊。…Read More

平時好少嚟食茶木但係今日見到佢有個晏晝餐牌都有幾多選擇佢哋好似set好晒揀一個主菜就有埋ABC嘅配菜咁仲有買個餐飲計番平均六十幾至70幾蚊一個午餐佢嘅午餐賣相都幾吸引同埋份量都幾大份嘅勝在佢呢度嘅環境幾好所以喺度食晏都幾享受 同埋最好就係晏晝嘅時段其他嘅餐廳都會好多人帶佢哋呢間餐廳都算夠大好快就可以安排到座位俾我哋唔使話等好耐而且店員嘅服務態度都算幾好好快就安排我哋就坐同埋比餐牌我地，茶木嘅服務態度同埋食物質素都算係幾好值得回頭…Read More

難得有一位朋友請一班人食飯，決定去公司附近的teawood作晚餐😁。杏花村的人流不算多，大部分的食市都不用等位，但坐位同食物都不錯👍🏻。點了鳳梨咕嚕肉，炸豪餅，炆牛腩牛肋等等，大家都食得很滿意開心，而飲品我點了檸檬愛玉👍🏻正。最後點了甜品，滿足🙏🏻。…Read More

經過開杏花邨，見無乜人就㨂咗茶木食午餐，坐咗一陣，都唔肯俾午餐餐牌我，既然唔肯俾，我都費事問。咁唯有散叫啦，一如以往叫咗碗牛肉麵同玫瑰咖啡，味道依舊，沒有驚喜，不過不失啦！…Read More

新同事第一日返工,我們邀請佢一同午餐,這餐比新同事話事,佢諗左一陣之後就話食茶木,所以我們今日的午餐係台灣菜!!餐廳裝修以湖水藍和木色為主調,令人感覺和諧舒適!除了主餐牌外,還有一個午市自選套餐或午市飯麵套餐選擇!午市自選套餐包括前菜,主食,飯麵和飲品一杯,午市飯麵套餐就係一碗飯麵配飲品一杯,諗左一陣之後,大家都決定食午市自選套餐!!<前菜> 一份有三小碟,包括鹽酥四季豆,炸魚豆腐,古早滷水蛋!!四季豆炒得乾身,加上咸咸地好惹味!魚豆腐炸到金黃色,唔係好油,仲好彈牙! 滷得入味的滷水蛋半隻,再加爽脆的涼拌青瓜一齊食,十分開胃!<薑蔥油嫩鴨> 鴨肉嫩滑,但肥膏較多,鴨肉浸在薑蔥和油內,實在有點肥膩!<聖女茄海鱸魚> 海鱸魚油炸得本應好香脆,但淋上太多番茄汁,雖然味道不錯,但變到好軟腍,無哂口感!<沙茶烤夫炖牛腹腩>牛腩好多粒,炆得好入味好軟腍,但豆腐吸盡湯汁,變得好咸!<古早豆乾三杯雞>雞肉彈牙有嚼勁,沒有因為炆煮過後肉質變老,雖然雞肉無湯汁浸住,但都係有點咸!<紅燒牛肉手作麵> 湯頭濃郁的牛肉麵,食起來牛肉嫩滑,入口即化,粗麵煙煙韌韌有口感,味道不錯!整體來講,餐廳環境不錯,食物味道則不過不失,但套餐份量不多,我覺得男人食的話應該唔夠飽!…Read More

晚飯時間經過杏花邨，去咗茶木食晚餐，今次點左蠔仔肉碎泡飯、紅油炒手及紫薯奶蓋；豪仔肉碎泡飯用了充足，有好多好仔，足兩個人份量；紅油炒手夠香，唔太辣，分量亦足夠；飲品方面，紫薯奶蓋夠香夠滑…Read More