TeaWood Taiwanese Cafe & Restaurant (Closed)

唔知大家有冇發現每間茶木其實都唔同，有啲有set lunch有啲冇。今次我食呢間位於淘大三期嘅茶木係有lunch set/tea set! 價錢一配麵/一個定食飯其實同單點一樣，但包埋野飲喎！而今次我想推介係佢個香穌雞排麵！ 一如以往雞排同麵係會分開上，熱辣辣之餘個炸粉一啲都唔厚！味粉控制得幾好唔太咸！麵身都陣牙嘅，不過略嫌份量少左啲，未知係咪因為佢係套餐關係呢？餐飲可以加錢轉特飲，我揀左水果茶😋酸酸地開胃吖😋…Read More

不知所謂的收銀女職員，問吓套餐A係乜之後當落單，話更改又唔俾，結果出到嚟外賣就係咁沙律蝦球兩粒囉，企在門口等外賣25分鐘，問佢這外賣係咪我，完全就怕細菌咁唔應人…Read More

簡單來講，佢呢間野完全唔似我平時食開茶木應有嘅質素，仲有，佢難食程度可以令到我再浪費時間寫這篇食評.九龍灣三間分店最差呢間，另外去過旺角朗豪坊，尖沙咀國際廣場和荃灣某分店都係好食嘅，係淘大呢間差到爆核囉…Read More

呢間都算茶木分店入面好差嘅。一次堂食等40分鐘上菜，一次外賣等足一個鐘。重點系客人根本唔多，個店員解釋話轉dinner menu會忙亂啲，都冇乜客忙乜鬼亂啊？勸大家去德福個邊茶木食，雖然多人啲但唔洗等咁耐。除非你好多時間，想hea下喇。食過6、7間茶木分店呢間真系等特別耐。就算非繁忙時間都要等二十分鐘以上，堂食。不過有朋友吹下水都過得快啲，自己毒毒一個真系慘。店長可唔可以反省下搞乜效率咁低？咁搞法食龍肉都冇味…Read More

平日難得唔駛返工，產檢之後就要食得豐富D，可以放肆一下。茶木食過lunch & dinner，下午茶就第一次食。TEA選擇都唔少，分台式刈包、小食、主食及甜品。茶本真係諗起甜品，不過俾老公禁止左，就選左食台式雞蛋肉崧起司捲餅，感覺比較特色d，而老公就要食飽d，叫左芝心雞翅肉燥飯。本身套餐有飲品，不過加$5可以任選特飲(除果汁外)，呢個夠晒吸引，我升級要左熱帶水果茶，而老公就叫左巧克力火山。芝心雞翅肉燥飯最快上枱，我望就唔覺得有咩特別，不過除雞翼之外，都有半隻蛋&雪菜伴碟，都幾豐富，老公食落係讚，個雞翼起左骨，啖啖咁食夠晒爽，食到尖尖先有骨，好入味，仲嫌2隻唔夠，而肉燥就基本野，我試左一般。雞蛋肉崧起司捲餅係美觀，整得好靚，好清楚見到餡料層次，仲有少少沙律菜件碟。餅底係薄，都易入口，肉崧&起司都係好胃，不過食落就好少，兩啖就食完，係唔夠飽，如果唔肚餓，係唔錯的選擇。熱帶水果茶加$5就好抵！入面好多生果，西瓜、火龍果、青檸……個水果茶用橙汁沖，所以會偏甜少少，見到隔離枱有ee打開個蓋加熱水再沖&食入面d生果，我就覺得一壺已經夠晒飽。巧克力火山會偏甜，巧克力味好重，但老公就覺得普通左d，但只加$5就值得飲。…Read More