Chayamachi (Cheung Sha Wan Road) (Closed)

今晚去開深水埗就睇吓附近有咩好嘢食。喺OpenRice見到好多好評，就入去試吓。有網民話好似去咗宮崎駿博物館，作為宮崎駿fans黎講簡直係一個侮辱。環境唔乾淨，而且野食都唔抵食。隔離枱有位女士叫左杯熱柚子茶，三個staff搞黎搞去，搞左勁耐最後黎左杯室溫嘅茶，嬲到佢震。最好笑係見到一對情侶坐低左見唔對路就出返去。我都好後悔。個餐盤個圍曬黑邊，起咗好多霉菌。或者可能係對煤炭屎鬼致敬吧。想試的可以入去望清楚再決定。…Read More

上星期六朋友推薦食，當時去到發現係一間簡單城市小店嘅格局，睇餐牌發現都有好多種日本丼飯，揀咗個必食之選嘅芝士唐揚雞丼飯同一杯雪糕牛奶抹茶。整體嘅餐廳環境係舒服唔算太侷促，當親眼見到個飯，同菜單上個樣幾乎一樣，我好驚訝，竟然唔係圖片只供參考😳，我開始食嘅時候覺得炸雞配芝士，味道上係無敵，好難會唔好食，如果你係好肚餓去食呢個飯，會有一種上天堂嘅感覺。我本身食量唔算太大，所以我食咗一半已經覺得好膩，感覺由天堂一步一步行落去地獄，呢碗飯炸雞，芝士同飯嘅份量係唔夠平衡，我第一次食飯食到有一種感覺係，如果啲飯多啲就好啦😮‍💨，芝士同炸雞嘅份量仲多過啲飯，呢碗飯仲加咗飯素，呢碗丼飯係一定好食，只係分量上可以平衡得好啲😋雪糕牛奶抹茶上，抹茶同牛奶嘅份量係控制得幾好，抹茶嘅甘甜同牛奶嘅奶香配搭得啱啱好。…Read More

鬧市中的日式小店，水準不錯。有下次👍加左$錢轉大盛，有一舊鰻魚，一隻吉烈蝦，一隻溫泉蛋。外賣包裝得好好，番到屋企十幾分鐘車程，仲夠暖，亦無倒瀉。裝修好和風蒲燒鰻魚丼-鰻魚燒得唔錯，汁味道剛好，飯似日本米芝士唐揚雞肉-芝士做到拉絲，有沙律醬，雞肉亦滑薄燒牛肉丼-牛肉入味，有咬口得黎唔靭，汁亦唔錯吉列蝦味道亦好味不過唯一缺點溫泉蛋可能唔係即刻食，痴殼。如果分開開定，可能會更好。用外賣app 減左$10，$23x 3 個餐轉大盛，性價比不錯…Read More

住在深水埗很久了，一直沒發現這家店，前2日在OpenRice search 才發現這家餐廳採用日系裝修，模仿日本火車車廂，晚市不算多人，小編和朋友7點到達，(應該可能)成為了它第一桌客人。這家店的食品主要分幾類：丼、烏冬、汁燒魚、咖啡，還有很奇怪的有意粉便當🍱🤣🤣最最重要的是有很多日系甜品🍨🍦🍮！連芭菲都有（不過小編太飽無叫到）！但晚市時所有的蛋糕🍰都賣完了🥲🥲，有幾款主菜都售罄🙈汁燒雞扒冷烏冬 $80 :⭐️ ⭐️⭐️⭐️/5烏冬用個木桶裝著，上面有海帶、海苔絲和芝麻和一塊好大的汁燒雞扒，味道不錯，性價比很高平時小編一定吃不完，但可能昨天實習完又餓又累，竟然全吃完薄燒牛肉丼 $89: ⭐️⭐️⭐️/5去之前看過OpenRice 評價，這家店的牛肉不是特別出色，去了以後，的確牛肉有點’un’，有點難咬，但分量也是很足的，除丼付上炒蛋一小碟。白玉雪糕混合味$40,加紅豆+$6 —>$46 ⭐️⭐️⭐️⭐️/5雪糕抹茶味幾重👍🏻抹茶蕨餅 $26 ⭐️⭐️⭐️/5抹茶不太重，朋友表示DONKI的好像更好食🙈🙈Overall 小編回頭指數： 🌟🌟🌟🌟食物質素：🌟🌟🌟 💫 性價比： 🌟🌟🌟🌟…Read More

今日去開深水埗，就搵定地方食好野。見到呢間餐廳有不少裝飾係用宮崎駿動畫，決定黎試試。佢向大馬路到，其實吾留意係真係吾會見到，門口又勁多巴士站，真係會比人遮住晒。先叫左杯抹茶牛奶，味道不錯，抹茶味濃。但吾熱，呢個減分。柚子梳打，味道正常咖哩湯牛肉烏冬呢個個湯底好味，烏冬煙韌，但個牛肉韌到食吾到，咬吾開。簡單黎講，如果你想挑戰自己牙力，可以一試。清湯豚肉烏冬呢個個豚肉堅好食呀，個湯就好清最後叫埋個雪糕，簡直係完滿好靚既裝飾埋單 around $280 左右，其實都相當抵。…Read More

今日同朋友黎到位於深水埗既哩間日式主題餐廳。餐廳裝修以木系為主，環境模仿日本火車車廂，牆身係貼上宮崎駿電影海報同放有小擺設既火車窗口設計。另外，因為我地拎住好多嘢，店員見到會主動俾個籃🧺我地放袋，真係幾好。餐廳食物選擇都唔少，而且食物價錢實惠。🔸蒲燒鰻魚丼 $98鰻魚大塊厚肉，上面灑上芝麻同紫菜絲，醬汁足夠，撈埋飯一齊食真係唔錯，如果白飯改為炒飯底會更好。🔸明太子雞翼 $28雞翼外皮香脆，咬開入面係滿滿既明太子，咸香好食。🔸小食拼盤（炸海老，炸雞，墨魚香腸，紫薯餅，炸蟹肉忌廉薯餅）$78幾樣裡面紫薯餅最好食！外皮炸得酥脆，內裏係香甜既紫薯蓉；而炸海老炸皮唔會厚；炸蟹肉忌廉薯餅亦酥脆可口；炸雞略乾，配有沙律醬；墨魚香腸夠咸香，整體性價比都幾高。🔸抹茶千層蛋糕 $26 哩到既甜品價錢都幾抵食，抹茶千層蛋糕入面係抹茶奶油同紅豆蓉，抹茶味頗濃，而且甜度適中，旁邊仲有舊蜜桔解膩。整體黎講，餐廳環境有特色，而且食物價錢實惠，性價比高，黎開深水埗都可以一試。…Read More

去完附近福榮玩具街，穿過長沙灣道條行人隧道直出就係鴨記，若轉彎就到此舖面呢邊行人路。此舖呈深入的長方形，裝修也採用窄長列車車廂設計，只是枱椅非用卡座，舖內或多或少擺放大師動畫作品內的角色搪膠公仔或擺設，播放着似豎琴版本的宮崎駿動畫配樂：龍貓、風之谷、天空之城……是迷不是迷不能詳也耳熟。冇得揀季節限定之蟹膏三文魚籽烏冬…揀咗個賣相都幾別緻嘅明太子烏冬。廚房細，未必係考到廚藝功架，當中明太子意粉中的醬汁、兩粒手指蕃薯、哈蜜瓜餡糯米糍、海藻、煙三文蟹肉釀蟹蓋……都可用現成，不過無可否認佢配搭得幾好同味道同幾氹細路。燒豚肉烏冬鏗魚湯底當中的豚肉略覺多了醋酸味，相對遜色。茶屋混合芭菲倒是有番啲吸引力，由上而下，抹茶雲呢拿扭紋、脆米、紅豆蓉、橘子、圓轆轆質地似愛玉或蕨餅墊底，加番印象分。…Read More

今日做野經開深水埗，行過呢間好有日式風格既店舖，就比佢吸引左入去！入面既佈置好似上左日本既鐵路既車廂咁。幾得意我就叫左個薄燒牛肉丼，仲會有埋麵豉湯同埋丸子！ 牛肉份量都幾多，而且牛味濃郁，質素都幾高！飲品我就叫左紅豆牛乳，裡面有粒粒紅豆，全部都大大粒又夠腍！個牛乳既奶味好香，整體唔會太甜！最後就叫埋個甜品，抹茶千層蛋糕！個忌廉幾滑，抹茶味香濃但又唔會苦！呢度仲有好多唔同類型既甜品，可惜已經食唔落，下次經開深水埗要再試下先…Read More

上年去過茶屋町既旺角分店，原來已經執左了😣 記得個陣都有留意下深水埗分店，見到個間有抹茶味甜品，就bookmark左了～前幾日去開深水埗就去左喇，一入去就覺得裝修好正，木系、白色既配搭有和風小店感覺就基本啦🇯🇵 最有驚喜係有幾個入牆式既宮崎駿動畫火車車窗🚄有種好似搭緊JR食飯既感覺😆➿ 燒䐁肉烏冬 ($78) 燒豚肉係用五花肉，邪惡啊😈 配帶麵豉味既sauce又幾夾～ 湯烏冬可以配咖喱湯或者鰹魚湯，我就揀左後者喇，鰹魚湯底味道足而唔會過鹹～➿ 焗和牛肉漢堡丼 ($82) 和牛肉漢堡比想像中大塊又厚身，肉質唔乾柴，不錯吃！欣賞佢既醬汁係分開上既，滿足唔同人對醬汁既需求👍🏼➿ 蘋果蜂蜜紅茶應該唔係用現成既糖漿沖，甜度岩岩好啊😀➿ 茶屋混合芭菲 ($68)芭菲整體口感非常豐富，單單係cereal都有幾款，仲有蜜柑、栗子同啫喱等等添！我覺得軟雪糕🍦陣味有d似個隻特濃8.2牛奶糖🥛🍬…Read More

成年冇乜點放過假，年尾需要清假的關係，趁平日去一些週六日很多人的地方，今日就走左去行深水埗。行完有點攰就諗住搵間餐廳坐下。餐廳位置很好找，就在地鐵站隔離不到兩分鐘的路程。我來的是平日下午4點，餐廳一個人都無，連職員都無，入到去職員就係廚房指示就座和用qr code下單。裝修都係日式風格，再加上日本動畫的佈置。一開始見到下午茶餐選擇，但按多一陣之後就唔見左，又搵唔到職員問，最後要左一杯抺茶牛乳就算。抺茶味唔算濃，比較多冰，整體來說叫做還可以啦。下次有機會再試一下主食。…Read More

平時行過呢條街都太快太急，好少留意到呢個門口， 今日漫步行，反而見到有間小店喺呢條熱鬧嘅街道上，有緣分一試。裏面嘅裝修都幾特別喎，好似車廂咁樣，仲有宮崎駿卡通嘅裝飾，幾有趣呀。明太子雞翼， 有驚喜喎，我開頭以為係炸雞翼配明太子醬汁，原來係去骨雞翼包住明太子餡料，飽滿又豐富。:(小食燒鰻魚，唔推介，上枱時， 魚係涷嘅，醬汁又涷且偏杰，魚肉又多骨偏硬，唔好食。期間限定蟹膏三文魚籽丼， 大大份，材料足。蟹膏鮮味但唔腥， 蟹肉少少鹹， 三文魚籽精瑩通透， 可是米飯唔似日本珍珠米，要扣少少分。…Read More

喺深水埗放工，行去巴士站時見到哩間小店，本身鍾意食小店嘅我同朋友一於入去啦☺️☺️坐低發現，好多宮崎駿嘅動畫電影海報同埋一直播緊宮崎駿電影嘅音樂，好好聽，每一首都好熟悉😍😍感覺好浪漫呀🥰🥰食物方面，豚肉燒丼係薄切豚肉，用嘅醬汁唔會太咸，香濃好味，廚師巧妙地加左啲芝麻，食落更有層次！😎😎最開心係個飯上面有好多我最鍾意嘅味素😍😍🤩🤩每啖飯都食到美味會令我食多左飯😂😂汁燒雞扒烏冬，個烏冬湯底清香，烏冬彈牙唔會淋哂，有誠意嘅烏冬！😆😆☺️☺️塊雞扒勁大塊，我同朋友兩個人一齊食先食得哂，個汁燒做得好好，唔會太多汁濕晒但又保持到雞扒入面嫩滑有肉汁😍😍😎😎我哋仲叫左兩隻明太子雞翼，炸得外脆內軟，中間嘅明太子咸香令每啖雞翼都有明太子嘅味道直達味蕾😉😉…Read More

🎏️ 食盡油尖旺 — 茶屋町✨ 以宮崎駿主題取勝嘅小店😌#90cp深水埗篇 #90cp日本篇➖➖➖➖➖深水埗呢頭不嬲多小店，平時食茶記車仔麵就食得多，但其實深水埗都有呢啲日式小店，仲要係用宮崎駿做主題🤫 早排過開嚟睇電器，就順便試吓🍵😆美味指數 😋: ⭐️⭐️⭐️環境指數 🏖: ⭐️⭐️⭐️ ~ ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️(五粒星為滿分💯)🔸 汁燒鰻魚丼 $98單睇價錢其實幾抵食，嚟到見到份量都算大😛 不過佢嘅鰻魚就比較薄身，食落口感都偏硬，絕對有改善嘅空間🤨 不過以呢個價錢都算合格🔸 汁燒雞扒烏冬 $80Presentation 其實係幾靚🤩 至於食物質素就一般啦🙈 烏冬冇想像中咁彈牙，雞扒亦都係正常發揮🔸 雪糕抹茶牛乳 $36但睇個樣就已經覺得冇得輸😆 份量都算重量級，不過同樣地味道都係爭咁少少，無論係抹茶抑或係雪糕口感都唔算太滑💰Total: $214✅ 其實成間舖頭最主要嘅賣點就係佢嘅宮崎駿主題🎇 店入面模仿緊動漫嘅列車，櫥窗位置都有好多宮崎駿動畫嘅劇照比大家打卡📸😆 Fans絕對係唔可以錯過！‼️ 食物質素就相對普通，但價錢都算親民🤑➖➖➖➖➖📍 茶屋町 (長沙灣道) (深水埗)深水埗長沙灣道217號地舖宮崎駿主題取勝嘅小店😌…Read More

餐廳裝修像一輛JR列車窗入邊的海報擺設 全部都是來自宮崎駿的動畫 好似主題餐廳一樣小店座位不多但環境很舒適=炸蟹肉忌廉薯餅=有三塊炸得金黃色的薯餅外脆內軟 入邊十分creamy一口咬下去 餡爆出來快要燙到嘴汁燒雞扒烏冬烏冬有木桶裝住 烏冬煙靭 湯底係鰹魚湯有一塊比手掌更大 又厚切嘅雞扒雞扒是分開上的 燒汁鹹淡到適中 雞扒嫩滑多汁 但不會油膩焗和牛漢堡丼和牛漢堡有一寸咁厚 肉味濃郁而且極度豐富而軟嫩嘅口感日本咖喱香甜 和和牛漢堡很配咖喱不夠吃的時候 丼飯還配料點飯素 心心感受到這是一間很用心製作的日式料理店 …Read More

鍾意食烏冬嘅我上網搵到間位於長沙灣嘅日式烏冬小店。小店唔太起眼，但嘢食又幾好食喎🥰。店內木系裝潢，乾淨舒服。🦐天婦羅大蝦烏冬 🐟鰹魚湯 $78天婦羅蝦，但我覺得係吉列蝦先啱😹，but anyway都幾好食。大蝦有四隻，即叫即炸，上枱熱辣辣，大蝦蘸上薄薄炸漿再炸，炸至金黃色，外層香脆可口，入面鮮甜爽口，唔錯唔錯。🐔汁燒雞扒烏冬 🐟鰹魚湯 $80雞扒算大塊，嫩滑Juicy，唔會好乾好硬，個調味都唔錯。🍜烏冬係高質靚烏冬，口感煙韌，索咗鹹鹹帶鮮鰹魚湯，讚！仲有好多紫菜絲，增添味道層次。🍨白玉雪糕🍦$35牛奶雪糕溝抹茶雪糕，雪糕質感軟滑，抹茶味夠濃，牛奶味濃厚，兩者混合在一起，互相輝映，效果唔錯。總共有四粒麻糬，兩粒原味兩粒抹茶味，兩者都好煙韌，非常鍾意呢個口感☺️…Read More