Snack D’ Aubergine (Closed)

平日想食一客梳乎厘班㦸都要排餐死🥞尋日響荃灣千色𣾀茄子的店唔洗排隊以$38價錢食到呢個由日本雞蛋、材料等製成一嘅班戟🥞可能因為用日本雞蛋所以蛋味比較淡，但整體係好味㗎👍🏻外皮香脆、內裡鬆軟丶甜度適中😋加上店家的人情味，提醒我雖然製作需時，唔好行咁耐先返嚟呀！最多15分鐘好返嚟嘞，如果唔係個🥞會下榻就唔好食嘞😘配搭店家自製萍果雪梨無花果茶🍹清潤順喉，簡直順氣養生👍🏻小店用心認真，值得支持💪🏼…Read More

今日行行下街見到呢間店有雞蛋仔賣，8卦之下就入去睇下有咩特別款既雞蛋仔，入到去睇下牆上既餐牌，真係有好多唔同款既雞蛋仔，仲有其他小食，朋友見到爆醬蜂蜜味雞蛋仔就即刻話想試呢款，$28一份雞蛋仔，價錢尚可接受，即叫即整，買完等左唔洗5分鐘已經整好，第一啖咬落口雞蛋仔好脆好香，我咬左一半已經發現有一粒爆珠係一入面，再慢慢咬爆佢，甜甜既蜜糖味慢慢滲出黎，好特別，感覺好似食左啲熱氣野而又有啲蜜糖滋潤番禁，一時一粒雞蛋仔入面會有兩粒爆珠，感覺仲特別，同朋友你一粒我一粒，好快一底雞蛋仔已經比我地清晒，下次有機會會試下其他款式。…Read More

荃灣行街經過，看見有數pair人等緊雞蛋仔，店舖貼著大字報說所有原材料來自日本，仲有好多口味的雞蛋仔（例如午餐肉、橙餅、菜脯等）、飲品（有包裝，即沖和自家製的）和小食（多是炸物，例如炸章魚燒等），睇見真係吸引。即刻叫咗個抹茶紅豆雞蛋仔（$28）加杯凍薏米水（+$18）試下。店內有三位店員，收銀的那位非常有禮。由於是即叫即整，要等6-8分鐘。雖然店舖細細，都有位企。有個bar枱，可以企係度食，不過冇乜人會，因為地方唔大。抹茶紅豆雞蛋仔（$28）雖然即整，但唔係太熱，即時吃都唔辣手。雞蛋仔質感非常軟林林，唔脆，紅豆冇乜味，抹茶有點苦味，冇抹茶香，又冇雞蛋香。完全唔好食，感覺像食緊一堆冇乜味的麵粉。人生中最難吃的雞蛋仔，無法吃完整件。凍薏米水（+$18）隻紙杯好硬淨，good quality 的紙杯。無糖，健康，好飲！Total 用咗$46，早知坐低食個下午茶好過。…Read More

有圖有真相系列，一拎上手就知道出事啦🙈伏味濃😖雞蛋仔即整都偏腍身，吾算脆身，食起黎香蕉🍌味比較突出！而榛子味同朱古力味就好相似，佢將香蕉，榛子同粉漿打碎mix埋一起去整，所以食落吾會見一粒粒香蕉而系有啲蕉蓉💁‍♀️如果想食脆身口感嘅朋友相信就會令大家失望而回啦😪😪😪😪😪追求脆身雞蛋仔嘅朋友就應該吾岩口味啦🙈但見佢都有好多特別口味，例如：芝士櫻花蝦，椒鹽太陽，菜圃雞蛋仔等。。。。…Read More

見到新店, 即管試試, 店主細心的推介, 態度有禮, 更表示如果味道不接受, 可以重新製作另一款給客人﹗呢點絕對值得加許同再次選購﹗初嘗感覺怪怪的, 少少甜, 甜中帶一些咸味, 當食多幾粒, 慢慢覺得愈食愈好味﹗…Read More