A-1 Restaurant (Closed)

最唔鍾意食唐人西餐.....兩個人叫了個二人餐,湯,沙律,主菜,甜品及餐茶,都唔合我口胃.尤以主菜-牛肋條,完全是疏打粉的世界.比較好食是個菠菜焗飯,仲有個餐包.OH!原來它與旁邊的BAKERY是連體的!!!…Read More

同兩個同學諗住high tea，價錢不平，但想嘗一嘗high tea set的滋味，誰知竟然用大碟上，吹漲!!!!!!!!!係咪都應該同我地講聲啦。上面仲係以炸物居多。唔鍾意。同行的友人又怕肥，結果不想浪費的我要係咁清碟。唉。另加一個的藍啤梨方包，盛惠$38。沒特別。…Read More

我地初初想打電話book台, 不過佢話summer時間唔接受book台, 都ok, 我早d去啦~去到果時6:30pm入左位, 不過成台都冇隻刀叉, 我坐係度等埋屋企人, 所以就等睇下佢幾耐先知我地冇刀叉, 等左10mins!都算數了, 不過點解佢唔比張一開始就整好哂既台我呢?之後我地睇左個餐牌, 覺得d野食都幾貴, 我地3個人最後只叫到兩個扒餐, 一個肉眼扒, 8成, 一個什扒, 咁佢話每個set都有得拎自助沙律, 咁出去拎果時, 原來其實係有一次拎自助沙律同一次拎甜品, 不過冇王管, 都冇人知你拎左幾多次.....沙律既種類太少, 甜品的鴨仔同兔仔好難食!拎完自助沙律,食埋, d 湯都未到, 等到想叫人吹, 果時個湯就黎, 不過"杯"湯細到好似比茶杯大少少... 仲得半"杯", 味道ok, 不過唔夠熱, 之後先黎左幾個飽, 飽就反而熱!之後黎左既肉眼扒, 8成竟然仲出緊好多血水....個什扒一般, 同埋佢冇薯條or薯仔塊, 而係比左炸既紅蘿蔔,茄子等..係完可以拎甜品, 生果, 不過生果勁少, 個位又難拎, 之後d蛋糕同雪糕就好好味!!可能人手唔夠, 埋單都等左成20min, 仲要係有侍應見到我地眼光光等埋單先去追下埋單counter...…Read More

Lastnight was my first time to dine at this restaurant. I had no real expectations on their food, so I wasn't disappointed with what was served. The lady who took my order was very patient in explaining the dinner sets and items at the salad bar & dessert table. Maybe customers usually rush out to fill their plates, she was quite surprised to find me still sitting at my table after finishing the soup & bread and urged me to go take a look. I thought this was very kind of her. So I took her advice and went for a quick look. Salad bar was UCC-like, nothing attractive, but the desserts were constantly refilled with different varieties - tarts, mousse cups, cakes, tiramisu, ice cream, fruits...My medium-well rib eye came as rare, soooo rare that when I showed it to another server, he was quite surprised too and took it back for re-cook immediately. When he served it to me again, he waited for my approval before walking away. The steak of course was of no high quality but still ok. …Read More

Set Dinner 都算唔錯，不過不失。我試既什扒內既雪魚最好味，其他尚算ok。不過o的服務真係一般。…Read More

had set lunch today. i had duck breast stuffed with goose liver sauce and tomato angel hair $59. it is quite tasty. my friend had shrimp with mushroom rice $69 is also quite good. the price is reasonable. …Read More

一件20蚊看起來有d貴但食落就真係好值得味道比係其他會有藍莓芝士cake賣既店的好.藍莓唔會太酸甜甜地,成個cake好有口感但可惜細舊左dd…Read More

由老師決定來這裡吃, 我一向只會食A-1包, 從未o黎過依間restaurant. 我地叫o左歡聚晚餐, 有3個湯, 3個前菜, 3個主菜, 1個飯, 3個甜品, 同埋3杯飲品.叫o左西蘭花cream soup, 真係有一粒粒西蘭花係入面, ok濃, 不過不失la.前菜係沙律, 唔覺得特別fresh, 有d熟黑椒三文魚, 有特別.3個主菜, 我地學生一人選一個, 我選了爐魚金菇捲, 好可愛的外型, 好似金菇肥牛捲咁, 大大舊有d cream sauce, 好味.芥末雞胸, 以為好"鞋", 一d都唔係wor, 同d芥末汁好match ar, yummy.烤牛柳比較一般, 唔係話好嫩, 不過至少唔"un" lor.老師選了黑松露菌飯, 意大利飯, 好ceramy, 雖然冇餸, 但係好好味, 有菇味.甜品係cream cake, 唔好味ge.但係咁多o野只係$398我覺得平wor~~同埋個ambiance都值la. 請埋老師每人$132, 傾足4個鐘, happy.…Read More

聖誕日的二人下午茶餐。份量不少：炸物有釀雞翼、素咖哩印度薄餅卷、越南春卷、炸薯餅，甜品有提拉米蘇、芒果慕思蛋糕、莓子撻，還有雙式三文治同水果粒。由於流水式作業，加想幾乎檯檯都要呢個tea set，所以唔新鮮極有限。可是，款多，不等於quality 高：西餅得個樣（莓子撻個餅底同mousse 都唔合格，Tiramisu 得個樣，芒果蛋糕也是得個樣），炸物不是心頭好，三文治白麵包乾...跟朋友邊談邊吃只是句多鐘，鄰桌已轉兩轉- 兩轉均將那量多質不多的下午茶餐清光。是我們吃得太慢，抑或...？<a href="http://hkfoodtalk.blogspot.com/2006/12/blog-post_116731436200949597.html" target=_blank>相片不顯示？</a> / <a href="http://community.webshots.com/user/quayteow" target=_blank>看其他相片</a>…Read More

臨近聖誕，許\多餐\廳也密鑼緊鼓推出節日套餐\。正巧妹妹於佳節生日，於是由她話事，她選擇了這裡，說實話，我已力勸她不要再來，但她偏不聽。是晚一行8 人跟她慶祝，點了1 個4 人套餐\，另加2 個set dinner 和一客焗葡式豬扒飯。4 人套餐\份別選了香茅魽魚、烤牛柳、豬仔骨、白酒青口和卡邦尼意粉；晚餐\則要燒羊架和冷配黑松露菌意大利飯。說實話，食物細份不特止，兼完全唔熱，連湯都係，西蘭花忌廉湯和雞絲青湯，味淡；主菜除了豬仔骨和卡邦尼意粉，冇樣稱得上好吃，牛和羊肉質過韌嚡口，青口又係味淡，莫說酒香，連鹽都唔覺佢\落咗一粒；焗飯勁多油，個汁奶太多，似黃忌廉多過葡汁；最抵彈的是生日唔送蛋糕都算，買外來蛋糕仲要收$50 切餅費，局住要買佢\自家出品的蛋糕，真係一肚氣。…Read More

20061101度度都好多人，經過見到呢度人少少、靜靜地又未試過，於是就同大熊一人一個SetDinner：（1）軟麵包+沙律吧+忌廉湯+紅酒汁燒羊架長形如三隻手指般粗幼的軟麵包，咬落去好軟熟，個包好有彈性，因為咬完會自動彭脹番。唔點湯就咁食都好正。（事後去左旁邊的麵包店買一包返歸食，印象中$10有5個）沙律吧款式選擇不多，放於死角位，令到去取沙律D人有點迫來迫去好似要爭食的感覺，好樣衰。亦因為迫，有位女仕碟沙律的醬汁差D惦到我件衫，好彩冇事。忌廉湯賣相Ok喎，湯的顏色有點透明，上面加左劃到一圈圈的Cream，但味道就冇乜特別。到主菜羊架，幾大件，又厚肉。雖然個紅酒汁係冇紅酒味，但係兩樣夾埋都幾好食。（2）軟麵包+沙律吧+忌廉湯+薯菜肉眼扒頭三項同上見到份肉眼扒上桌時又好嬲又好笑，因為草民從來都未見過扒類係一片片簿片好似火腿咁上，又唔好食。（3）意粉加錢叫的意粉，味道唔洗講啦，咪意粉咁味囉（笑）總括食物整體都唔算差。服務方面，侍應大多係後生仔女，面對客人時有笑容，服務勤又快。只可惜，侍應們一空閒就泊埋一齊傾計，仲要企到同我好近距離，我能夠一清二楚地聽到佢地D八卦談話內容。我相信冇人會鍾意食野比人望住…之餘仲要聽到外人的閒話聲囉，呢度要扣分呀！…Read More

12月3日同朋友經過, 見環境幾好, 就入黎食lunch.我食左個set lunch, 有好多野食喎, 整體黎講都幾好:頭盤有麵包, 蔬菜沙律, 西湯主菜: 由於當天我有d飽, 所以叫左個沙樂美芝士三文治, 三文治都幾大份, 味道都不錯, 仲有熱騰騰既薯條&一小杯的水果朋友要左個鵝肝天使麵, 鵝肝都幾香, 天使麵好creamy, 好味呀之後仲有個甜品, 當日既係椰汁紅豆糕, 可惜我唔鐘意椰汁, 所以食左少少就唔食. 跟住仲有餐茶, 好多野食呢....餐廳外面有d開揚位, 好似好正咁, 不過當日坐係入面, 希望下次有機會坐啦~~…Read More

Do not believe the menu. Angus steak was just a piece of frozen meat without taste. That should be the reason why I ordered it be cooked in medium rare but turned out to be well done without juice. The taste was worse than ordinary fast-food shops. Yet, the salad and cake were fine. Not value for money at all. So, this restaurant has always been the last one getting full-house in the shopping mall.…Read More

同朋友慶祝生日, 本來想點"生日餐", 但大家都係細食之人, 所以只點了一個晚餐, 一碟意粉。晚餐要了燒牛肉鮮果沙律- 好大碟...隻碟! 主角放在碟中央, 周邊仲有大把位剩, 不過賣相尚可, 紫棷菜上放著數粒西瓜, 哈蜜瓜, 薄燒牛肉三片, 層層疊疊, 最後唧了點鮮忌廉, 放了粒士多啤梨作完結。材料新鮮, 燒牛不乾不韌, 很滑。清清地, 適宜在這悶熱天氣食。意粉是蕃茄雞柳炒扁意大利粉- 有點雞柳, 火腿, 青紅椒。雞柳略為乾了點, 但蕃茄汁夠味, 意粉亦做得不錯, 質感適中, 不腍不硬。甜品是小巧的熱情果慕士蛋糕, 不太甜, 慕士夠滑, 不錯。這裏略為失色的是服務, 待應心不在言, 態度又不太友善, 需改進…Read More

從外地回港既朋友請食飯，話去英王試吓，我當然沒有異議。我係第一次來，一入去覺得個格局有少許似Pokka Cafe，但係就迫d，同埋多個沙律吧。侍應的招呼算不錯，很快便給我們餐牌，又細心解釋和推介餸菜，並不是之前食評中寫得佢個Service咁差。或許已經作出了改善。當晚我唔係好舒服，冇咩胃口，所以就放棄我最喜歡既肉類而選擇了龍脷柳。Order完之後，就出沙律吧睇睇有咩食。其實都預左只係得ｄ雜菜，栗米之類既野食，唔係太大期望。但有點意外的是，成個沙律吧好似打完仗咁，俾人感覺好唔衛生，亦減低我唔少既食慾。求其拿了少許沙律埋位，個湯和包已經到。可能當晚唔係太舒服，飲些熱湯之後感覺好了些。個湯夠熱夠濃都算幾好，而個沙律就只係一般。主菜既龍脷柳都似樣。清清地，魚肉有鮮味，又冇骨，加少少醬汁幾開胃，岩晒我當晚。食完之後本來諗住去飲杯野，但真係頂唔順便先走。對餐廳既感覺係OK，若個沙律吧有改善則會更好。…Read More