花膠翅 (Moved) New Location

放工買咗一碗食,唔駛排隊,得外賣$10 都幾大碗個質感同味道剛剛好,料就普通啦

見到咁多好評, 今日特登去買碗返屋企慢慢歎.又話花膠碗仔翅, 我已經一匙一匙咁食, 點都唔到有花膠. 食味就一般啦, 點知食完至到戲玊, 我勁飲3杯水都重好口渴, 唉! 哽係又係味精水作怪! 失望!

老早看到老饕們對此店碗仔翅的正面評價，日前北角見完客，終於有機會一看是龍或鳳。家住佐敦，取回味的還是八十年代那個「光頭妹」的碗仔翅。光頭味早已豹隱，我亦很久沒嘗過一碗真正好味的拿。對對面停車場自閉一試，素翅口感好，茨汁亦不太杰，口感剛好價錢又平，有機會，必整多一碗。

當然啦，十蚊一碗唔會有好靚的魚翅同花膠，呢層預左。去開北角，除左要排番底雞蛋仔來吃，今次又試下這個路邊翅。呢度是路邊舖，唔係買走就要在街邊拿著吃，當然我們這些久經掃街訓練的，拿著吃絕無問題。碗翅真係幾大碗，亦幾多料。除左有一條條的素魚翅，亦有木耳絲、肉絲、冬菇絲等，味道都算不錯。最對口味的是佢不太杰身，茨底不厚，正合個人口味。只賣十蚊，係十分之經濟抵食。得一位阿姐，但服務非常之好，多謝前多謝後的，其間有食客來想買個發泡膠兜，阿姐立即送她一個，比著一般茶餐廳外賣已經要加錢了，值得一讚。當然唔使問有無味精，十蚊一碗不下味精，不如由你來經營吧！不過情況是不過份的，可以一試。

9月9日19:30聽聞平靚正，收工便一試，無堂食，祇供外賣。無人排隊，嬸嬸祇從大電飯煲淘出，倒入外賣盒，並無再用小鍋翻滾。一人前HK$10.-，幾大碗。足料：有很多木耳、冬菇絲、幼翅。口感和食味都有水準，可以再試。下次再試炒麵。

星期一至六由嬸嬸看檔, 星期日是肥小姐。鐵板炒麵($10)即是(電煱)銀芽芝麻炒麵, 即叫即炒。嬸嬸的炒麵較大份,也較醎和帶微辣; 肥小姐炒的較乾身, 醎醎地味道剛剛好。碗仔翅($10)用電爐番煲, 即叫即番煲, 一次煲一碗, 碗仔翅果然足料不過食完幾口渴。由於每個柯打獨立處理,所以都等幾耐。孖住隔離是馳名的雞旦仔, 千祈唔好排錯隊。

北角出名的雞蛋仔檔街知巷聞，呢一年間，仲開左間花膠翅。其實應該叫翅膠花，事關雖然幼，但都真係翅羅。唔係兩頭都尖果D流翅喎，話你服未，翅膠花哩。加上阿姐招呼好，又撩得又講得笑。最衰係地方所限，佢地技術上未能提供銀芽點綴。好在仲有一招係買外賣番屋企食。外賣包裝暫時係3碗係計，遲D會出1人前包包。個袋就厚過穩陣個珍珠奶茶，帶番屋企絕對方便。