Fat Duck Den Cuisine (Closed)

星期五一行六人諗住去呢間酒樓食lunch，朝早一早打去book位，指明唔好安排坐房，因為之前去過兩三次都係坐房，開左冷氣等於冇開，冷風機又唔可以吹到全部人，個個大汗揼細汗咁食飯，所以專登早啲book位，要求唔好安排坐房，職員回答到時會安排坐位。去到酒樓，職員竟然依然安排我地坐二樓嗰間冇冷氣嘅房，我地話唔坐，想走人，職員極力留客，call落一樓搵支援，話如果食小菜可以坐上三樓，但我地食套餐只可以坐二樓，因為一樓爆滿左（因為係三層入面冷氣最充足嘅一層）。當時其實二樓仲有好多吉枱，但職員都唔俾我地坐其他枱，最後講左一陣先免為其難俾我地坐一張十幾人嘅大枱，話有機會要搭枱，其實一直都冇話過唔想搭枱，係佢地唔安排我地坐任何一張未有人嘅枱！坐低左，落單叫左六個套餐，湯、白飯、前菜同小菜都陸續送到，過左幾個字，5個餐都黎齊，都差唔多食飽，係爭一碟炒四季豆未到，催左一次，話黎緊，過左一陣，個傳菜（都係頭先安排座位嗰個侍應）捧左幾碟小菜出黎，包括一碟炒四季豆，但送左去另一枱，咁我地再叫個呢個侍應黎，問我地碟四季豆黎未，問佢頭先嗰碟點解唔係我地嘅，佢話「呢碟四季豆係人地個枱號嘅，唔係你地架」，WHAT???? 我地追緊嗰碟四季豆係我地叫先嘅，咁就算有下一枱人叫四季豆都應該係按返先後次序俾客人啦！不過佢都送左俾另一枱客，都冇辦法，惟有再等，隔多一個字左右，重覆情況出現，再次叫嗰個侍應問佢，佢都係咁樣答，我地再講返lunch返公司遲到要扣錢都完全漠視，最後侍應再加多句「如果呢碟俾左你地，啲冧把咪亂晒囉，傻豬」真係火都黎埋，我地即刻話叫你經理黎，因為經理咁啱喺佢隔離，我地要投訴啦，簡單講返件事，同時間廚房又出左一碟另一枱客嘅四季豆，經理二話不說叫嗰個侍應俾左我地先，個侍應仲豬到俾返張枱號紙個經理，好似唔識點做咁，個經理話「你自己拎住記住呢枱客未有四季豆啦」，最後個經理講左唔好意思，話佢啲同事係咁，我都忍唔住回返句「你要教下佢地點做野啦！」。碟四季豆，足足用左40分鐘先送到我地張枱，當中仲要又催又嘈佢地先肯俾。如果我地唔嘈，碟四季係絕對等佢地地收舖都唔會送黎！first come first serve應該唔會只係講緊入座嗰一刻丫，同款食物應該都係first come first serve架嘛？！唔會係因為你呢個侍應記唔到野搞到啲單亂晒而要客人等嗰碟屬於我個枱號嘅嗰碟餸呀嘛？！:(呢餐飯，食左個幾鐘，一半時間就係等緊碟四季豆！食左一肚氣！本身食物質素係ok嘅，但總括黎講，如果你可以忍受到啲服務水平咁低嘅酒樓，你可以繼續將佢放入你嘅list度，但一行六人都認為：不了！食物水準是可以的，不過不失，前兩次光顧有點心可選，比較好味，這次光顧點心不再，換來的是前菜，選擇少了，味道沒有點心的好吃。…Read More

可能本身自己就好中意食粵菜啦，成日都留意邊度有粵菜店，今日就去左上環果間花朝.駿宮試試味。哩間店噶環境幾好，位置都算闊落。一定要試試哩間店噶冰鎮鮑魚！好大只鮑魚哦，肉質肥美好咬口，仲有淡淡噶花雕香味，一個字：正！…Read More

週末與家人外出用餐，為避開公眾活動區，最後選擇到上環一帶用膳。「花朝• 駿宮」由好友介紹，主打粵京滬菜式。餐廳佔用 AKVO 酒店其中三層，環境整潔光猛。或許近期市道不佳，餐廳所供應的午市套餐只需 $68/位 起，包冷盤小碟、湯羹、京滬小菜及飯麵。冷盤小碟各冷盤小碟皆是一人份量，賣相小巧。在云云冷盤之間，小編較喜歡富花雕酒香的「花雕酒醉雞」，以及爽彈惹味的「雞絲粉皮」。 湯羹是日「花朝原盅燉湯」是「茶樹菇淮山燉雞湯」。一人一盅，湯料足，味道濃香富火喉，更有一只小編喜歡的雞腳，讚！京滬小菜「菠蘿咕嚕肉」及「滬式糖醋魚塊」在口味上有點相似。咕嚕肉熱食外脆內軟，但稍稍放涼後已迅速變硬。「紅燒獅子頭」及「滑蛋炒蝦仁」勻有過鹹的問題，尤其是「滑蛋炒蝦仁」，食鹽施放不夠平均，炒蛋亦欠滑。精選點心除了以上的套餐菜餚，小編亦散點了數款精選點心。相比剛才的冷盤小菜，各點心的賣相較預期遜色，甚至有感粗糙。以約 $40 一籠的點心而言，味道上也在水準而下。套餐定價平宜是「花朝• 駿宮」的賣點，冷盤小菜性價比合理，但點心質素卻遜預期。整體評價一般。…Read More

這是一間絕不能叫酒樓的中餐廳！是一個好地方！本身店舖裝潢都很時尚！ 有午餐套餐，價錢以小菜區分。湯+點心+小菜+飯免茶芥！一大碗飯或麵。麵類(需加錢)一人一盅湯 勁熱 燙手！ 今天是姖松茸甘筍瘦肉燉湯~ 正！因為點了3個餐 所以選了3種點心，這都是1人份！新鮮熱辣蒸點炸點 上枱時非常熱！本人對點心喜好只是一般 就不評價了。當然小菜也點了3款味道真不錯 很意外 我本身是淡口味的人，但小菜真的非常適中 調味適當！以中上環午餐呢個水準呢個環境還有呢個味道，這價錢真的無得挑剔！ 如果有客戶來也是一個請客吃飯的好地方！…Read More

未上樓梯時，見到有好多餐牌，午市套餐$68起，即管上去試下。環境雖小，但座位總算寬敞。茶夠熱，金色茶壺，又有木板墊住。$68的套餐包咗湯、點心、小菜和白飯雪梨湯湯清甜，夠熱。養顏紅棗糕比較腍身，少咗啲煙韌咁，椰汁味香，紅棗味唔夠。蟲草花雲耳蒸雞隻雞應該系走地雞，因為肉質有少少韌，難得的是冇雪藏味。絲苗白飯白飯唔會幹亦都唔會爛。唔食套餐，可以選擇散叫，這裡都像酒樓有點心小菜。免茶錢，只係收加一，服務都幾好，抵食!…Read More

想喺上環食中菜,唔想去酒樓想有返啲質素, 嚟呢度都幾唔錯。第一次嚟呢度食飯,三人行揀咗個二人餐,另外加多個菠蘿咕嚕肉小菜,分量絕對夠。二人餐有兩碗湯,冇味精清清地,有個芝士龍蝦(炒米底)主食,米粉炒得乾身唔會好油,龍蝦鉗已經開咗,方便客人進食。 芝士唔算好濃但亦唔會好膩,總括嚟講都幾好食。另外個餐可以揀兩個餸,我哋揀咗麻辣雞煲同埋菜螃蟹。雞煲嘅雞比較多骨少肉,味道一般。賽螃蟹就幾好食,蛋白炒得好滑,唔會太鹹又唔會太淡,岩岩好。由於個餐係無跟白飯,本來我哋想加多個炒飯,但係原來每碟份量都幾大,所以就冇加。只係加咗個菠蘿咕嚕肉,鑊氣當然冇得同大排檔比, 勝在酸甜度適中,無骨,新鮮呢度廚房收10點,如果想加餸就要10:00前落單。三個人最後埋單$8xx,想搵間舒舒服服食中菜,唔使去酒樓咁嘈,味道又唔錯,可以去呢度試下。…Read More

地方雖然唔係好大，反而係其好處:食客人數少,比較清靜食得好舒服，而且侍應人亦唔會因為枱數太多招呼不周,食物質素跟價錢成正比｡呢間餐廳比較特色嘅係採用中式的食材煮出另類口味,好fusion。當日見到兄弟們太開心了，掛住食掛住講唔記得影足相同大家分享 🙇🏻‍♀️哩隻冰鎮鮑魚應該烹調時間頗長好入味, 呢一類菜式真係食心機｡花雕蛋白蒸龍蝦， 食落口淡淡花雕酒香，原來龍蝦用上蒸煮方法烹調口感好唔同好滑!龍躉魚扒似Crispy Baked Cod但香滑好多。牛肋骨排似食緊慢煮和牛,肉質鬆軟口感一流｡…Read More

We like dimsum and 飲茶。but during lunchtime in Central, it's quite expensive.We walked down to Sheung Wan and saw the banner hanging on the first floor of a building saying set lunch with soup, dim sum, main meal and Chinese tea included for HKD 68! And I said, 'Let's go in!'The menu has a number of options to choose from.Very full lunch! I am content.…Read More

之前食過主打京滬菜的京.花朝已經覺得質素頗高，今次的花朝.駿宮跟前者是同一集團，但卻是主打粵菜，所以菜式較為貼近港人口味。＊＊＊＊＊＊＊＊＊＊＊＊＊＊＊＊＊花朝.駿宮位於酒店內，店面比一般中菜館感覺較為乾淨企理。晚市有套餐也有單點，二人套餐由$368至$598，包小吃、雞、燉湯和兩個小菜，另可可錢追加海鮮菜式，如果人少少都算多野食而已幾抵食，不過套餐內的小菜款式都比較普通，所以最後我們就決定單點。茶芥每位$12，沒有花生等小吃收費，定價位理。杏仁原燉白肺湯($188)白肺湯非常足料份量亦多，一盅可分到十碗，足夠4至6人享用。白肺湯內有白肺、豬肉和雞腳，湯不會太油，帶點黏度，白肺洗得乾淨，非常入味。黃金焗鮮魷($118)鮮魷炸漿厚薄適中，鹹蛋味非常重，邪惡又美味。黑風流沙包($32)最近流行這款竹炭流沙包，黑色的包皮配金色的劃花的確幾吸睛。流沙包流心效果出色，鹹蛋黃味亦突出，流沙包迷必點。自家XO醬翡翠蝦球($228)海鮮類菜式都要二百元起跳，絕不便宜，不過這個蝦球卻交足功課，蝦球爽彈結實，用XO醬炒鹹鹹辣辣很惹味，不面還以菜心墊底。日本青芥牛柳粒($128)牛柳粒肉質軟嫩，青芥味剛剛好不會太嗆鼻，只是略嫌醬有點過多。大澳鹹魚枝竹滑雞煲($128)雞煲內有滑雞、冬菇、枝竹和豆卜，非常足料，雞肉都算嫩滑，豆卜和枝竹吸收了醬汁的味道，冬冬菇亦夠軟腍，整體不錯。香煎肉絲兩麵黃($108)兩麵黃煎得夠脆又不會過硬，非常香口。總結，食物做得出色，雖然單點小菜沒有套餐抵食，但菜式較多選擇之餘，款式又特別，個人覺得人多最好單點。…Read More

食物質素中等 但員工態度差性價比不高重點係 用錢買難受食物質素不過不失員工仲要串串共上級對下屬好mean望到都眼冤 冇晒心情食飯希望嗰位員工睇到會有所改進寸嘴嘅食客 可以去試吓…Read More

假日時候的上環比較人少，而且還要是下午2時才來，餐廳都比較冷清。見到餐單，午市套餐才68元起，而且包括點心，1個菜和白飯，很是划算。我們3個人，點了燒賣、蛋撻、水晶蛟、賽螃蟹、魚湯菜和魚香茄子。燒賣和水晶蛟的味道還好，水準在一般酒樓之上。蛋撻是一流！很香很滑。魚湯菜很清，識合老人家。魚香茄子也非常香，易入口。賽螃蟹有帶子，也有窩蛋，但味道不甚麼配合，比較一般。吃了才記得拍照😂😂份量算多，3個人也吃很飽。…Read More

這間位於上環的花朝.駿宮，主要以廣東菜為主，有多款傳統的廣東功夫菜，但價錢又唔算貴，正常酒樓晚飯價錢。花朝鮮蝦多士蝦多士配上酸甜醬，多士鬆脆，加上彈牙花膠。杏汁原盎燉白肺湯雖說只有三至四人份量，但每人都可以飲到至少兩碗多，豬肺湯有些雞腳及豬肉等材料，豬肺煲到很腍，湯底濃郁鮮甜，有淡淡的杏仁香味。黃金焗鮮魷黃金系列雖然很邪惡，但每次見到都必點，鮮魷炸至金黃色，表面撈上了咸蛋王，甘香可口。美國士多啤梨骨豬肋骨炸至帶脆，但依然保留了肉汁而且肉質鬆化，表面淋上了士多啤梨醬，有點酸甜開胃。黑金流沙包流沙包即叫即蒸，中間的奶皇醬熱辣辣呈流心狀，蛋王香味十足，而且不會太甜。…Read More

呢間位於上環旺區既中菜館，樓上雅舖，當然要同朋友黎試試，醫下肚啦。叫左個2人餐同單點。頭盤：冰鎮鮑魚鮑魚已煮熟後冰鎮，以日本刺身既食法，點豉油同wasabi 。鮑魚新鮮彈身，食法而有新鮮感。湯：原盅燉湯是日湯水為青蘿蔔南北杏煲豬骨。湯水夠老火，味道濃郁，岩哂香港人口味。例牌：瑤柱香妃雞雞件新鮮嫩滑，味道較清淡，適合喜歡清淡口味的人士。主菜：豉汁涼瓜炒牛肉好有鑊氣，水準甚高。豉汁味香濃，配上大大件既牛肉，送飯一流啦。主菜：天白靈芝菇扒豆腐食左咁多濃味野當然要食番d清清地既野中和番，靈芝菇厚切，有咬感，菇味濃郁，豆腐軟硬度適中，味道唔錯。單點主菜：黃金焗鮮魷蛋黃量十足，味道香濃。魷魚亦好新鮮，夠乾身唔會水汪汪咁。如果炸粉再薄少少，就更加出色。單點糖水：蛋白杏仁茶熱騰騰既甜水，杏仁味濃郁、蛋白絲份量適中，為呢一餐劃上完美既句號。總結：性價比高的食肆，環境舒適，侍應服務周到。舖頭雖然唔算好大，但相對少d人，少d繁囂，更適合撐臺腳。2人餐連加一大約400蚊左右，在上環旺區黎講，算是抵食，亦都夠一般人食飽。…Read More

先前試過在這裏食下午茶 點心同碟頭都做得不錯 ，於是帶奶奶來這裏吃飯， 由於他在精品酒店內有三層 所以我們被安排在二樓的一個房間內，叫了六人套餐， 先來一個杏汁豬肺湯 ，牛奶般的白實在太好味飲曬唔記得影相 菜式跟其他食肆的套餐 少少一樣， 有蝦多士， 和牛粒，燒汁大蝦 等而魚， 雞，飯大致一樣，甜品係凍的楊枝甘露，這裏的侍應十分貼心見我奶奶年紀大叫廚房特登做一個 熱的焗布甸給她吃，大大的一個讚，食物質素很好，廚師功力不錯， 最後我是經openrice 訂位的，他們找了好耐才找到我的booking，也跟我道歉因為新開張沒幾個月沒有經驗還在學習中， 我覺得他們的態度很好起碼肯認自己的不足，不錯。…Read More

個人都好喜歡飲茶，有時有朋友星期六都要上班，自己岀開去會搵佢地食個午餐，佢就話有時Lunch會成班同事嚟呢到食，今日就帶我嚟食。環境位於酒店之下，環境安靜，餐廳亦不算大，但可能冷氣唔夠，較多小蚊滋。有機鮮茄野菌魚湯浸唐生菜 $45份量都可以，價錢就貴少少，岀街食得多少食菜所以叫碟食下，都幾新鮮清甜。花雕酒原隻鮑魚(二隻起) $48落單有誤會，由於兩隻起叫，咁就點餐紙寫左個2字，即係要2隻，但係嚟左4隻要就話落左我2份，師傅以為2隻為1份，收我$48x4隻既錢，話岀咗食物唔收得返，好無奈地2隻變4隻。但鮑魚醃得幾好食，十分重陳皮香又帶點花雕酒味，而且煙韌彈牙，可一試。原隻鮑魚燒賣 $38/2粒細粒鮑魚，鮑魚腍身少少，而燒賣係蝦燒賣幾彈牙。金湯小籠包 $30有3個，比起上嚟好似比較抵食，好貼心地個底有塊紅蘿蔔墊住，等你夾起時帶承托力唔會咁易穿。入面都幾多湯汁，肉應該本身加入薑，所以醬油冇薑絲都食到有薑味，皮厚度可接受。黑金流沙包 $30成日見人地打卡影相食黑色既流沙包，自己未試過，見到呢到有就叫嚟試下。估計係竹炭整成黑色，食落冇特別既味，可惜包身比較硬，而流心餡就做得不錯，有沙沙口感。沙律大蝦角 $35入面大蝦彈牙，略嫌外層炸皮油溢左少少同厚左啲。即焗酥皮蛋撻 $28本身叫燕窩蛋撻，原來店員又搞錯落左普通酥皮蛋撻，落左就照食。蛋幾滑，外層都夠脆，唯牛油香未夠重。總括而言，可能主要做酒店客人，地理位置未算方便，價錢偏貴少少，食物中規中矩，係落單需要注意一下。附：餐牌…Read More