當日5:10已經去到火鍋店門口，原來5:30先開口，可能係我太心急了
到了5:20有職員開門了，比我地先入座，咁就唔使係門口呆等啦。為咗唔使諗叫咩，於是就叫套餐，每樣都有d，啱晒我喱d眼闊肚窄既港女套餐由5:30-7:30，$288另加一，除咗刺身頭盤唔可以加單之外，其他食品可以另外加單，包你食到飽
如果想自選時段，就$328另加一，兩個小時。枱的空間感相當大，未試過兩人枱都咁闊落。除咗飲品要自己出去攞之外，其他全程有職員招呼。醬料都係由職員放上枱自選，唔使出去同其他人迫。先揀火鍋湯底，可以揀鴛鴦鍋，揀咗沙爹同埋椰子雞鍋，淨係個湯底都好足夠，椰子雞湯底有一大碟雞、桃膠及紅棗等材料，沙爹鍋有鴨血之後再上頭盤，好新鮮既刺身，真係比日式放題更加出式，可惜唔可以加單
跟住上咗兩款前菜，酥炸魷魚酥同埋花雕雞腳，魷魚酥攞上枱已經係陣陣香味，食落口係香脆而不油膩，真係食下一條，食下又一條而花雕雞腳就充滿花雕味道，雞腳有咬口。再嚟上主菜，海鮮拼盤、美國黑豚豬肉、美國牛腱肉、手打丸、自家制雲吞、蔬菜盤、自家制嚮鈴。海鮮拼盤，有大大隻飽魚、蝦、蜆、蟶子，除咗蜆有少量沙之外，其他都好新鮮，根本唔需要點醬料都好夠味😗黑豚豬肉，薄薄一片，唔會韌牛腱肉，比豬肉厚身少少，食落好有口感，充滿牛味
雲吞、餃子，大大隻，好飽滿蝦雲吞，大大隻蝦，食落好爽口黑松露豬肉餃，好香既黑松露味，豬肉唔會韌韮菜餃，大量韮菜手打丸，有蝦丸、墨魚丸同埋好特別既梅菜豬肉丸，食得出係手打，每一粒都好爽口🥰飲品方面，啤酒都可以任飲，仲有少有既日本樽裝果汁😍好大方呀
最後結論，唔使加點都已經食到飽飽，我一定會再嚟過…查看更多
「花月宮燒賣皇」（$35），有蝦肉、豬肉、冬菇，上面仲有蟹籽，食落啖啖肉。「蜜汁义燒包」（$26），包鬆軟，义燒餡料份量足。「鳳爪排骨飯」（$33），最好係即叫即蒸十分夠熱，排骨都多，夠一個人份量。除了環境非常典雅，另外值得一讚嘅係，當日茶水亦都十分夠熱，本人尤其滿意。餐廳最近更推出早了優惠，晚餐7:30pm前埋單交枱可享有78折優惠。…查看更多
