芝C Sushi (新蒲崗廣場)

今日lunch行過去左呢度食，叫左個lunch set魚生飯，上菜發現有好多野，包括3件壽司，玉子燒，同中華沙律見到有好多唔同嘅野食，心情即刻開心晒，而且每樣野都好好味，唔係求其當擺設。之後都會去食…Read More

晚餐時間，我喺新蒲崗廣場嘅 芝C Sushi 享用一餐日式料理。聽友人講，呢間餐廳以性價比高聞名，背景音樂好好聽，係個舒適嘅用餐環境，儘管座位數量有限。首先上檯嘅係一碟色彩繽紛嘅沙律🥙，以去皮青瓜作底，頂部撒上濃郁嘅美乃滋同鮮亮嘅蟹子。呢碟沙律不單止外觀吸引，口感亦十分爽口，青瓜嘅清新與蟹子嘅鮮香完美融合。接著是一系列嘅 壽司，每一件都展示咗廚師嘅精湛手藝。特別值得一提嘅係壽司選項，其中包括炙燒嘅選擇，以及多種配料嘅創意搭配，如火炙吞拿魚壽司同四色三文魚卷，每一口都爆發出豐富嘅風味。餐廳仲有啲特色嘅手卷，內餡豐富，包括新鮮炸軟殼蟹手卷同埋炸軟殼蟹壽司，外面再加上濃郁嘅美乃滋裝飾，味道層次豐富，每一口都充滿驚喜。對於海鮮愛好者來講，這裏嘅原隻海蝦刺身（3隻） 絕對不容錯過。海蝦肉質鮮嫩，透明度高，證明了其新鮮度，輕輕咬下，蝦肉嘅甜味立即在口中散開。除咗美味，餐廳播放嘅音樂選擇亦是一大特色，輕柔嘅旋律在背景中迴盪，增添了用餐嘅愉悅感。不過，由於座位較少，建議提前訂位，以確保能夠在這個受歡迎嘅地點找到座位。總的來講，芝C Sushi 提供了一個價格合理且質量上乘嘅日式用餐選擇。無論是沙律、壽司還是手卷，每一樣菜品都讓人回味無窮。如果你位於新蒲崗附近，尋求一個不錯嘅日式餐廳，這裏絕對值得一試。…Read More

午市有5款便當 $60-$69左右, 送紙包飲品, 免加一由於午市套餐既壽司配搭唔太岩心水, 今次就散叫炸軟殼蟹沙律紫菜堡, 火炙三文魚腩壽司, 汁燒厚燒玉子同炸蝦冷麵$20炸軟殼蟹沙律紫菜堡, 一坐低就比牆上期間限定既照片吸引, 上碟好精緻, 炸軟殼蟹配上蟹籽青瓜同滿滿沙律醬, 令到件事有口感之餘, 炸軟殼蟹又無咁熱氣$12 火炙三文魚腩壽司三文魚腩相當厚身, 連壽司飯都燒埋一份, 舊飯細細好易入口$11 汁燒厚燒玉子玉子好滑, 有甜甜既蛋香, 裡面包住白飯$18 炸蝦冷麵冷麵可配芝麻醬, 冷麵汁 或者 秘制辣醬,同行者大推秘制辣醬, 一試感到相當醒神, 如果鍾意食辣, 大推呢個選擇…Read More

如果你食厭了元氣壽司和壽司郎，又想平平哋食下壽司，相信依間位於新蒲崗嘅壽司店幫到你。小店內大概有10來個位置，魚生款式頗多；茶水選用蜜桃茶作招呼。玉子燒驚為天人，必點！wasabi 也是用即磨山葵，以價格來說算是十分有心。熱食炸餃子即叫即做，外脆內多汁。惟一要挑剔的是丼飯太多，魚生料則比較少，若兩者能取得平衡更好。🔸豪華海鮮丼🔸甜蝦壽司（1pc)🔸海膽壽司（1pc)🔸玉子燒（1pc)🔸北寄貝壽司（2pc)🔸三文魚腩壽司（1pc)🔸油甘魚壽司（2pcs)🔸八爪魚刺身（2份）🔸北寄貝刺身（2份）🔸炸餃子…Read More

鋪頭好細，大概得3-4張2人枱，唔為意行過左都唔出奇。晚餐時間去到，想對自己好啲，就叫左最多野食既便當。芝士漢堡吉列池魚拼玉子燒餃子壽司(3件)便當 ($69) (SRY個名係我作，因我唔記得全名><)一上就知我會食唔哂，份量好多，所以食左餸先！壽司正常發揮，池魚同餃子都好脆。玉子燒冇得輸，好厚好大件☺️ 芝士漢堡厚肉，juicy+芝士係裏面，超邪惡🙈唯一美中不足只能夠話，池魚、餃子、芝士漢堡、玉子燒都用左差唔多既醬，即使食材好，但好似食極都係同一種味道，會有啲膩，但係如果鍾意食好多款餸，呢個便當絕對啱你🫰😆 見佢哋有定時更換餐單(?)，下次想試埋佢哋嘅壽司飯👍🏻😆結論🫰好多款唔同嘅餸💛🫰份量多🫰漢堡Juicy⚡️太多醬🥲CP值：7/10🎡餐廳資料餐廳名稱：芝C Sushi餐廳地址：新蒲崗崇齡街33號新蒲崗廣場地下57A3號舖…Read More

本身都唔知有呢間鋪，咁岩今日拎貨順路搵到，於是收工前叫定拎外賣。都好快手，20分鐘左右已經拎得。叫咗個普通蟹柳沙律手卷，味道有驚喜，比以前食過既更好味，普通手卷做到咁既味真係唔錯。跟住兩件腐皮壽司，兩件炸軟殼蟹壽司，加玉子小卷。味道都唔錯，第一次食炸軟殼蟹壽司，又唔會好油，脆脆地加埋沙律，又唔會好貴。咁既份量加咁既價錢，我個人覺得算抵食。有機會下次要買晚飯會再食，同埋試其他。不過美足不足係堂食位唔係好多。…Read More

每次去新蒲崗廣場, 如果要食嘢第一時間一定係諗起芝c sushi. 其中最鐘意嘅一定係黑松露魚生便當, 去之前可以上佢哋ig睇呢排嘅menu. 佢所有餐份量都好多, 特別係便當, 通常會包埋加洲卷/前菜/…我就食過唔同餐, 味道都十分唔錯…Read More

門面細到有時真係路過都見唔到😅雖然店內細細,但佈置得充滿日本風情👍🏻午市有大約五款選擇,試咗個魚生丼同餐牌上嘅海膽丼,再叫咗帶子同油甘魚刺身！以$68 蚊嘅魚生丼嚟講算係咁,魚生係新鮮,但唔好期待比好靚嘅貨,這個係合情合理同理解的！另外個海膽丼如果將蟹籽轉為三文魚籽就更加好了！喜出望外係散叫嘅兩款刺身,非常抵食,油甘魚係厚切,帶子大粒又鮮甜👍🏻👍🏻😋😋希望有機會下次試吓佢哋嘅壽司！…Read More

大家食開日本嘢的話可能都會係心裡有把尺大概知道呢間咩價錢食物水準大約係咁上下果間日本舖的出品大概你又預到係咩口味咩質素裙姐去到新蒲崗廣場搵勻成個商場最後係向彝倫街的街舖先搵到 芝C Sushi呢間小店果名cute cute哋估唔到環境幾骨子佢個電子menu有好多食物揀壽司 手券 丼飯 便當 小食等等我㩒㩒㩒發現價錢好平我心裡就自然想起某種味道和質素我揀咗一個丼飯但又可以轉冷麵幾得意喎🤩我諸多要求想撈汁另上落單時寫明就可以心想無粒米落肚係唔得嘅所以我再揀咗五件壽司其實我原本對平價壽司係完全無期望的想咁嘅價錢應該都係果類貨色架啦我承認係有bias的點知一上枱碟壽司個樣已靚過我想像放入口味道都有驚喜不會被其他連鎖店出品比下去海膽壽司算貴的$20/件用加拿大海膽份量也唔少食落都新鮮甘甜讚呀我想講芝C Shui的食物係畀咗驚喜我的推翻咗我原本的想像價錢相當親民CP值高服務也很細心我會特登去新蒲崗翻兜埋單時有彩蛋見到有mirror應援卡話主動問店員索取我就開口問要咗Jer出咗門口再想要多張Edan店員沒有拒絕馬上給我我帶著驚喜的心情離開小店為這午餐劃上圓滿句號😚這店很細但我可以安心慢食飲杯茶慢慢嘆抖一抖因為實在生意淡靜🥺大家去開果頭就支持下…Read More

睇左人地IG 介紹既隱世小店而去，真係行左成個圈先搵到佢既存在，住開黃大仙既me, 平時都會行去新蒲崗食下野，原來平時都有路過，都完全唔知有依間日本野價錢親民，細細間，野食都ok, 不過佢壽司飯既口感同平時食既有d 分別，飯質比較糯d, 上菜都算快手機落單，2人消費埋單都係$180, 真係抵食，叫左幾款芝士卷物（三文魚同曼魚，不過不失），最好食係炸軟殼蟹，同手卷系列，一d 都唔茹寒，叫左黑松露吞拿魚手卷同三文魚手卷，d 料係食到底都重有魚肉既，唔同出面食既得最上層先有，不失望炸雞就比個名吸引左，食落就還可以啦店員服務態度都好好，雖然細細間，不過都多人外賣同排隊等位…Read More

店仔小小，出品很不錯用QR code 落單，不過個web 有少少慢價錢幾抵點了：蟹子沙律$18, 蟹柳不多， 蟹子份量正常，味道不錯，只係青瓜絲有d 老胡麻雞絲$18, 有d 普通，靠個麻醬調味，青瓜絲都係老厚燒芝士玉子$17, 呢個好正，飯份量好少，玉子蛋好大舊，配合埋芝士好夾，蛋味香濃另外嗌左八爪魚刺身，蝦刺身，芝士三文魚腩刺身同兩件芥末八爪魚壽司八爪魚刺身有d 靭，蝦好新鮮，三文魚腩刺身好肥美食左咁多野都只係$164好抵食小店要支持👍🏻👍🏻…Read More

好耐無食壽司了，呢間小店之前想試搵唔到正確位置，今次終於見到了，入面鋪面比較細，得3張小枱同4個吧位，全店加埋可以坐10個人。店鋪裝潢主要木系，天花掛好多日式雨傘，好有走左日本的感覺。最喜歡吃壽司，叫左帶子手卷，帶子都幾新鮮。另外有厚燒玉子，海膽壽司。可惜的是海膽有苦味。反而鰻魚反卷味道幾好，有4小件，鰻魚夠厚身濃味，仲有沙律醬淋面。長蟹棒拼燒雞扒芝士don好多紫菜碎鋪面，蟹棒雞扒份量多，夠哂飽，$48值得欣賞位是店員服務好好，會不時主動斟茶，還會齊聲跟你說再見。:)…Read More

第2次黎到e間小店，服務、食物都無得彈。甘既價錢，有親切服務，今時今日邊到搵！！！！！！！舖頭裝飾好靚，日式傘掛滿。今日食左c餐，芝士漢堡便當，啲飯夠曬熱，燒玉子好驚喜，好食既。食左先唔記得影相。唯一未知之數係壽司冇得揀，3件壽司係隨機下圖係d餐，份量都好多冇諗過會甘full既，可能舖頭太細，下次要食一定要book位，今日見店員推左唔小walk-in客。啲位比人book 曬～～～～～～～E間可能係分店，我見OpenRice 藍田仲有一間…Read More

話說這間日本菜餐廳「芝C Sushi」，舖位位置其實在「崇齡街」的「新蒲崗廣場」樓下舖位裡面。但是我昨日在「新蒲崗」尋找「芝C Sushi」的時候，一度誤會餐廳在「新科技廣場」，結果找了很久還是無功而回。後來我再次翻查「芝C Sushi」店舖的實際地址之後，才發現自己原來一時大意，沒有看清楚「芝C Sushi」的實際店舖所在商場名稱，所以我最後才不小心誤會，把「新蒲崗廣場」看錯變成「新科技廣場」。事實上在「新蒲崗」區裡面，的而且確是有兩個名稱十分相似的小型購物商場，兩個小型購物商場的實際名稱之間，只是有兩個字不同，分別在於「新蒲崗廣場」裡面的「蒲崗」變成「科技」而已。我好不容易搞清楚「芝C Sushi」店舖的實際位置之後，在星期六下午乘坐專綫小巴來到「新蒲崗」，再徒步前往我曾經拜訪過幾次，已經不再陌生的「新蒲崗廣場」，來到之後我發現「芝C Sushi」舖位是我之前曾經想光顧的食店店舖位置。其實「芝C Sushi」這間日本菜壽司餐廳，還是最近才在「新蒲崗廣場」新開張營業的食店，「芝C Sushi」所在的舖位前身，偏偏又是另一間我曾經想光顧的食店，可惜那食店在我光顧前已經關門結業。結果那間食店剛剛結業不久之後，舖位就已經立刻進行裝修，舖位很快就立刻變成我現在，在晚餐時間光顧的日本菜壽司餐廳「芝C Sushi」。「芝C Sushi」之所以引起了我注意，因為光顧不到舖位上手的法國菜餐廳，驅使我想光顧舖位下手的新食店，「芝C Sushi」另一個主要吸引我的原因，是因為餐廳價目表有提供「雞肉飯」，符合我晚餐的要求。不過我後來知道「芝C Sushi」原來有分午市和晚市兩個不同時段，所以在下午六時來到「新蒲崗廣場」，「芝C Sushi」店員告訴我店舖趕不及晚市重開營業，食客需要稍為等候多一會兒時間。幸好我平日光顧享用「牛腩飯」晚餐的食店，食店恰巧也是在「新蒲崗」區裡面，令我還有大量時間，等候「芝C Sushi」做好準備，重開晚市時段。另一方面，我發現原來「芝C Sushi」原來有提供掃描二維碼，以及智能手提電話點餐系統。此時此刻我十分慶幸自己懂得，及時為手提電話安裝掃描「二維碼」的應用程式，令我在登記個人資料和點餐過程遇上少點困難。加上「芝C Sushi」在店舖門口旁邊的位置，設置晚餐裡面的餐牌，和相關價目表和自助點餐紙，我拿着餐廳的自助點餐紙，以為可以選擇用筆先填寫自助點餐紙和提早點餐，後來才發現食客到最後，還是需要用手提電話點餐。所以我看見「芝C Sushi」自助點餐紙，跟二維碼之後，決定還是只好面對現實，嘗試打開手提電話裡面的二維碼應用程式，嘗試掃描「芝C Sushi」「二維碼」和開始手提電話點餐的相關程序。「芝C Sushi」裡面的手提電話應用程式點餐系統裡面，有齊自助點餐紙裡面的大部分壽司食品，只差未找到「芝C Sushi」的晚餐套餐而已。不過「芝C Sushi」晚餐套餐食品裡面的食材不符合我要求，所以唯有放棄享用晚餐套餐。由於「芝C Sushi」一般晚餐日式壽司食品的定價頗為便宜，例如「吞拿魚壽司」、「鰻魚壽司」和「玉子壽司」，每款壽司的實際售價都不超過港幣十元，足夠我點了三款壽司之後，還有本錢再點「鰻魚飯」和「炸雞」食品。而且我發現原來「芝C Sushi」晚市裡面的壽司，和套餐價錢也沒有包含加一服務費，讓我最後食了三款壽司食品，加上一碟日式炸雞食品和一碗日式「鰻魚飯」食品，總價錢還是很便宜，只需要港幣一百二十二元而已。至於我在「芝C Sushi」晚市裡面點的「壽司」實際製成品味道，雖然不及貴價日本餐廳裡面的「壽司」甜味，跟「魚生」刺身食品味道那麼鮮甜，但是「魚生」實際口感仍然是新鮮。「芝C Sushi」價目表裡面其中一款價錢最便宜的壽司食品，「玉子壽司」實際製成品裡面的日式煎蛋「玉子」味道，仍然我一如既往食到那麼甜美。至於「芝C Sushi」裡面製造的「吞拿魚」類壽司款式，實際上選擇就不算非常多了，只有一款只賣港幣八元的「吞拿魚壽司」而已，食客就算想點昂貴一點的「吞拿魚拖羅壽司」也做不到。「芝C Sushi」「吞拿魚壽司」除了價錢便宜之外，「芝C Sushi」「吞拿魚壽司」最值得我欣賞的地方，只是「吞拿魚」口感新鮮，味道甜，而且魚肉裡面沒有筋而已。至於「芝C Sushi」「鰻魚壽司」因為售價十分便宜，只需要港幣八元而已，所以「芝C Sushi」「鰻魚壽司」裡面的「鰻魚」實際長度只有一小切件份量而已，而且甜味「鰻魚汁」還是剛剛塗在「鰻魚」身上而已。所以「芝C Sushi」製作「壽司」師傅，剛剛製作完成「鰻魚壽司」，連同其他壽司整齊擺放在美觀的木製餐碟上面，送到我手上的時候，「鰻魚汁」還從「鰻魚壽司」的「鰻魚」身上跌下來，滴在木製餐碟上面。「芝C Sushi」廚房壽司師傅即場製造的「鰻魚壽司」，「鰻魚壽司」實際製成品裡面的味道感覺算是甜，至少「鰻魚汁」連同裡面的甜味，一同滲透進入「白飯」的「珍珠米」裡面。至於「芝C Sushi」裡面的「鰻魚飯」食品，其實不是用木盒盛載「珍珠米」跟燒「鰻魚」的木盒版本「鰻魚飯」「鰻魚重」，而是用一般日式丼碗盛載起來，再淋上少許甜味「鰻魚汁」的「鰻魚飯」而已。雖然「芝C Sushi」「鰻魚飯」只是一般丼飯而已，不過丼飯盛載就不等於「芝C Sushi」「鰻魚飯」裡面的「鰻魚」實際份量會受到餐具制肘而變少。實際上「芝C Sushi」廚房製作的「鰻魚飯」實際製成品表面，還有兩條切件「半條」份量，以及塗上甜味「鰻魚汁」調味，口感厚身，沒有太多骨頭的濃味燒「鰻魚」。但是當然了，我始終覺得「芝C Sushi」廚房師傅，可以選擇再為「鰻魚飯」食品表面，塗抹更多份量的甜味「鰻魚汁」，令「鰻魚飯」除了「鰻魚」有軟腍口感之外，還有濃厚甜味味道醬汁支持。至於「芝C Sushi」廚房製造的日式唐揚炸雞小食食品，食品的實際名稱叫做「唔會後悔炸雞（5件）」。不過「芝C Sushi」的「唔會後悔炸雞」實際製成品，令當時的我感到有少許疑惑，因為炸雞表面被一大堆「紫菜」遮蔽住。至於「紫菜」底下，炸雞表面上則被「芝C Sushi」廚房店員加上了一層大量甜味「蛋黃醬」作為調味料，令「唔會後悔炸雞」實際製成品，變成「蛋黃醬」甜味版本的「紫菜蛋黃醬炸雞」，「炸雞」雞肉口感比較腍，像是免治雞肉。大量「蛋黃醬」裡面的甜味，令「唔會後悔炸雞」實際製成品裡面的味道變得很甜。「唔會後悔炸雞」除了有非常濃厚「蛋黃」甜味之外，還有來自表面那一層「紫菜」裡面的香味作為襯托。「芝C Sushi」店舖樓面雖然沒有很大的面積和空間，但是肯早一點光顧的話，還不用擔心會遇上有其他食客搭檯的情況出現，而且「壽司」價錢偏向便宜，「壽司」性價比不低，值得下次再光顧。…Read More

自從新蒲崗越嚟越多工商廈翻身，連帶飲食選擇都多左，而日本野更加開完一家又一家 。早前見同事買左個定食返嚟話唔錯，今次就去左食一個quick dinner。店鋪細細，得10個位到啦，主要都係做外賣生意。呢到用qr code落單，上菜都好快手。睇個店名，就知道係有芝士主打ge卷物同壽司。分別叫左芝c炸蝦卷同軟殼蟹卷，芝士味尚可，但蟹卷略嫌太淋…不過以價錢同質素ge cp值，可以算係唔使排隊ge壽司郎。另外，推薦個赤海蝦壽司，又爽又甜…Read More