良記豬骨煲火鍋 (Closed)

朋友生日一齊出來玩玩食食，之前也來過吃飯，覺得底食味道也不錯，但現在已沒有地舖了，只在工廠大廈內，好像私房菜般，收每位400-450元，自己訂幾位説給他們，他們就幫我們設計菜單，再給我們看看，但多數份量都很大，今次我們有11人，房內還有卡拉OK，電動麻雀枱，汽水啤酒任飲，但啤酒只得一款青島，皇帝蟹是每次必有的餸龍蝦生蝦章紅魚刺身，味道鮮美清蒸龍躉紅燒乳鴿，每人一只不用爭燒鵝魚子包魚，較甜，但買相很好看瑤柱蛋白炒飯，飯是一粒粒的，炒的很靚甜品共有一個湯十個餸一炒飯&甜品，非常底食

話說我地一行3人見涼左想打個邊爐坐低左成10分鐘都冇人俾menu我地個鍋底喊左2次先有人理我地之後諗住叫埋野飲啦同個姐姐講左3次要3罐可樂行岀行入都唔攞俾我地其實佢咁既服務態度我真係不能夠理解搞左一大輪先有個湯底到點知d料黎到仲大濟唔新鮮已經係個好大既問題8點鐘既黃金時間可以叫乜都冇 脆骨腩冇 桂花蚌冇冇又唔同客人講3催4請先話賣晒我要食呢d質數既 呢d咁行貨既我去食仼食都好過呢間野啦衷心想講 呢d服務態度 呢d食物質素仲邊可能會有回頭客呀！

假日一大班朋友一齊，最好就去打下邊爐，十下十下，又要周渣車朋友，甘就要搵D易泊車地方，良記門口出面就泊到車呢樣幾方便。野食方面食物算新鮮，蔬菜上碟整潔，牛肉大大碟不錯,價錢中位價，不算貴，5人平均一個$250

凌晨同朋友唔知食咩就搭的士去良記，之前都有幫襯過的，貪佢d豬骨正，今次一樣叫左個細豬骨煲，大手切牛肉，夠諗夠滑，叫左蒜茸蒸蝦(不過今次好細隻唔抵食)，仲有粉絲蒸扇貝呢個大隻好味，珊瑚蚌一般，其餘的都好一般，記住唔好叫豬粉腸，因又硬又苦，豬骨都ok

打邊爐是一大夥人的最好玩意, 叫到一桌都是菜, 是最令人興奮和最麻甩的事, 聽聞大角咀的打邊爐非常不錯, 便拉大隊去Check it out, 大角咀泊車挺方便的, 這裡有幾家打邊爐, 我們決定去良記, 大排檔式的擺設, 有風味, 我們點了蕃茄薯仔豬骨湯底, 蕃茄已經出晒味,湯底不錯, 有數條豬骨, 足料! 雪花牛是油脂分佈平衡,  抵!眾人已各自炮製自己的醬汁, 已經玩了半天, 其他的只是普通的菜式, 芝士腸, 牛豬貢丸, 一般, 不會有什麼驚喜, 再有響鈴, 牛骨髓, 菇類, 魚滑, 豬膶等都可以, 脆魚鯇是我的最愛! 唯獨是鵝腸, 有點粉, 好像不夠新鮮, 我們都不敢多吃! 吃掉了一整桌的食物, 食物的質素都是其次, 嘻嘻哈哈又過了一個晚上, 打邊爐就是這麼好!

一家5口專登過黎大角咀打邊爐，食左兩個鐘只係黎左：1)兩碟牛$270(份量少，菜墊底)2)白膳$40(5塊薄切)3)鮮鵝腸(苦的)4)雞子ok5)招牌豬骨湯底(唔錯，細煲有10舊骨)6)生菜見樓上寫呢間鋪會計錯單，埋單5位$720($15/位茶芥)，見佢黎得咁慢，都唔敢加order，仲要無人飽，唯有過豬仔每人食雙份糖水

小弟生日打算搵間有靚肥牛的地方打邊爐就揀左良記懷住期望的心情最後要失望甘走因為上菜真係好慢好慢七點到，前後用左近100分鐘的時間先上得兩碟牛同幾碟野仲要間店都未坐滿慢到以為向唔知邊到坐飛機運來小弟依家因為等野食到唔耐煩加上無野可食的情況特登開acc泥寫依野食評的

是真是假, 請自行判斷!!!!!!!小心大角咀良記豬骨煲眞人眞事如圖中所見的$1782, $2488, 到底那個才是結帳收費? 就以所寫的數字相加總數是$1580, 計入汽水, 加一收費, $1800內應該可以結帳, 那個$2488是如何得出?是否有濫收費用? 請大家自行判斷!!

作為一家火鍋店..味道：soup base 淡而無味, 食材無一新鮮！裝修: 間隔奇妙, 我地張枱又會正中set 係人地房個門口lor! 我哋唔自己移開房裡面既人一定要爬過我哋lor!Toilet 衛生程度實在另人咋舌, 如果閣下覺得旺角公厠恐怖咁呢個一定無可能接受到!!服務: 呢個真係震驚, 服務員真係非一般既可笑 , 點完湯底10 分鍾左右有位亜嬸天真無邪咁問: 你哋個湯底到末( 成張枱有幾大?? 仲問? 唔通我哋收埋個鍋係枱底?? 九唔撘八?!）個鍋到左仲有頭髮係里面!點食物已經問凊楚有d乜係有但到頭來都係無! 過程中要不停咁追, 追到第三次個大嬸話佢剛接更所以乜都唔知，之後查左一陣佢話有人通知左我哋wor! （原來有條友偷偷地又唔出聲係我地張單＂了＂左幾筆就代表賣曬) 大嬸仲問點解我哋睇唔明lor ! 我哋又要明佢地d內部符號! 之後再追一個簡單既油麥菜都追四次!!!! 最後又話賣曬!!!! 佢根本無幫忙追過!!!從來末去過咁差嬲到要寫食評！總結: 死都唔再去!!!

同一大班朋友吃飯,最開心當然是打爐,專程過黎大角咀試一試個豬骨湯底,已經訂了位,但黎到仲要等十幾分鐘,埋位後我地即刻落單,等左好耐都淨係得個湯黎左,再催多幾次先黎齊d野,真係唔明d野食都係執出黎都要咁耐.講返食,叫左個肥牛,手切牛,魚片,手打墨魚滑,四寶丸,雞子,鱔片.其實大部分食左既野都唔係無乜印象,因為唔係太普通,就係偏差,唯一可取既就係手切牛,食牛對我來說係食佢個濃濃的肉味同軟淋感,可以比到7-8分佢.仲有個湯,很甜不太辣,合我心意,但如果淨係為左呢個湯黎既話ok.但其他的真的不感恭維.

2年前同班朋友幫襯過... 都覺得唔錯.. 於是尋晚同男朋友仔6:30PM到良記打邊爐, 一到有位, 招呼都不錯... 可惜,整體質素大不如前.花膠北菇豬骨煲 100 (細) - 足料夠4人分量... 豬骨分量超多,夠淋連骹位都可以咬出黎, 栗米超甜...有蘿蔔, 北菇...但係D花膠煲煲下縮哂水...唔見哂... 湯底有胡椒味,少鹹, 用黎打邊爐勉強OK 手切本地牛 (中) 100 - 有椰菜絲墊底, 睇上黎好似好多...如果你鍾意食牛, 1個人都可以食得哂中碟... 牛肉肉質柔軟...滾得耐都唔會韌, 有油花紋理... 但牛味唔重... 對於一心想食牛既我有d失望四寶丸 25 - 有質素既雪藏野 -OK炸腐皮15 - 仲以為係好似小肥牛-新鮮炸腐皮... 原來係浸完水的超市9.9炸腐皮 白鱔片 (例) 30 - 有5-6片, 不過有小碎骨, 肉質淋 無加一, 但收茶錢.

週五友人約飯局，點知5點打去就冇得book枱，咁6:30左右我就同男友大人去walk in攞枱。去到好快就入座，知班友仔實遲冇早，所以就叫咗一串串燒羊粒同燒多春魚，一邊送啤酒一邊等，老實個燒羊肉質軟軟，羊味就唔太濃，都幾好，而個燒多春魚就一般貨仔，冇苦味都可以收貨。朋友到齊就order咗個蕃茄薯仔魚湯配細鱗剌身，個湯等成3個字先到，原來條細鱗起咗肉做剌身後，炸咗個魚骨嚟熬湯，個湯未淥嘢落去之前試咗一啖，好有味，唔太味精，唔似平時嗰啲湯底味淡如水，而細鱗剌身肉質好煙靭，魚甜鮮味重。其他order咗美國牛肩肉，好鮮甜，牛油香味唔錯，炸腐皮，鮮滑牛，辣肉腸，貴花蚌，豬腰，生魚片，竹笙就一般貨色，而白鱔片，唔新鮮，好惺。田雞中形大隻，肉滑鮮甜。不過不得不讚鮮鵝腸，不嬲平時打親邊爐我order鵝腸之時都一定問係咪新鮮鵝腸，如果唔係我一定唔order，今次呢度係新鮮貨，二話不說啦，鵝腸油脂十足，香甜無比，食完個口陣油香味久久不散，超回味。最後仲有一個竹笙墨魚滑，初時以為墨魚滑裡混有竹笙，點知嚟到係竹笙釀墨魚滑，竹笙爽脆墨魚滑彈牙，好得意同都幾好味。成晚都唔記得飲咗幾支啤酒，滿足~

已經有兩、三年無去過大角咀嘅良記豬骨煲，今次再去門面睇落乾淨咗好多，店內衛生亦算做得唔錯；六點三度己經去到，所以有大把位可以任簡~~~我哋兩個人去食，所以唔係叫咗好多嘢：花膠香菇豬骨煲(細) ($100) – 份量一啲都唔失禮，四至五個人食都足夠有餘，個湯好濃，材料亦十分豐富手切本地牛肉(中) ($100) - 幾有牛肉味，尙算新鮮，唔錯手打墨魚滑 ($25) – 夠鮮夠甜，好味避風塘炒蟹 ($40) – 非常大碟，蟹件亦非常大件，但蟹明顯唔夠新鮮，比較失望油麥菜 ($0) – 似係老細嘅人係我哋食嘢途中送嘅，好彩之前無叫，慳返，份量夠食，爽脆OK打邊爐兩個多小時途中，侍應很醒目不停為火煱加湯/水，上食物速度亦很快，似係老細嘅人不停巡場，而且亦非常健談；食到八點半左右埋單，原來出面己經好多人等緊位；計埋餐前小食、汽水，今餐共$296，兩個人食咁多嘢嘅火煱算係抵食，可惜位置有點不就腳，如果唔係可能會成日嚟食~~~

以前都去過,都覺得衛生環境不佳,有時仲要坐後巷.不過最迎開左間新既鋪係格離,睇落去就好似好D啦.今次本人與友人約7點多到,唔係好多人,唔使等位.本人強列要求要坐新鋪個邊.我話我怕舊鋪有貓,所以我唔坐舊個邊,店員沒有回應(即係默認有貓啦),到左新鋪個邊店員話呢張檯可能會有小許迫,叫我地到格離間房坐,我再三問佢有無貓,佢死口話無....咁信佢一次坐左過去啦.立刻叫野食啦....野食到齊,開始落野食啦.忽然聽到一聲''喵''.過左2秒再聽到''喵''.1秒後再''喵''我與友人亙相對望,立刻叫店員捉走該隻貓.....我頭都不敢回,其後友人才告訴我原來係有2隻貓...SHIT...係1間食店到養動物巳經有問題啦.仲要養2隻,如果隻動物跳左係煲湯到咁點呀.想像到有多危險嗎?完全莽顧所有食客既安全.咁以為可以安心咁食餐飯,約45分鐘後,忽然見到1隻走得非常高速既不束之客係我與友人之間既椅子高速逃跑,再跳上電視櫃上.最桃突見到係該隻大貓咀裹咬住另一隻小貓...本人立刻扔低筷子火速離開現場.去到門口店員仲叫我唔好驚,話隻貓係佢地養嫁,咁即係覺得自己養既貓人地就唔可以驚呀.顛倒是非.本人剛剛再睇其他食客

今年中給同事第一次帶來便覺得好食又抵食! 本地手切肥牛及毛奄是必叫的!第一次8個同事, 叫了豬骨煲湯底, 及21碟包括本地手切肥牛(大), 羊片, 豬頸肉, 鮮蝦, 花蛤, 蘿蔔, 牛頸脊, 粟米, 白膳, 魚皮, 魚皮餃, 脆肉鯇, 鵝腸, 貢丸, 桂花蚌, 手打墨魚丸, 鰤奄及毛奄, 菜...等等, 消費才$1,060! 抵食到爆! 又ok好味同新鮮! 毛奄唔係到到有, 仲要夠鮮味爽口清甜! 獅奄其實想灼幾秒就食, 但腸胃唔好, 比同事制止咗!到上星期四又比同事聊咗黎食, 唔夠半年嘅第4次, 今次3個人叫咗鯇魚煲湯底, 真係成條魚放咗落去, 雖然湯底明顯有味精, 不過打完邊爐加咗幾次湯/水後, 味精味減低咗少少, 突出咗魚湯鮮味...火鍋料就叫咗本地手切肥牛(細), 手打墨魚丸, 毛奄, 金姑菜(唔知點解另一個同事咁鐘意食, 我覺得佢無味又唔好咬, 又唔吸湯汁~) 及 油麥菜...今次最正竟然係油麥菜! 灼至略透明吸咗魚湯, 夾上黎食, 爽脆清甜! 正!相信抵食原因就是因為不賣裝潢, 夠地茂才能這麼便宜!