良記滷水大王

Open Now

Now Closed

上次食開鵝髀飯，都係$80。今次轉左叫咗個鵝片飯，鵝片拼鴨髀飯，都淨係$80。非常之入味，大件夾抵食仲送有花生。雖然地方唔大，但係唔會好逼夾。晚飯時間仲比我兩個人坐大枱非常之推薦

有一段時間無光顧了 今日收工一路🤔唸食乜 唔想再食茶記 突然想起良記滷水王！ 落巴士慢慢行過去. 坐低第一時間都係點例牌⋯鵝片飯🤤. 靚女話鵝片唔夠併一樣添喎⋯⋯當然係鵝肝正啦！ 繼續保持水準 今次鵝片好正 又㝝 鵝肝今次無咁硬了 點潮州辣椒油好好食🤤 最後食晒所有嘢 兩個字⋯滿足😌👍👍

呢間鹵水店我想去堂食好耐，之前買過一次外賣回家給双親吃，印象不太深，今次專程到店試一試堂食又如何！選了一張近門口既雙人格坐低，店員立即送上一碗熱辣辣既蘿卜瘦肉例湯。人手落單，今次點了鹵水鵝髀飯加鵝腸，好快就已經上餐。嘩！好大碟飯，餸又多，師傅好慷慨，大大隻鹵水鵝髀同埋鵝腸鋪滿整碟飯，下面仲送半件鹵水豆腐同一些咸酸菜，正！好下飯。鹵水鵝髀肉算嫰唔韌，佢地既鹵水唔咸同比較淡，適合健康一點既食客。鵝腸唔太爽，證明冇加工過，入味同易嘴嚼。$86蚊，價錢合理，整體尚算滿意。口味：🥚🥚🥚🥚环境：🥚🥚🥚服务：🥚🥚🥚🥚性价比：🥚🥚🥚

銅鑼灣良記滷水大王以正宗潮州滷水菜聞名，位於灣仔軒尼詩道，環境簡單樸實，專注食物品質。招牌滷鵝片飯令人驚艷，鵝肉鮮嫩多汁，滷汁香濃入味，與白飯完美搭配。試過墨魚飯，墨魚軟腍，汁液豐富，色澤誘人，令人回味。價格親民，$51-100即可享用，性價比高。服務快捷，適合忙碌都市人。整體而言，良記是品嚐地道潮州滷味的好去處，值得一試！

工作日搵晏食，路過。因有一句話沒聽明白，收銀員對顧客不耐煩，希望大夏天唔好太上火。選招牌滷鵝飯。滷鵝上莊，塊塊都肉骨勻稱，肉質有彈性。配例湯清淡适口。美中不足，鵝肉太鹹，食完一直都很想喝水。。。

在銅鑼灣區可以食到潮式美食！仲要lunch都係$65，拼盤飯可以滿足多種美食，環境乾淨企理，侍應姐姐笑容接待，滷水腩肉入味又夠腍，大腸肥美，仲有好特別嘅豬粉腸！下次一定試其他嘢。

喺附近返工咁耐都無留意有呢間餐廳，多謝同事帶我嚟食lunch，先食到咁豐富同好啫嘅滷水。Lunch大約$60起，雙併加$6起，我哋就拼咗幾款不同材料，大家都可以試多幾款嘢。Overall都好高質，仲有埋足料例湯，推介👍🏼

食晏不二之選，食過鵝片飯，今次試墨魚，都好好食。久不久就想再試。2併又唔貴。鵝肉肉質鮮嫩，與墨魚汁，完美融合。飯菜色澤誘人。絕對是不錯的選擇。推薦大家灣仔黎試食。一班飯腳齊齊到。

銅鑼灣美食👍👍👍這道滷水鵝滷水墨魚飯是非常經典的台灣便當料理。鵝肉和墨魚肉質Q彈爽口,入口即化,搭配滷水醬汁醸造出淡淡的鹹香。飯是用優質白米熬煮,粒粒分明,吸附了醬汁後更加入味。整體口感既有肉質的彈牙感,又有米飯的綿密感,讓人不禁多吃一碗。它簡單卻不簡單,是台灣家庭餐桌上永不過時的美味。

和幾個同事光顧了這間潮州小店，一心想來吃滷水鵝，誰知道原來他們的蠔仔粥亦相當吸引。我們五個人叫了兩個滷水鵝片飯午餐，一碟拼鵝腸而另一碟拼鵝肝，再叫了一鍋蠔仔粥和一碟小食。先來每人送一碗例湯，天寒地凍來得正好。滷水鵝片份量一個大男人也一定夠食，每碟鵝片也有八至十件，飯份量亦相當大。鵝腸現在比較少地方有，爽脆不肥膩，鵝肝就比較硬，但勝在甘香。一鍋蠔仔粥應該有大概八碗，蠔仔的份量絕不欺場，而粥內有很多其他潮州材料，例如冬菜、少少方魚等等，相當好味。小食方面，墨魚豬耳也令人回味。豬耳爽脆亦不太肥膩。總括來說環境是一般，但食物是值得讚賞的，快快吃頓飯絕對值得推介。

由於要返學，今日又係來自灣仔女朋友買既愛心外賣💕而今次係鹵水鵝飯🦢一開盒就俾鹵水鵝既份量嚇親，係塞滿曬成盒飯😱而飯都係壓到實一實，完全冇走雞。至於鵝既質素都好出色✨主要係薄切既鵝肉為主，亦有較厚切既鵝件，食落有鵝既肉味同八角既香氣，亦都唔會柴口。望落肉唔係好肥，但食完之後鵝既油香仍然停留喺口腔之中。旁邊嘅豆腐都好腍滑🧈最畫龍點睛嘅係旁邊嘅鹹菜🥬一開頭以為只係普通嘅配菜，但佢就充當左平時鹵水鵝會蘸既醋的作用。我食外賣既時候係大學上緊堂，好少會蘸醬，因為會搞到好狼狽同冇位擺😢所以就算佢俾醋我，我都唔會落，但就咁食鹵水鵝，其實會有啲鹹🤢係依個時候，鹹菜嘅酸甜就發揮好大嘅作用，既可以中和鹵水鵝嘅鹹味，爽脆嘅口感亦都同淋滑既鵝肉形成對比，真係唔錯✨尤其係外賣拎走，好多時候個飯會攤凍左🥶但最適合食鹵水鵝嘅溫度就係常溫，所以買外賣黎講我好推薦鹵水鵝！！

外賣雖然冇服務態度，黑口黑面。但隻鵝非常好食入味。而且佢哋會將厚肉片成鵝片。食到大人細路仔都話好食😋今次叫左上壯同豆腐。但唯一可昔佢哋冇比辣椒油，只有豉油同埋醋

行過路過見到門口D滷水 好似幾正啉門口仲有午市套餐價錢忍唔住要試吓 因為唔知點揀所以揀左個雜錦拼盤飯可以咩都試試我原本以為雜錦 會有埋鵝，點知原來都係內臟 紅腸 蛋不過都好豐富伴碟炸菜好正！勁開胃另外豬耳又係好爽口 滷水味係ok 不過唔算濃 隨餐附送例湯另外加熱飲$6

買滷水必定食良記平時間唔中都會買良記，滷得入味又唔太咸，食得出有用到花椒八角但唔會太多搶咗味🙃 鴨舌係食過咁多間最出色，飽滿脹卜卜，食落去彈而爽身仲有油香；鵝腸爽身唔會淡而無味；豆腐用上包仔豆袋，淋身有豆味今日仲有鵝舌，都係第一次食同見咁大條😍同樣入味有油香

其實係早幾個星期，好Random 地， 打風的那一天在隔離的麵包舖買叉燒菠蘿包，才見到這一間滷水店。 真係唔講都冇人知開咗門。 位置不算太旺，不算太多人經過。 醞釀多時，今天要買外賣滷味，唔計後面新x, 最近的也在灣仔區啦，也一試吧！ 我叫了 bread and butter 嘅equivalent! 滷水味道比想像的好， 八角味道 突出 。 128蚊斤，既然是磅計，也就叫了下壯。鵝的味道不錯。 豬大腸味道也很好。墨魚彈牙。豬肚可能擺耐左，比較淋。整體來說，性價比不錯。服務來說我叫外賣啫，又不需要佢服侍，阿姐也很快手。可能太忙的關係，佢戴住口罩也感覺到她沒有笑容。 但總算正常ok的。會再來的。另外買了盒菜譜回家撈飯，非常爽口但是略咸。