興記茶餐廳 (Moved) New Location

　　牛頭角下村和興記對我來說沒有特別的記念價值。但是畢竟是香港的古蹟，以後再也看不見了，所以還是在封鎖前三天來了。　　我們晚上才來，四眼仔哥哥(上電視個位呢)說：「炸雞脾賣曬啦！」「豬扒包都賣無啦！」「哎！你地真係唔好彩，連飯都無！食麵啦?」可以想象白天時幾好生意

之前上左幾次OPENRICE都見到佢 好似幾OK BO 所以我決定同我表哥試一試叫左兩份豬扒麵+兩隻雞脾+一杯凍檸茶&杯凍檸水其中 一份豬扒麵遲嚟 扣少少分 味道就一般雞脾夠脆 D肉好滑 隻雞脾都炸得好熟飲品就不過不失啦味道：以茶餐廳嚟講 算係上品 環境：地方寬敞 坐得好舒服 服務：野食遲嚟 但我地向Waiter反映 佢地都好樂意跟進 衛生：好Clean 抵食：OK啦唔知點解當我入到去有一種似曾相識既Feel 如來係我以前同屋企人嚟過 不過我好細個XD牛下就快拆 我再冇機會去Lu

雖然未曾住過這裡,不過由於間中會去淘大保齡,每次也會經過這兒.從長輩口中已經對這裡略有聽聞,最近閱報,再次醒起清拆一事,由於22號結業當日一定極多人,就提前一日21號去食興記!!!極度嚮往興記的豬扒,不過下午一到達時,已經發現沒有豬扒包喇!(內脆外軟+無骨)不過還是可以叫其他豬扒食品,只是多條骨而已,就叫特餐(豬扒麵+奄列)吧!!!雖然忙到狂了,但上菜的速度仍然蠻快.豬扒 - 實在令人印象深刻,不太厚不太薄,沒有預先切開,但自己要咬開實屬易事,而且肉質極嫩,還保持到豬扒的味道,煎的火喉剛剛好!簡直有個感覺:"不枉我專程來訪!"不像普通的餐廳,興記是用福麵的,平時很少吃到,很懷念的感覺~奄列 - 確實很滑,因為唔熟ge程度係連蛋水仍存在.滑還滑,還是要注意一下健康.熱奶茶 - 天氣問題凍得很快,滑是滑,但茶味好像淡了一點.確實是鎮店之寶 - 豬扒特別出色,還會有機會試到嗎?

十一月二十二日 (星期日)今日與老公仔到九龍灣逛逛街,正當煩惱今晚吃什麼之際,忽然看到原來今晚是牛頭角下邨的最後一夜,換言之,亦是眾多食肆的最後一天營業我們最後決定到與牛下經歷四十多年興盛的興記六時許,已有很多人在興記吃的吃,影的影還有有線電線和很多媒體都有派人來採訪大老闆興叔也親到場打點興記的最後一夜我們看一看餐牌,本想點食物,老闆說這已沒有,那也沒有我們一問僅餘的物資,唯有自己創做出"新"菜式我點了牛扒炒蛋腸仔通粉+凍檸茶而老公仔則點了牛扒炒蛋牛椒汁飯,都是配凍檸茶本來,在興記的最後一夜,吃什麼也不算太重要,最重要反而是回味一下昔日的光輝但牛扒煎得實在太香口太好味了,我們不禁回味一翻雖然牛椒汁比較少,但老公仔還是吃了那大大碟的飯我的通心粉,是前所未見的大份量,從未吃過那麼大碟的呢凍檸茶,不用多說,很香很濃只可惜會是最後一次了...雖然以食評而言,這篇可能已沒什參考價值但我們仍要為它好好的寫,作一個美好的結局,美好的回憶再見,興記!再見,牛下!

終於趕及11月22 落閘之前去.食o左下午茶餐, 炸雞脾+凍奶茶, 再加個多士. 奶茶好有茶味. 整個環境氣氛回憶起兒時晌屋邨成長片段. 朝早起身著住拖鞋就落去樓下冰室開餐!大家把握時間, 仲有一個星期咋!

睇完戲又經開呢頭就趁拆之前黎食個lunch!講不出的好味+抵食好懷念牛下~細細個返小學時間唔中都係到食野~水準仲keep到~特別推介沙de牛肉包~wa!!真係好好食~d汁慢慢滲透出黎~快d去試喇~~~~~~

6月12日, 九龍灣最後一站, 我地黎到牛下村嘅興記, 雖然食咗好多野之後只係睇咗場戲冇乜點郁過, 但飽飽地都想黎食下野, 因為唔知道佢幾時會拆, 咁我地食咗佢地嘅拿手野都唔會有咩後悔~::: 特餐 – 火腿燴意粉 + 火腿奄列 + 凍奶茶 ::: $27餐牌上嘅食物都係十分普通又十分設合舊式茶餐廳, 我地要咗個特餐~ 火腿燴意粉真係幾感人, 好耐都冇食過用茄汁撈意粉, 加上雜菜粒同條條嘅火腿, 唔稱得上好食但係就好夾個意景~ 一碟好普通嘅意粉但係睇得出佢已經喺個餐牌上幾十年, 喺時代進步下就快被淘汰…火腿奄列落嘅油多到好似唔駛錢咁, 反而個牛油餐包好好食, 麵包香軟唔扁撻撻又有牛油香~ 而凍奶茶亦十分香濃, 比很多現在新式茶餐廳更好飲~::: 豬扒治 ::: $10期待的終於來了! 好多人都讚呢度嘅豬扒治, 我地終於可以一嘗~ 一塊簡單嘅方包, 塗上牛油, 上面加一塊比方包更細嘅豬扒, 另附上一包茄汁自己加, 有乜咁特別? 加咗茄汁之後, 切開一人一半, 咬一啖, 豬扒煎得剛好, 豬扒嘅汁滲咗入麵包度, 所以每啖都好香豬扒味, 豬扒亦冇煎得太乾, 唔鞋口又有少少肥肉, 真係試咗無後悔

數月前到牛下參觀，順道試試這裡的餐廳，興記應是最多人影相的茶餐廳，裡面的人大都一人一機。 這裡的招牌是豬扒，於是叫了個常餐，有油多、豬扒包和飲品，經濟實惠。豬扒軟身而外脆，並且很入味。包卻很普通，烘一烘也沒有。炸脾，即炸，多肉汁，簡單又令人食得開心的炸雞脾。凍奶茶，印象麻麻，過甜茶味淡，叫熱奶茶應該會更好。不知道現在牛下是什麼光景了，不久之后，就只會存在於大家的數碼相裡。

一早已想同另一半去牛下懷舊一返,18-July有機會去牛下, 大約02:00pm到興記,但收銀入面full左,要坐係出面角位,須然頭上有把大風扇,但個日因打風所以VERY HOT呀......快快叫左(1) 沙爹牛肉公仔+跟煎蛋,腸仔同甜餐包+凍O茶. (2) 西多沙爹牛肉公仔 > (牛肉ok有口感,但係"福面"扮"公仔面"呢下十分失敗呢.)跟煎蛋,腸仔 > (隻蛋唔新鮮,有d怪味.)凍O茶 > (d茶唔好飲,最簡單但最唔落心機.)西多 > (好好食,整得剛剛好..食落唔油膩.) overall 豬扒係呢間鋪既首選..但當日見到有2枱客d豬扒煎得好濃....anyway希望牛下拆前可以再黎懷舊......

今天有事要到九龍灣 原本是到Buddha Hut吃Lunch的但姊姊卻提議在牛下清折前到興記愐懷一番說真的 在牛下生活了十年 從未到興記吃過東西搬家也近六年了 要不是牛下清折 我想也不會踏足興記媽媽和姊姊都是叫午餐B( 豬扒麵配火腿奄列及牛油餐包配熱飲/汽水)$25媽媽飲好立克 姊姊則喝可樂豬扒麵應是用上福麵 不會煮得過淋 但媽媽說豬扒太鹹火腿奄列煎得不俗 仍有蛋汁媽媽和姊姊因為太飽 所以吃不下牛油餐包我咬了一口 沒甚麼特別 就是餐包一個我則要了豬扒蛋飯配粟米汁$24蛋不會煎得全熟 但有點油我最喜歡用蛋黃汁來撈飯蛋黃汁加上粟米白汁 真的很對我口胃豬扒我又覺得不會太鹹 大大塊 味道不錯但又味道沒有預期中般好 可能是見了食評 期望太大吧整體來說 味道沒有甚麼特別 但價錢尚算相宜而且能在清折前在這裡吃個午飯 也算是一個紀念了~

黎牛下其實都係想懷舊一下一直久聞興記大名, 所以入去試下!!入到去有種返左50年代既feeld枱櫈貼左一d以前既相, 幾特別我覺得有個閘係d位周圍都幾得意男友仲笑我好似細路仔第一次食茶餐廳咁其實中學都有時會去一下茶餐廳度食lunch同呢度差不多既特餐, 但個d多數都執左冇得再食lu係呢度點既特餐真係諗返唔少中學回憶我點左沙爹牛肉通粉, 餐跟煎蛋,腸仔同包, 熱華田晚餐食d咁早餐feel既野, haha通粉比較淡, 同埋d牛肉好似生生地, 凍的...撈埋都唔熱....嘛嘛地la熱華田顏色一睇就知夠濃, 足料!黎呢度食都唔係旨在食咩好野, 都係懷舊一下好了

記得上次去牛下係想影下相紀念下順便試下聞名的雞蛋仔但基於搵唔到雞蛋仔就去左都好出名的興記茶餐廳我同FD叫左豬排包{我好鍾意食豬排包}今次呢個係煎豬排包同平時我食開的炸豬排包唔同不過即整都好快等左約10分鐘就有..其間仲有時間周圍影住相塊豬排都幾好食不過油左D加左塊蕃茄都OK食落唔錯我覺得都係同以前一樣風味依然

good service!!去過2次,正係好食,唔係講笑同朋友叫左4個餐,同chicken wings,佢見我地4個人,突登比多隻我地,不過錢照計,真好人佢個牛肉min真係好食,d牛好滑,d min又好爽口,佢d chicken wings外脆內嫩,好juicy,d juice真係流出黎,正到fly起仲有佢個porkchop包佢好好人咁幫我地cut開4份,真係好食,佢塊porkchop唔會好硬,好老,好易咬開,仲好夠味!正呀!!佢明明收10:30佢見我地4個人chat得好開心都無趕我地走,到10:45都無出過聲,最後都係我地自己唔好意思走人,佢仲好好service咁送我地走good service+perfect food先可以稱得上good shop=]

昨天同朋友來了這裏食午飯,朋友說這裏的炸雞脾聽說好好味,如果牛頭角村拆就好難有機會食,於是我地就嚟左啦.都唔難搵,餐廳有上下兩邊的,我們初初是坐上面的,但好焗,所以坐了下面的位置,下面的櫈好特別,有些圖案在櫈背上面,牆上面都有一些黑白照.都好令人懷念的.我們想了一陣,就叫了一個炸雞脾麵,一個豬扒飽,兩杯熱奶茶,好快就嚟啦.豬扒飽是好像豬仔飽包住一塊豬扒及蕃茄,豬扒好淋身,所以好易切開個飽,有一包茄汁,這樣的配撘都幾特別喎,出面的豬扒飽多數是炸的,但呢度係煎的,加上些茄汁好味呀.炸雞脾都幾大隻呀,我們叫他另上所以唔會浸在麵裏令雞脾好快淋,好脆好香好味,但又唔會好乾身,麵係福字麵,好香呀,好懷念福字麵,小時候成日都食的.麵都沒有浸都淋,是剛剛,熟好味.奶茶都好滑好飲呀,朋友說因可能未必再有機會嚟,所以我們就另叫了一個菠蘿油試下,不算好熱但都熱的,好鬆化好好味,好香牛油味.我們見有些食客都是特登來這裏食炸雞脾及奶茶,菠蘿油,一邊食一邊拍照留念.

尋日0係德福睇完戲，就走過黎牛下食tea，記得上次食過鳳凰好得，就試下牛下另一間——即係呢間興記，不過最後有d失望。一入去興記，見到好多拎住相機0既人猛咁影影影，始終牛下都就快消失~本來諗住呢度同牛下另一間食肆鳳凰冰室一樣都有下午茶餐食，點知menu列明星期六、日及公眾假期冇得供應咁我同朋友就睇下有冇咩set啦....之但係set都比較貴，至少24蚊，朋友話加埋凍飲都卅蚊，寧願散叫過下口癮，一陣晚飯早d食，佢叫左腿蛋治+凍檸茶=$23，我就叫左個午餐，有叉燒湯意粉、餐包、火腿奄列+熱奶茶=$25。d野都好快黎，不過我一見個餐包就好失望，唔係熱不特止，仲係凍哂，我叫朋友食埋佢，橫掂佢都唔夠飽佢個腿蛋治冇咩特別，味道都係一般，唔係好食亦唔係難食....而我個意粉就令我更加失望，因為d叉燒個色好深，我朋友直頭話似霉左，叫我唔好食添我都係試食左一塊，唉﹗鞋、腍、冇咩味，點解同鳳凰咁大分別架我食左d意粉就停左手喇!因為d意粉都算係爽口，不過成碟野都係得個鹹字最後，朋友話杯凍檸茶都ok好飲，起碼有4片薄切檸檬而我杯熱奶茶都算夠茶味，亦都夠滑，呢樣係可以為興記貴為茶餐廳而挽回面子0既一環呢度d伙記都