Hing Hing (Closed)

因為突發事，令我地既行程去左觀塘！3點幾都未食lunch 既我地，梗係拿拿林食返個tea先啦～見到依間泰國野餐廳，其實想食海南雞飯，不過感冒唔食得，只好食香茅豬排泰式米粉，老公食雞翼薯條！冇林過泰式米粉咁似超力米粉，不論粉既粗幼和味道！我一向都鐘意食超力米，當然鐘意食食度既泰式米粉😋另外，香茅豬排，好入味，又林😘老公既雞翼薯條黎勒，伙記送上黎好自動咁講，依度d薯條少左，所以依家炸多d,等等再添返😆坦白講，我地第一次黎，其實如唔係少得過份，我地都唔知少左😂😂不過佢地好有良心，上面係岩岩第一次上枱既份量，下面係我地食左大半份佢再加完上去既份量👍🏻👍🏻野飲方面，我叫左熱檸水，老公叫左凍檸茶，2杯都唔澀！另外，老公因為未食lunch,又大食，所以再叫個西多士，但我唔記得影相😅西多士，一般都達水準，依度都唔例外😊…Read More

很久無寫食評了😯今次心血來潮要分享一下💓因為小店海南雞不得不題😆我都係得一次去！當然都係上來open rice揾下資料👀那晚都成10左右😮可以話豐富的宵夜！先講海南雞感覺，好滑又厚肉不似出面好多海南雞分量少又無肉！食得無咁爽😂雖然佢係二人套餐但都真係幾滿足個油飯一D都唔油仲帶有椰香GOOD👍泰式酸辣鳳爪野味，夠哂味，我鐘意洋蔥蕃茄料醒神再來個鴨湯泰粉湯底燶相信好有料，泰式菜夠獲氣，再飲杯三色冰內的大樹波蘿好清甜，你唔好話唔飽，起初仲諗住過松記買甜品糖水，最後真係取消真的滿足的豐富宵夜晚餐…Read More

食左個二人餐，街坊價錢館子素質，前菜係泰式鳳爪，個人本來只食中式點心既鳳爪，不過我都試食左少少，幾爽口而且酸辣度剛好，夾蕃茄一起食仲好味。主菜係例牌海南雞，雞肉份量算多而且好似起左大部份骨啖啖肉，雞皮與雞肉間有少少黃油令到雞肉再滑D，點少少汁食好開胃~~除左海南雞仲有碟炒通菜，當然係泰式炒，少少辣味加上泰式蝦乾，爽口又野味，雖然係炒但又吾會太油。有2個餸當然配麵食就係冬蔭功湯河，味道都OK既，料亦足，不過個入覺得可以辣多多少少仲好味。整體上味道好賣相佳價錢合理，有機會再幫襯 ~~…Read More

平時一星期都有2日興興食lunch因太愛佢地湯粉麵湯底, 今晚OT完就同同事2人過黎食, 發現原來夜晚有炒小菜 (午餐你無啲）今晚食左個泰式炒河同椒鹽魷魚. 先講泰式炒可, 好特別同一本炒河不同,好似係粉皮黎, 好好味  至於魷魚鬚, 粉薄, 好脆  十分滿足的一餐  …Read More

上星期從曼谷旅行回來之後一直對泰國商場food court裏的豬髀飯念念不忘聽同事講官塘有間泰國嘢食無骨海南雞同豬髀飯好出名,反正放工冇街去就過去食. $45一碟飯還送飲品一杯, 一個字抵. 豬髀夠淋, 汁好濃再配上酸菜, 一流 …Read More

一星期食三次泰國菜🙈今次試下觀塘區既「興興」，見佢係openrice排得幾高，點知被伏了😂生菜包-58$份量都算多，兩個人食岩岩好。不過上菜之後，唔知啲豬肉係未解好凍就炒，定係唔靚，成碟都好大陣臭豬味😂雖然已經落左好多乾蔥香料炒，但係陣豬味已經好濃🙈辣味方面係🙅🏼不合格，只可以界定為「港式生菜包」，因為一啲泰式既味道都冇🙈泰式海南雞撈檬-$45從圖片就知，雞肉係有幾多舊啦💁🏻有雞皮睇到唔代表有雞肉係到😂真係有之前既食評講咁「抵食」嗎？味道方面，都係唔辣既，只有魚露酸甜既味道🙈冬蔭功金邊粉 - 40$入面既材料有：蝦、秀珍菇 同金邊粉😂好似係屋企自己煮面咁，味道竟然係偏甜，微微微辣，冇椰香😂好似某某泰國著名杯面既湯底一樣，同出面人地用材料煲出黎既完全唔同🙈是用味精煲的嗎？鋪頭除左泰菜，其實仲有雞煲，下午茶餐，烏冬餐等等，簡單啲講，就係咩都有齊🙆🏼好唔好食方面，真係冇之前啲食評講咁好食🙈係水準下降左嘛？…Read More

今天與男友在觀塘晚飯，突然想食泰菜，就選擇興興，本人比較喜歡小店的風味。 曾經試過這裡的冬陰公湯，令人念念不忘呢！泰式肉碎生菜包，生菜新鮮爽脆，肉碎用了乾蔥香料炒，十分惹味。 酸辣無骨鳳爪，有大量新鮮紫洋蔥，蕃茄，芹菜，甘筍絲做配搭，味道清新，辣度高，正！:) 海南雞，嫩滑，雞味濃！最後來一個椰青，爽一爽！十分滿意的晚餐，很滿足！…Read More

友人有事幹，只好獨自晚餐。個人吃泰式晚餐，其實更好，因午餐晚餐同價，晚餐就變相便宜了。多人或二人吃泰式晚餐，只點個『蝦餅』已相等於一碟飯的價錢，不值。店員稱，晚上沒有熱奶茶，只有凍奶茶，沒有沖的茶類，十分難明。難道是因為早上沖的濃茶/紅茶經已用完或雪起來備用？店員揭到最後，表示有三色冰、珍多冰等，但落單後看看，才發現要加錢$10。。。豬脾飯，小小一團六七件肉，有點甩離，肉還肉，皮還皮。皮部分不算極肥極多脂肪，但還是難免有少許短少的毛，似乎真的頗難找到完全無毛，可以大口大口、大快朵頤吃的豬脾。另上的辣汁十分辣，不能點太多，點太多舌頭全痲痺就沒意思了。三色冰，很久沒喝過，印象中小巴黎的三色汁，是黃綠紅。這兒只見綠色幼條、黃色條，但原來寶物尋歸底，杯下方有不少圓形石春狀軟粒，那就是許久沒吃的亞塔子了！只有去旅行，或在『滿記甜品』吃到，平日都不知可以到哪裏去買？？這天居然碰巧吃到，綿上添花。$45+$10= $55…Read More

興興@觀塘因為foodki係牛頭角番工，所以會周圍食野，今次番工既時候收到傳單，就決定同一眾同事lunch去試下啦位置其實幾唔方便，觀塘同牛頭角既地鐵站都唔近，大約要行10分鐘先去到餐牌海南雞飯(5/10)$45(油飯再加$5)普通既海南雞飯，雞嫩滑有雞味，無雪味，無骨，但份量真係太細，咁就令到個價錢性價比急降，foodki最愛既雞皮神秘消失，扣分！香茅雞翼(5/10)$4848蚊8隻，雞翼真係太細舊，好似未發育既雞仔咁，但勝在炸得幾香，外脆內軟，幾好食，…Read More

早幾日見到蘋果日報介紹Li間泰國餐廳, 今日亞媽冇煮飯就一家黎試下,反正我住向觀塘. 其實如果吾係睇到報紙根本就完全吾知Li道有間泰國餐廳. 黎到冇位, 過等左大約五分鐘就有. 入到去嗅到好香醉雞味, 原來Li度有得打邊爐, 睇下餐牌d嘢食好多款,价錢又吾貴. 今日叫左四人餐, 都好似係兩佰幾蚊再加報紙推介啲青加喱朱頸肉. 上菜時買相普通, 但入口真係"嘩"一聲, 好好味呀, 又香又辣,冇得頂套餐裏面有半隻冇骨海南雞附上自家製泰式辣汁, 雞係冇骨, 有雞味又夠滑, 真係好得望下隔離左右幾乎每個人都全部清哂. 講真依家四週圍都被大集團壟斷, Li d 又平又有質素啲餐廳真係要比多d人關注下必定再來幫襯p.s. 佢地有做外賣速遞, 見到幾乎個個都海南鷄飯, 朱比飯同香葉肉碎旦飯. 仲有一個重點係所有粉麵飯都有跟餐飯, 都係講緊三四十蚊, 低到爆…Read More

放假找朋友吹下水，在佢屋企附近食野佢話去呢間泰國餐廳Ok，接近午市一走進餐廳已看到差不多全舖有半數是泰國人，蠻有趣的朋友佢簡單地叫了扎肉金邊河粉 ~而我泰式雜錦湯河粉，叫咗大約三幾分鐘到雜錦湯河材料豐富包括肉丸，魚蛋， 豬肉，仲有一片扎肉河粉是一貫沙河粉，感覺其綿滑，重點是和香港吃到的不同肉丸頗爽口的，豬肉普普通通，不過有咬口扎肉薄薄一片是現成產品，無特別魚蛋有驚喜，彈牙有魚味，湯底清淡不油膩，感覺吾錯wor…Read More

在官塘咁多條街, 咁多食店, 要搵野食係好簡單, 但係要搵間好食之餘, 我男朋友又中意嘅, 有時候都幾難...噚日我男朋友接我放工, 係牛頭角工廠區無咩好食, 咁就同佢行左去KT方向, 睇下有咩好食....行行下見到呢間泰國野食, 原本佢唔係好想入去, 見個鋪頭無咩裝修, 好似好求其咁, 但係我就話唔想再行喇, 所以就入左去。我知道我男朋友中意食咖哩, 咁為左就下佢, 我地就叫左個青咖哩豬頸肉, 個青咖哩唔算話好辣, 不過個汁好濃郁 (睇相都睇到), 味道好正, 所以就算我地兩個人碗飯咁大, 有呢啲咁正嘅汁黎送飯都無問題。而嗰個豬頸肉, 雖然個賣相好似叉燒, 不過入口就食到豬頸肉嗰隻爽口就即刻出晒黎, 炭燒完之後, 保留左佢香口嘅地方, 再浸一浸啲咖哩, 連我平時食得腌尖嘅男朋友都覺得好食!!一碟肉, 咁就當然要有叫番碟菜中和番, 食呢碟馬拉盞通菜就最啱。原本我都驚啲通菜會煮到好喊, 但係好彩呢碟一啲都唔喊, 仲要少少辣味, 又夠穫氣, 真係相當之好食。最尾我同我男朋友兩個人都係食左$125, 平均即係$60幾蚊, 真係幾抵死! (P.S. 我個標題話值得更多關注, 係因為呢間鋪頭咁多好野食, 淨係得9個食評, 好似好少人留意到呢間食店咁, 有啲可惜...)…Read More

夜晚都幫襯過這間餐廳好幾次因為我太愛佢啲海南雞:)今日放假就試下佢地個早餐, 早餐款式都好多, 麥皮餐, 美式早餐, 精美早餐等. 我叫左美式早餐豬扒旦, 再加公仔麵. 賣相好靚, 可以見到真係用心做, 豬扒好夠味, 公仔麵湯底係奶白色同好香忌廉味. 總括黎講一個字"正" 其實這間小小啲舖都幾多元化, 港式早餐,下午茶,泰菜就連打邊爐都有. 唯一係地方比較細P.S. 佢地分量俾出面的多, 介錢又大眾化.…Read More

自從上次同亞女黎li間泰國餐廳食過海南雞飯, 每次問佢咩佢都話去興興食雞飯. 見今日假期加上老爺奶奶黎左我到就决定去興興食啦 我地一共八個人, 晚上六點就到所以吾駛等位一坐低當然立即叫個佢地馳名啲海南雞飯同豬髀飯先啦, 等我兩佢小姐吾駛嘈住哂. 我地大人就食雞同叫左d打邊爐同一條燒魚 - 等左15分鐘就上枱, 好香, d雞好滑, 裹面仲有d秀珍菇:):):) 老公叫左白飯黎撈汁火鍋配料 - 蝦滑,牛肉同魚皮骨好味, 其他同出面打邊爐差吾多燒魚 - li個等左45分鍾, 落單時佢地已经講名即叫即燒所以要等 (下次要打定電話叫佢燒定). 一出黎, 香噴噴, 打開條魚, 好多魚汁, 好好味, 勁推呀 ~ 都吾駛5分鐘, 就整條魚被k.o了, 哈哈 …Read More

上星期六有朋友生日, 其中有一位住觀塘的朋友提議黎li間泰國餐廳食. 朋友三日前book左位, 去到見到門口好多人, 心諗又要等. 但當我地入到去, 原來佢地已經留左張枱俾我地, 哈吾駛等. 裏面格局好似茶餐廳, 望下餐牌見佢地都有港式早餐同下午茶, 睇相賣相好靚同好豐富, 選擇亦多.我地一班人本來諗住食泰國嘢, 但黎到見到有雞煲就决定今晚黎餐雞煲, 火鍋, 泰菜, 一晚可以有滿足三個願望, 呵呵! 眼見好多人食海南雞同朱比, 就叫左li兩個餸再加無骨鳳爪同我最愛的柚子沙律. 然後就叫左一隻雞中辣. 海南雞,朱比,鳳爪同柚子沙律簡直冇得頂,好好味, 好食過九龍城嗰d, 真係值得大推!:):):)可能因為廚房好多單, 雞大約等左15-20分鐘先到, 佢地雞同出面嗰d好吾同標明'泰式秘制辣雞', 真係好有泰feel. D雞好滑, 好有雞味. 本身我吾食麻辣, 所以li個雞啱哂我. 但我有d friend就覺得麻辣味會好食d, 各有各人口味啦 ~…Read More