Hing Sing Spicy Noodles

環境簡約懷舊，紙皮石地板與簡單桌椅散發街頭風情，適合快速用餐或街坊小聚。🈺空間略窄，旺時稍擠，但服務快捷，店員親切，氛圍熱鬧。😊🍗 雞肉、魷魚、紫菜車仔麵（約HK$40，另加餸HK$5）｜實惠美味這碗車仔麵選配雞肉、魷魚、紫菜，賣相樸實，食材新鮮。雞肉切片嫩滑，入口鮮香無腥；魷魚爽脆，略帶嚼勁，經滷水浸泡入味；紫菜份量慷慨，增添清香。🥢米線煙韌，吸滿湯汁，口感順滑。加餸HK$5選項（如蘿蔔或魚蛋）份量足，性價比極高，適合預算有限的食客。😋🌶️ 沙嗲湯底（加HK$3）｜濃厚惹味沙嗲湯底是亮點，湯色金黃，濃厚花生香與微辣交織，入口濃郁而不膩，完美提升配料風味。🍲相比坊間車仔麵，沙嗲湯底夠濃，與雞肉和魷魚相得益彰，惟偶爾略鹹，建議搭配清水中和。😍🏙️ 環境與性價比適合街坊日常用餐，惟環境簡單，衛生僅合格，無打卡氛圍。📍人均約HK$40-60，HK$5加餸與HK$3沙嗲湯底令整體性價比極高，食材新鮮，份量充足。興誠車仔麵以親民價格與濃厚沙嗲湯底…Read More

差唔多都十幾年前了在附近的大專院校念書周圍沒有很多餐廳選擇大商場的又貴又遠興城對於當時還是學生哥的我們性價比便特別高尤其下午茶時份更會送雞翼所以那時候不論午餐下午茶晚飯我們都會揀佢一星期起碼食兩次或以上今次到附近戲院睇戲睇完都過晒飯點便想重溫念書時的昔日時光一貫叫了沙爹湯底米線充滿濃郁花生沙爹香叫了三餸, 牛肉/蘿蔔/魚腐牛肉用了滑牛, 沒有用鬆肉粉醃得死滑無口感蘿蔔清甜無渣魚腐就正常無腥味蒜鹽雞翼就夠咸香嚟開奧海城除咗大商場外不妨出外走走幫襯吓小商戶或許會帶給你意外驚喜…Read More

今次去咗間米線舖嚟試吓啲米線，勁滿足心頭好！走進去，位置雖然簡單，但個環境好清潔，等位嗰陣都覺得唔錯，唔使等太耐就搵到位坐啦😌！首先，個沙嗲味道係真心滿足到我對香濃味嘅嚮往，麵條滑溜溜嘅，令人食咗一啖仲想再啖。佢哋啲韭菜餃同山根真系得意，每一啖都飽滿得嚟唔過分，夠哂味，啖啖肉感，令人一試愛上。雞肉份量都好夠晒意，食到足足滿足，而且雞翼腍滑帶香，香草同蒜鹽味都夠晒鮮明，一路食米線一路嗌雞翼，好過癮👍！最啱就係熱辣辣天氣入面，間舖嘅冷氣啱啱好，食完仲唔使怕攰，因為真系涼快！總之，今次食得開心，肚仔都滿足哂！下次有時間，都要再過嚟捧捧場，試下其他湯底同餸料，我覺得一定都有驚喜！🏠🍜🥢…Read More

📍大角咀 興城風味麻辣米線1️⃣雞肉豬肚米線酸麻辣湯底(小小辣) $40湯底似譚仔湖南酸辣湯底再加返麻辣 小小辣真係好清淡 可能仲冇譚仔10小辣咁辣雞肉切得好薄 唔夠咬口 但豬肚幾好味～2️⃣香草雞翼(3隻) $20甜甜哋 似蜜糖雞翼 唔似譚仔/三哥嘅香草雞翼～下午茶時間食米線會送2隻🚩興城風味麻辣米線大角咀海庭道8號富榮花園地下23號舖…Read More

見好耐無去富榮花園，打完波就食去 tea發現微微加左價2，3蚊，45蚊3餸，加5蚊一個餸:(:(:(今次唔食米線，食湯飯，咁就中伏但每樣餸得3舊，牛肉，魚，魷魚蘇幾條。。。份量太少啦加上個湯，唔似魚湯底，似清湯又唔新鮮，唔辣，唔甜…Read More

係奧海城附近 有條街開左吾同米線舖而有啲米線鋪 係開左幾年都仲屹立不倒🤫我同朋友都稱之為米線街😂而興城係其中一間開左好多年嘅米線鋪黎🍜主要都係做街坊同學生生意🤓興城米線 餸嘅選擇可以話係好多🫣每次簡嘅時候 都要重新睇一次啲餸嘅款式先諗到簡食咩餸🤣今次我叫左山根 韭菜餃 金菇 沙嗲湯底😋餸嘅話 味道正正常常 吾會話有啲咩好突出亦都吾會話有啲咩好差之類🫡沙嗲湯底係我最鍾意嘅湯底不過今次就稍為咸咗啲🥹 但勝在夠平 $3x-$50 已經食到好多餸🥰如果下午茶時段 仲會送兩隻雞中翼🍖可以簡麻辣 香草或者蒜鹽味🥳所以如果想平平地食到米線興城風味麻辣米線 不妨係一間考慮嘅範圍😜…Read More

呢間米線譜喺屋企附近一直都係做街坊生意一直以來食咗好多年有陣時諗唔到食咩都會食呢度除咗米線仲有湯飯等等多數我都會叫米線 佢嘅沙嗲米線都唔錯以前好欣賞佢嘅腩肉，佢嘅餸菜都唔錯多數會叫豬肉片牛肉片豬腩片，蟹子丸，芝士腸等等，今次叫外賣自己拎 結果返到屋企覺得非常失望唔單止賣相差咗好多少咗好多韭黃同埋芽菜米線冇叫佢林啲 但係好林豬腩片得四塊，會唔會太少啊？叫咗牛丸個牛丸細粒左超級多以前嘅牛丸好好味做得米線餸菜都好重要 啲配料差咗咁多叫人哋點樣再幫襯？好多時候食一次唔好食就會直接拉入黑名單，唔會再光顧如果餐廳保持呢種越來越少配料嘅水準相信唔會有街坊生意返轉頭幫襯希望餐廳會改善…Read More

係奥海城行完街，又唔太想食個個商場都一式一樣嘅連鎖餐廳，就行咗大約10分鐘嚟到呢間街坊小店食米線做晚餐因為係街坊小店，啲餸菜都比較大路，有種食車仔麵揀餸嘅感覺 我同朋友都揀左兩餸 小辣$38（想揀多啲餸可另加$4 @1）👉🏻牛肉餅好彈牙，有牛味同肉汁，有啲似食振X牛丸既感覺👉🏻雞肉都算嫩，想食健康啲揀呢個係錯既選擇👉🏻腐皮角索晒啲沙嗲湯底都幾好食👉🏻魷魚鬚幾彈牙爽口，但份量有啲少，唔係好夠喉值得一讚既係佢個湯底，真係飲得出有打碎左既花生碎，食米線黎講 沙嗲湯底都幾特別凍咖啡 $8 有啲似飲緊X巢罐裝咖啡，個人本身幾中意呢個味🤣腐乳通菜 $12通菜好嫩同冇渣，份量都唔少，兩個人分都夠食另外加左罐裝可樂$6，埋單$102，性價比都幾高，推介大家去開附近都可以試下～…Read More

📍大角咀 興城風味米線𓇠沙嗲雞肉米線$32 𓇠呢間米線舖係富榮花園入面，幫襯嘅多數係街坊，佢Menu選擇有好多，淨係餸都有48款😲我揀左出面少見的沙嗲湯底，味道香濃，略嫌花生味唔夠重🥜但都值得一試，而且雞肉份量都多👍🏻而朋友就揀左麻辣米線(無影到)都夠辣🌶 但我地一致認為沙嗲湯底比較出色😋PS走個陣轉左下午茶menu，好多街坊幫襯！原來每碗米線/湯飯送雞翼2隻(麻辣/香草/蒜鹽)，好抵！▪️類別：#yinkifoodie_noodles🔺味道：4/5🔹服務：3/5🔸環境：3/5 …Read More

屋企人個個有節目,得自己一個又廢事煮,所以就決定叫呢間好耐無食過既興城米線做一人晚餐喇打定電話落單，一去到就即刻有得拎唔洗等今次叫左$46四個餸,牛丸,豬大腸,蟹子丸加白菜仔米線,米林,湯底叫左少沙嗲湯底好味👍👍,米線夠林,但牛丸有啲粉,豬大腸中間略嫌多左啲肥膏,蟹子丸入面既蟹子都係偏粉,唔得一粒粒既…白菜仔正常問左店員有無得唔要米線轉芽菜底,而答案係唔得既,佢建議我可以叫湯飯走飯,咁就可以多個時菜同豆腐…Read More

去左朋友屋企打麻雀，快快脆落樓下搵間野食繼續返去開枱。🤣見到呢間米線都幾多人幫襯緊就入黎試下！主打麻辣/沙嗲米線同湯飯。配料既選擇都頗多，而麵類都有幾款可以揀！野飲唔包，熱飲都要加$6，所以我地都無特登加錢飲。豆腐，鮮魚腩，冬菇米線- 魚腩唔腥，冬菇好入味雞肉米線 - 雞肉碎左少少、但份量都唔少，OK。小辣對我黎講都幾辣下🥵白灼時蔬 - $11，幾抵，揀左勝瓜，烚得唔夠耐，淋d會好味d!人均消費below $50都夠哂飽，下午茶時段會送多2隻雞翼，星期六日都有！抵呀！…Read More

難得過到黎大角咀，緊係食沙嗲，明明黎到係想試湯飯，但最後都會揀左沙嗲。今次係自備外賣盒，三人行：1.沙嗲魷魚豬腩肉河粉2.白菜仔x2份3.蒜鹽雞翼x3份1.就算外賣上，沙嗲湯底同河粉都足，呢隻河粉夠薄，雖然係闊都唔會好難食，不過外賣就預左佢痴埋一舊。啲料係好食既，不過有啲少。2.正常3.有啲驚喜，個味都幾香。可以試下屋企自己蒜鹽整…Read More

食過好多次 最正腩肉同冬菇 下午茶送雞翼 正 湯飯冬天食一流 價錢ok 我覺得同譚仔比 佢粉麵比較無禁重味精 ！值得一試再試 地方唔太大 已開左好多年 做街坊生意 雞翼有麻辣 盐咪同香草！我每逢冬天必食興成！…Read More

該店鋪主打街坊生意，聽聞店鋪做左好多年，仲越開越大間。興城最多人食的時段莫過於下午茶時段，因為佢招牌三款雞翼：麻辣、蒜鹽及香草烤雞翼。烤雞翼質素非常出眾，少少燶面但好香，調味料落得岩岩好，夠咸好香口，呢個烤雞翼真係必食之選。另外，生滾靚湯飯的質素亦不俗，個湯無味精，即使飲埋佢亦唔會好口渴。將飯一羹一羹放入湯中，然後慢慢連餸食埋，真係有一番滋味。不過皮蛋有D散，一落左湯就好似得番好少咁；而生菜煮得好似住家飯咁，落左適量鹽糖調味，有心思擺左入去。最主要係價錢真係好平民，30幾蚊有兩餸麵加雞翼，抵。唯一缺點係無送野飲，但係加HKD6有豆漿都算OK。…Read More

利申：興城熟客因為又住得近又抵又好食所以經常都會幫襯 沙爹真係食到上晒癮😋　一開始幫襯我係嗌清湯米線🍜首先留意到嘅就係佢有好多唔同餸可以揀 基本上你諗到嘅都會有 而且每個餸都同價😼（經驗之談：有啲餸係會份量少啲冇咁抵食 不過如果真係鍾意食嗰樣餸嘅話我都會照嗌 可能一個餸嗌兩份🤪）然後每碗都會有豆芽、兩塊腐皮、韭菜（可以全走👍🏻）　我多數都會嗌三四樣餸（最多可以嗌八個餸）因為佢每多一個餸都只係加$4 完全可以滿足到我呢種「貪心嘅吃貨」❤️　然後米線份量十分足 就算係男仔都夠晒飽 （有女仔frd係食唔晒） 下午茶時段仲送兩隻雞翼🐔 真係抵到爛 因為平時嗌都要十幾廿蚊3隻（ps雞翼嗌麻辣最正！）　到後來終於有一次試食少沙爹米線（因為怕自己受唔到咁辣）簡直係發現新大陸 個湯底超上癮！🤤次次都飲勁多湯 啲餸都勁入味 每次食都辣到出晒汗但又好正😍　後尾越嚟越食得辣就開始嗌沙爹 然後更加係一試就返唔到轉頭（食唔返少沙爹因為會嫌淡😛）一直到而家都係食緊沙爹米線 食左好幾年都仲未厭仲係覺得好好味　btw沙爹湯底一定要堂食！外賣嘅話味道真係會差左一半🙂 嘥左個湯底　ps 如果食沙爹湯底嗌河粉嘅話 個湯會乾得好快 河粉會索晒啲水 所以如果想試沙爹的話都係建議大家試返米線好啲 清湯則不受影響（麻辣湯底我咁耐以嚟都未試過。。。🤣）　味道 5分 因為我真係好鍾意佢嘅沙爹湯底環境 3分 因為地方算乾淨但係冷氣唔大有時會覺得熱 特別係夏天食辣一定會出汗服務 4分 因為老闆好好人從來唔會因為你坐得耐而趕客 有時候個時間差少少先到下午茶佢都會照送雞翼衛生 4分 因為食咁多次從來都冇見過碗米線入面有烏糟嘢/啲筷子匙羹唔乾淨抵食 5分 因為三四十蚊當晚餐食都夠晒飽 又好味道 絕對抵食！…Read More