Heng Lei

🧑🏻‍🍳 今次介紹呢間多次到訪嘅懷舊中菜🥢，去澳門嘅大家一定要bookmark定😍，去之前記得一定要訂位，建議菜式都要預訂好，尤其是雞煲鮑翅同蝦多士🔥，餐廳仲有唔同嘅手工菜，而餐廳位於大三巴附近行大概15分鐘，非常方便~—————————————————————🍴 雞煲鮑翅 - 一斤半翅 ($1380) 必食之選‼️魚翅煲嘅價錢係以魚翅嘅份量而定，一斤翅適合4-6人用，而一斤半翅適合8-10位用，每一株魚翅都好大，唔會係好散嗰種，非常足料，而雞湯非常濃郁😋 美味指數: 9/10—————————————————————🍴 古法明蝦夾 ($150) 必食之選‼️蝦多士係以蝦滑同多士結合而成嘅懷舊小菜，多士酥脆可口，炸得啱啱好，亦都唔會太油，而蝦滑嘅份量好足夠，值得一試😋 美味指數: 9/10—————————————————————🍴 蒜蓉蒸扇貝 (時價) 海鮮類嘅菜式一定要提前預約，扇貝可以選擇一開二或者原隻，今次選擇咗一開二，比較方便食，如果想口感豐富啲，可以選擇原隻😋 美味指數: 7/10—————————————————————🍴 豉汁炒蟶子 (時價) 蟶子非常新鮮，好彈牙，配上豉汁炒得好有鑊氣😋 美味指數: 8.5/10—————————————————————🍴 白灼蝦🍴 腐乳通菜 🍴 豆腐斑腩煲…查看更多

朋友一直推介，澳門平民食店中的不平民的雞鮑翅。特別一題最好定位， 好彩我有訂位，可能是週六晚上，沒有訂位的客人，都要企在外面等位。 雞鮑翅必需要預訂， 很多招牌菜同樣要預訂，否則即場點是沒有得吃。今次只一行3人，想試其他招牌菜，都叫唔到， 唯有主打先食雞鮑翅，下次再試其他招牌菜。 雞鮑翅絕對沒有失望，我們三個人去食，每人可以食到5碗。一梳梳的翅，頭三碗都有， 絕不欺場😋😋😋。 之後再叫多兩個小炒， 椒鹽骨也不太差，炸得夠香口。…查看更多

三大一細，叫了雞煲翅，超級先生飯，蝦多士，蝦多士是海蝦，好味。共千三蚊，抵食的，大約有十二三碗翅每碗都有一梳翅，唔算好大梳，亦不是高級嘢，但分量好大，但味精太多，食完後要不斷飲汽水。地方很難找，食完後又很難找到方法離開。…查看更多

近年社會鼓吹環保，魚翅宴確實已不多吃，只有過年過節方可品嚐到母親的住家超級足料靚鮑翅，相比外吃的，當然珍貴得多。 適逢是日是媽咪農曆生辰，既然同行訪澳，雖然早已非常實際地以現金孝敬，又真是找不着藉囗不與她吃頓豐富晚餐，卻又考起女兒，媽咪只愛傳統粤菜，不好奢華環境，烹調技巧要求高，說實話，外吃多是有彈無讚，想到的，只有以雞鮑翅作賣點以示小小慶祝。致電六棉，雞鮑翅二人份量需要千多元 ，母親定必大歎不值，想起朋友介紹興利美食，十二人份量原煲雞鮑翅只賣$780，估計迎合媽咪心意，中午方才致電預留，晚上七時已可恭候。位於鏡湖醫院附近的興利美食，並無細意裝飾，只有平民的環境，十數張大小圓枱擺設，尚有閣樓雅座，牆上滿貼時令推介等宣傳單張，前門玻璃亦不例外，主力介紹需預定之鎮店名菜及家庭套餐，一般舊派家庭式經營模式，隨手取起小店名片看看，設計欠奉但資料充足，除了有負責人名字，地址及電郵外，更有小店地圖及預定招牌菜之列表，有彿跳墙，糯米雞，古法煙倉魚等，十分聰明地軟銷自己的貴價菜，亦減少了客人致電詢問花之時間，可惜我們只有四人，拿手大菜只可下次組局品嚐。基本餐牌上皆是小炒家庭菜式，我們略為商議後選了璠龍茄子，時菜炒鱸魚及手剁土魷肉餅。點菜後片刻，預訂了的招牌雞煲鮑翅隨即送上， 見傳菜員拿着個有住家湯煲容量大的瓦煲，十分有份量，服務員揭開煲篕，頓時視覺及嗅覺被受刺激，老火雞湯香氣隨著熱湯煙霧湧泉，此刻已經垂涎三尺！服務員隨後把一只跟瓦煲闊度相若的完整雞隻取出，讓我們伴以鼓油進食，急不及待的是鮑翅湯分配，每人先嚐一小碗，褐黄的老火湯，醇厚滋味不油膩，膠質豐盛，咸甜味道恰當，魚翅連邊位，雖非一流貨式，亦非散翅或仿翅，份量十足，啖啖真材實料，湯底味濃，媲美香港的鹿鳴春。$780/煲的湯翅，我們四人，每人分到三碗半，碗碗有翅，童叟無欺，盡是滿足。:):)湯內之雞亦可吃，肉質依然嫩滑，站在收銀處離我們不遠的老闆娘強調，自己用老雞金華火腿做湯底，我們到達前一小時方才加進新鮮雞同煲，因此肉質依然可口好吃。:)另外小店亦有另一較便宜的雞湯翅，賣$580, 魚翅的質素及份量好不一樣，人數較小的客人方才選擇，我們豈不是奢華了點！時菜炒鱸魚牆上宣傳單張推介鱸魚菜式三款，推想也許是時令，因此特意點選。可惜鱸魚並無帶來驚喜，是雪藏貨，但總算有厚度兼且入味，唔腥唔嚡口，所謂時蔬，是晚有荷蘭豆，草菇及鮮百合同炒，乾身及並無我最討厭的過多芡汁， 致命的是鑊氣不足，小炒菜式失了靈魂，扣分不少！璠龍茄子這道菜賣相並不討好，顏色啡褐，油光泛濫，唯一值得讚賞的是茄子的形狀，切成甚似璠龍的形狀，但卻又因為整條茄子沒有切斷，筷子夾吃時有些麻煩，更不當的是茄子先炸後煑，吸油的特性儘地發揮！伴以不少免治豬肉尚算配合，調味方面疑似加了欖菜，幾滋味，但整體只能以粗菜一碟形容，失敗在太油膩，我們已經盡力，依然剩下不少。:(手剁土魷肉餅土魷肉餅,普遍家常菜之一，難以出錯，卻又佐飯一流。見其强調手剁，方才引起興趣點選。這道菜賣相平凡得不可再平凡，白色隋圓形小碟上就是肉餅一件，碟上就是葱花點絕亦欠奉，土魷切成碎粒藏匿於肉餅內實在見不到，只可入口品嚐方能找到，豬肉餅是否手剁生疑，並無手剁的有咬囗口感，但又不致機攪的死淋，水準不過不失。此頓晚餐，招牌雞煲翅的確物有所值，值得重臨，其他的就是街坊小店水準，作為家常便飯，尚算滿意。心有不熄，現正計劃三月中在此搞局，品嚐預定 式，看看水準如何。:chopstick…查看更多

朋友介紹及訂菜下嘗試, 地點都頗難找.餐牌十分多元化, 中西葡合壁, 豐儉由人. 但作為遊客, 當然是訂一些特色菜.煙薰倉魚- 要訂, 有就好彩. 很大條, 煙薰味剛剛好, 又保持到魚味, 全晚最正的一味; 但價錢亦最貴, 三斤重約七百五元, 足十人食品佛手羅盤- 冬瓜焗釀羅漢齋, 又美觀又健康, 老人家最開心!蝦多士- 佢地叫蝦夾, 好過港大同學會少少, 因為大件一些, 熱一些及多D莞茜香一些上湯蛤蜊 (大蜆) - 又係要訂, 有就好彩, 十分鮮甜.雞煲翅 - 比較之下無咁突出, 但很大煲, 份量足.還有一些特色菜要下次試.總括而言, 一大班朋友食地道手功菜的地方, 去得澳門就為咗食得開心, 但記得訂位及訂特色菜.…查看更多

澳門【興利美食】地道的粵菜館，看起來不起眼的老店卻經常爆滿，菜式豐富多彩，普通的材料被做出不平凡的味道，稍微偏重口味。貨真價實，價格跨度大，平貴任君選擇。招牌菜濃湯雞煲翅（680mop）需要提前預定。去的時候是看完電影，已經9點多，所以不需要等位。地方蠻大的，還有閣樓，位置頗多，飯桌有大有小，可以三五成群，也可以一大班人去。推薦鯪魚球煲，清香鮮美。…查看更多

當晚友人的友人請食飯, 不好意思拿出相機當面拍攝, 只影了一些放在面前的菜, 這間非常平民化的食店, 十分舊的裝飾, 吃的都是一般粵菜, 一碟不知名的圓圓形狀, 炸得脆口外皮, 內幢是一些肉和菜碎和魚子, 味道淡淡, 皮不算厚, 幾好味, 菠蘿骨, 不似香港製法的酸, 比較甜, 豬排炸得夠香口, 炒魚肉豆菇, 炒得爽口又不油, 百寶鴨, 鴨內讓了肉, 豆, 栗子和糯米, 非常好味, 是栗子鴨的異種, 全碟食清, 蒸蟹糯米飯, 十分新鮮的蟹, 肉質彈, 一粒粒的糯米, 軟硬度剛好, 好好的一餐, 自己去到也未必懂得叫.…查看更多

去完威尼斯人ＣＨＥＣＫ完房之後，就一大班同事們各自組隊乘坐的士去午飯其實我自己都不知會去那裏吃？只知道會去吃酒家之類的東西吧！跟隨前一部的士到目的地後，才知道竟是茶記？但入到裏面之後又似另一個格局訂了２圍枱，一坐下店員便送上熱茶，雖然天氣十分熱，但大家都勁口乾．．喝上２口，店員很熱情地幫我們加熱茶，等我們飲飽為止呀～～哈哈．．濃湯雞煲翅原隻雞畢出黎，不過我不喜歡煲過湯的雞，因會十分淋ＰＡＴ　ＰＡＴ所以沒有食過，湯煲到勁起膠，起膠程度可以當白膠漿，飲了一口便放棄了每人仲要有２碗，我１碗都飲唔完，店員阿姐竟用第２隻碗裝住放在我的前面不過，我都好用心食晒湯裏面既翅，個翅真係ＧＯＯＤ～不過勁被同事話我晒料唔飲湯．．骨膠原對女士皮膚好呀！ＳＯＲＲＹ～真的是腸到飲唔落，原諒我吧！豉油雞又是雞，不過豉油比剛剛煲過的老火雞較好，夾了一舊雞肶肉食較滑，不過鹹，近骨位有少少血水清湯花蛤沒有吃到百寶鴨畢了２匙羹食，鴨肉很淋，內裏有很多材料，專吃有蛋黃和蓮子，挺好吃的！興利四寶有鮑片～花膠～瑤柱～冬菇，底下有髮菜同生菜，淨係食左鮑片同花膠馬介休球咬了半粒放棄，完全唔好食，沒有那種脆口的味道！釀冬瓜（唔清楚名字）內有乾坤，切開．．材料類似百寶鴨的，冬瓜爽口清甜，至欣賞這個！雞蛋焗魚腸超愛吃雞蛋的我不會放過這道菜．．第２樣吃得最多的餸魚腸沒有鯹味，不過焗得收了水，較乾身！蠔油扒百靈菇沒有吃到上湯浸時蔬（唔清楚名字）沒有吃到不知是否搭完船嘔到７彩的關係．．加上餸菜不符合小妹的口味．．所以吃得很少很少，幾乎沒有什樣吃過，不是酒家不好吃喇～是自己沒有胃口不過開始的時候，幾乎道道菜都是肉類，嚇得大家都說︰無菜既？到後尾才有菜類．．令到大家一開始督飽膩的感覺～下站出發！ＧＯＧＯＧＯ…查看更多

是日做完野, 專誠去左呢度食晚飯, 皆因當地人話呢度非常好食! 不過好得意既係, 居然唔係好多當地人知道有呢間野!4個人叫左唔係好多野, 不過就好滯:1) 雞煲翅 - 要訂架, 已經叫左個細既, 都$680, 有成15碗, 實在太多! 我都食左4碗! 入面真係好多抽魚翅, d湯既味好濃, 好多湯渣, 基本上應該10個人食都冇問題!2) 手剁豬肉餅 - 據聞係全港澳最好味既豬肉餅, 但係我想話, 好好好鹹, 就算送飯都嫌鹹, 食左一小塊已經好滯好夠! 剩左好多。3) 花雕蛋白蒸蟹 - 有d酒味, 幾惹味, 蟹有好多膏!!! 本來好正既, 但係...d蛋索哂d味, 勁鹹!!4) 鮮百合少鱸魚球 - 呢個清清地, 都幾好味, 魚唔會鯹, 仲幾新鮮!! 味道呢, 呢個終於唔係勁鹹, 食得哂!5) 蝦多士 - 呢個本來係要訂架喎, 但由於幫我地book檯既朋友係呢度既熟客仔, 老闆娘就特登整左幾件比我地試! 其實係有一舊蝦放響炸左既麵包上面, 再焗卦...老闆娘讚到天上有地下無, 話人地d蝦多士好求其。因為佢地係用好大隻果d雪蝦, 佢地用左秘法去令蝦解凍之餘又唔會走哂d蝦味, 所以用既工夫好多喎! 咁講真, 都幾熱氣, 但食一件兩件絕對ok! 同埋要趁熱食, 咁就好好食, 好脆, 好香口, 同埋真係有蝦味!食物普遍好鹹, 太口喝, 叫左可樂同叫左白飯黎送!其實除左煲翅, 其他野都唔貴, 而且都好多人架~ 好似話book檯搵陣d! 至於老闆娘, 唔知係咪因為我地識佢地既熟客仔, 所以老闆娘同我地好interactive, 介紹詳盡!環境呢, 好似新裝修左呀, 所以都幾乾淨!…查看更多