Taipei (Closed)

鋪頭一班年輕人睇鋪, 都無乜野. 但牆到可唔可以唔好貼粗口. 你叫邊個X街隔渣都好, 都唔使寫咁大張紙貼出來.叫杯拿鐵. 又話有又話無. 算.問我熱定凍, 點知出黎杯野係暖的... 室溫既咖啡. 都算.但杯所謂既拿鐵只係一大杯牛奶加幾滴咖啡香精咁. 難飲到暈. 去隔離便利店買雀X咖啡都無咁嬲.唔知間鋪其他野好唔好飲. 但緊記, 千祈唔好買咖啡!…Read More

補返之前既食評:媽媽話珍珠奶茶就黎唔做promotion而家$10 700cc 第時$12, 所以拿拿淋飲多幾次今次試左大珠, 紅茶味依然好足, 我冇特別話糖 / 冰既份量, 但唔會過甜lo(唔會好似輕鬆飲咁), 冰就可以比多少少, 我飲左1/3 d冰已經溶曬......天氣咁熱唔涷唔好飲ga ma~~大珠好有咬口, 唔會淋patpat, 煙煙unun, 仲好多珠飲完真係唔駛食飯, 好飽, 所以好抵其實$12都仲係抵既~…Read More

1. 班友無咩禮貌2. 珍珠奶茶唔係奶茶3. 好似飲緊用沖完茶o既茶壺沖出黎o既滾水，基本上係無味4. 話自己係即叫即做，其實只係即叫即沖，佢地慢慢整，只係想營做多人等o既效果…Read More

:(每次行經呢度, 人就真係多, 由於之前都有去台灣飲過當地的珍珠奶茶, 發覺跟香港的分別很大。當地很多是茶葉店 兼營 珍珠奶茶的, 可想而知他們對茶葉方面很專業。一般香港的珍珠奶茶店都是找批發供應 (上期壹仔都有講, 全香港得3間批發), 老實說來源間間都差不多, 但大部份(主要旺角個d 及兩間專賣珍珠奶茶的店) 我都覺得係茶咪不夠。呢間台北站亦唔例外, 佢賣點係 "平" "大杯" 不過d 茶味淡, 只食到珍珠味同奶味。暫時香港我只係飲過仙x岩, happy xx 既珍珠奶茶叫做好d , 不過都未及台灣當地咁香既茶味。PS : 如你飲珍珠奶茶唔注重茶味既話就無所謂, 間間都差唔多啦...** 但以我所知, 正宗台式珍珠奶茶 --- 一定唔係好淡或者無乜茶味的 !!! …Read More

今日去粉嶺中心探老友, 行過名都商場, 好奇怪馬會門口有好多人堆晒係度, 唔通有人中大獎?? 埋去望下, 原來係對面開左另一間"臺北站", 呢間野之前係元朗飲過幾好味, 撞啱有啲口渴, 而且有啲珍珠奶茶癮起, 就決定買杯飲飲, 個收銀妹妹仔好有禮貌, 又好細心問我要大珠定細珠, 我就要左一杯$12大杯大珍珠, 排左10分鐘左右就到我啦, 冇係元朗要排成半啦鐘咁耐; 飲落同我記憶中元朗嘅味道差不多, 茶味幾香, 又唔會太甜, 啲珍珠咬落好有口感, 而且甜甜地, 唔似其他一般台式飲品店淡謀謀, 佢地應該係珍珠度加左糖煮, 感覺佢地有好用心機去做好啲珠同茶, 值得嘉許.不過攞茶個陣發生左一段小插曲, 隔離有個阿叔發晒脾氣話等薯條等左半個鐘都未有, 跟住個收銀妹妹仔好有禮貌咁話"因為即叫即炸, 而且人比較多, 所以需要時間長啲, 麻煩你等多一等啦!" 之後仲猛咁繼續講唔好意思, 但最後個阿叔都係唔肯等, 怒氣沖沖咁話要取消, 個收銀妹妹仔好無奈咁退番錢比位阿叔; 我今次冇叫薯條, 因食完飯冇耐, 但有機會都會試下, 不過就要記住記住如果趕時間就唔好買啦, 唔係到時可能都會好似個阿叔咁發晒脾氣要取消就無癮啦.…Read More