Video
Telephone
34623107
Opening Hours
Today
07:00 - 00:00
Mon - Sun
07:00 - 00:00
Above information is for reference only. Please check details with the restaurant.
元朗嘅至尊雲吞麵雞煲，真係大滿足！佢哋嘅麻辣雞煲辣度夠勁又香口，嗌中辣最惹味！啲雞肉煲得超入味，先炸過再直接放在煲中加熱，撈埋d麻辣汁勁醒胃。最大賣點係雞煲任食，有幾多食幾多！炸饅頭，外脆內軟，好惹味，用黎蘸煉奶+雞煲湯底，好正！另外火鍋配料嗌左有肥牛、牛柏葉同魷魚，配搭豐富，食落口感各有特色，尤其肥牛鮮嫩，魷魚彈牙，提升整體層次。連飲品飲fill，仲要唔係普通罐裝嘢飲，係茶餐廳種類嘅飲料！！唔怕渴住咁食，夠晒貼心。環境算舒服，夠大枱，適合一大班朋友或者家庭一齊嚟聚餐。總括嚟講，喺元朗想搵又平又好味嘅雞煲，至尊雲吞麵雞煲絕對值得一試，麻辣味道夠晒地道，份量又多！
continue reading
今次要同大家分享一間實現無限暢飲同無限添雞嘅雞煲火鍋放題🍹🥤🐔🍲 全場爆滿後生仔女💥招牌雞煲無限添，辣度有得揀，由無辣到大辣任君選擇，味道濃郁啱啱好。雞件多肉少骨，肉質滑嫩，炒熟上枱時已經吸滿醬汁，香口入味！ 續到你滿意先加湯打邊爐！打邊爐配料超過50款任揀；小食方面，炸饅頭外脆內軟，淋上煉奶食，一隻接一隻🍩飲品任飲，最正係檸茶、奶茶、咖啡、汽水通通無限暢飲！呢個水吧選擇比一般舖頭多，食雞煲飲凍檸茶真係香港人至愛❤️不過要留意返晚市雞煲放題係唔包括收費小食及啤酒
continue reading
日日經過呢間至尊雲吞麵雞煲都見人龍，今晚趁落雨有位、人潮未到，終於有位。以$178兩個鐘任飲任食黎講，菜單內容相當豐富。雖然啤酒同特色小食需另外收費，但基本鍋底、雞肉及火鍋料都可以無限追加。飲品區更出乎意料地豐富，除常見汽水外，竟有清潤的羅漢果杞子菊花茶和濃醇豆漿。至尊惹味雞煲上檯時醬汁仍滋滋響，雞件裹滿秘製醬料，入口先是豆瓣的鹹香，繼而花椒的麻勁竄上舌尖，肉質嫩滑不柴，尤其帶骨部位吸飽湯汁，啃起來格外惹味。食完雞再加湯食火鍋，追加的配料中，手打肥牛牛味香濃，雲吞皮薄餡鮮，咬開爆出韭菜及豬肉混合既甜汁；炸響鈴吸湯能力一流，浸煮後仍帶微脆。除左手工肥牛之外，仲有鮮牛可以揀，火鍋配料選擇非常多。最後一定要食埋老闆推介既炸饅頭，炸到外脆內軟，點煉奶食一流。
continue reading
呢日係元朗行完街, 係教育路搵野食, 就比我見到呢間餐廳 晚市雞煲放題, 可能時間尚早, 一入去即刻可以坐低, 但好快, 就已經坐無虛席, 仲越夜越多人😆我地就點左至尊惹味雞煲, 店員隨即好快拎住香噴噴既雞煲黎, 份量都好多, 肉質好鮮嫩滑身, 我同朋友食到停唔到口😂店員仲話如果唔夠食, 可以加雞😲😲😲我冇聽錯呀🫨我地真係再encore一份雞, 食完雞煲, 就隨即轉打邊爐, 有好多配料, 肥牛, 魚皮餃, 丸類, 蔬菜類等等。。。仲叫埋炸饅頭, 係呢間店既特色, 必食!!! 炸到外脆內軟, 最中意食一啖, 點一下煉奶❤️$178任食2小時真係好抵🤩晚市雞煲放題(唔包括收費小食及啤酒)⚠️⚠️
continue reading
今日試咗元朗至尊雲吞雞煲，原來佢哋中午都有做飯市，以前食過佢哋嘅打邊爐，今次就專登再試吓其他款式。朋友叫咗佢哋嘅至尊雞飯，雞肉嫩滑多汁，配上特製醬汁，惹味十足，飯粒吸飽肉汁精華，每一口都充滿幸福感。另外仲有佢哋嘅常餐，豬扒外脆內嫩，肉質鮮美，腸仔香氣四溢，煎蛋金黃流心，配上蕃茄肉醬米線，酸甜開胃，米線彈牙爽口，多重滋味在口中爆發。小食試埋佢哋嘅招牌普寧豆腐，外皮輕微煎過，內部嫩滑如水，蘸上獨門魚露，鮮甜鹹香，口感豐富，令人回味無窮，整餐體驗十分滿意。
continue reading