Supreme Chicken Pot

藥膳雞煲一上枱，香氣撲鼻，真係未食已經流口水，個湯底金黃金黃，飲一湯先，甜得嚟好溫和，藥材味唔會太搶，飲完成個人暖笠笠，好舒服！隻雞又夠嫩滑，吸晒藥材精華，正到爆！食完隻雞，加湯打邊爐。肥牛片任食來講，不過不失。牛柏葉爽脆彈牙，點少少豉油已經好惹味。韭菜餃韭菜香濃，咬開仲有肉汁；牛丸彈牙爆汁，芝士竹崙一咬開啲芝士湧出嚟，邪惡但好滿足！生菜、蘿蔔索晒湯汁，清甜解膩；金菇同薯粉掛湯能力一流，吸盡藥膳精華，食到停唔到口！呢個藥膳雞煲加打邊爐，CP值高，食完成個人又滿足又暖身，絕對係入秋之選。…Read More

荃灣呢區 多嘢食而且價錢唔貴 鄰近鱟地坊小販市場嘅食肆 雖然唔起眼冇花巧裝修 但性價比唔錯-🐔加雞呀！唔該！食火鍋之前 先嚟一個雞煲🥘做熱身 切雞件連皮帶肉 雞皮甘香 招牌醬汁濃稠惹味 加熱後 味道濃香麻辣 香芹🎋洋蔥🧅充滿口感 我哋話咁快就K.O.半隻雞 只要有胃口 雞件就源源不絕😁-Round 2 打邊爐‼️食完雞煲已經飽咗大半😅 要繼續努力～打邊爐🍲 呢度嘅火鍋配料尚算齊全 肉類🥩丸子🍡蔬菜🥬餃子🥟麵食🍜 連自家製杞子羅漢果菊花茶之類 都有得飲👍 食幾多飲幾多 寫紙仔order就得啦🫶🏻…Read More

💕至尊雲吞麵雞煲💕朋友推薦高質雞煲任食兩小時收工荃灣近近地就試吓啦好彩唔使點等位不過都已經坐滿咗九成任食雞煲都係$178一位#########################叫咗個中辣雞煲試試上菜一陣已經食得 辣味夠香本身已經喺入邊炒好咗攞出嚟出奇地雞煲唔會好多汁好肥膩抄至乾身 但係又保持到雞肉嘅質感本人覺得中辣岩岩好如果食得好辣嗰啲就可以試大辣雞肉比較嫩滑 但做到雞皮嘅香口脆口食完個雞煲唔夠喉仲可以無限加雞👍之後仲有50多款食材選擇蔬菜類 菇類 丸類都有好多款配料任食熟食仲有炸饅頭 油炸鬼 都係即叫即炸新鮮滑牛 好欣賞鵝腸 爽口 水餃 好新鮮另外仲有汽水同茶餐廳飲品 任飲檸茶檸水檸蜜咖啡奶茶環境整體乾淨闊落平民價錢 有咁多多款食材選擇已經賣小見小 值得一試😋😋…Read More

今次試咗呢間任食雞煲，見到都幾多人排隊，雞煲夠香口，不過可以滑多少少🤏🏻可以免費追加雞件，食得濃味嘅都加錢升級試埋其他湯底!🥩【重點推介】鮮牛肉幾驚喜，淥完爽滑唔韌🤓炸饅頭外脆內軟，點煉奶食，邪惡到停唔到口👍🏼炸響鈴卷吸湯一流，都係必點！🍹【任飲飲品】有自家製羅漢果菊花茶，打邊爐唔怕熱氣汽水款式都多，仲有檸茶奶茶咖啡等等，嗌汽水可以跟埋檸檬冰底~環境乾淨座位寬敞，$178呢個價錢來說性價比幾高，適合大班朋友聚餐狂擦～…Read More

至尊雲吞雞煲任飲任食，都係百零蚊，真係好抵玩！湯底我同朋友揀了滋潤五指毛桃雞湯，是這次用餐的亮點之一，五指毛桃的香氣與雞肉的鮮味完美結合。湯色清澈，口感滑順，喝上一口便能感受到滋潤的效果。任食的選擇相當豐富，雞肉可以隨意添加，肉質鮮嫩。丸類方面，選擇多樣，包括魚丸、肉丸等，口感彈牙，十分美味。此外，各類蔬菜也非常新鮮，可以平衡雞湯的油膩感，增添口感層次。飲品的選擇同樣多樣汽水等，而且連我最愛的凍檸茶都可以任意添飲，能夠有效解膩。這裡是一個不錯的選擇。至尊雲吞麵雞煲 (荃灣)地址：荃灣鱟地坊48–68祐建樓地下A號舖…Read More

我同男朋友都係好鐘意食雞，見到荃灣呢間可以任加雞既雞煲店 (只張至尊雞煲同花界雞煲) 就入去試下。我地試左至尊雞煲bb 辣，因為我唔太食得辣，但都會愈食愈辣😂 因為太肚餓，加左個花甲，店只建議我地倒入雞煲一齊食，會更好味，所以我地就試下，真係好味過就咁食，而且個份量都好多。食晒之後可以加湯改為打邊爐，比較驚訝係個肥牛，以為係啲冇咁靚又肥既牛肉，但上到枱個質素好好，而且有比較特別既食物可以揀，例如油炸鬼，浸一浸先食又幾過隱。2個鐘飲飲任食都係$178一位真係好抵…Read More

至尊雲吞麵雞煲最近去咗荃灣一間專門食雞煲放題嘅餐廳！一開頭就想一大煲雞，食唔飽仲可以任加雞件，性價比高得不得了！雞煲雞煲真係非常之香口，湯底味道剛剛好，唔會太鹹又唔會太辣，食落去一啖接一啖，根本停唔落手！而且雞肉質地滑嫩，真係好好味。豬潤再嚟就係豬潤，呢度嘅豬潤唔係度度都有得食，厚切而且新鮮，打邊爐一流，搭配雞煲啱啱好，味道吸收得好入味。打邊爐必備餐廳仲有打邊爐必備嘅響鈴、枝竹、豆卜、豆腐等等，全部都可以吸埋雞煲嘅味道，食落去勁惹味！#炸饅頭再講講炸饅頭，油炸鬼意外地非常出色，即叫即炸，外脆內軟，連我食飽咗都忍唔住想食多兩件，真係好好味！杞子菊花茶最後，佢哋自家製嘅杞子菊花茶非常養身，飲完之後覺得下火多咗，真係一個好嘅選擇。✨靜靜雞話你知餐廳而家新張優惠，全場9折呀！！😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💵💵💵——————————————————店舖資料📍 荃灣鱟地坊48–68祐建樓地下A號舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #foodlover #hkrestaurant #asianfood #hotpot #chinesefood…Read More

📍至尊雲吞麵雞煲 (荃灣)荃灣鱟地坊48–68祐建樓地下A號舖新界真係有好多好嘢食！ 雖然炎炎夏日，但係都仍然好想食雞煲同打邊爐🍲今次叫咗至尊惹味雞煲每位$178 ，揀咗BB辣💥雖然講話講就話係BB級😂🔥 其實佢都好有後勁食到我要係咁添加嘢飲🧃好在啲嘢飲都係放題式提供😏有羅漢果茶又有菜蜜又想食刺激嘅食物又係想幫自己行吓火🙊🔥🔥雞肉醃得好入味，我最鍾意就係佢有好多洋蔥🧅 、 蔥仲有芫荽嘅配料，令成煲雞煲更加惹味！我哋冇添雞，就用手機app落單，亦都要填紙仔加上你想要嘅材料，然後就加清湯底 變邊爐！當然有唔少得邊爐，一定會有嘅材料， 例如係響鈴餃子雲吞鯇魚雞肉🍗特別推介炸饅頭😌😌😌如果你想食內臟都可以叫㗎😆 例如係豬潤同雞子xd 想健康啲又得，有好多生菜同娃娃菜， 都有韓式嘅魚糕🍥😛❤️食到我大快朵頤😃😃估唔到熱辣辣食雞煲都好好味，👀加上餐廳嘅冷氣非常之大，你係唔會食到滴晒汗🤣至尊雲吞雞煲，果然係住喺新界嘅朋友嘅福利， 因為佢屯門、元朗、天水圍及荃灣都有分店！ #至尊雲吞雞煲#香港雞煲#港式料理#香港打邊爐#hkig#hkfoodie#hkfoodblogger …Read More

呢間位於荃灣小巷嘅雞煲店，唔算豪華，但勝在味道實在，性價比高。 **雞煲味道** 可以揀辣度，由「BB辣」到「特辣」都有。我試咗小辣，辣得來夠香，唔會得個「死辣」，花椒同香料嘅味道幾平衡。雞件份量足，肉質幾嫩，尤其係連皮嘅部位，煮耐少少都唔會韌。雞件啖啖肉，唔會只係骨。食完可以打邊爐，有五十幾款配菜揀，以呢個價錢嚟講，冇得挑剔。**招牌炸饅頭** 真心推薦！外脆內軟。**環境同服務** 鋪頭雖然唔算闊落，但乾淨企理。服務態度好，落單上菜都算快。晚市多人，建議早少少去或者預約。 總括來講，如果喺荃灣想食個惹味雞煲，呢間可以一試，尤其係鍾意麻辣風味嘅朋友。價錢合理，味道夠地道，唔會得個「打卡」樣。…Read More

晚上去咗至尊雞煲放題。餐牌選擇算多，有牛肉、豬肉、雞肉、墨魚丸、魚片、各種蔬菜同菇類，基本上想食咩都搵到。/落單劃完紙仔就交比店員都幾快手叫飲品就可以scan QR code落單/整體嚟講食材正常。鮮牛肉切得厚薄適中，入口唔會太韌。蔬菜方面，粟米、蓮藕、白蘿蔔都好甜，金菇都幾爽口。揀左滋補五指毛桃雞湯煲，雞煲湯底味道夠濃，唔會太鹹，啱晒打邊爐。/飲品有花茶、豆漿、奶茶，都夠解渴。/整體嚟講，地方乾淨，服務都ok。…Read More

為食花太郎 Fafafoodblog 至尊雲吞麵雞煲 🍴高質任食邊爐 叫個麻辣雞煲 中辣已經好惹味 雞肉彈牙入味 可以任加雞 食完雞肉跟住落豬骨湯打邊爐 任點野食好多 好似肥牛 滑牛 豚肉 各種菜 仲有豬潤 豬腸 等等 最好食係餃類 韭菜餃水餃 都係自家包好味 👍🏻#雲吞 #任食 #雞煲 #肥牛 #豬潤 #麻辣 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#至尊雲吞麵雞煲荃灣鱟地坊48–68祐建樓地下A號舖~~~~~~~~~#fafafoodblog #為食花太郎 #fafafoodblog荃灣====================…Read More

之前已經聽過呢一間雞煲超好味，咁啱附近經過就決定去試下係咪真係咁正，我哋叫咗至尊惹味雞煲 ，上到嚟個份量爆多，個份量似4人份量，但我哋得兩個人🤣仲要飲品任飲，無限加雞，又可以寫紙叫埋其他野食，胃口細少少都試唔到咁多野，而啲雞肉係好嫩滑，一啲都唔鞋口，重點係真係冇改錯名，個味道係超級惹味，食下食下本身以為食唔晒啲雞，點知都食得落跟住就加湯去打邊爐，不過可能因為前期俾我揀晒啲辣椒出嚟，所以加湯落去嗰陣就變咗個湯底冇咩味，下次都係亂咁嚟🤣🤣🤣🤣以咁嘅價錢食到晚市放題其實都已經買少見少，重要啲雞咁高質，下次真係要搵多啲朋友去encore …Read More

荃灣有間主打雞煲放題嘅小店，兩小時無限追加，可因應個人喜好選擇辣度，另有多款火鍋配料可以打邊爐。上下兩層，平日Full House，座位闊落，價格親民冇加一！雞煲即叫即整新鮮熱辣辣，有保溫模式唔怕變嚡，帶骨更滑，啖啖肉，唔食得辣嘅叫小辣都OK，辣度係慢慢醞釀出嚟嗰種，開胃惹味，令人忍唔住一啖接一啖。大力推介炸饅頭，外層炸至金黃酥脆，咬落軟熟，點埋煉奶超級好食，雖然好飽但都食咗十幾件，證明有料到🙂‍↔️ 想打邊爐嘅話店員會加湯，再加雞煲嘅話就會分開用大碟上，火鍋配料就正常發揮，已解凍先上，豬牛雞丸子蔬菜，冇海鮮，最深刻係芝士腸，致癌物質實好食😂 飲品方面反而有驚喜，新鮮豆漿解辣解油！…Read More

今日去到荃灣食雞煲＆火鍋任食， 我地夜晚去，有兩小時可以慢慢食，價錢不貴，可以選擇既火鍋配料也有不小，另外，野飲除左普通汽水外，估唔到會包埋一些凍飲（奶茶／咖啡之類）個晚市雞煲放題除左唔包收費小食及啤酒，其他都可以任叫，挺不錯的。一開始都係先食左個雞煲先，揀左小辣，食落香口惹味，但又唔會好辣👍食完加湯打邊爐，點到的火鍋配料都不錯，對得住個價錢。而最鍾意係佢個炸饅頭，即叫即整，點個煉奶無得輸。😋😊…Read More

至尊雲吞麵雞煲，同朋友食過一次好抵食，今次帶埋媽子食，連佢都好滿意。👉🏻招牌雞煲雞煲有可以揀辣度，媽子食辣有限公司就揀BB辣，其實都好夠味，洋蔥芫荽呢啲配料好香口，雞肉嫩滑多肉，仲可以無限加雞，非常抵食。食完雞就加湯打邊爐，肥牛、芝士竹輪、貢丸，全部都正正常常。👉🏻炸饅頭～即叫即炸熱辣辣，好大方比左好多煉奶，好飽都要食。👉🏻另一賣點係茶餐廳飲品放題，叫左好多杯凍香滑奶茶，自家製豆漿好濃味好正，超級解渴解熱氣。…Read More