今日屋企冇煮飯得我同媽咪兩個食媽咪話想食壽司於是就去咗板長壽司食。嗌左兩下筆記杯壽司兩下赤背壽司兩下八爪魚壽司一碗腐皮稻庭湯烏冬同埋三片三文魚刺身。北寄貝刺身一食落口就感覺到有啲沙不過因為我肚肚餓所以就冇黎到再食赤背壽司成夠食落肚oh no!實在太鯹啦，一疊話有沙就算啦，點知食第二碟又鯹，實在忍唔住要投訴佢。於是即刻嗌左經理過嚟驚你仲竟然話赤背本身係咁鯹，果下真係呆左。佢見我哋冇理佢就提議幫我地cancel左佢。其實個赤貝我食咗一舊，但唔食又點知佢鯹呢。個經理淨係幫我地取消左一客，再同佢解釋佢先死死地氣幫我地取消埋第二客。冇食一排迴轉壽司姐，點解連板長都變成咁。唉，真失望。八爪魚壽司一上到黎乾爭爭、唔新鮮，同埋八爪魚太長啦。諗住成件放入口食啦，長到我爭啲哽親，即刻用隻手攞返出嚟。好唔憤氣，黎到係想食壽司架嘛，點知碟碟壽司都勁咁令人失望。見到隔離枱個個都嗌三文魚咁滯，就諗，三文魚刺身一定有保證，見到有五片同三片揀，多啲同少啲啲價錢都冇話食多啲平啲，於是嗌左三片。三文魚刺身終於冇令我地失望正正常常，新鮮而且厚薄適中，有啲碎冰薦底保持三文魚新鮮嘅狀態，食落唔錯。稻庭湯烏冬其實都有幾多選擇有天婦羅牛肉豬肉雞肉都有但係我同媽咪都想食腐皮，於是嗌左腐皮稻庭湯烏冬。腐皮共有三塊，呈三角形狀，少少甜，食落煙韌，幾有口感。仲有啲蘿蔔，啲蘿蔔只係暖，唔夠熱，應該係本身烚熟咗再放入去。本身以為係圓形嘅烏冬，點知原來稻庭烏冬係扁身嘅，真係大開眼界！不過係幾好食嘅，好滑，軟硬適中。同媽咪約定左下次去第二間好食啲嘅壽司店再食過！…Read More
等位等左大約五分鐘，店員問我地坐板長果邊既迴轉檯得唔得，我地當然無問題啦，所以只等左幾分鐘就有位嚕！點左幾款壽司，油甘魚（加海鹽）、芥辣八爪魚、蟹籽、三文魚，鰻魚。。。等等！我個人覺得最好食既係油甘魚同三文魚，肉質鮮甜亦嫩滑，油甘魚加左少少海鹽調出甜味，不錯之配搭！其他款式就比較普通，正常味道！老公點左個豚肉拉麵，雖然上檯時發現賣相無本menu上咁吸引，而老公話拉麵味道正常，豚肉不錯👍都食得過喎！寶貝仔點左個麵豉湯，普通味道，無咩特別，另外點左一個牛肉鍋（掛住食唔記得影相
），材料豐富，味道也不錯，牛肉肉質及味道讚
總結黎講，咁平既價錢，質素中等，食得過既
