FAT DADDY (Sugar Street)

說來慚愧，去過台灣無數次，竟然未食過《胖老爹》，經過銅鑼灣見到，估唔到開响一個唔太起眼嘅位置。佢嘅餐唔係太多選擇，所以我哋寧可散嗌。我哋揀咗三樣嘢，有「胖雞丁」、「台灣直送甜不辣」同「波霸花枝丸」，全部都係即叫即炸，所以等候需時。「胖雞丁」炸得唔錯，能做到外脆內軟，雞肉冇冷藏嘅臭味，而且醃得好入味，咸香味剛好，而且份量都唔少，送啤酒一流。「台灣直送甜不辣」同樣做到外脆，內帶甜不辣應有的煙靭口感，內帶清甜嘅魚香味，冇丁點腥味。雖然同雞丁嘅味道接近，但完全係兩種唔同嘅口感同美味。「波霸花枝丸」有四粒，外皮脆卜卜，內裡Q彈有口感，而且有軟滑嘅花枝粒，食落十分爽口，咸香味令到花枝丸嘅味道更加豐富。價錢佢唔算話貴，食到咁優質嘅炸物，我覺得係值得。…Read More

外賣自取後，雖然相隔超過半小時才食用，但皮脆而且不太濃味或鹹，雞肉嫩滑、有腌過，食嘅時候有肉汁，係十分有水準嘅邪惡食物，叫咗招牌雞腿、雞全翼同埋無骨雞腿排，包裝冇漏油，亦冇焗到啲食物淋咗，仲穩妥實淨。如果雞扒隔多陣油再入袋，我畀滿分。…Read More

喂，呢間舖頭真係癲㗎——**冰鮮雞即場落油鑊，等足20至30分鐘**⏳ 但一上枱就知值回票價！拎上手**燙手到咁**，脆皮「咔嚓」一聲裂開，**肉汁居然多到滴落枱**！💦 咬落去啲雞肉**嫩過BB仔塊面**，明明係雞胸都滑溜溜，雞髀位仲離譜，**連骨縫都滲出雞湯精華**，完全冇雪藏味！ 問過師傅秘訣，原來**冰鮮雞比雪雞肉質更彈**，佢哋仲要**每日換新油**，炸粉薄到似層金紗，脆得嚟唔油膩。即叫即炸雖然耐，但睇住廚房**計時器叮叮叮**，阿姐夾起成隻**金黃流星鎚**咁嘅炸雞，等嘅時間都變埋享受～ 配埋杯**冰凍酸辣青檸梳打**，酸爽劈走油感，一個人KO半隻都唔滯！**熱辣脆皮×爆炸肉汁×嫩肉三連擊**，食完即刻明點解人龍長過彌敦道——**呢啲先叫真正炸雞啊！** 🍗💥…Read More

今日試了一下這間台灣過江龍胖老爹美式炸雞，點了一份無骨雞腿排。雞腿排肉質不錯好有肉汁，不是番炸的，但是炸粉同調味都一般。辣椒粉是獨立包裝的，呢點我覺得幾好。價錢唔算貴，雞排都好厚。…Read More

聽講呢間炸雞係由台灣開過嚟嘅過江龍我無響台灣食過第一次幫襯就係呢一間佢即叫即炸一般要等15分鐘左右但係真係值得等新鮮炸起，有肉汁但最重要係，食完唔會覺得好油膩如果你都鍾意食炸雞你應該會好唔滿足於麥當勞、KFC、豪大大等呢一類快餐店嘅質素以前無得揀，迫住你硬食但依家呢一間一定係銅鑼灣首選唔敢講話係全銅鑼灣最好食嘅炸雞但如果計埋價錢肯定係性價比最高（如果可以堂食，就未必係咁嘅價錢😅）（掛住食唔記得影相）…Read More