Yuk Wah Restaurant (Closed)

舊舖時已開始幫襯呢間食店，反而佢哋搬咗去新舖後，就一直未有機會試。今晚突然諗起呢間店，就決定走入去試試，睇吓同舊舖有冇分別。新舖裝修、環境同上一手店基本上一樣，分兩邊，一邊近廚房的座位較熱，新舖只有室內用餐，而原本用嚟放熱飲杯嘅碟變成晚上用餐的碟，菜式方面跟以前差不多，有椒鹽鮮魷、小炒皇、薯仔牛柳粒等⋯味道方面係可以，但比較偏鹽，份量亦適中，不過轉咗新舖好似無咗舊舖個種風格，而味道亦有分別，依家除咗酒樓，區內已經少咗好多大牌檔炒菜食嘢嘅地方。…Read More

近排喜歡去育華菜館食早餐，貪佢座位夠寬敞，可以舒舒服服嘆杯奶茶😌今次點了叉燒通粉，餐肉煎熟蛋配丹麥多士同埋奶茶☕️🍲先講吓叉燒通粉，通粉唔會太軟爛，叉燒大部份肥瘦適中（少量有偏瘦情況），以茶餐廳水準而言算OK；🍳餐肉煎熟蛋正常發揮，唔會太油膩；🍞丹麥多士唔使加錢👍🏻，口感外脆內軟，唔會太乾，幾抵食；☕️最後就係奶茶，有茶香，茶奶比例balanced, 幾醒神個人認為餐廳環境同食物質素+份量對得住$38呢個價錢，希望佢哋繼續努力保持質素，街坊會繼續支持💪🏻…Read More

過於期待換來失望….因為你老字號先黎有圖有真相味道更加無得呃 俾d正常味道都好😕老實講寧願去茶記 ！一個字唔多得 ！到底點解會變到咁 唔係好食變到唔好食？啫啫雞煲油浸甘款 豬潤又細到…呢個喺出面食茶餐廳都穩陣過佢 我有懷疑過個廚師係咪後生仔定係轉左手🙄唔ok想食個蒜蓉開邊蒸蝦都冇 游水蝦沒有！！咁就叫個蜆介鯪魚球 真係唔知係嗰碟大定係個鯪魚球整得夠細粒 真係唔OK 唔係講笑西蘭花鮮魷第一時間落單唔問唔追唔出餐 甘樣好嗎？可一 不可再下次 不了😕…Read More

20230115星期日--育華菜館地址位於: 粉嶺聯和墟聯興街27-29號地舖:)育華原址位於聯安街，停業有一段時間，在聯興街重開，裝潢大致用上上一手茶餐廳的設計，有四人卡位和圓桌，當天約五時多到達，餐廳已坐滿大半客人，有些桌子放有訂位牌子，想不到育華有不少街坊捧場客:)因差不多客滿，沒卡位選擇，被安排坐在近洗手間門口的圓桌。點餐特式沙拉豬扒($88)用上茶餐方型小碟，豬扒量不少，肉質尚算軟腍，個人覺得沙律醬太多，沾滿整件豬扒的做法不對胃口，令豬扒變冷，味道也有不中不西的感覺。黑椒肥牛鵝腸煲($98)煲仔算是迷你型大小，煲仔上菜熱騰騰，肥牛配上鵝腸，感覺一煲有兩款食物選擇，鵝腸爽脆份量足，肥牛不會太多脂肪，肉質嫩滑但牛味不太濃，配料洋蔥有甜味，黑椒汁辣中有帶甜，味道不錯。白飯一碗米飯一粒粒，軟硬度適中等上桌時見鄰桌很多客人吃乳鴿，($7X)大大隻乳鴿賣相好像不錯，但亦有聽到客人投訴百多元一碟炒蝦仁，份量太少:)埋單: $186+另加白飯好像$12，不收加一、茶芥菜館雖不設加一茶芥，但眼看鄰桌有些小菜份量很少，小菜價位接近百元，附近的茶餐廳，$88已是套餐價，有例湯，有飲品包白飯，鑊氣味道又唔算非常出色，茶餐廳格局感覺有點偏貴。沙拉豬扒不對胃口，有點扣分性價比不算高，街坊來說，是次未有吸引我再到訪的亮點新店開張，一試無妨。…Read More

上星期新開張，因為個名太出位，好多人都講，今日經過附近，所以去打個卡先🫣見FB好多人都食沙嗲牛麵，賣相都唔錯，所以一心都係食嗲牛麵～老公就食豬扒麵～入面空間都幾大闊落，同埋比例都多侍應，年齡都好後生下⋯野食都快到～餐具都幾靚丹麥多士比較特別，終於唔係平時個d餐包～我鍾意搽牛油加糖食～但佢本身都重牛油味，所以只加糖都夠～嗲牛淋身麵爽～朱古力唔會過甜～腸仔唔似食開既廚師腸🧐無咁咸幾好～老公只話佢個份幾好食😂2個加埋都係$80，性價比都幾ok但暫時只收現金～下次會再來👍🏼…Read More