Kentucky Fried Chicken

好耐無食家鄉雞，今天好想食就去食啦，點知叫了個一人餐有2件炸雞的，我明白物價貴、租金貴，但都不應細件到比膠匙大一點，兩啖就食完，真是太細件了。我明白成本的問題，但都應該有一件是正常size 卦！…Read More

應該有五六年無食過KFC，今次因爲的神，同埋松露醬吸引左我，要食一次。果日放工得自己一個去食飯，所以順便去試下KFC嘅新餐。結果叫左set A2，有雞有飯有葡撻有汽水，勁豐富～無錯～獨食係要豐富啲～！先試個雞，點下個醬，嗯... 一舊舊咁，而個味我個人都覺得麻麻地，不過都可接受，個雞就唔錯，無醬其實都ok，因為夠炸夠熱氣😂。之後試下個飯，簡單唔知點形容... 係飯糕黎，一pat pat，所以食左一大半，都係唔食。最後食個葡撻，係好味嘅，夠甜夠脆。總結，我都係唔適合食KFC，下次要再食，都係得雞同葡撻啱我。😂😂🤦🏼‍♀️…Read More

如題，KFC既下午茶貴左又份量少左，但總比沒有好，以前一開始好似$21，不經不覺$23啦，但份量反而縮晒水，哎，好過冇啦，相比其他快餐店，都算係醫肚之選。拿，睇圖都知呢個S1餐有幾細，勝在包野飲。KFC一向D奶茶都係不錯的，茶奶比例岩我口味，茶味比較重，亦不需加糖都好飲。飯就明顯好細，醬汁又少。雞更加瘦小，冇乜肉，係個葡tart叫有水準，香脆内滑。總體黎講，等餐太耐，夠人但D人手腳超慢，食物就OK la,食得過。希望唔好再加價！…Read More

今日手機收到通知，有呢個65蚊2人餐優惠，仲有新味雞想試新野同埋都幾低除翻開每人都係比30幾蚊包2個飯，（大）蘑菇飯同雞皇飯各1 不過就冇得轉2個 蘑菇飯。好彩我朋友都鐘意食雞皇飯，而我就當然食蘑菇飯。 而雞方面就包2件櫻花味脆雞同埋2件家鄉雞，可選辣味！但就唔可以轉雞嘅部位。仲有2杯中汽水！可以過都幾化算。點解會有呢個優惠呢？係因為我係佢地會員！其實呢個份量真係幾夠！今次會講下櫻花味脆雞大家都睇到佢個紙都有櫻花圖案粉紅色都幾靚搞到好期待試個雞，但一食個雞就覺得微伏:(因爲個味有點奇怪一開始就甜甜地之後又變咸，唔係好知道想點，又唔會話難食，但又唔會話好味！ 另外想講一件事，坐坐下竟然有疑似內地嘅人黎騙錢，因為佢拎住d 鎖鑰扣放係我枱面冇出聲，仲放咗張卡放係旁邊寫住每個30蚊 ，但佢又唔係殘疾人士。所以都有d驚，所以大家係果頭小心d 🙊可能會係果頭嘅食肆出沒！…Read More

好天氣，行山日行山之前梗係要打定底先喇食飽飽先運動是常識吧依家間間早餐都廿幾三十蚊難得有優惠券又想食通粉決定食kfc十幾蚊就有交易仲想點芝心火腿脆卷食落卜卜脆又唔錯bo…Read More

五月廿三日，下午三點半黎食。諗住試下個新雞，牛油雞。兩個人食，叫左普通的家鄉雞餐，同牛油雞餐。睇相都望到，又乾又柴皮咁，勁失望。薯格係勁乾又硬咁，未試過咁難食。家鄉雞唔入味，好乾好鞋。牛油雞仲大鑊，雖然係幾香，但食落既味道好古怪，類似係牛油同香草味，但成個味係怪既，唔match，好難食。…Read More

自從星星劇帶起左韓式炸雞, 都唔知幾耐無食過肯德基, 有日睇報紙見指定日期可以用20蚊買2盒大蘑菇飯, 非常抵, 所以今晚上完堂就響附近買返屋企食.呢間KFC落order收錢響1個位, 拎野食就另1個位, 買完睇單等號碼. 當晚都幾多人, 我睇號碼都有10個8個之後, 但等左一陣顯示板跳到我個號碼, 咁我以為剩係兩盒飯所以叫快左, 所以就上前諗住拎, 但店員無理我亦無望我, 自顧自地邊傾偈邊執野食, 有種無視客人既感覺, 我拎住張飛無野拎, 但顯示板又話可以拎, 咁我唯有企過少少繼續等. 一路等前面既10個8個拎晒, 原來我果兩盒飯先輪到, 係店員叫出黎既號碼先為準, 顯示板既資訊係錯既. 返到屋企打開個飯, 凍左少少, 一入口蘑菇汁依然係果個味道, 蘑菇味好香, 汁身杰杰地撈飯食一流, 少少黑椒辣, 夠醒胃. 可能凍左少少, 所以白飯有D硬, 但以10蚊黎講算唔錯.比佢喊面因為0靚妹店員無視客人, 佢好似個機械人剩係執野食同叫號碼, 今時今日咁既服務態度係唔得囉.…Read More

女朋友去左旅行，又係時候男人的浪漫，約咗幾個老死係吹水，是但搵間嘢食咁就入咗KFC。平平哋經濟又實惠一餐，家鄉雞皇飯覺得唔太夠汁，明明就叫咗加汁！味道都不錯，係啲飯比較硬身。我薯蓉都冇乜特別，好似開出來咁樣，味道甜甜地啦！呢間整得啲雞唔錯，無論雞鎚定雞胸啲肉都好滑，外面都炸得幾脆。…Read More

When I first heard of the Double Down, it was from a food blog in the US that discusses really weird food that is simply unbelievable. This is a hot dog that has not bun but two pieces of fried chicken. Yes, a weiner warpped in a piece of fried chicken.For some odd reason, disgusting as it sounded ... I was intrigued.When KFC HK announced that they were bringing this insane beast across the ocean, there was only one thing my North American friends could think of. We got to go. And yes, we seriously messaged this "It's HERE! DOUBLE DOWN!"I was with boyfriend and a couple of other male friends who were in Tsuen Wan as they prepared to go for a hike. As it was so hot outside, I opted to skip this hike and met them for lunch before they headed out. What were we to eat? One thing came to our mouths. DOUBLE DOWN! And we headed to the nearest KFC.The double down here is diffferent than the one in the US. Instead of a weiner, Hong Kong serves theirs with bacon and a slice of processed cheese and what appeas to be mayo? As we bit into it, we all agreed. It's not as bad as we expected. But it could be better. Where was the weiner? And why the mayo? What is with the addition of mayo? The chicken wasn't the crispy kind, too. It could have been better. But it was not disgusting.The double down came with a set that included tortilla crisps and cheese sauce. These were really bad. The chips were chewy and definitely cold. At least the cheese sauce was ok as processed cheese is.Over all, ok. Could have been better. Wish it was exactly like the one in the US.…Read More

今天心情差到接近谷底, 完全沒有胃口,直至5點多才感覺肚餓要吃飯，行經KFC被佢地嘅炸雞味吸引左, 專家話一個人心情唔好嘅時候會特別想食多些肉類, 原來係真嘅, 因為我一向不是吃很多肉類.叫左兩件雞套餐，磨菇飯，熱朱古力職員一開始比左雞亦和雞腿各一，由於我想吃多些肉, 所以我退回雞亦, 要求職員換隻雞胸比我.其實我一向都唔食雞皮，因為好唔健康，不過其實KFC嘅雞皮係佢地嘅精髓，試問沒有香嘖嘖嘅炸雞味點會吸引到我光顧? 所以我一口氣食哂成隻雞連雞皮，雞皮好脆, 好香, 一口一口咁食真的很快樂, 感覺很滿足，之後食埋個磨菇飯，雖然磨菇飯比較淡味左少少，不過仍然感覺大滿足, 亦是我一整天感覺壓力終於得到釋放的時候.其實, 偶然食下熱氣食物去平衡一下緊張情緒都係唔錯嘅選擇，不過, 回到家後有點後悔, 因為吃下所有雞皮, 代價就係今個星期要跑番最少3公里. …Read More

是日下午茶想食kfc既芝味寶盒加脆薯手指套餐,入到去kfc,勁多人,淨係排隊都排咗好耐,不過又想食,唯有等!芝味寶盒>>好多芝士,脆雞塊好易咬開,夠味,好食脆薯手指>>有薯味不過好硬,一d都唔脆口!…Read More

2:35pm到~tea time少人少人!家鄉雞皇飯+薯茸+7up 25.8元d飯都幾多汁,雞,紅蘿蔔,青豆都分配得幾平均~飯唔算好硬,但薯茸真係幾細杯呀,磨菇汁都入味的~食落口唔算咁特別,,幾滑~不過食落去, ((1pai pai))的feeling...7up真係幾大杯,幾鐘意KFC飲汽水的杯,係透明膠杯~相比起M記,又環保又美觀呀不過d冰太大粒..後悔無叫走冰tim環境都不錯呀,claean!!…Read More

KFC---Mega Original~w/ Savoury BBQ Sauce (原味雞堡~配惹味BBQ醬)日期：2009-10-08 在"KFC"(荃灣南豐中心分店)買了新推出的"Mega Original(原味雞堡)~配Savoury BBQ Sauce(惹味BBQ醬)"($17.8)。用焗爐以200C翻熱3分鐘。原味雞堡~配惹味BBQ醬------芝麻漢堡麵包夾著原味炸雞腿肉、煙肉、厚蕃茄片、生菜和雞蛋沙律，配上燒烤醬。原味炸雞肉質軟腍，不過有點乾嚡。煙肉帶點嚼頭，味道鹹香。燒烤醬濃郁惹味，略鹹了點。…Read More

呢日放左學黎到荃灣，就黎呢度食午餐啦。呢度都唔算太多人既，最小我都搵到位坐既。有coupon既關係，就食呢個幾多野食既餐。雞腿包呢個包幾足料既，有生菜、蕃茄仲有塊薯餅。而個雞腿就好似板燒雞腿包既味道，雞肉又唔鞋口。薯餅好脆口，又唔會太dry。粟米係幾甜既，不過就唔算太新鮮啦。好彩我可以加牛油搭救既。巴辣雞粒都算新鮮炸起，都算幾多雞粒。雞肉都幾鮮嫩又唔會鞋口。萄撻好耐無食過啦，好有蛋香味。都幾好味。不過我最鍾意既都係鬆餅，不過早餐打後無得食啦。:(紅豆冰紅豆都幾淋，奶水又唔算濃，算唔錯。Coupon都去到十月先過期，仲有下次既。…Read More

上次的炸壽司事件後 粉仔已經誓言旦旦的說不要去光顧KFC不過人就是這樣犯賤 喜歡不斷犯錯粉仔那天就又在神推鬼使下又走進了KFCPicture這次點的是厚燒雞腿包的至尊套餐-- 八層的厚燒腿雞包+100g薯格+2隻巴辣香雞翼印象中厚燒雞包好像不是第一次出的 不過之前粉仔一直沒有試 而且友人的評語也麻麻不過那天進到去就還是想試試看到八層的厚燒雞腿包是有兩層包+生菜+薯餅+蕃茄+沙津醬+蜜糖芥末醬+厚燒雞腿賣相來說是滿不錯 而且雞腿還真的滿原的 不錯呵^_^Picture不過其實所謂的八層還是有點取巧啦~ anyway吃下去的時候蜜糖芥末味很濃蕃茄很厚很juicy 可是薯餅是又乾又油 明顯是炸太久了吃一半粉仔索性把薯餅拿走而雞腿雖然夠厚 不過不夠juicy而且沒甚麼味道 所以這個包 還是令粉仔有點失望Picture不過薯格終於有點回復水準 至少不會乾 而且是熱騰騰的~但巴辣香雞翼 竟然質素也下降了 雞翼的肉超鹹的!!!!! 難吃得很..........唉~ 粉仔也不知說甚麼好了~ 因為雖然說不會再去可是不知哪天又心血來潮去KFC所以只能希望KFC的質素不要真的再差下去了! …Read More