Kentucky Fried Chicken

是我本人遙距apps購買給小朋友以及工人姐姐吃的，落order時忘記按餐具，小朋友前往櫃位跟當時的哥哥說，想購買餐具用八達通付錢，但哥哥跟他說要在最後的頁面撳餐具，小朋友不懂，哥哥不但沒有出來協助，小朋友跟他說了很久，亦得不到任何幫助，令到小朋友沒有餐具下用手套去吃飯，這個冷血的員工還可以企在KFC嗎？這是服務行業內應有的態度嗎？顧客沒有餐具食用，用錢購買都沒有得到協助，這又是正常的嗎？不想上班你不如唔好做…Read More

KFC食咗咁多年都係辣汁蘑菇飯同雞皇飯，今次終於有另一隻汁，就就係日式咖哩汁，配上原本嘅雞扒跟汽水，就變成日式咖哩雞扒捅飯餐，但價錢呢就貴過辣汁雞扒捅餐兩蚊。但係今次第一次試食，個咖哩汁都唔錯，以日式咖哩甜味為主，唔係東南亞式太多辛辣，所以都啱小朋友食，而且辣度相比辣蘑菇汁無咁辣，但唔知係咪塊換雞扒換咗，好似同以前有啲唔同，有D似大塊既麥樂雞，如果有其他foodie或者其他朋友食過，可以留言畀我，話畀我知係咪同以前唔同咗…Read More

突然炸雞引起，近近地去KFC食吧，順便試下新口味。晚飯時段都多人等拎餐，好彩自助落單機又唔多人排喎。⭐台式三星蔥脆雞滿足套餐試新口味台式三星蔥雞，炸雞還好係熱的，皮夠脆肉也嫩，但個新口味好似某牌子嘅即食麵味粉，哈哈，下次都係食返巴辣雞得啦。仲加咗錢由葡撻轉做珍珠葡撻，珍珠確實係有咬口嘅，但驚喜不大，下次都係食普通葡撻㗎喇。個餐仲有蘑菇飯同汽水，又真係幾飽肚嘅。⭐巴辣雞腿包滋味盒朋友叫咗雞包套餐，包括薯蓉、薯條、飲品同炸雞一件，價錢上就幾抵喇，不過味道強差人意。個雞包唔知係咪做左好耐賣唔出，入面塊炸雞炸到又乾又硬，連嗰兩塊漢堡包都係硬班班，咬落去嗰下真係懷疑人生。薯蓉味道正常但微溫，薯條都仲熱嘅，但係發覺佢唔記得咗畀包辣粉，返轉頭問佢拎態度當然就好有性格啦，包辣粉都唔辣，落同唔落分別不大。意外驚喜係杯凍咖啡幾好飲，汽水就正常啦。間中食下ok啦。…Read More

是咁的，KFC曾經推出過阿華田葡撻，之前食過係好食既，所以見到佢人氣回歸就買左幾隻返公司同同事下午茶。點知同事食上癮，連續幾日Lunch都去食KFC，我就順便試下伏咁囉。① 麻辣口水雞排桶飯餐 $29桶飯餐一向都幾抵食，呢個桶飯有一塊炸雞扒，粟米以及兩個醬汁。將甜豉油同口水醬淋落炸雞上其實無乜違和感，因為食開黃埔間KFC都覺得炸雞唔夠脆，唔夠嫩滑偏乾身，加左醬汁反而較易入口。加上呢個醬少少辣，都幾惹味，撈飯幾唔錯。② 阿華田脆脆葡撻 $13$58/6個或者買其他食品加$10，價錢好似都無變，貴過普通葡撻，但我覺得呢個阿華田撻正啲。除左面層鋪滿脆脆，咬落仲有流心阿華田醬！見到我同事每日都食3隻就知咩料啦！不過都有另一個同事鍾意原味葡撻。③ Fing Fing薯條 $5呢個快閃價已經無左，其實推出薯條之後就無左薯格，人地出左咁多年Shake Shake薯條，口味又多，呢款卡真粉又幾好味，微辣帶香，幾似熱浪薯片，而薯條偏粗身，口感唔錯。.不過我成日覺得KFC食物質素好睇分店，公司附近呢間真係麻麻，之前食過早餐連鬆餅都唔夠鬆軟，炸雞就真係次次都伏咁濟。…Read More

食早餐，正，9點多人，依間等得耐d 。 腸有腸味 可樂有可樂味 包有包味。日日黎其實寫kfc食評既人係咩心態😂😂😂😂 下次我會寫 m記/大家樂。 可樂好好飲😂😂😂…Read More