Kentucky Fried Chicken (Moved)

之前見到KFC出咗花生醬朱古力新地❤身為花生醬控嘅小編緊係要去食啦❤新地好大杯 花生味好香~食落係好濃好濃嘅花生醬味😆好似食緊花生醬😂😂朱古力反而係後勁先出😍兩樣野嘅交融真係好match！！推薦大家一試！❤…Read More

呢排見廣告推出個新嘅”薄餅雞”, 同事們都有興趣試下佢點食法, 今次我地又叫咗外賣喺公司度食.上網order要等1.5小時以上先送到公司, 所以要叫外賣真係要早少少落單, 送到過來要拿拿聲打開, 唔好再焗太耐就會林晒…今次主要試食廣告嘅”薄餅雞”, 一個細細個pizza 盒內由4件雞扒組成, 都收$98一份,說明白點都只不過4塊雞排炸好再加芝士, 粟米, 茄汁…等再去焗, 好似自己都可以DIY得到, 無乜嘢難度喎, 成本低, 無乜配料, 賺死佢囉….今次我地有叫香辣中翼, 及蜜糖全翼, 但送貨到來先講全線KFC 都無雞翼, 所以全部都改咗做炸雞, 但明明落order時有留電話架嘛, 做乜唔覆個電話俾我地, 問下我們仲想改乜嘢呢?  呢個服務方法就無某某比薩店做得好喇, 唔該去學下人啦….  而且佢話送咗相同份量嘅雞俾我地, 始終都唔同種類同size, 都最後都唔知有無蝕咗俾佢??…Read More

今朝起身特別肚餓，又醒起之前有張KFC早餐coupon,於是就打算去德福肯德基外賣個早餐反公司食。由地鐵站出來上一樓，就會見到，平時好少特登過去，今天一見到，嘩！超級多人，排到店出面。不過，員工都算快手，我唔使十分鐘就搞點份外賣。早餐唔想食咁肥同埋食肉，叫咗一份多士加一個鬆餅，連一杯檸茶。覺得鬆餅整得幾好，外面脆，入面軟。仲有香香的牛油味，好味道！不過多士就好似硬咗少少，不過優惠價只係$12.5元，呢個價超值啦！早餐-鬆餅＋多士…Read More

一大早出門去百萬行😬 都未得閒就早餐😩 係又攰又肚餓既情況下，又係差不多返到屋企既時候，我就建議不如去德福食KFC😆去左停車場仲咁岩有位，個位仲要勁近KFC，唔通連個天都知我好需要食物😆大家都知道KFC出名要排隊，無錯係間間都要排隊🌝見到有新野「XO醬炸雞」，幾港式既味道。味道偏甜，唔太辣，因為人多，所以件雞真係炸得剛剛好，肉質柔嫩多汁，因為試過喺其他分店食，但係九龍灣呢間一定唔會令人失望。就算炸薯格，葡撻都好好味，所有野熱辣辣，真係幾攰都唔記得啦😘…Read More

我在淘大影藝花了差不多四小時看完兩套電影，連本來要跟阿媽和細佬食晚飯都錯過了。惟有一個人在德褔食完自己的晚飯。德褔KFC晚上特別多人幫襯，有時人龍長得排出商場走廊。人龍伸展到商場走廊，除了因為排隊人數太多之外，店舖面積不夠大才是真正原因。晚上KFC人客眾多，不夠運的話隨時沒有座位可以坐，排隊等候之外還要同時東張西望，留意有沒有多餘座位。其實上次想介紹那款芝味濃脆雞，但最後還是忘記了，直到今日改試這款加大碼雞髀皇套餐，另加$7換購巴辣雞粒連紫菜shake shake粉。雞髀皇拿上手無疑真的很大件頭很巨型，不過雞髀沒有特別用調味料醃製，所以空有大件頭啖啖肉，雞肉卻沒有特別滋味的味道可言。這樣的雞髀皇套餐，跟在KFC吃一般家鄉雞套餐沒有分別。如果不是有辣汁蘑菇飯跟餐的話，這個雞髀皇是頗為令人失望。跟餐追加的巴辣雞粒反而比雞髀皇更入味，因為巴辣雞粒還有調味粉，雞髀皇卻沒有。最後建議KFC下次推出雞髀皇套餐可以追加附送調味粉或醬汁，或者在醃料下點新意或工夫補救。…Read More

自從轉左工作地點，就好少食KFC了，唔方便，又唔係特別鍾意食炸雞。是晚又要OT，買個外賣返公司食吧，食了幾星期的老麥同七仔，真係有啲悶，行遠啲買個蘑菇飯食下。買了新出的芝士脆香雞餐，兩件雞，一個葡撻，一個大飯，連飲品$39.9，轉了熱朱古力加$3，價錢算合理啦。要了蘑菇飯，飯好軟綿，多醬汁，少少黑椒味好好味。雞脆嫩滑，幾正，芝士味都算重，雖然只係加左好多芝士粉係面。葡撻熱辣辣，甜甜地，OK啦。…Read More

230左右有tea set勁多人。排。我就用網上優惠，70蚊2人餐雞4件，可能小人食都唔算太油膩，皮都幾香口。仲有2個細飯，白汁雞一向最愛，有雞肉，青豆同紅蘿蔔，但飯比較濕影響了口感仲有細薯蓉同埋炸雞粒，但雞粒太厚粉唔好食，忘了拍照。人手不足排了大半小時…Read More

lunch諗唔到食乜，見報紙介紹西西里脆雞新口味，所以就去試吓。先介紹呢個1人餐，包2件雞(1雞下脾+1雞胸)，1個磨菇飯，1件葡撻，1杯汽水。今次啲雞好香脆新鮮，炸出嚟係勁辣手，第一次食kfc食到咁熱嘅雞。佢話係西西里風味，即係雞皮多咗羅勒香去炸，都算可口，其實個重點係個蕃茄醬，但真係好hea，就咁俾一包你，正路都應該搵個碗仔裝起喇。隻醬都算辣辣地，總結而言，呢隻新口味麻麻哋，只有6分。同原味雞比會揀返原味雞。另外要批評呢間kfc排隊花時間勁長，足足等左15分鐘，餐廳環境都好差，位置好窄，員工想抹台都唔得，有人食野唔小心掃左落地下又掃唔到，搞到好污糟咁。…Read More

我是一個早餐人，無論多忙碌也一定要吃早餐，以快餐連鎖店來說，我認為KFC的水準是很不錯．平時會吃健康的蕃茄通粉的，但是今天有點餓，就來個豐富的雞扒吧早餐．炒強非常嫩滑，不會過老而且也不會太多油．炸雞是這裡的強項，肉嫩而入味，加上鬆化的及充滿牛油香的鬆餅，美味！…Read More

附近最新開左間肯德基，心郁郁就去左食早餐，喊左個熱香餅餐，飲熱咖啡一食之下，真係好失望，因為個熱香餅既質素同麥當勞爭太遠，完全冇後者個種香甜，綿滑，鬆軟，SIZE都爭啲，冇辦法，要食熱香餅都係去麥當勞好過熱咖啡就好過麥當勞既，因為肯德基既熱咖啡質素一直都比麥當勞好。不過好過麥當勞都唔係咩值得誇耀既事，因為麥當勞既普通咖啡真係.....難飲到死…Read More

今日想去看電影但電影離開場還有時間但肚子十分肚餓不過時間又不足夠去吃一頓午飯所以我到了肯德基吃少少小食本想吃三件裝巴辣香雞翼但是又怕要吐骨當我猶豫不決的時候店員介紹了這一款推出了一段時間的無骨雞塊我起初以為她是像麥當勞的大塊裝麥樂雞但原來他是炸雞扒十分適合我這些懶人無骨雞塊脆皮不會吃得一口粉，雞肉勁 Juicy又嫩滑，就連雞胸位都唔嚡，火候炸得剛剛好雞塊外層炸得鬆脆，內裡雞肉卻仍能保持嫩滑多汁，香口惹味而且夠熱夠脆 正下次開場前亦可以再叫…Read More

好似有成年幾兩年無去過KFC食野, 每次都係公司有party嗌外賣返黎! 星期五周圍都咁多人, 又唔想食咁飽, 所以最後選擇左黎食KFC。對於唔係好食得辣既我黎講, 狂野香燒雞係我必食之選, 再配埋個薯蓉, 唔會太飽得黎亦滿足到口腹。 香燒雞兩件雞都有點兒細隻, 好似比外賣的仲細, 唔知係咪間間鋪唔同size定我太耐無食? 雞唔算太熱但燒到皮脆肉滑既, 舊雞胸亦都唔''鞋''。薯蓉黎講都係依舊咁滑, 但每次食都覺得佢好咸, 唔知有無人同我味覺一樣? 可樂既話真係無乜氣同好甜, 始終都係可口可樂最好飲!總括黎講, 當你dinner周圍都無位食飯既時候, 食一食KFC都係個唔錯既選擇。價錢唔貴又易有位, 但我就建議佢出多啲款式啦, 如果唔係遲早俾麥當勞食埋佢個market!…Read More

KFC is the world’s biggest chicken restaurant chain and it has been popular for a while. Although there were long queues, I still wanted to eat. The restaurant has an old man for its logo and it’s décor is very red.When I was there , I waited in the long queues. After that, I saw the board where the menu was written along with photos of the food. It looked delicious, but I think it wasn’t reasonably priced. I was dying of hunger, so I couldn’t wait to start my meal.First, I tried the “Mushroom Rice”($14). It is popular and looked appetizing. When I ate the first little spoonful, it was really tasty.Next, I ordered the BBQ Honey Wings($16). The dish was yummy, but sometimes I found that there were some chicken feathers in the chicken wing! The hygiene was awful, this left me a little disappointed.Although it wasn’t reasonably priced and had long queues, I think KFC was worth a try. This place seems good for you if you want a quick meal, but if you are in hurry, I think it wouldn’t be suitable for you , I would go somewhere else.…Read More

二月二十一日 (星期五)剛看完「古文明救兵」，劇情雖不算有趣，卻是挺有意義的路過KFC，雖已吃過晚飯，但又想起其新出的西檸甜脆雞，忍不住要買一個套餐作宵夜一個套餐，$37.9，雞件兩隻,雞皇飯,葡撻和汽水，看牌面，挺不錯雞件，與西檸汁是分開上的，還看到檸檬皮將醬倒上雞件，不太酸，不過倒有點微微苦澀，更談不上什麼甜...熱辣辣的炸雞，雞皮香脆,雞肉嫩滑少油以雞本身來說，今回的水準挺不錯大碗裝的雞皇飯，敗筆在於飯未煮熟，吃落硬崩崩的，失望葡撻看上去不太吸引，不過味道挺也不錯聯同最近試過的黃金雞，還是覺得原味的好~…Read More

薯格大件既...叫完之後得4塊咁大把..仲要林哂,係我叫完佢地換之後,佢地先肯再換比我,數量多左,但依然都係好林好難食,放到已經出哂油,不過我都唔好意思再叫佢地換,唯一不變既就係雞..D雞全世界味道都好似差唔多咁,可惜我依個人係為左食KFC其他野多於件雞本身...有咩食相信都唔洗多講吧…Read More